أبو طرحة
إوعى تكون نزلت للواد ده
فصيح
الصراحة يابونا أنا زلت بس طلبت من العدرا إنها تساعدنى وتخلى كلام حمادة يدخل من ودنى دى ويطلع من ودنى التانية بدون ما أتأثر
لإنى أول ما سمعت صوته وهو بيقول يافصيح يافصيح ركبى سابت من بعض وما بقتش عارف أتلم على نفسى وماما سئلتنى هو عاوز منك إيه قلتلها أصله سئلنى عن حاجات فى الانجيل الظاهرعليه عاوز يتمسّح
قالتلى كنت قلت الأسئلة بتاعته لأبونا فى الكنيسة علشان تعرف منه الرد
قلتلها أنا ناوى أعمل كدة أشوف الأول أسئلته إيه وبعدين أبلغ أبونا فى الكنيسة وأعرف منه الإجابة وأرد عليه
أبو طرحة
ما بدل الإحراج كان لما نده عليك ماكنتش رديت عليه مش جايزتكون الأسئلة بتاعته عويصة وصعبة
فصيح
الصراحة يابونا هو لما نده عليا أنا خفت أرد عليه وقلت لأخويا الصغير قوله فصيح مش هنا فأخويا لما بص من الشباك حمادة سئله فصيح فين يامينا ؟ فأخويا غبى شوية فقال فصيح أهو قاعد جنبى وبيقولك هو مش هنا فأنا إتكسفت وزعقت لمينا وقلتله ياكداب وقلت لحمادة أنا نازل أهو وكان معاه صنارة تانية وقاللى أنا جبتلك صنارة علشان تقعد تصطاد معايا وذهنك يبقى صافى وتفهم الكلام إللي حاقوله وربنا يهديك
أبو طرحة
خلصنا بقى
فصيح
مش لازم أحكى بالتفصيل
أبو طرحة
بلاش التفصيل وخش على الجاهز
فصيح
قلتله ماشى
قاللي طب يالا بينا وبقيت ماشى أجر فى رجليا
قاللي وهو بيضحك مالك يابنى هى الصنارة تقيلة عليك
المهم إننا قعدنا على النيل وجهزنا الصنارات بتاعتنا وعلمتى إزاى أحط الطعم وكان منظر النيل جميل والمياه صافية
أبو طرحة
إختصر الكلام إللى مامنهوش فايدة
فصيح
فكرنى منظر مية النيل بالرب يسوع لما مشى على الماء

أبوطرحة
برافو عليك
فصيح
قلت لنفسى أبتدى أنا أكلمه الأول قبل ما يكلمنى
فقلته تصدق إن الرب يسوع كان بيمشى على الميا عادى جداً وما يتبلش
قاللى حكاية ما يتبلش دى يافصيح بتفكرنى بالفزورة إللى المصريين بيقولوها إللى بتقول يعدى البحرولا يتبّل
قلتله ده حتى لما الرب يسوع قال لبطرس تعالى وبطرس حاول يمشى زيه على الميا كان حيغرق والرب قال لبطرس ياقليل الإيمان
راح ضاحك
قلتله بتضحك على إيه ياحمادة ؟
قاللى أصلها حاجة غريبة يعنى مرة معبودكم يقول لبطرس إذهب يا شيطان ومرة تانيه يقوله ياقليل الإيمان ومرة تالته يقوله إنت حتنكرنى وهو يكذب ويقول لا أعرف هذا الرجل
ورغم كل ده معبودكم يقول لبطرس إنت الصخرة إللى حاأبنى عليها كنيستى
إنت عارف ده معناه إيه يا فصيح ؟
قلتله معناه إيه ياسى حمادة
قاللى معناه إن معبودكم بنى كنيسته على الشيطان يعنى على الشر والكذب والإنكار وقلة الإيمان
وخلى بالك أنا ماجبتش حاجة من عندى ده كتابك هو إللى بيقول كدة
وبعدين المشى على الماء مش معجزة لأن فيه سحرة بيمشوا على الماء وكمان شيخ الإسلام إبن تيميه تكلم عن إن بعض الصوفيه كانوا يمشون على الماء ومنهم من يطير فى الهواء
لذلك لم يذكرها الله سبحانه فى القرءان ضمن المعجزات التى أعطاها لعبده المسيح بن مريم لإنها ليست معجزة طالما يقوم بها بعض الناس من غير الرسل والأنبياء
ولو إعتبرنا إن الحكاية صحيحة مع إن علماء اللاهوت و بعض العلماء المتخصصين اوضحوا ان الفقرة التى تبين معجزة مشي المسيح عليه السلام على الماء قد تكون الى حد كبير دخيلة على الكتاب المقدس وغير حقيقية
ومش مصدق خش على الرابط ده
الأول عندك حاسب آلى
قلتله عندى لاب
قاللى طيب خد الرابط أهو
http://news.bbc.co.uk/2/hi/middle_east/4881108.stm
أبو طرحة
ودخلت على الرابط ؟
فصيح
أه لما رجعت البيت دخلت على الرابط بس كانت الكتابة بالإنجليزى فامفهمتش حاجة
أبو طرحة
طيب كمل يافالح
فصيح
لما جه يرمى الصنارة بتاعته قال بسم الله وأنا رميت الصنارة بتاعتى وقلت بإسم الصليب وشوية والصنارة بتاعته غمزت ولما سحبها كان فيها سمكة كبيرة وقاللى شوف الصنارة بتاعتك يمكن تكون غمزت وإنت مش واخد بالك فَجيت أسحبها لقيتها تقيلة قلت أكيد فيها سمكة كبيرة أوى أكبر من بتاعته وبقيت حاطير من الفرحة بس ياخسارة لما سحبتها لقيتها مصطادة فردة جزمة قديمة
حمادة قاللى تلاقيها بتاعة واحد إنتحر ومات غريق
أبو طرحة
مالنا إحنا ومال الجزمة وإللى إنتحرخش فى الموضوع على طول
فصيح
قاللى عاوز تعرف خطة الشيطان من أجلك ؟
قلتله قول
قاللى نمسك الموضوع من الأول بس ركز فى الكلام إللي حاقوله ، إتفقنا ؟
قلتله إتفقنا
قاللي ربنا سبحانه وتعالى خلق أدم الأول ولا خلق الأرض الأول ؟
قلتله خلق الأرض الأول
قاللى طيب ربنا خلق الأرض مجرد يابسة ولآ جعل فيها المحيطات والبحار والأنهار والجبال وأشجارمن كل الأصناف ولها ثمار، ودواب من كل الأنواع ومنها الوحوش ، والدواب منها إللي بيعيش على ظهر الأرض ومنها إللي بيعيش فى بطن الأرض ومنها إللي بيعيش فى الأنهار ومنها إللي بيعيش فى البحار والمحيطات وخلق الطيور كذلك من جميع الأنواع
طيب الأشجار والنبات والأعشاب تنفع تعيش من غير تمثيل ضوئى ، طبعاً ما ينفعش
قلتله أنا أخدت التمثل الضوئى فى المدرسة
قاللى عال وعلشان كدة ربنا سبحانه وتعالى خلق الشمس والقمر وعلشان يكون فيه ليل ونهار، ليل ينام فيه الإنسان ونهار ليعمل فيه
طيب يافصيح ربنا سبحانه خلق كل ده علشان مين ؟
هل خلق الأرض وما فيها من أجل الملائكة ؟ طبعاً لأ لإن الملائكة أجساد نورانية لا تأكل ولا تشرب هل خلقها من أجل نفسه سبحانه

طبعاً لأ ، تعالى الله عما يصفون فليس الله بمحتاج فهولا يأكل ولا يشرب ولا ينام
إذاً الأرض وما فيها مخلوقة وممهدة ومعدَة ومسخّرة ليحيا عليها الإنسان
طيب يا فصيح إنت فاكر ربنا سبحانه وتعالى خلق أدم من إيه ؟
قلتله خلقه من التراب
قاللى عال أوى بس خليك فاكر النقطة دى كويس
طيب عارف ربنا سبحانه وتعالى قال إيه للإنسان لما خلقهم ذكر وانثى ؟
قلتله قال إيه ؟
قاللى ربنا سبحانه وتعالى قال حسب المكتوب عندكوا فى سفر التكوين
باركهم الله و قال لهم اثمروا و اكثروا و املاوا الارض و اخضعوها و تسلطوا على سمك البحر و على طير السماء وعلى كل حيوان يدب على الارض
و قال الله اني قد اعطيتكم كل بقل يبزر بزرا على وجه كل الارض وكل شجر فيه ثمر شجر يبزر بزرا لكم يكون طعاما
يبقى دلوقت عرفنا إن الله سبحانه خلق الأرض وما فيها الأول ثم خلق من تراب الأرض أدم وخلق حواء من ضلع من أضلاع أدم ثم باركهم الله وسلطهم على الأرض وما فيها وقال لهم اثمروا واكثروا واملاوا الارض
يبقى نفهم من كدة إن الله سبحانه خلق أدم من التراب ليعيش على التراب وعندما يموت يدفن فى التراب أى الأرض
فسبحانه خلق الأرض وما فيها من أجل أن يحيا عليها أدم حياته ثم يُدفن فيها عند مماته
وإنتوا عندكوا عبارة بتقولوها فى عيد الرماد بتقول
" اذكر يا انسان انك من التراب والي التراب تعود"
وفى القرءان بتاعنا ربنا سبحانه وتعالى بيقول
مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ
أبو طرحة
وإيه لازمة الرغى ده كله ؟
فصيح
مانا سئلته وقاللى طّول بالك أصل الكلام ده له علاقة بالخطية إللى بنسميها عندنا المعصية
أبو طرحة
طيب خلص أحسن الواحد روحه بقت فى مناخيره
فصيح
وبعدين قاللى فى القرءان عندنا إن ربنا سبحانه وتعالى قبل أن يخلق أدم قال للملائكة
إِنِّي جَاعِلٌ فِي الأَرْضِ خَلِيفَةً
قلتله يعنى إيه ؟
قاللى يابنى أدم يعنى ربنا سبحانه وتعالى خلق أدم ليعيش على الأرض مش فى السما
قلتله بس كان أدم عايش فى الجنة ؟
وكمان عندكوا إنتوا كمان إنه كان عايش فى الجنة
قاللى كويس إنك فكرتنى
أولاً موضوع الجنة إللى كان عايش فيها أدم مش هى جنة الخلد لإن ربنا وسبحانه وتعالى بيقول عنها فى حديث قدسى نقله إلينا رسول الله صل الله عليه وسلم
فيها لا عين رأت ولا اُذن سمعت ولا خطرعلى قلب بشر، والجنة إللى أدم كان فيها فترة شاف فيها وسمع فيها
أبو طرحة
ليه ما قلتش للواد ده إن النبى بتاعهم سرق الكلام بتاع لا عين رأت ولا اذن سمعت من رسالة القديس بولس إلى كورنثوس الأولى
بل كما هو مكتوب ما لم تر عين ولم تسمع اذن ولم يخطر على بال إنسان ما أعده الله للذين يحبونه
فصيح
مانا جيت أفتح بقى علشان أتكلم لقيته بيقوللى عارف إنت عاوز تقول إن الوصف نفسه بتاع الجنة موجود فى رسالة بولس
ناصح
قول الصراحة إنت صحيح كنت حتقوله على الكلام إللى كتبه القديس بولس
فصيح
أنا الصراحة ما كنتش أعرف المكتوب فى رسالة القديس بولس ، أنا كنت عاوز أأقوله أنا إتأخرت وعاوز أروّح
أبو طرحة
وبعدين هو طلع من المطب ده إزاى ؟
فصيح
قاللي أنا عاوزك يافصيح تشغل مخك
بولس بتاعكم قال بل كما هو مكتوب
يعنى الكلام ده مش عنده بل كما هو مكتوب قبل كدة
طيب مكتوب فين ؟ أكيد فى التوراة
يعنى الكلام بتاع وصف الجنة ده مكتوب فى التوراة وبولس نقله لإن بولس كان يهودى ، بس لو مسكنا التوراة دلوقت مش حنلاقى فيها الكلام ده
طيب ليه مش موجود ؟
الإجابة إن اليهود حرفوا فى التوراة أو يكون ذلك خطأ من النساخ
حتى لو الوصف بنفسه موجود فى التوراة ويتشابه مع نفس الوصف فى الحديث القدسى فلا يواجد تعارض
لأن القائل واحد وهوالله الذى أنزل التوراة وقال الحديث القدسى
ثم إن الله ذكر فى القرءان ما أعد لعباده الصالحين بقوله
فلا تعلم نفس ما أخفي لهم من قرة أعين جزاء بما كانوا يعملون
قلتله طيب ممكن نكمل بكرة ياحمادة
قاللى مفيش مشكلة المهم تكون فهمت الكلام إللي قلته
علشان نخش على الخطة إللى وضعها الشيطان ليغويكم ويبعدكم عن طريق الحق
يتبع بمشية الله
.