للمساعدة ياجماعة

[Pure]

السلام عليكم ورحمة الله وبركاته

اسعد الله اوقاتكم بكل خير


حقيقة ماني عارف كيف ابدا لكن شعور غريب احس فيه وعسى بس نقدر نوضح وش نبي
ياجماعة انا رجال ادرس في كندا من اكثر من اربع شهور ، اليوم رحت للبنك كان عندي شوي
امور المهم الانجليزي عندي مو بالحيل لكن يمشي شوي ، بعد ما خلصت اموري جلست اسولف
مع الموظفة عن امور الدين (لاتسألوني وشلون دخلنا بالموضوع لاني ماادري) وجلست اتكلم انا
وكان معاي واحد من زملائي عن الدين وعن الصيام وسألناها وش دينها قالت انا مالي دين لاني
دخلت بالمسيح لكن ما اصدق الكلام اللي قريته بعدها المره بدت معانا بدت تسألنا اسئلة والله مانفهم عليها مررره
لكن بالنهاية قالت لنا اتمنى احصل على كتاب عن الاسلام وانا ياجماعة ما ادري وش اعطيها
رابط تعطوني ارسله لها وياليت الرابط يتكلم عن علاقة الاسلام بصحته لان الكنديين بشكل عام يهتمون بالصحة
بشكل رهيب اي شي فيه صحة للجسم يهتمون فيه لأني من اسباب طلبها للقران عشاني قلت ان الصيام
يعني يقوي جسم الانسان ودراسة تمت في امريكا تقول ان الانسان اذا صام كـ اقل شي 15 يوم بالسنة يقوي جسم
الانسان ويفيد الجسم واشياء كثيرة ناسيها والله كلام كثير ياجماعة ومتلخبط ما ادري وش اقول وماادري وش
اسوي لان الكلمات الدينية مابعد جيتها بالانجليزي حتى اقدر اتكلم معاها فـ اخدمونا تكفون في رابط يفيد الكندية
ونكسب الاجر وياكم وياربـــــــــــــ ....

[ابو علي الفلسطيني]

بسم الله الرحمن الرحيم

http://55a.net/firas/en1/

http://www.sultan.org/articles/QScience.html

http://www.miraclesofthequran.com/index.php

http://www.islam101.com/science/quran_sc_tv.html

https://www.ebnmaryam.com/vb/showthread.php?t=210

[Pure]

يعطيك ألف عافية
ماتقصر ويعلم الله اني فرحة لمن شفت هالمنتدى
وماتعرف كيف ارتحت لمن شفته
الحمدلله الدنيا بخير
دام فيه ناس مثلكم الله يجزاكم خير جميعاً ولايحرمكم الأجر ياربـــــ
وابشرك اخذت كتاب القران من مسجد في المدينة اللي ادرس
فيها وسلمتها للبنت والحمدلله واعدتني انها تقرى
الكتاب وبالعكس فرحت وانبسطت يوم قلت
لها مجاناً ولا ترجعينه وياربــــــ نسوي شي بحايتنا ينفعنا بآخرتنا
جزاكم الله خير ولا يحرمنا وياكم الاجر
وراح ارسل لها الروابط
قريــب ان شاء الله