فى حاجه كمان بصو يا جماعه عقار التامفلو ليس قاتل للفيروس ولكن يعمل على شله لفتره زمنيه قصيره 4-7 ايام لحد ما جهاز مناعه الانسان يسيطر على الموقف و يأخذ اليد العليا وبيبتدي يطلع ترسانته للقضاء على الفايروس ...
لان انفلونزا الخنازير مدى خطورتها يكمن في حاجتين ... سرعه انتشارها و سرعه تطور المرض ... وده اللي مبيديش فرصه للمناعه انها تدافع عن الجسم
وبطبيعه الحال الناس اللي تحت ال 25 سنه او فوق 60 سنه او بياخدو علاجات مزمنه زي حالات الربو اللي بتاخد كورتيزونات و مصابين السراطانات اللي بياخدوا علاجات اشعاعيه وكيميائيه و المرأه الحامل ومريضي الكبد واي مرض (او حاله فسيولوجيه) تؤدي لاضعاف المناعه مش هتستجيب للعلاج لان زي ما سبق وقلت عقار التامفلو لا يقتل الفايروس ولكن يشله فقط والدور كله على مناعه الشخص نفسه ... فإذا مكانش في مناعه ,, الفيروس بينشط بعد مده لانه بيحور من شكله و لا يستجيب للعقار و بيضرب الجسم بعنف تؤدي لقتل المريض في النهايه عن طريق تدمير جهاز التنفس
وبالتالي لازم لا نهول من قدره الفيروس نفسه لانه فعليا ضعيف وبعض الناس (واقول -- بعض--) ممن لديهم مناعه قويه يمكن لهم ان يتغلبوا على الفيروس حتى من غير تناول العقار ... ولكن المشكله تكمن لو اصاب بهذا بالمرض شخص ضعيف المناعه ((وماااااا اكثرهم في مصر ))
كمان نقطه يا جماعه على الانترنت منتشر بقوه اشاعات وكلام فاضي بخصوص بيكاربونات الصوديوم و الينسون
اولا: بيكاربونات الصوديوم قد يكون لها تأثير ضعيف على الفايروس ولكن تناول ولو ملعقه صغيره منه كما في الروايات خطير جدا جدا على صحه الشخص و يعمل على تكوين قرحات معده و تكوين حصوات في الكلى دا غير انها بتوقف انزيمات الكبد و نخاع العظام و بالتالي بتضعف المناعه بشده والكلام ده مثبت علمياً
ثانيأ: بالنسبه لليانسون المستعمل في علاج المرض هوا نوع آخر من اليانسون اسمه اليانسون الياباني او النجمي و حسب ما شفت في مصر هوا قلييييييل جدا جدا ويكاد يكون غير معروف و هو له تأثير حيادي على الفيروس ولكن آثاره الجانبيه كتير جدا اقلها انه ممكن يسبب فشل كلوي ببساطه
فياريت اننا لا ننساق ولا امثال هذه الرسائل اللي بيصدرها اشخاص انصاف متعلمه او على غير درايه بطبيعه جسم الانسان نفسها (ليسو اطباء مؤهلين)
وهذا أيضا منقول وأعتقد أن اللذى يقصده هنا هو الينسون اليابانى لأنه سام وليس الصينى