الحقيقة المعلومات الي قريتها في موضوعك معلومات ممكن اوصفها بانها مثيرة جدا واعتقد ان الوصف دا يعني انها معلومات جديدة وغريبة تفتح باب للجدل لا اول له ولا اخر ... انت اتكلمت عن بعض الظواهر سياسية اجتماعية علمية وادرجتها كلها تحت نظرية السحر الاسود .. الحقيقة انا مش هنكر فيه تفاصيل كتيرة في موضوعك مقنعة بصورة كبيرة لكن فيه حاجات تانية حاسة انها فيها مبالغة شوية مثلا كون ان السياسة الخارجية لبعض الدول تعتمد اعتماد اول علي السحر في تاثيرها علي سياسات الدول التانية ..اعتقد ان الموضوع مش بالبساطة دي ..
نقطة تانية انت اتكلمت عليها وهية القدرات العقلية الي موجودة عند البعض انت شرحت القدرات دي كلها علي اختلاف انواعها علي انها قدرات سحرية وميقدرش انسان انه يقوم بيها دون اللجوء للسحر واعتقد ان كلامك نصفه صح والنصف التاني غلط .. القدرات دي وعن تجربة شخصية بمعرفتي ببعض الناس موجودة بالفعل من غير الاستعانة بسحر او بشرك _يمكن بصورة ضعيفة_ مش زي الي انت ذكرتها لكن موجودة .. يمكن الي مصدفهاش في حياته قبل كدا وشافها في انسان يعرفهم كويس هيلجا للتفسير التاني الي انت قلت عليه وهوة ان الظواهر دي سحر وعن طريق الجان .. لكن زي ما قلت انا في الاول خالص انه مش كلها لان فيه فعلا ناس بيستعينو بالسحر للمارسة القدرات الي زي دي والحقيقة النوع التاني دا من الناس مكنش ليا فيه تجارب شخصية لكن الي يقرا في كتب التاريخ عن شخصية زي شخصية راسبوتين يقابل نموذج من الناس دي
الحقيقة موضوعك او بحثك كله دسم جدا وعلي قد ما فيه نقط مش مقنعة بالدرجة الكافية علي قد ما انه اضافلي معلومات جديدة جزاك الله كل خير...
رد مع اقتباس
المشاركة الأصلية كتبت بواسطة melega
المفضلات