سلمت يمينك يا درة المثقفات على هذا المجهود الطيب في اتحافنا برائعة الأستاذ الكبير د/ عائض القرني (لاتحزن)

الكلام كله منطقي جدا وأكثر من رائع

لكن زي ما عقبتي على الكلام تبقى المشكلة كامنة فينا وفي قدرتنا على تطبيق هذه النصائح الذهبية

لقد قال رسولنا الحبيب عليه الصلاة والسلام كلمات في حديث شريف له لخص فيها أسباب السعادة والاطمئنان وراحة البال

قال وبالترتيب لأهمية كل من التصنيف الذي أورده علينا:

" من بات آمنا في سربه معافى في بدنه يجد قوت يومه حيزت له الدنيا بحذافيرها "

صدق رسولنا الكريم صلوات الله وسلامه عليه

ولو لاحظنا ترتيبه جه ازاي هنلاقي الأول الأمان طبعا الأمان أهم شيء ايه فايدة الصحة الوفيرة والرزق الوفير في بلد لا تنعم بالأمان

وبعد كده الصحة : طبعا علشان بالصحة نقدر نعمل ونحصل على رزقنا

وختم النعم بقوت اليوم الواحد

عارفين ده معناه ايه ؟ معناه ان ممكن يكون فيه صياد عايش في مركب في بلد آمن وصحة الصياد ده ممتازة وبيصطاد كل يوم شوية سمك ياكل منه او يبيعه ويتمنه يجيب اكل تاني

تصوروا بقى يا جماعة ان الصياد ده أحسن من سلطان لأن السلطان ممكن يكون مريض حتى وان كان يحيا في أمان ورزقه وفير

صدق رسولنا الحبيب عليه الصلاة والسلام

وتحياتي لكي غاليتي نسيبة جوزيتي من الله خيرا أنتي ود/ عائض القرني