السلام عليكم
إخوانى فى الله أنا بشعر بالأسف على طريقة التحدث معى اللى مش لاقيلها أى سبب واضح
أنا بدعوا للإسلام لمدة عام و أقدر أخمن كويس إيه المقصود من التلميحات السخيفه
إحنا مسلمين صح؟ يبقى خلينا صادقين مع نفسنا
التلميحات دى تعنى إن أنا مش مسلمه صح؟ بس انت(أعنى خالد بن الوليد) مقدرتش تقولها بصراحه..ليه؟ أقولك ليه علشان إن بعض الظن إثم
إنت من أول رد ليك ليا مقولتليش أى حاجه مفيده ,أول كلماتك ليا كانت "كانت يظهر إن الأخت ضعيفه فى اللغه" و إنت إيه اللى تعرفه عنى علشان تظن الظن ده؟
حضرتك المفروض داعى ,و الدعوه من غير منهج سيدنا محمد مبتنفعش "بالحسنى" حتى لو كنت بتستخدم المنطق....."و إن كنت فظا غليظ القلب لإنفضوا من حولك"
أنا جيت هنا أسأل أسئله ومش عارفه إزاى ده يكون حاجه غريبه فى موقع هدفه الدعوه و رد الشبهات عن الإسلام,أنا متخيلتش إن ده يكون إسلوب التعامل معايا
و علشان نكون صادقين معا نفسنا أكتر :إذا كان ده حيكون إسلوب التعامل معى يبقى مش مهم أخذ أى إجابه من الموقع ده...بس طبعا فى ناس تانيه هنا ساعدونى كتير و اخص بالذكر الأخ حبيب عبد الملك و أنا مش ناكره فضلهم
جزاهم الله خيرا