ليا تعليقين:

الأول : ان الدنيا سجن المؤمن وجنة الكافر


ولازم الانسان يتحمل أن يكون ملتزما وسط كل هذا الكم الهائل من التبرج والابتذال

أنا مش بتكلم كده على أساس اني مطبقة موضوع الزي الاسلامي 100%

بالعكس أنا بقول كده علشان أنصح نفسي واياكم اننا نكون أحسن

ونفتكر دايما أن القابض على دينه كالقابض على جمرة من النار

ولكن بالنهاية الجنة ونعيمها

التعليق الثاني: أثرت موضوع الحجاب قبل كده في أثناء جلسة مع جيراني وقلت لهم يا جماعه أنا جوايا صراع وخناقه كبيرة بين الصح والغلط بين الخير والشر

أنا محجبة لكن حاسة اني لما بلبس الحجاب مش بكون على حريتي وببص للي بيلبسوا لبس مودرن وببقى متضايقة شوية

جاني رد مريح : انتي مثلا لو على البحر بحجابك أو حتى لو كانت واحدة لابسة نقاب قاعدة حرانة قوي وجنبها واحده لابسه شورت ومنطلقه ومبسوطه بالجو

لما ترجعوا البيت المتبرجة خلاص بيبقى احساسها عادي جدا داخل البيت ومش فرحانه
لكن انتي بمجرد خلعك لملابس الحجاب هتحسي بانتعاش رهيب بعد احساس الحر وختحسي بحاجه كمان جميلةجدا هتسعدك دايما انك امتثلتي لأوامر ربنا ركسبتي ثواب تحملك لملابس الحجاب وبرضه هتكوني استمتعتي في البحر يعني الحكاية مش اختناق انما بعض التقييد من حريتك

بصراحه عجبني الرد لانه كان مقنع جدا

انتم بقى ايه رأيكم؟