فى الحقيقه موضوع دقن الاسد دى من وحى ابو لمعه
وبعدين مساله ( جاء اسد مع دب ) سيدى الفاضل هذه قصص كليله ودمنه
هل على وجه الارض يخرج الاسد مع صديقه الدب ليصطادا
وشاهدا قطيعا ، فهجم عمو ( الاسد ) مع عمو ( الدب ) على القطيع ، ولانهما كانا فى الحقيقه يهدفان للتسليه فاختارا شاة واحده ( وقالا اهو نمزمز بيها محنا اصلا شبعانين ، وهى حتة معزة تعبانه هتكفى اسد ودب اصلا ) المهم ان الرمرمه بتاعتهم دى جابت اجلهم ، ليه بقى ، عشان داوود الشجاع طلع فانقذ الشاة ( قبل ميشووها على النار تقريبا ، ومعنديش فكره الاسد خد الشاه ازاى ومشى ، حطها فى جيبه مثلا ، اللى اعرفه انه بياكلها مطرحه مش هيحطها على البوتاجاز يعنى عشان ياخدها معاه ) المهم ان الدب اختفى فجأه ، يمكن اكشف ان الموضوع مش جايب همه ، او انه انتقل انيا عبر الزمن لا اعرف
المهم ان داوود هبد الاسد خبطه وجاب اجله ، وانقذ المعزه المسكينه وعاد والخراف تهتف بحياته ، وفجاه تذكر الاسد انه من عائلة ( القطط ) وان القطط ( بسبع ارواح ) فدبت فيه الروح الثانيه ( وامتلا منها ) واراد ان ياخذ المعزه ( ليه ؟ طفاسه بقى ودناوه مخدش باله انه لسه مموته قام تانى عاوز ياخد المعزه ، ودى كانت المعزه اللى قصمت ظهر البعير )
المهم ان داوود مسكه من دقنه ( وفى قراءه اخرى امسكه من ياقة القميص ) ثم قتله للمره الثانيه ( على التوازى )
وظهرت للمشاهدين كلمة Game Over

ودى كانت نهاية فرقة عبده الحامولى المسرحيه ( عفوا نهاية لعبة صمويل فايتر Samuel Fighter من انتاج .... ولا بلاش )