اسمحولى اشترك معاكم فى الحوار
دى أول مشاركة ليا واتمنى مشاركاتى معاكم تدوم
الحقيقة أن أى بنت تدى لنفسها فرصة تفكر فطريقة لبسها أكيد هتختار انها تكون محتشمة ومش ملفتة للنظر ...أيا كانت ديانتها ايه
وبعترف اننا كمسيحيات بطريقة لبسنا سبب فى اتخاذ فكرة خاطئة عن تعاليم المسيحية
التى منها " فى رسالة بولس الاولى الى تيموثاوس9:2 "
كذلك النساء يزين ذواتهن بلباس الحشمة مع ورع وتعقل لا بضفائر أو ذهب أو لألىء أو ملابس كثيرة الثمن بل كما يليق بنساء متعاهدات بتقوى الله بأعمال صالحة .
طبعا فى اجزاء تانية بتتكلم عن المرأة لكن لأن فى جزء تانى احب ارد عليه هكتفى فى الجزء ده انى اقول ان فى خطأ وتساهل مرعب فى ارتداء المسيحيات لملابسهن ولكن هذا ابدا لم يكن خطأ الدين واتمنى ان اى بنت تحافظ على نفسها

الجزء الاهم موضوع الحل فى لبس المايوه وده رأى شخصى
القسيس اللى يدى حل بلبس مايوه يبقى افضل يسيب مكانه لحد تانى بيعرف ربنا عشان يقود الشعب بحكمة وامانة اكتر
والبنت اللى أنا أسفة " بتستهبل " وبتسأل قسيس فالموضوع ده هى عارفة الصح ايه واكيد ليها هدف تانى من السؤال

ولكم كل تحياتى