اللي مجنني وهيطيّر برج من نفوخي ، ان انا لو حطيت السؤال ده في احد منتدياتهم هتلاقيهم اتلموا عليك ياولداه وطاخ..طيخ...طوخ..علي شوية اتهامات بالجهل ، علي حبتين اتهامات بالنقل ، علي شوية اقرا ياسيد المواضيع اللي في المنتدي قبل تيجي تهلفط هنا ، ولو ربنا كرمك بواحد نصف مؤدب تلاقيه يقوم رازعك مداخلة عشرة متر وفيها نص طن كلام مالوش علاقة بالموضوع اصلا، ترد تقول له يا باشا اللي انت كاتبه ده مافيش فيه رد للسؤال ، يقوم يتنّح ويقولك تم الرد علي شبهتك يا مسلم ، تقوم تقول له طب شاورلي فين الاجابة ، يبتدي يتخنق منك ويقول التزم الادب في كلامك يامسلم ، ولو انت بقي حظك طين هتقع في واحد كاتب مداخلة ماليهاش علاقة بالموضوع نُهائي تقوم تقول له ياسيد ، تقريبا حضرتك بترد علي موضوع تاني وجيت هنا غلط ، والاكاده بقي لو وقعت في واحد مطبطباتي ! ودول مرطرطين هناك، مين المطبطباتي ده بقي؟ ده اللي هيدخل ومالوش دعوة بالموضوع خالص مالص، ويقولك يسوع بيحبك يا مسلم ...افتح له عشان يدخل يا مسلم ...يسوع رب المجد اتصلب عشانك..وعجبي ،