السلام عليكم

والله الواحد مش عارف انا بضحك ليه يمكن اكون بضحك على نفسى وازاى اكون كبير كده ومتعلم وكنت بصدق الكلام ده . فكرتونى بحوار حصل بينى وبين واحد صاحبى فى نفس الموضوع ده وكان ليه راى انا عرفت قيمته دلوقت مع انه مسيحى بس عاقل شويه .

كان دايما يقولى متصدقش الكلام الفارغ ده العذراء مش محتاجه تظهر لينا علشان نقدسها الموضوع كله بيرجع للعامل النفسى وشويه اضاءه

العامل النفسى هو الدوشه والطبل والزمر وتجمع الناس من مسيحين ومسلمين وطبعا اى مسيحى واقف عايز يطلع قدام المسلم انه على حق وهيوهم نفسه بحده علشان المسلم يصدق يعنى حتى لو شاف ايه هيقول بصوا اهى العذراء وطبعا مع الصياح والهتاف حتى اللى ماشفش حاجه هيحلف بلانجيل انه شاف كله بيرجع للعامل النفسى اللى بتهيئه الكنيسه وهى فاهمه كده كويس تجمع الناس ومع الطبل والزمر والدوشه وشويه صيحات بينهم

وطبعا النور او الليزر لما هيظهر ابو مين اللى مش هيقول انها هى

وكنت دايما لما اروح بئا واجى اهدى كده واحاول افتكر اللى حصل وهى بجد ظهرت ولا لا اسال نفسى طب اشمعنى بليل ليه مش بنهار وبعدين هو احنا كنا نعرف شكلها علشان نقول هى دى ولا هى العذراء هتظهر بالشكل اللى احنا رسمناه ليها وبعدين ليه مظهرتش من زمان ليه الايام دى ؟

وليه كل ما حد مهم يدخل الاسلام بتظهر العذراء ؟ والله اسئله لو جاوب عليها اى مسيحى هيعرف الحق ؟

وليه فعلا لم تشفى البابا شنوده نفسه ؟ طيب منا اختى كمان مريضه وكانت بتصلى ليها على طول وتدعيها ليه مظهرتش ليها حتى فى حلم ؟ الواحد مش عارف يقول ايه بس