بسم الله الرحمن الرحيم


سلام الله على منهو مربينا على الاحسان *** معلمنا أصول الدين محذرنا ظلام الوقت

ولد شيخ الا منه نزل في أول الديوان *** تنحوا له كبار القوم وهلو به هلا بك انت

ألا ياغالي عندي فديتك ياأعز أنسان *** جعل يومي قبل يومك وتبقى غالي ماهنت

أنا يابوى لو أقدر أبهدي لك شعب وأوطان *** تمشيهم على كيفك أمير وين رحت وسرت

أنا مادور الراحه بدنيا كلها أحزان *** لفتني همومها بدري عطتني درس وتعلمت

عرفت أشلون أداريها إلا من صكت البيبان *** مفاتيح الصبر عندي وتعليمك به اتحنكت

أبي يابوي تسمحني إذا موتي بلحظه حان *** وتدعي لي بحسن ختام من الدنيا إلامن مت

ياليت أكون مطمن إذا لفتني الاكفان *** وظمتني وسط قبر ظليم في ديار تحت

عسى الله يغفر ذنوبي ويسكني بعالي جنان *** بها شي من اللذات ماعمري به اتحلمت