ظاهرة العزوف عن الزواج

[لولة]

المجتمع هو السبب الرئيسي في عزوف الشباب عن الزواج حيث اصبح في اغلب الاحيان صفقة مادية لا اكثر وخرج عن الهدف السامي الدي وضعه الله سبحانه و تعالى الا وهو تحصين الفرج ..الحل و هو العودة الى الدين الاسلامي الحنيف و التخلي عن البدع التي لا اساس لها من الصحة في الدين

[خالد بن الوليد]

الحمد لله . فين العزوف عن الزواج ده ؟ أنا عاوز اتجوز انهاردة قبل بكرة .



بس أنا وصلت قبل خطوبتي لمرحلة يأس من البنات ... ماكنتش لاقي واحدة عدلة يا جماعة (البنات اتجننوا وحالهم اتقلب) ، لغاية ما اتعقدت وقررت أني أشيل فكرة الزواج دي من دماغي خالص واتفرغ للشغل . شغل وبس .

ودي هي نفس مشكلة أغلب الشباب أصدقائي ... مش لاقيين بنت كويسة وبيت كويس ... بصوا للشوارع شوفوا البنات بقو عاملين ازاي .

ده إحنا بقى عندنا نظام بوي فريند وجيرل فريند خلاص . ولازم البنت دلوقتي يبقى ليها "جو" حبيب يعني ... (مش كله طبعا بس ده الغالب) تخرج معاه وتتفسح معاه وتاكل وتشرب معاه .. وتروح وتيجي معاه ... وحب بأه ورسايل وهدايا وتليفونات ... والأهل نايمين على ودانهم ... وبعدين مشاكل وانفصال ... وييجي واحد بعده ... وواحد كمان بعده ... الخ . لغاية ما تلاقي العبيط الخام اللي تمثل عليه دور الادب والالتزام لغاية ما يقع .

للأسف ده بأه القاعدة دلوقتي ... البنات هم اللي جابوه لنفسهم ... لي صديق مأساة لوحده ... بقاله 4 سنين بيدور على عروسة .. أخوه الصغير اتجوز وهو لسه ... قال لي : أنا عاوز اتجوز وماعنديش مشاكل مادية ... ومستقر ... بس مش لاقي ... كل ما اعرف بنت ألاقي ليها ماضي ... او ليها صديق حاليا وأشوفهم مع بعض ... أو ألاقي لسانها طويل ... أو هايفه ... أو وحشة (يعني مش مؤدبة بمزاجها ، دي مؤدبة علشان وحشة) الخ .

إذن المشكلة مش مادية ... المشكلة هي : أزمة أخلاق . وبعد عن الدين ...

الكلام في الموضوع ده يطول جدا جدا بصراحة .. ولو اتفتحت فيه من هخلص لأني ذقته بنفسي .


فكفاية كده علشان ما اقومش ادور فيكو الضرب كلكم .

[ronya]

اقتباس

بس أنا وصلت قبل خطوبتي لمرحلة يأس من البنات ... ماكنتش لاقي واحدة عدلة يا جماعة (البنات اتجننوا وحالهم اتقلب) ، لغاية ما اتعقدت وقررت أني أشيل فكرة الزواج دي من دماغي خالص واتفرغ للشغل . شغل وبس

ولكن فى نهاية اامطاف وجدت إنسانة تفهمك وتسعدك يعني مفيش ازمة اخلاق
صدقني يوجد الكثير من النساء الصالحات الملتزمات

اقتباس

الكلام في الموضوع ده يطول جدا جدا بصراحة .. ولو اتفتحت فيه من هخلص لأني ذقته بنفسي .

الموضوع مفتوح للنقاش يا ريت أخي خالد تكلمنا عن مشاكلك عشان نستفيد

[ronya]

اقتباس

المجتمع هو السبب الرئيسي في عزوف الشباب عن الزواج حيث اصبح في اغلب الاحيان صفقة مادية لا اكثر وخرج عن الهدف السامي الدي وضعه الله سبحانه و تعالى الا وهو تحصين الفرج ..الحل و هو العودة الى الدين الاسلامي الحنيف و التخلي عن البدع التي لا اساس لها من الصحة في الدين

شكرا لمرورك اخي لولة
نعم اخي المجتمع سبب من الاسباب فى هذه المشكلة بس من حق الاهل ان يخافوا على مستقبل بناتهم فى طلب المهر والشقة لان نسبة الطلاق مرتفعة جدا فى هذه الايام فمن حق الاهل ان يضمنوا مستقبل بناتهم

[اتباع التوحيد]

اقتباس

شكرا لمرورك اخي لولة
نعم اخي المجتمع سبب من الاسباب فى هذه المشكلة بس من حق الاهل ان يخافوا على مستقبل بناتهم فى طلب المهر والشقة لان نسبة الطلاق مرتفعة جدا فى هذه الايام فمن حق الاهل ان يضمنوا مستقبل بناتهم

انا اتفق مع نقطه ان المجتمع هو سبب المشكله وما شاء الله نلاحظ ان الانحدار مستمر
و نأتي في نقطه من حق الاهل في ضمان المستقبل ( والله وحده هو علام الغيوب ) هل معني هذا ان الاهل يجوزو بنتهم مع المطالبه بمهر عالي ( ده لو كان لسه فيه شئ اسمه مهر الان ) تحسبا للطلاق طيب لما الناس عارفه ان نسبه الطلاق مرتفعه بيجوزو بناتهم ليه اساسا مع العلم ان وقت حدوث الطلاق اجد ان لا شقه بتنفع المطلقه لو حتي كانت الشقه بماء الذهب
وقتها هتكون دائره مختلفه المطلقه دي لابد ( او يستحب )ان تتزوج مره اخري وده موال تاني خالص
فما هو تعريف ضمان المستقبل عند الزواج ؟

السلام عليكم