السلام عليكم ورحمة الله وباركاته ..
اليكم الصورة الجديدة , وتعليقى بعدين
السلام عليكم ورحمة الله وباركاته ..
اليكم الصورة الجديدة , وتعليقى بعدين
آآآآآآآآآآآآآآآآآآآآآآآآآآآآآآآآآآآه
كده بقى هتخليني أتكلم كتير يا بهاء
يا اما نزرع ونكفي احتياجاتنا يا اما نبطل نمد ايدينا وتاخد معونات وبالتالي نبطل ناكل يعني نتكل ونخفف تعداد سكان العالم
دي مصيبة
ان الحل يكون مقصور على أخذ معونة والا نموت من الجوع
طيب ما هو كده احنا محتلين
هو فيه أبشع من الاحتلال الاقتصادي ؟
تعرفوا ليه؟ علشام تعرفواا ليه هسألكم سؤال : هو الاحتلال في أي بلد بيكون ايه هدفه؟
من غير ما اكون دارسه للموضوع وبالعقل كده طبعا لنهب خيرات هذه البلد وتعطيلها عن النمو ودفع عجلة انتاجها الى الوراء وطبعا ده بيضيع الطاقة البشرية اللي جواها وينتج عن ذلك البطاله ثم الفقر ثم انتشار الجرائم يعني البلد بتصاب بشلل وتدمر
طيب هل ده بيحصل بدون خسائر بالنسبة للمحتل؟
لا طبعا المقاومة وصد الاعتداء بيكبد المحتل خسائر ولذلك العدو الشاطر يعمل ايه؟
ينتهز فرصة انعدام الضمير لمسئول من المسئولين في مكان ما ويتسللوا لافشال كل الخطط للتنمية في هذا القطاع
وبالتالي تكون أيديهم داخل البلد اقتصاديا حيث يجعلوا هذه البلد بلد غير تنموية على الاطلاق وفي احتياج دائم لهم وطبعا ضيف على كده وان كان ده مش مجال لذكره الاحتلال الاعلامي والثقافي علشان بطاله + فقر + ادمان + اعلام هابط منحط وغياب للنازع الديني = مجرمين
يبقى الحل ان المساحات المهملة الكبيرة الموجودة في أي بلد تزرع بأيادي ابناء هذا البلد وده معناه تشغيل أيدي عامله فتقل البطاله
والانتاج منه ما سيوجه للانتاج الغذائي ومنه للانتاج الصناعي .....الخ
وصناعات أكتر يعني نشغيل أيدي عامله أكتر وتقل البطاله وتزيد العمله الصعبه عندنا علشان بدل ما ندفع نقبض ما هو أنا نسيت أقول لكم ان الانتاج المتميز هيصدر للخارج ويجيب عمله صعبه
شفتم بقى الحكاية عبارة عن حلقات متصلة ببعضها وكل حلقة توصل للي بعدها
أو ان المشكله عبارة عن عقدة كبيرة مكلكلعه ومكونة من عدة عقد اذا المشكلة الكبيرة اللي هي العقدة الكبيرة اتحلت باقي العقد هتتفك تلقائيا
ليا كلمتين أخيرتين:
أيام الحرب بين العراق وايران سمعت كلام عجبني قوي بيقول العراقيين ولا يهمهم علشان عندهم القدرة يزرعوا وياكلوا من اللي زرعوه وبالتالي مهما طالت الحرب هما صامدين
طبعا لأن من يملك خبزه يملك حريته
وحاجه كمان : دكتور اقتصاد في الجامعة أبان دراستي الجامعية قال لنا في احدى المحاضرات
تعرفوا ان الصومال دي اللي هي منكوبة وأهلها بتموت من الجوع اذا اتزرعت أراضيها العالية الجودة والخصوبة هتأكل كل العالم وهيفيض
وكلامه لم يكن كلام مبالغ فيه بل أثبته لينا بالأرقام
آسفه للاطاله عليكم و
:etoilever "ربنا آتنا في الدنيا حسنة وفي الآخرة حسنة وقنا عذاب النار" :etoilever
تعليقي على الصورة الاخيرة حي كون بصورة أخرى
المسلم حين تتكون لديه العقلية الاسلامية و النفسية الاسلامية يصبح مؤهلاً للجندية و القيادة في آن واحد ، جامعاً بين الرحمة و الشدة ، و الزهد و النعيم ، يفهم الحياة فهماً صحيحاً ، فيستولي على الحياة الدنيا بحقها و ينال الآخرة بالسعي لها. و لذا لا تغلب عليه صفة من صفات عباد الدنيا ، و لا ياخذه الهوس الديني و لا التقشف الهندي ، و هو حين يكون بطل جهاد يكون حليف محراب، و في الوقت الذي يكون فيه سرياً يكون متواضعاً. و يجمع بين الامارة و الفقه ، و بين التجارة و السياسة. و أسمى صفة من صفاته أنه عبد الله تعالى خالقه و بارئه. و لذلك تجده خاشعاً في صلاته ، معرضاً عن لغو القول ، مؤدياً لزكاته ، غاضاً لبصره ، حافظاً لأماناته ، و فياً بعهده ، منجزاً وعده ، مجاهداً في سبيل الله . هذا هو المسلم ، و هذا هو المؤمن ، و هذا هو الشخصية الاسلامية التي يكونها الاسلام و يجعل الانسان بها خير من بني الانسان.
تابعونا احبتي بالله في ملتقى أهل التأويل
http://www.attaweel.com/vb
ملاحظة : مشاركاتي تعبر فقط عن رأيي .فان اصبت فبتوفيق من الله , وان اخطات فمني و من الشيطان
ما شاء الله ما خلتوش لىّ حاجة اقولها
وايه الكلام الكبير اوووى ده ابنة الزهراء - 100%
اعتقد ربما يشير هذا الكاريكاتير الى تسلل نظام الأقساط الغير معهود الى مصر
اصبحت كل المحلات الآن علشان تساعد الناس تقدم لهم احتياجاتهم بالأفساط
( سلاح ذو حدين )
من الذى يستطيع ان يقدم امواله للناس ويستنى عليها لانه عارف انه ح ترجع له اضعاف مضاعفة
ومين الغلبان المحتاج وكمان عاوز يتمظهر .. المواطن الغلبان
الناس تضطر تروح تاخذ الحاجة بالأقساط لانها تسهل لهم الدفع ( اقساط ميسرة )
ولكن مفيش حاجة ببلاش - التسليف بالربا - اضعاف مضعفة- هذا ما حرمه الله
عرفتم الله ورسوله بيحاربونا ليه وغاضبين علينا - علشان انا أذنا بحرب من الله
كل حياتنا ربا - وكان المقال الذى ادرجه اخى شبكة ابن مريم بادرة طيبة فى مصرنا الحبيبة
لو كل واحد يعيش على قده كده - ويبطل " مظهرة " حتنحل مشاكل كثيرة
الناس لازم تتعود على الأدخار وتستغنى عن اللاضروريات
والقادر على التمويل بهذا المنظر الأجنبى الذى يبحث عن السوق الذى يعمل فيه
- المستعمر الذى ح يذلك فى النهاية .. ومفيش واحد ح يسلف ببلاش
الا اذا اقمنا بنوك الفقراء او الأجتماعية .. مثل تجربة بنوك الفقراء فى بنجلاديش (جرامين بنك )
واحيلكم على هذا الموضوع الرائع علشان الناس تعرف تشتغل وتعيش ولو بقليلها او تبدأ مشاريع وبرأس مال صغير - المهم ان نكون بلاد منتجة
http://www.islam-online.net/iol-arab...ya/economy.asp
ارجو منكم متابعة الموضوع بالرابط وقراءته جيدا
فمنه تتجلى افكاركم البديعة
هذه وجهة نظر أخرى
واحى المهتدى بالله على رده المفحم بالصورة 0(The double standard of the west )
ياريت يكون اهتمام الدول الغنية بمحاربة الفقر على نفس همتها وبنفس الزخم الذى تحارب به الأرهاب ولكنهم منافقين مرابين جشعين .
لأنه لو حاربت الفقر اصلا سينخض الأرهاب كمان ( جزء من الأرهاب دوافعه الفقر )
واحىّ بهاء بك على انتقاءه العبقرى - بس بلاش عمرو خالد فقط ! شوف اماكن اخرى أيضا
التعديل الأخير تم بواسطة نسيبة بنت كعب ; 24-07-2005 الساعة 04:47 AM
طبعا مع احترامى , لارائكم - وانا شخصيا اقدر مروركم .. فلم اكن اتوقع كل هذا المرور .
لكن دعونى اذكركم لماذا فتحنا هذه الصفحة :-
هناك كثير من المشاكل التى تجتاح عالمنا الاسلامى ,والانسانى ... رأينا انه يمكن ان نساهم فى التقليل فى حل المشاكل عن طريق علاجها .
لكن كثيرآ منا لا يحب ان يسمع ان احد سلوكياته -قد تكون خاطئة , والمصيبة انه احيانا بعتقد ان لها خلفية دينية .
ففكرنا , انه يمكن باسلوب السخرية ان نصل الى علاج المشكلة - بدون ان نجرح شعور الاخرين .. ولا نفقده الثقة فى نفسه !
فيطرح اى واحد مننا , الكاريكاتير .... ونحدد المشكلة , ونحاول ان نفق على اسبابها , واقتراحتنا لعلاجها .
مع احترامى لاراء , ولشخصيته التى تلقى منى كل الاحترام ...الا اننا جميعنا حدنا عن الهدف ! فتحولت الصفحة لطرح الاراء , بل والجدال بينا وبين بعضنا .
وهذا ليس هدف هذه الصفحة ..
فنرجو من الاخوة والاخوات , ان يتذكروا دائما الهدف - حتى لا يتفرغ الموضوع من محتواه !
وقد اكون مخطئا , فسامحنى احيانا يدفعنى الحماس الى الخطأ .
والله من وراء المقصد
التعديل الأخير تم بواسطة bahaa ; 24-07-2005 الساعة 11:42 PM
صحيح ما قلت يابهاء
وارى ان ماكتبت هو تعليق مناسب للموضوع
الناس اصبحوا يستهلكون ويقترضون ويشترون ما لا يريدون حقا
والحل الأقتصاد - والعيش على اد الحال او ان لا يكون الواحد
أقرع ونزهى - يعنى معهوش ومايلزمهوش ويروح يتسلف من البنك علشان يقلد الآخرين ولو يالضعف
هذا فى لب الموضوع والأقتراض للأستهلاك بالأقساط هى الآفه التى يجب ان نتعرض لها
وما قدمت ارى انها حلول
فياريت تقولنا رايك انت وتعليقك على الصورة- ننتظر .. عرفنا الطريقة لنتبع ما تراه مناسبا حقا
وتقصر علينا الطريق .. اعمل مثال الآن برد على هذه الصورة
يللا يا بهاء... بس هات لنا صور من اماكن متنوعة علشان نستفيد
عمرو خالد عارفين الصور به ومش كويس ننقل منه كده باستمرار
يمكن يعترض .
التعديل الأخير تم بواسطة نسيبة بنت كعب ; 24-07-2005 الساعة 11:30 PM
المصيبة ان فن الكاريكاتير اصلا , انه فن السخرية من الاوضاع القائمة .
ان ممكن أرفع لحضرتك عينة من الكاريكاتيرات الموجود على السيتات ... كلها سياسة !
ان لا احب ان انقل منه ,لان الناس كلها بتشوفه ..لكن ما باليد حيلة , واعمل على حل ان شاء الله
انت تقصدى " احمد رجب " ..
المهم , موضوعنا اليوم بيعتبر احد اهم الموضوعات او لدقة التحديات التى تواجه البلاد الاسلامية عمومآ والبشر خصوصآ .
وطبعا كما قال رئيس مصر " من لم يملك قوت يومه , لا يملك حرية قراره ".
لماذا لا يكفنينا زرعنا او غذائنا ,بالرغم من أن الارض الاسلامية بتتعبر من أغنى الارض على الأرض : -
# من رأى ان المشكلة ليست فى المادة , وانما بأستعمالها .
انا كنت بشوف بعينى " أكوام من الخبر او العيش التى تنفق الدولة عندنا فى مصر , مبالغ طائلة تصل الى دعم 200% على الرغيف , ملقة فى الارض ..يتم اعدادها للماشية "
اذا احنا معانا فلوس , وبنصرف ....لكن المشكلة فى ان الناس لا يقدرون المال المنفق .
كانت امى وانا صغير تقولى لما اضيع الفلوس " سهل عليك تتضيعها , لانك مش تعبان فيها ".
وصدقنونى كنت بضحك , مكنتش حاسس كلمها ..
لما اشتغتلت , وحسيت يعنى ايه ان معاك " خمسة جنيه " لو ضاعت لن يكون معاك غيرها .... سعتها بس فهمت كلامها .
انا أرى انا هذا جزء من المشكلة " عدم احساسنا بالدعم الذى ينفق علينا , فنبذره , ونلقيه للفراخ ".
هدذا احد الاسباب ..
السبب الثانى , وهو ما يعرف " بالتقليد الاعمى , للغرب " .
وهو ما شرحته نسيبة .
وطبعا , واحد الاسباب " هو عدم اتقان العمل "..
من رأى ان يتم العلاج :-
1- يجب ان لا نشترى الا " ما نحتاجه فعلا "............والكلام موجه لى وليكم !
لو عايزين نشترى الكومبيوتر , كل واحد فينا يمسك ورقة ويقسمها نصفين .. ويكتب فى جزء الفوائد , ويكتب فى جزء اخر " المضررات ."
لو وجد ان الفوائد اكبر , اقدم على شراء الشئ ... والعكس صحيح !
2-اى دعم تقدمه لك الدولة , هو اصلا فلوسنا ...يعنى لو زاد هذا الصرف , فهذا يعنى انه يقتطع من اكلنا , من تعليمنا , من الرعاية الصحية .
فاتقوى الله فى المواصلات اللى بتركبوها , ولا تخربوها حتى ولو بقليل .. واتقوا الله فى الخبز ولا تشتروا الا ما يكفيكم او تأكلوا ما تشترون , واتقوا الله فى المياه ولا تترك اولادك يلعبوا فيها وتضحك وكأن الموضوع لا يخصك .
اتقوا الله فى الموافق العامة , ولا تلقى ورقة بسيطة على الارض وتقول " أى المشكلة يعنى ... صدقنى الجبل تكونت من ذرات التراب .
3- اى واحد فى مكان شغله , يتقى ربنا فى عمله ....وبلاش حكاية "محدش هيأخذ باله ".
لو كل واحد فينا طبق هذا الكلام , وان شاء الله أكون اولكم ....ان شاء الله هنصدر اكل مش نستورد
وهذا راى والله اعلم ..
اشكرك بالمناسبة ابنة الزهراء ونسيبة والمهتدى ...ومحدش يزعل اذا لم اذكر اسمه
الذين يشاهدون الموضوع الآن: 1 (0 من الأعضاء و 1 زائر)
المفضلات