اقتباس
ليه بس ايه اللي حصل
قولي ايه محصلش ؟؟

اقتباس
اشرحلي ازي حضرت طبق الكبة اخي عمر
أنا هشرحلك ..

شوفي جبت لحمه مفرومة من عند عبدوا الحرامي معرفش بقه أداني لحم ايه بزبط المهم حاجة كده لونها أحمر المهم جبت اللحمة قلت مستحيل عبدوا الحرامي يسرقني انا ده انا صاحبوا وجبت البصل والفلفل والبهارات والملح وكل الي قلتيلي عليه وضربتهم ضربا مبرحا في الخلاط ...
واتبعت الخطوات كما هي بس بصراحة معرفش بقه البرغل ناعم خشن مش عارف ... عجنت كل الدنيا الملخبطة دي في بعض وكان الناتج حاجة فظيعة ؟؟ قلت مش مشكلة المهم يطلع المنظر العام حلو .. الناس ديما تقول ( العين هيا الي بتاكل ) وصدقيني لا عيني كلت ولا معدتي حاولت أكل وفشلت التجربة .. اللحمة اولا كانت ناشفة قلنا مش مشكلة عادي !! بعدين لقيت الأكل بيقرش !! قلت مش مشكلة اكيد انا مغسلتش البرغل كويس .. وبعدين خير اللهم اجعله خير معرفش مين طفى النور

وقتها بس عرفت قد ايه الحياة صعبه من غير الأم والأخوة ... اصلي عايش وحيد وزهقت سندوتشات اعمل ايه بس
لكن مش مشكلة هحاول تاني يمكن تصدف واخلص من السندويتشات ..

اما وصفة الأخت نورا بجد مستحيلة دي عايزة ماجيستير على الأقل

تحياتي ...