غموض المرأة يزيدها قوة وجاذبية

[صقر قريش]

اقتباس

واحدة بواحدة يا حلو ... فااااااااااااكر

ودي حاجه تتنسي .. ولم الدور وبلاش فضايح

اقتباس

ذلك لان هناك اثنتان لا تستطيع الاستغناء عنهما : ... الأكل والمرأة ، مع الفارق الشاسع طبعا .

مختلفناش بس مهما عملت مش هتقدر تخليهم يبطلوا صراخ ( المرأة والمعده ) حجتك ضعيفة ...

اقتباس

فأما عن كيد النساء فهذه حقيقة موجودة وملموسة ، وهو كيد عظيم أيضا : فقد قال الله تعالى في سورة يوسف : "إن كيدهن عظيم" ... بينما قال في سورة النساء عن كيد الشيطان : "إن كيد الشيطان كان ضعيفا

اهو قلت حاجه انا ؟؟

اقتباس

شكلي هنطرد من الحزب
وانت يا عمر هتنطرد من المنتدى كله لانك واقع في اتنين مشرفين أقسام ، وواحد مشرف عام ... يا قلبي لا تحزن .

صدقني يا خالد الحزب ده ملوش أمان اسمع كلامي وقدم اعتذار من الحزب الي انت فيه وتعال معايا على الجبهة ... ملووووووووش امان الحزب ده والأيام هتثبتلك .... بكرة يتجوزوا كلهم ويقعدوا في البيوت ويحكمهم ( سي السيد ) ومش هيبقى في انتر نت ولا اتباع وهيبقى وشي في وشك ... وهتطلع انت بسواد الوش معايا

يالله كده فكر في الكلمتين دول وباب حزب الرجل مفتوح في وقت

اقتباس

انا شايف إنك تستسلم . وبلاش تخبط في الحلل ... ولما حزب المرأة يقولك "بخ" يبقى تبخ وانت ساكت

سيذكرني حزبي اذا جد جدهم .... وفي الليلة الظلماء يفتقد البدر .

فكر وقلي ...

[خالد بن الوليد]

اقتباس

مختلفناش بس مهما عملت مش هتقدر تخليهم يبطلوا صراخ ( المرأة والمعده )

لو المرأة أساسا تحب الصراخ فلن تستطيع إيقافها ... تماما إذا كان الرجل يحب الصراخ فلن تستطيع المراة إيقافه ... وتكون الفاجعة إذا كان الرجل معتدي أيضا فلن تستطيع المرأة لا إيقاف صراخه ولا ضربه لها ولا ظلمه لها ...

المهم حسن الاختيار ... من الطرفين .

إذن حجتك باطلة وضعيفة وواهية لأنها تمس الرجل كما تمس المرأة ... فلا تظلم المرأة رجاءاً رجاءاً رجاءاً.

(قلتلك لم الدور وبطل تخبيط في الحلل انت مابتسمعش الكلام)

اقتباس

اهو قلت حاجه انا ؟؟

إنت ما صدقت ؟

كل آية بتتكلم عن حالة معينة يا حبيبي ... ولا يصح تعميم كل واحدة واتخاذها قاعدة عامة . أنا بس ذكرت الآيتين معاً علشان أجر رجلك واوقعك وأكشف ظلمك للمرأة .. ياااااااااااااه يا عمر أد إيه انت ظالم للمرأة .

اقتباس

صدقني يا خالد الحزب ده ملوش أمان اسمع كلامي وقدم اعتذار من الحزب الي انت فيه وتعال معايا على الجبهة ... ملووووووووش امان الحزب ده والأيام هتثبتلك

لا يا عم .. انا كده كويس ... أنا ببص لبعيد ... انا دلوقتي مع حزب المشرفين ... يعني موقفي أقوى ... وعلى رأي المثل "اللي له ظهر ما ينضربش على بطنه" ، تطلع ايه انت بأه يا عم الحاج ؟ إنت حتة عضو لا روحت ولا جيت ... ابقى خلي حزب الرجالة ينفعك ... ده انت المفروض تحمد ربنا وتبوس ايدك وش وظهر إنهم سايبينك تعمل حزب للرجالة أصلا ... دي قمة الديمقراطية .