اقتباس
ما علة حلول اللاهوت في الناسوت وما الفائدة منها اصلا طالما الصلب والتعذيب تم فيمن يجوز فيه الصلب التعذيب والموت (الناسوت) ابتداء ، فالمسيحيون يقرون ان الصلب والاهانة والموت تمت للناسوت فقط

نقول بالبلدي


جسد المسيح اللي هوه محدود، طبيعي انه يشعر بالتعذيب ويمكن صلبه ويمكن التأثير عليه بالتغيير او التشويه وخلافه لأنه حادث مش ازلي لانه كان جنين وكبر اذن عملية صلبه يقبلها العقل ماحداناش مشكلة من الناحية دي.

الله تجسد في المسيح (هعديها دلوقتي) بدون اختلاط ولا امتزاج ولم ينفصل عنه ساعة الصلب (برضه هعدي دي كمان دلوقتي) .

الله ازلي غير حادث ما ينفعش تغيره وساعة الصلب المسامير دقوها في ايدين يسوع مش في ايد اللاهوت وضربوا يسوع (الناسوت) لأنهم ما يعرفوش يضربوا اللاهوت ومافيش لاهوت يضّرب

بعد الصلب الناسوت قعد ينزف (يخر دم يعني) لحد ما مات ، بس اللاهوت ماماتش لان مافيش لاهوت بيموت .

دفنوا يسوع اللي هوه الناسوت بس اللاهوت لا لأن ماحدّش يقدر يدفن اللاهوت .

يبقي كل الاذية حصلت في الناسوت اللي هوه اصلا قابل لكده

السؤال


اللاهوت كان بيعمل ايه بقي ؟ تجسد ليه اصلا ؟ حل في الناسوت ليه ؟ ايه اللي استفاده الناسوت من اللاهوت لما حل فيه ؟

ماهو مش معقول مافيش واحد مسيحي فاهم الحكاية دي لازمتها ايه .

في انتظار اي مسيحي فاهم يخرجنا من جهلنا.