ثانيا
في راي الجميع ايهما اقوى واشد
العلاقه بين الصديق وصديقه او الحبيب وحبيبه او الراجل ومراته

الديانات السماويه اللي هما اليهوديه والمسيحيه بيعتبر العلاقه بين الراجل ومراته علاقه مقدسه من الدرجه الاولي وحتى في الاسلام يوجد عقد علي يد مازون في حاله الجواز

لذلك الروح القدس اختار افضل واقوى علاقه علشان يوصفلنا العلاقه بين الانسان والله
وبالتالي بيوصف الحالات الي ممكن يكون فيها الانسان مع الله علي شكل حالات زوجيه

في الاول الحب بعد كده الخطوبه بعد كده الزواج والعشره الدايمه

يعنى مثلا في اول السفر اتعرف العريس علي العروسه وادخلها حجرته وهيا كمان بتقوله انت احلي وريحتك كمان حلوه
كذلك الانسان اللي يكون عايش في الخطيه ويدوق حلاوة العشره مع الله يقول لله اسمك دهن مهراق
اي مجرد اسم يسوع المسيح بالنسبه للشخص اللي بعد عن الخطيه ورجع لربنا حلاوه ولذه لا تنتهي

كذلك شويه قدام في السفر بتقول العروس" فِي اللَّيْلِ عَلَى فِرَاشِي طَلَبْتُ مَنْ تُحِبُّهُ نَفْسِي. طَلَبْتُهُ فَمَا وَجَدْتُهُ."
اي علي فراشي يرمز للكسل بمعنى ان الانسان اللي يرجع لربنا وبعدين يكسل ويتراخي في العشره مع ربنا , الله المحب يمنع عنه التعزيات السماويه زي الفرح و السلام فيشتاق الانسان الي الله ويحس ان الله مش موجود معاه فيقوم ويحاول يرجع لله عن الطريق الصلاه والصوم والاعتراف وقراة الكتب المقدسه

وبعد كده توصف العروس الغريس وصف كامل من اعلي الي اسفل ويوصفا العريس من اسفل الي اعلي
طبعا الوصف الجسدي له معانى
زي اليد ترمز للعمل
يعنى لما الانسان بيعمل حاجه تعجب الله زي العطف علي الفقراء يقوله ايديك حلوه
كذلك لما الانسان بيحس بيد الله وقفت معاه في موضوع معين بيقول لله ايديك حلوه
وهكذا بقية الوصف
فمثلا
فم العريس يرمز لكلام الله اللي ممكن يكون في الكتاب المقدس او في وعظه او في برنامج دينى
فم العروس يرمز الي الصلاه اللي بيصليها الانسان بكل شوق وحراره الي الله

واخيرا العروس وصفت العريس من اعلي الي اسفل اي ان الانسان بيشوف اعمال الله القويه الاول وبعد كده يحبه الله بكل ما فيه
ولكن العريس وصف عروسته من تحت لفوق
اي ان يسوع له المجد بيحبنا علي بعضنا بخطايانا وبذنوبنا بحلاوتنا ووحشتنا باعملنا الحلوه وباعملنا الرديه

"لانه هكذا احب الله العالم حتي بذل ابنه الوحيد لكي لا يهلك كل من يومن به بل تكون له حياة ابديه"

وهكذا الي اخره
بعد كده العريس والعروسه ارتبطوا ببعض اللي ارتباط نهائيا الي الابد والي دهر الدهور امين.

فيجب ان في امور الدين انك تحكم عقلك اولا ثم قلبك ثانيا ولكن اغلب من يبحث في امور الدين خاصة من اخوانى المسلمين يريدون ان يخرجوا اخطاء من الكتاب المقدس والعقيده المسيحيه وخلاص بدون تحكيم العقل او القلب.
واتمنى ان الا اكون اثقلت عليكم الحديث.
وشكرا.