ميـــــــــــــــــلاد
على فكرة إنت ظالمنى يا شيخ حسن
الشيخ حسن
ظالمك فى إيه يا وله ؟
ميــــــــــــــــــلاد
علشان لما بأروح مصر بأخلع منهم بعد ما انزل من الأتوبيس وأروح على الصاغة أشوف الورش بتاعة الدهب وبعدين أرجع أخر النهار على الكنيسة علشان أأقبض باقى الفلوس وأركب الأتوبيس وأجى على هنا
رومانى
إيه يا ميلاد إيه إللي مأخرك
الشيخ حسن
ما إذا كنت عاوز تديله حاجة إديهاله ماتخافش أنا مش شايف حاجة
ميـــــــــــــــــلاد
معلش يا رومانى كنت بأشوف الشيخ حسن طلبه إيه
غويشة محبس كردان حلق دلاية
هو لسه ما استقرش على حاجة
الشيخ حسن
إنت مش نازل مصر قريب يا رومانى
رومانى
ليه ؟
الشيخ حسن
كنت عاوزك تجيبلى المرة دى المستكة وأبوفاس
علشان نسيت تجيبهم المرة إلي فاتت لما كنت بتحضر فيها دفنة غير المأسوف عليه
ياترى المرة دى حيحصل إيه ؟
الله أعلم
رومانى
مش حاأقدر صدقنى
الشيخ حسن
صحيح حتنزل العطارين إزاى وإنت مبطوح فى راسك
معلش أنا نسيت
رومانى
يبقى أكيد ميلاد قالك إنى بأبطح نفسى
ميــــــــــــــــلاد
أنا ما قلتش حاجة للشيخ حسن
رومانى
إومال هو عرف إزاى ؟
ميـــــــــــــــــــلاد
بأقولك ماقلتلوش حاجة
رومانى
يا خسارة أنا إتغشيت فيك كنت فاكرك بنى أدم
الشيخ حسن
أسيبكم بقى تتخانقوا مع بعض وأنا أتكل على الله
هات يا بقطر العصايا بتاعتى وتعالى وصلنى لبره
رد مع اقتباس
المفضلات