حوار مع الكريمة ماجي

[رفيق أحمد]

اقتباس

اشكر حضرتك على حسن استقبالك لى
بالنسبة للسيد المسيح انا اؤمن حتى هذة اللحظة انة الهى ومخلصى اللى اتحمل العار والاهانة ليحمل خطيتى انا وغيرى
وبالنسبة الصليب اتعلمت فهو ليس عار ولا لعنة بل افتخار بمحبة الله لينا
هذا ايمانى
مش هنكر انى فكرت كتير لية ربنا سمح بكدا وبقيت انظر لصورة الصليب اللى متعلقة قدامى فى غرفتى امام عينى دائما واسال ربنا لية عملت كدا
مكانش فى طريقة تانى تفدينا بيها
لكن فى الحال يتردد لاذانى كلام الرسول بولس حاشا لى انا افتخر الا بصليب ربنا ومخلصنا يسوع المسيح
متاسفة لكلامى بس دا اللى اتربيت ونشات علية
انا مش عاوزة اعرف شئ عن المسيحية لكن محتاجة اعرف اكثر عن دين الاسلام
هو فى سؤال بيدور فى ذهنى الان
لية ربنا سمح ان الناس تحتار؟
اسمع ردود مسيحيين اشعر ان دين الاسلام بعيد كل البعد عن الله وللاسف بقتنع
المشكلة بقى
انى بسمع ردود مسلمين عن المسيحية اشعر نفس الشعور انة دين بعيد كل البعد عن الله
فعلا انا فى حيرة ولا انكر هذا
اتمنى طبعا يكون ايمانى صحيح ولكن لو فعلا انا فى الطريق الغلط ربنا ينور الطريق ليا ولالاف زى اثق انهم فى نفس الحيرة
واشكرك

طيب ... لن أثقل على حضرتك ... ولن أتكلم عن الدين الذي نشأتِ عليه

وسيكون كلامي بالعامية علشان يكون أبسط


هوا بس أنا كنت حابب أضرب مثل لسؤالي اللي فات ... ومش لازم حضرتك تعلقي عليه ... كفاية بس تقريه ... وبعدين هابتدي أعلق من المشاركة اللي بعدها على كلام حضرتك


دلوقتي عندنا بنت بتحب أبوها أكتر من حبها لنفسها ... وحصلت لأبوها مشكلة ... واحد من الجيران شهد إن أبوها ده راجل محترم وزي الفل ... وواحد تاني من الجيران قال إنه حرامي

البنت ساعتها تصدق كلام مين من الإتنين عن أبوها؟؟؟ ومين من الجيران دول هيكون أقرب ليها من التاني؟؟؟


بس ... المداخلة الجاية إن شاء الله ندردش عن المشاركة اللي في الإقتباس ... وأشكر لحضرتك ذوقك وصبرك