الراجل رمضان قال عجيبة الحكاية دى
ده مصيلحي إللي عندنا فى الكفر وبيقولوا إنه بيحضر الجن لما يكون واحد ملبوس و مصيلحى يقعد يعزم عليه بيقولوا ان الجن بيحضر ومصيلحى يقعد يهت فى الجن ويهدده إنه حيحرقه والجن يقعد يقول لمصيلحى أنا فى عرضك ما تحرقنيش يا مصيلحى
يقوم الرب إللي خلق الجن وخلقنا يحضر فى الفطيرة كده سكوتى من غير حس
طيب لما هو مابينطقش ولآ يدي حتى إشارة تعرفوا منين إنه حضر ؟
قلتله ياعم رمضان صبرك الواد تادرس تور الله فى برسيمه ولا بيفهم حاجة
خليك معاى
انا إللي حأكلك اللحمة
قاللي إهيه
المثل بيقول
خليك ورا مش عارف إيه لحد باب الدار
قلتله ده انا كمان ناوى أعزمك على حفلة عيد الميلاد المجيد عندنا فى الكنيسة
قاللي عيد ميلاد مين ؟
قلتله عيد ميلاد ربنا
لقيته بينادى على مراته
ياام السعد ياام السعد
الضيف عازمنا على عيد ميلاد ربنا
سمعتي بيقول إيه
بيقول عيد ميلاد ربنا
واخدة بالك انت
ها ها ها ها
وامتى بقا السبوع بتاعه
قلتله ياعم رمضان انت ليه مش مصدق أى حاجة
قاللي ومصدقش ليه مانتوا ممكن تعملوا أى حاجة
قلتله ماهو انت لو فهمت الثالوث حتصدق
بس مش وقته خالص بعدين بعدين
قاللي إيه هو إللي بعدين بعدين ماتخليها فى حموتها
قلتله بعدين لم تقبل الروح القدس علشان تفهم
الواد تادرس قال لما تاكل البقدونس يا عم رمضان
قلتله عمومآ خلينا فى الفطيرة دلوقت
قاللي خلينا فى الفطيرة وياريت تخليها دورة واحدة مدام الشيح مش نافع
قلتله ماشى جبت حبة الدقيق
قاللي أهم فى القرطاس
قلتله ولع المنئد وهات حبة البخور ويامسهل الحمل يحصل من دورة واحدة !!
وفتحت القرطاس بتاع الدقيق كأنى بشوفه وحطيته فى جيبى وهو مفتوح
الواد تادرس قال الحمل يعنى الرب ياعم رمضان عشان تبقى فاهم وما تظنش حاجة وحشة
قلتله تعالى ياعم رمضان واقفل الباب علينا واقفل الشبابيك علشان نبتدى نحّضر
قاللي خلاص حتحّضر ؟
قلتله أيوه
قاللي ربنا يجعل كلامنا خفيف عليهم
ورحت حاطط البخورعلى النار الأول والآوضه زعببت من الدخان بتاع البخور والواحد بقا مش شايف صوابعه وجبت الصاجة إللي عليها الفطيرة
وقبل ما أحطها على النار مديت إيدى بالراحة وحطتها فى جيبى إللي فيه حتة اللحمة وقلتله ياريت ياعم رمضان تحاول تشوف النورالبسيط ده جاى منين ؟
قاللي فين النور ده ؟
وفى لحظة ما كان بيبص هو والوله تادرس ويدوروا على النور إللي بقول عليه كنت حطيت حتة اللحمة فى وسط الفطيرة ورشيت عليها الدقيق
قاللي هو الرب بتاعكم بيخاف من النور ومابيحضرش إلآ والدنيا ضلمة ؟
الواد تادرس قال فى الكنيسة ياعم رمضان بتكون الكهربا جامدة جدآ
أنا قلتله خلاص إفتح الشبابيك ياعم رمضان
المهم ياولاد أول ماحطيت الفطيرة على النار وحتة اللحمة شمت النار ريحتها طلعت وبدأ يظهر قرص اللحمة وسط الفطيرة
والواد تادرس راح موطى وحابب على إيدى
وقال دى معجزة يابونا وعمرها ما حصلت فى الكنيسة إللي حدانا
التلاميذ
هه وبعدين
عم رمضان لما لقى قرص اللحمة صغير وسط الفطيرة
قاللي وماله كاشش فى نفسه كده !!
يكونش خايف ؟
وإيه إللي حواليه ده ؟
قصده على بقية الفطيرة لأن قرص اللحمة كان فى نص الفطيرة وحواليه فراغ
الواد المسحوب من لسانه تادرس قال
ده لازم الجلد ياعم رمضان
عم رمضان قال لأ وانت الصادق دى الفروة بتاعته
قلتله كلام إيه ده ياعم رمضان
قاللي انتوا مش بتقولوا الحمل
انا ماردتش عليه وقلت أخليه يدوق الأول
بس الوله الملعون تادرس مد إيده الأول وخد منى الحتة إللي كنت عاوز أناولها للراجل رمضان وأول ما داقها تادس راح موطى تانى وحابب على إيدى
وقال معجزة تانية يابونا القربانة متبّلة
طول عمرى وانا بتناول الخبزة فى الكنيسة وطعم الخبزة بيكون طعم الخبزالعادى
النهاردة أول مرة فى حياتى الخبزة يكون طعمها طعم اللحمة وريحتها ريحة اللحمة وكمان متبّلة بالتوم والكمون
فين بتوع الكنيسة إللي حدانا يجوا يشوفوا الشغل إللي على أصله
يتبع بمشيئة الله