بسم الله الرحمن الرحيم
ابونا مكارى نبغة طبية فى القرن الواحد و العشرون
معجزة شفاء امام وخطيب جامع بالقاهرة على يد ابونا مكارى
معجزة شفاء فتاه عمياء ومشلوله على يد ابونا مكارى
فتاه محجبه خرصاء تتكلم بمعجزة على يد ابونا مكارى
نداء الى وزير الصحة المصرى د/ حاتم الجبلى بالله عليك يا اخى تسيب واحد زى ابونا مكارى ده من غير ما تعينة حتى مساعد للوزارة هو الطب فى مصر باظ من شوية . سايب نابغة زى ده ورايح تجيب اطباء من الغرب .
يا اصحاب المستشفيات الخاصة حرام عليكم انكم تسبيوا الراجل ده .
تثمال ام النور و الزيت المقدس اقوى علاج فى القرن العشرين
تعالوا نشوف حكاية الزيت بقى :
اول حكاية:
كنا في زيارة العام الماضي وكان معنا سائق غير مسيحي ودخل الكنيسة يريح وياخد فكرة وكده
ابونا وهو بيوزع الزيت اداله.فاخد ولم يهتم وروح بيته في القاهرة وبعد اسبوع طلبني بالتليفون وقاللي عايز اقابلك ولما قابلني قاللي انتو سحرة بس مبروكين قلتله ليه بس ؟
قاللي انا كنت مزعل ام العيال وكنا في نكد وكنت كل ماروح البيت يبقي يوم مش فايت لدرجة ان ابني الصغير كان بيتسرع من الخناق.
ويوم ما جيت معاكم رجعت البيت ورميت قزازة الزيت عي الرف وسيبتها .
عدي اليوم علي خير واللي بعده واللي بعده ييجي 4 ايام وبعدين سأتني ام العيال عن القزازة قولتلها اديها لحد من جيراننا المسيحيين دي تبعهم.وما خدتش في بالي لحد ما رجعنا للخناق علي اهون سبب بعد ماوزعت القزازة وفي نفس اليوم.
رجعت جبتها امبارح ومش هاخرجها م البيت تاني
تانى حكاية :
اشترينا سيارة لاخي المعاق من بورسعيد واخدنا بركة الكنيسة ورشيناها بالزيت هناك وبعدين جينا ووصلنا القاهرة بسلام وقبل البيت بحوالي 3 كيلو سمعنا تخبيط في عجل العربية قمنا ركنا عند ميكانيكي نشوف فيه ايه..الراجل رفع العرية ووجد ان طنبورة العجلة اليمين الامامية غير مثبتة وماكنش فيها مسامير اصلا ولا الفتيل قام قلنا كويس انكوا ماتحركتوش بيها دي لو مشيت نص كيلو كانت اتفكت (وهو لا يعلم انها مشيت 200 كيلو من بورسعيد)
حكاية ثالثة :
في يوم جاتني الام غريبة وتعب جامد واخدت كمية مسكنات لا بأس بها وكنت اشكوا من الام بالاعصاب سبق وتكلمت عنها وماكنتش قادر انام خالص وفي نص الليلصحيت مراتي وانا بابكي من الالم وقلتلها انا تعبان م الصداع قالتلي اربطلك دماغك وهاتروق وسبتها تعمل اللي هي عايزاه وكنت مستسلم تماما
وفجأة لقيت نفسي قايم من النوم واننا بقينا الصبح قلتلها حاسس كأن مافيش حاجة قالتلي انت كنت بتخرف بالليل قمت حطيتلك زيت من بتاع بورسعيد
تتفتكروا يا جماعة بعد كل التخاريف دى من اول الشجرة المبروكة و لوحة المانيا و ظهورات العذراء وابونا مكارى و الزيت المقدس بعد ده كله بلدنا طول ما فيها ناس زى كده هتتقدم خطوة واحدة:طبعا الحكومة مبسوطة من اللى بيحصل ما فيش اسهل من حكم شعب غرقان فى الاسطاطير و الخرافات
فلا لاتجرؤ السلطات على قطع الشجرة المبروكة؟، لاأدرى ماهو السبب فى هذه الشيزوفرينيا الأمنية؟، سيادة اللواء بعد ان تاكدوا انها بفعل فاعل لايجرؤ على إعطاء أمر البتر، ونفر الأمن المركزى الغلبان لايجرؤ على التنفيذ!!، هل السبب يكمن فى تغلغل وثبات الجذور الإيمانية الشجراوية فى تربة الأمن المصرى؟، أم أن السبب هو أن سيادة اللواء تأثر بالممثل محمود فرج فى مشهد تحطيم الأصنام وهو يصرخ " لقد شلت يدى "!!،
و برضوا فى اسيوط نجد كافة القيادات الامنية تقوم بدورها الوطنى لتأمين الاحتفال الكبير لرؤية اشباح السيدة العذراء , هم عاوزين اية غير ان الناس تكون مبسوطة لازم يلغوا علقهم و السادات يؤكد هذا الظهور فقد ظهرت العذراء له فى بعد النكسة علشان يقوى روح الايمان لدخول حرب اكتوبر .
رد مع اقتباس
المفضلات