درس الأحد من الخشبة إلى الجحيم
درس الأحد
من الخشبة إلى الجحيم
الواعظ الأب مهاود
سلام ونعمة
التلاميذ
سلام ونعمة
الأب مهاود
فى درس اليوم ياولاد حنتكلم عن حدث هام جدآ
هذا الحدث العظيم يعتبر أهم شيىء حدث للبشرية لأن الرب أظهر فيه محبته العظيمة وحرصه على خلاص المسجونين بالجحيم فحطم المتاريس وداس الموت بأقدامه وحرر المأسورين الذين كانوا يعيشون على أمل الرجاء والخلاص وأخذ بأيديهم إلى الفردوس
وهذا ما نعبر عنه بنـزول الرب الانتصاري المجيد إلى الجحيم ونقول عنه في القدَّاس الإلهي
”نـزل إلى الجحيم مِن قِبَل الصَّليب“.
وهو فى ذلك لم ينفصل عن ناسوته لحظة واحدة
شنودة
ولاطرفة عين واحدة
الأب مهاود
نعم ولآ طرفة عين واحدة
وعلشان مانقعدش نهاتى وننبح فى حسنّا وواحد يقوم ويقول إنه ماقعدش تلات أيام وتلات ليال زى المسلمين ما بيقولوا بس مش دى المشكلة إللي ننكر معاها نزول الرب للجحيم
وكمان فضل اللاهوت متحد مع الجسد والروح البشرية فى آن واحد
وفي كنيستنا الشرقيَّة, يُعلَن عن القيامة بصورة المسيح المُمجَّد نازلاً إلى الهاوية, حيث نقول في أحد الألحان
”في القبر بالجسد, وفي الجحيم بالرُّوح كإله
فبينما كان جسد يسوع في القبر لثلاثة أيَّام, قد كان حبُّه لا زال عاملاً فعَّالاً. الرب استخدم هذه الأيَّام الثلاثة بأن نـزل إلى أعماق الجحيم السُّفلي, حيث هاوية الأموات, ليكسر رباطات الموت, ولكي يُبشِّر الذين كانوا قبل مجيئه بأخبار الخلاص السارَّة. ونرى في الأيقونة العظيمة المُفعَمَة والمملوءة, بل والفيَّاضة بحقيقة موت المسيح وقيامته. المعروفة لنا جميعآ ان السيِّد المسيح آدم الثاني , الإنسان الكامل وهو ينحني إلى الأمام نحو رجُل شيخ ليُمسِك بيمناه ويرفعه. هذا الرجُل الهرِم هو آدم الذي سقط من الحياة, وعاش في وادي الظلال.
أكمل الرب يسوع في الجحيم عمله الكوني, وجلب للجميع نتائج ذبيحته الفدائيَّة الخلاصيَّة
«لأنَّه كما كان يونان في بطن الحوت ثلاثة أيَّام وثلاث ليالٍ, هكذا يكون ابن الإنسان في قلب الأرض ثلاثة أيَّام وثلاث ليالٍ
(مت12: 40
ويُفسِّر آباء الكنيسة نـزول يونان في بطن الحوت كرمز إلى نـزول المسيح إلى الهاوية
أيها السيد الرب الإله ضابط الكل أبو ربنا وإلهنا ومخلِّصنا يسوع المسيح
ميرى
إيه ده ؟
الأب مهاود
إيه هو إللى إيه ده ؟
ميرى
قصدى على عبارة
الرب الإله ضابط الكل أبو ربنا وإلهنا ومخلصنا يسوع المسيح ؟
الأب مهاود
إيه إللي مش داخل عقلك ؟
ميرى
رب إله أبو رب إله ؟
الأب مهاود
الرب الأولانى ده يبقى الرب الأب ضابط الكل والرب التانى يبقى الرب الأبن إللي هو إلهنا يسوع المخلص
ميرى
والرب التانى ليه مايكونش ضابط زى أبوه ؟
الأب مهاود
الظاهر إن فهمك تقيل بصى وخدى بالك إحنا بنقول على الرب الأولانى ده ضابط الكل علشان هو الأب وكمان هو إللي يعرف إمتى حتكون الساعة
ناصح
وإحنا ليه بنعبد الأبن ومش بنعبد الأب إللى هو ضابط الكل وعارف ميعاد الساعة وأكبر من الرب الأبن
الأب مهاود
أكبر منه إزاى يعنى ؟
ناصح
مش الأب بيكون أكبر من الأبن ؟
الأب مهاود
مش عاوز خروج عن الموضوع إحنا بنتكلم عن الجحيم بعدين حنتكلم عن التثليث
ناصح
فين الخروج ده حضرتك ؟
الأب مهاود
بطل غلبة وماتتكلمش تانى
واخدين بالكم ياولاد فإحنا بنقول
الذي من قِبَل صليبه نزل إلى الجحيم وردَّ أبانا آدم وبنيه إلى الفردوس. ودفننا معه، وبموته أبطل عزَّ الموت، وفي ثالث يوم قام من بين الأموات
وفي رسالته إلى أفسس يشير القديس بولس الرسول إلى نزول المسيح إلى الجحيم حيث يقول: إن المسيح
نزل أيضاً أولاً إلى أقسام الأرض السفلى
(اف 4: 10،9
ميرى
يعنى إيه اف ؟
الأب مهاود
يعنى افسس يانعجة
فصيح
وهو القديس بولس شافه وهو نازل إلى أقسام الأرض السفلى ؟
الأب مهاود
مش عاوز مقاطعة لو سمحتم وخلونى أكمل الوعظة علشان عندى مشوار مهم لازم أعمله
فصيح
مش لازم نفهم القديس بولس شافه إزاى وهو نازل أقسام الأرض السفلى ؟
الأب مهاود
ياأخى إن شالله عنك مافهمت
شافه زى ما شافه إحنا مالنا
خلوكوا معايا ياولاد
فهذه العقيدة تتحوَّل إلى صلاة في العبادة الليتورجية
ففي يوم سبت الفرح، وفي ليلة عيد القيامة تتردَّد هذه الحادثة، نزول المسيح إلى الجحيم، في الصلوات والتسابيح، كما في قسمة سبت الفرح حيث يُصلِّي الكاهن
يا يسوع المسيح ذا الاسم المخلِّص الذي بكثرة رحمته نزل إلى الجحيم وأبطل عزَّ الموت
نبيه
مش ممكن يكون بولس يابونا علشان كان يهودى متزمت وكان معادى للمسيحية وكان بيسطوا على الكنايس وبيقبض على أتباع يسوع ويسلمهم للسجن يكون هو إللى إخترع حكاية نزول يسوع للجحيم زى ما قال عليه قبل كدة إنه ملعون لإنه عُلق على خشبة الصلب ، وخصوصاً إن اليهود بيقولوا على السيد المسيح إبن زنا وإفتروا على السيدة مريم وإتهموها بالزنا وزى ما ذكر يوحنا قولهم للسيد المسيح
فقالوا له اننا لم نولد من زنا. لنا اب واحد وهو الله
وما زالوا حتى الأن بيلعنوا السيد المسيح فى صلواتهم وبيقولوا إنه بيتعذب فى الجحيم
ومكتوب عندهم فى التلمود
إن المسيح يتعذب فى لجات الجحيم بين القار والنار
ومن الواجب دينياً أن يلعن اليهودى رؤساء المسيحية ثلاث مرات فى اليوم وجميع الملوك الذين يظهرون العداوة لبنى اسرائيل وواجب على اليهودى أن يقتل المسيحى
الأب مهاود
يعنى بعقلك كدة الرسول بولس حايتجنى على رب المجد ويكدب ويقول حاجة ما حصلتش
نبيه
ما يمكن زيه زى بقية اليهود دول مش معترفين إن يسوع رب وإله وبيقولوا عليه إنه نصاب وملعون وإبن زنا وامه زنت فيه مع عسكرى رومانى إسمه بانديرا وبعدين مين قال عليه إنه رسول ، رسل المسيح هما إللى نفخ فيهم الروح وأرسلهم ليكرزوا ولم يكن بولس معهم بل إنه لم يقابل المسيح طوال حياته
الأب مهاود
ليه إنت ما قرأتش حكايته لما قابله الرب وهو فى طريقه إلى دمشق وكلفه إنه يكون شريك فى الانجيل
يعنى رسول
نبيه
مفيش يابونا شاهد على روايته وكمان حكى حكاية ظهور المسيح له بثلاث روايات مختلفة
الأب مهاود
إمنع الكلام يا مجدف
مايكل
بالراحة علينا يابونا انت حضرتك داخل حامى قوى
واحدة .. واحدة
ناصح
هو حضرتك ماعندكش أولاد فى سننا ؟
الأب مهاود
لأ . ماعنديش وقبل ما تسئلونى إيه السبب؟
أأقولكم لأنى مش متجوز
ومش متجوز ليه ؟
علشان الحريم وقرفهم
مايكل
مش كلهم
نبيه
أه مش كلهم
الأب مهاود
طيب وعلى إيه نجازف واحنا معندناش طلاق
مش يمكن تطلع زى البطيخة القرعة
مايكل
معنى كده ان حضرتك عمرك مافكرت انك تتجوز
الأب مهاود
لا ياحبيبى عمرى ما فكرت ولا حاافكر
فصيح
معنى كدة إن حضرتك عايش لوحدك ؟
الأب مهاود
مش بالظبط
فصيح
إيه دى فزورة ؟
الأب مهاود
عندى كلبة بس ناصحة جدآ ومتفاهمة جدآ وبتفهم بالإشارة وفوق كده وكده مهاودة زي ومستحملانى جداً جداً يعنى ناقص بس حتة الطبيخ وتبقى ست بيت ممتازة
وإلآ لما أكون جاى من بره وأفتح باب الشقة وأدخل ما تتصوروش إستقبالها بيكون شكله إيه ديلها بيبقى عامل زى المروحة وهاتك يالحس فى وشى
بيشوى
كلنا عندنا كلاب فى البيت وحنونة
الأب مهاود
إلآ دى ، دى بتعمل عمايل تتصوروا ياولاد إنه ما يحلاش لها النوم إلآ على السريروفى حضنى
ميرى
والكلبة دى نوعها إيه يابونا ؟
الأب مهاود
دى كلبة بوليسية مدربة على إنها تسمع الكلام
مايكل
زى الخرفان البوليسية المدربة إنها تسمع الكلام
فصيح
طيب ممكن إستفسار أد النمنمة بخصوص الجحيم
الأب مهاود
وتطلع إيه النمنمة دى ؟
فصيح
يعنى استفسار بسيط جدآ جداً
الأب مهاود
بعدين .. بعدين
كيرلس
ماتخليها فى حموتها قبل ماأنسى
الأب مهاود
لما أنتهى خالص من كلامى
يبقى إللي عاوز يتفلحص ويعمل نفسه أبو العُرّيف وبيفهم أكتر من أباء الكنيسة يبقى يورينا شطارته
وعلشان كده بنقول أن أول واحد دخل الفردوس هو لص اليمين فقد أدخله الرب بنفسه كما وعده
فاكرين ياولاد الرب قال إيه للص اليمين ؟
ميرى
ضحك على لص اليمين وقال للص اليوم تكون معى فى الفردوس وماأخدهوش معاه وسابه ونزل إلى الجحيم وقعد فيه ثلاثة أيام
الأب مهاود
ما تتكلميش بدون إذن
معايا ياولاد
ويقول يوحنا الدمشقي: "مع أنَّ المسيح مات كإنسان, وفارقت روحه القدُّوسة جسده الطَّاهر, فإنَّ لاهوته لم ينفصل قط لا من جسده ولا من نفسه", ومن ثمَّ فهو لا يظهر في الجحيم كأسير ولكن كمُنتصِر, كفاتِح, كمُخلِّص لأولئك المسجونين فيه؛ لا كعبد ولكن كرئيس الحياة. يُصوَّر الرب في الأيقونة وعليه هالة مُضيئة مُشعَّة علامة الظَّفَر, وغالبًا بظلال زرقاء مُختلِفة, وكثيرًا ما تكون مُوشَّاة بنجوم حول الحافة الخارجيَّة, ونافذ إليها أشعَّة مُنبعِثة منه. أمَّا ملابسه فهي ليست كهذه التي كان يُصوَّر بها أثناء خدمته على الأرض, ولكنَّها بلون ذهبي أصفر مُتدرِّج, ومُضاءة من كل جهة بأشعَّة ذهبيَّة رفيعة. كما أنَّ ظلمة الجحيم نراها مملوءة بضياء تلك الأشعة الإلهيَّة, نور المجد الذي لذاك الإله الذي صار إنسانًا. إنَّها أنوار تلك القيامة المُزمِعَة أن تكون
كيرلس
ياسلام
الأوصاف دى غشها كاهن كنيسة الوراق إللي كتب عن ظهور العدرا وقعد يشرح هى كانت لابسه إيه
الأب مهاود
بطل كلام واسمع
ويُرى في الأيقونة المُخلِّص وهو يطأ تحت قدميه ضلفتي باب الجحيم المُتقاطِعتين بشكل صليب, واللتين قد انتـزعهما. تُرى في أيقونات مُختلفة, أسفل الباب, في الجحيم ذلك الأسود المُتمرِّد, بشكل مُنكسِر ومُكتئب, ملك الظلام الذي هو الشيطان. كذلك توجد في أيقونات مرسومة مؤخَّرًا تفاصيل أخرى مختلفة, لتُعبِّر عن قوَّة الجحيم وقد اندَحَرَت, مثل سلاسل مكسورة يُقيِّد الملائكةُ بها الشيطانَ, كما توجد مسامير ومفاتيح وما إلى ذلك. يُمسِك السيِّد المسيح في الأيقونة في يده اليسرى درْجًا, رمزًا لتعليمه بالقيامة لأولئك الذين في الجحيم بحسب قول بطرس الرسول: «ذهب فكَرَز للأرواح التي في السِّجن» (1بط18و19). وأحيانًا بدلاً من الدرْج نجده مُمسِكًا بصليب في يده, ليس فيما بعد كخشبة العار والعقاب, ولكن كرمز النَّصرة والغلبة وقهر الموت. كما نرى في الأيقونة أنَّ الرب بعد أن مزَّق رباطات الجحيم تمزيقًا بقوَّته الفائقة الإلهيَّة, نجده يرفع بيُمناه آدم من القبر, تليه حواء بيد مضمومة في صلاة, أي أنَّه يُحرِّر نفس آدم, ومن بعده نفوس جميع أولئك المُنتظِرين مجيئه بإيمان. لهذا السبب نرى عن يمين وعن يسار المشهد مجموعتين من قدِّيسي العهد القديم والأنبياء, عند رأسهم على اليسار الملك داود والملك سليمان برداء ملكي وتيجان, وخلفهما يوحنا السَّابق؛ وعلى اليمين نرى موسى النبي وفي يديه لوحا العهد. كل هؤلاء إذ يرون المُخلِّص نازلاً إلى الجحيم, فللتو يعرفونه ويُشيرون إلي هذا الذي عنه تنبَّأوا, وعن مجيئه الذي سبقوا وأخبروا
ميرى
وإللي رسموا الأيقونات دى شافوا الرب إزاى وهو قاعد يكسرويدمرفى الجحيم ؟
وشافوا إزاى شكل الملك داود والملك سليمان والأنبيا بتوع العهد القديم ؟
شنودة
ممكن يكون الروح هو إللي ساقهم للرسم ، مش كدة يابونا
بيشوى
ممكن يكون زى ماقال شنودة إن الروح ساقهم للرسم زى ماساقهم للكتابة
الأب مهاود
ياحبيبتى الرسامين بيتخيلوا وبعدين يرسموا زى ماحنا بنتخيل الرب وهو معانا وبنتخيله وهو على خشبة الصلب وبنتخيله وهو قاعد مربع فى الفطيرة
كيرلس
حضرتك قاعد تشرحلنا أيقونات رسمها فنانين ، احنا عاوزين إللي فى الكتاب المقدس مالنا احنا ومال الأيقونات هى الأيقونات دى موحى بها من الرب
ده الرب نفسه عمره ماجاب سيرة الأيقونة
فصيح
حضرتك بتقول الذي من قِبَل صليبه نزل إلى الجحيم وردَّ أبانا آدم وبنيه إلى الفردوس. ودفننا معه، وبموته أبطل عزَّ الموت، وفي ثالث يوم قام من بين الأموات ، يعنى نفهم من كده ان اللاهوت ترك الناسوت قبل الموت على الصليب ونزل إلى الجحيم وردَّ أبانا آدم وبنيه إلى الفردوس. ودفننا معه، وبموته أبطل عزَّ الموت، وفي ثالث يوم قام من بين الأموات
الأب مهاود
رغم إنه تركه على الصليب ولكن لم يفترق عنه ولآ حتى
كل التلاميذ
طرفة عين
هههههههه
فصيح
معروف ان المسيح مات على الصليب قبل أن يموت اللصان ولذلك تعجب بيلاطس من موته السريع ومكتوب إنه قال لأحد اللصان إنك اليوم تكون معى فى الفردوس كما جاء فى انجيل لوقا
فقال له يسوع الحق اقول لك انك اليوم تكون معي في الفردوس
الأب مهاود
إختصر عاوز تقول إيه ؟
فصيح
عاوزأأقول إن السيد المسيح بعد ما مات على الصليب راح على طول على الجحيم وقعد فيه ثلاثة أيام زى حضرتك ما بتقول
الأب مهاود
أنا إللي باأقول ؟
عموماً إختصرعاوز تقول إيه ؟
فصيح
بمعنى إن المسيح كان عارف إنه بعد ما يموت على الصليب حينزل منه للجحيم مباشرة ويقعد فيه ثلاثة أيام علشان يكسر ويدمر ويخرب ويحرر المأسورين
الأب مهاود
يابنى أنا مش فاضى خلصنا عاوز تقول إيه
فصيح
إزاى يكون المسيح عارف إنه رايح من الصليب للجحيم طوالى وحيقعد فيه ثلاثة أيام ويقول للص اليمين اليوم حتكون معى فى الفردوس وهو أصلاً كان عارف إنه نازل للجحيم
ولا هو كان بيقول كدة وكدة للص ؟
الأب مهاود
يعنى إيه كدة وكدة ؟
فصيح
يعنى كان بيضحك عليه زى ما قالت ميرى
الأب مهاود
ما يمكن أخد اللص وطلع فوق ودخله الفردوس وبعدين نزل بعدها تحت للجحيم ، خصوصاً إن مشوار الجحيم بالنسبة للرب يسوع فركة كعب
شنودة
وممكن يكون أدخل اللص الفردوس بعد ما خلص مهمته فى الجحيم ، مش كدة يابونا ؟
مايكل
لأ هما بيقولوا إنه نزل من الصليب للجحيم
وبولس أكد إنه نزل للجحيم الأول وقال فى رسالته إلى افسس
وَأَمَّا أَنَّهُ «صَعِدَ»، فَمَا هُوَ إِلاَّ إِنَّهُ نَزَلَ أَيْضًا أَوَّلاً إِلَى أَقْسَامِ الأَرْضِ السُّفْلَى.
الأب مهاود
لما أرجع لرسالة بولس أبقى أجاوبك
فصيح
بس كده يكون كلامه للص اليمين مش صحيح
الأب مهاود
باأقولك لما أرجع لرسالة افسس أبقى أجاوبك
مايكل
السيد المسيح يا عينى كان عاوز يروح الفردوس وياخد معاه لص اليمين فى نفس اليوم إللى مات فيه بس جه بولس ووداه على الجحيم
ناصح
فيه سؤال جه على باللى دلوقت
الأب مهاود
مش ممكن تستنى لما نخلص ؟
فصيح
أصله حاذقنى أوى ومش قادرأستنى
الأب مهاود
قول يا سيدى لما نشوف السؤال إللي حاذقك أوى ومش مخليك قادر تستنى
ناصح
هو كل الأنبياء والقديسين كانوا موجودين فى الجحيم منتظرين لما المخلص ينزل ويحررهم من الأسر
الأب مهاود
أيوه يا سيدى كلهم كانوا منتظرين على أمل الرجاء
ناصح
متأكد يابونا إن كل الأنبيا كانت منتظرة فى الجحيم ؟
الأب مهاود
أيوه ياسيدى متأكد إن كلهم كانوا منتظرين فى الجحيم بلا إستثناء
ناصح
إومال القديس بطرس شاف إزاى موسى وايليا وهما واقفين مع السيد المسيح فوق الجبل وكان عاوز يعمل لهم ثلاث مظال زى ما جه فى متى
فجعل بطرس يقول ليسوع يا رب جيد أن نكون ههنا فان شئت نصنع هنا ثلاث مظال لك واحدة ولموسى واحدة ولايليا واحدة
الأب مهاود
أنا رديت على السؤال إللي كان حاذقك
بتاع هل كل الأنبيا والقديسين موجودين فى الجحيم منتظرين لما السيد المسيح ينزل ويحررهم وقلتلك أيوه كانوا منتظرينه على أمل الرجاء إنه يحررهم
فملكش إنك تسئل سؤال تانى
ناصح
السؤالين مرتبطين ببعض
يعنى إزاى يكونوا منتظرين فى الجحيم زى ما بتقولوا ومتى يقول دول كانوا واقفين مع يسوع فوق الجبل وبطرس شافهم وقال أعمل لكم ثلاث مظال
الأب مهاود
برضو مش حاأرد على سؤالك
كيرلس
مهو من عجائب الكتاب المقدس إنك تلاقى الشيىء وضده
الأب مهاود
زى إيه يا غلباوى ؟
كيرلس
زى اللص إللي كان بيعاتب زميله ونهره علشان بيسخر من السيد المسيح وقال زى ما جه فى الانجيل
اما نحن فبعدل لاننا ننال استحقاق ما فعلنا و اما هذا فلم يفعل شيئا ليس في محله
فبنلاقى اللص اليمين بيقول لزميله عن يسوع وأما هذا
وبعدين فى العدد إللي بعده نلاقيه بيقول ليسوع اذكرنى يارب متى جئت فى ملكوتك كما جاء فى متى
ثم قال ليسوع اذكرني يا رب متى جئت في ملكوتك
الأب مهاود
وإنت كنت عاوزه يقول إيه ؟
كيرلس
يعنى لو عارف إن يسوع هو ربنا بحق وحقيقى كان لما وبخ زميله كان قال وأما ربنا فلم يفعل شيئا ليس فى محله
بدل ماكان يقول وأما هذا كإنه بيتكلم عن شخص عادى زيه زيهم
ميرى
أنا قريت مرة للأب جورج فلوروفسكي مقالة بيتكلم فيها عن نزول السيد المسيح للجحيم وبيقول
من المهم جدًّا أن نتذكَّر أنَّه بسبب نـزول المسيح الانتصاري للجحيم, يُشار إلى هذا النـزول أنَّه تدمير وخراب للهاوية. الهاوية اندَحَرَت؛ الموت غُلِب وقُهِر؛ أبواب الجحيم تحطَّمَت؛ وقديسو العهد القديم التفُّوا حول المسيح الملك الغالب. الشيطان هُزِم ودُحِر إلى الأبد. الأبرار انفتحت أمامهم أبواب السماء.
الأب مهاود
كلام جميل جداً
يتبع بمشيئة الله
رد مع اقتباس
المفضلات