بسم الله الرحمن الرحيم والصلاة والسلام على اشرف واكرم الخلق سيدنا محمد عبد الله ورسوله وخاتم النبيين بجد انا مش فاهم الاستاذ سرمد اولا ديانته ايه مسلم ولا مسيحى ولا يهودى ولا بوذى وبعدين والله ما فهمت من موضوعه كلمة واحدة فرحان اوى هزيمة ثلاثة طلاب شريعة كانه هزم الشيخ الشعراوى مثلا دى اذا كان موضوعه اللى بيتكلم عليه صح اصلا وحصل من الاساس وبعدين انا طبعا قليل العلم جدا ولا ارقى لاى استاذ كبير من استاذة واسود الاسلام اللى هنا ربنا يجزيهم خير لكن هوا ايام سيدنا ابراهيم كان فى ديانة اسمها اليهودية اصلا على حسب معلوماتى القليلة ان اليهودية مشتقة من اسم يهوذا احد اسباط بنى اسرائيل ودول من نسل سيدنا اسحاق ابن سيدنا ابراهيم عليه وعلى نبينا الصلاة والسلام يبقى ازاى سيدنا ابراهيم كان يهودى والديانة والاسم مكنوش موجودين اصلا ثانيا ملكوت ايه اللى زى الملايكة احنا بنى ادميين وعايشين فى الدنيا وربنا بيختبرنا كبنى ادمين ازاى يعنى نتحول لملايكة كلام اخر سذاجة بصراحة ويعنى حستفيد ايه لو بقيت ملاك انهو احسن اتمتع بالمتع الحسية الى صبرت عليها فى الدنيا زى الاكل والشرب والزواج ومعاها كمان المتعة الروحانية برؤية المولى عز وجل ورؤية الانبياء والاهل ولا اكون مجرد ملاك ومجرد روح اظن الاجابة واضحة لكل عاقل اسف للاطالة وشكرا