اقتباس
المشاركة الأصلية كتبت بواسطة عمر الفاروق 1
اختي واخي لو ان احدهم قال لك ان الرسول عليه الصلاة والسلام سيزورك بعد ايام.ماذا تفعل ؟؟؟
هنشفر القنوات الفضائية لربما النبى صلى الله عليه وسلم يمسك الريموت
هنشيل الصور والتماثيل ... اللى مالية الشقة
هنشيل الطفاية اللى فى اوضة الجلوس .. طبعاً عشان النبى ميعرفش اننا بنسمح للناس تدخن سجاير عندنا
وطبعاً هنعلق ورقة كبيرة مكتوب عليها ... التدخين حرااام شرعاً
همسك الموبايل وأشيل منه أسماء الشباب ورسايل الحب والغرام
وطبعاً
هدخل اوضتى وامسك شرايط الاغانى كلها وارميها فى سلة الزباله
واستلف لى كام شريط قرآن من جارتى الملتزمة
هفتح الكمبيوتر بتاعى واحذف كل المواقع الاباحية واضيف مكانها مواقع اسلامية
ومش هنسى اشيل صور تامر حسنى وعمرو دياب اللى مالية الاوضة
وااه صحيح
نسيت
كل هدومى برموده وكات
ومينى جيب
طيب البس ايه اقابل بيه النبى
انزل اشترى لى عباية محتشمة احسن النبى يقول عليا متبرجة
اه وكمان خمار كبير
طيب ولما النبى يسألنى عن مصحفك اللى فى جيبك اقول اييييه
مفيش فى البيت غير المصحف الكبير اللى فى العلبة القطيفة اللى فوق النيش
الله المستعان
تخيل ان النبى هيزورك فى بيتك
طيب لو ملك الموت
طيب ما ربنا شايفنا ومطلع على خبايانا
مش آن الآوان عشان نغير نفسنا
عشان نصلح كل حاجة غلط بنعملها
مش آن الآوان عشان نبطل نستهين بنظر الله
أسأل الله ان ينير قلوبنا
ويهدينا الى فعل الخيرات وترك المنكرات 
رد مع اقتباس
المفضلات