الشيخ حسن
لا طلب ولا ما طلبش خلاص هى إنتهت على كدة
ميـــــــــــــــــــــلاد
ليه بس يا شيخ حسن ؟
الشيخ حسن
بقى أجيلك لحد دكانك وبدل ما تشيلنى على راسك تكلمنى بنشوفية
أنا فعلاً غلطان علشان ما سمعتش كلام الواد ميخا ونزلت مصر كان أحسنلي
يقولوا إيه أهل الكفر لما يعرفوا إنى جتلك لحد دكانك وإنت كلمتنى بنشوفية
ميــــــــــــــــــــــلاد
حقك عليا يا شيخ حسن أنا محقوقلك وإعمل فيا إللي إنت عاوزه
إجرى يا بقطر طيران على القهوة وهات كوباية عناب للشيخ حسن علشان يروق دمه
الشيخ حسن
ميـــــــــــــــــــــــلاد
وحيات نظرك يا شيخ حسن ميخا قالك إيه ؟
الشيخ حسن
لما سئلته فين الدكانة بتاعتك قاللي ليه هو عمل حاجة
ولما عرف الموضوع قاللي نصيحة يا شيخ حسن إنزل مصر أحسن وقال عنك كلام بطال
الظاهر إن مفيش حد فيكم بيحب التانى بس قصاد المسلمين بتتلموا مع بعض زى الدبان
ميــــــــــــــــــــلاد
بس روق دمك يا شيخ حسن
هو يعنى إحنا حنكرهكم كدة من الباب للطاق
ماانتوا بتطهدونا ومش سايبنا نعيش فى أمان
وبتخطفوا بناتنا
ومش عارفين بكرة حيحصل إيه من الاخوان
المهم إنك ما تزعلش نفسك
وقوللي طلبك إيه ؟
الشيخ حسن
إومال إنت عايش معانا إزاى إنت وجماعتك
فيه حد منكم شاف حاجة منا
جدك وأبوك وإللي خلفوك طول عمرهم وهما عايشين معانا عمرنا خطفنا حد منكم وعلى يدك بنت شحاته الاعرج مشيت بخاطرها وكانت فايتة جواب لشحاته بتقول إنها أسلمت بإرادتها وماحدش يدور عليها
والكنيسة هى إللي نبهت على شحاته إنه يخفى الجواب وما يجيبش سيرته ولمت ناس مانعرفش جابتهم من أنهى داهية وبعتتهم على هنا وكانت حتحصل مصيبة كانت حتتطربق فوق دماغتكم
ميــــــــــــــــــــلاد
إجرى يا بقطر هات العناب للشيخ حسن
الشيخ حسن
لا عناب ولا نعناع
ميـــــــــــــــــــلاد
يبقى شاى فتلة
الشيخ حسن
ما تتعبش نفسك
رومانى
يا ميلاد يا ميلاد
ميــــــــــــــــــــــلاد
أهلاً يارومانى
رومانى
إيد ده الشيخ حسن بشحمه ولحمه
الشيخ حسن
ودمه !
رومانى
كنت عاوزك يا ميلاد فى كلمتين بره
ميــــــــــــــــــــلاد
خير يارومانى فيه حاجة ؟
رومانى
أبونا باعتلك رسالة معاى
الشيخ حسن
أأقوم أنا بقى يا خواجة
علشان تلحق التلتميت جنيه
ميـــــــــــــــــلاد
ماشى يا شيخ حسن وأشوفك بعدين
الشيخ حسن
ياعالم حتشوفنى ولا لأ
مش يمكن تروح ما ترجعش
وانت بتقول الميت ما بياخدش حاجة
ميــــــــــــــــلاد
كدة بردو يا شيخ حسن
الشيخ حسن
مهو طول مانتم حتمشوا ورا أبوكم حيوديكم فى داهية
هو مش خسران حاجة وإللي يموت منكم كلب وراح
رد مع اقتباس
المفضلات