اريد ان اتحدث عن موضوع طالما شغلني كثيرا
طبعا هو موضوع التعدد
شوف اخي ايوب انا لا انكر ابدا ان التعدد له فوائد كثيره بل ان التعدد احيانا يكون فيه تكريم للمراه طبعا انت مستغرب ان مسحيه بتقول ان التعدد فيه تكريم للمراه
ايوه الحقيقه انه التعدد احيانا يكون فيه تكريم للمراه يعني المراه مثلا لو كانت مش بتخلف او مريضه او اي حاجه ممكن تطلب من جوزها انه يتجوز عليها وفي نفس الوقت هي مازالت تعيش معززه مكرمه جوزها بيصرف عليها وبيعدل معاها غير الراجل اللي لو مراته خلعته عشان مثلا مش بيخلف وهيحصل على لقب مخلوع
انا بس حبيت ادي المقدمه ديه عشان تعرف فكرتي عن التعدد واني انا مش ضده وانه ليه فوائد كثيره ولو قلت غير كده هبقى ظالمه
لكن برضه احيانا بيكون اهااااااااااااااااااانه لمشاعر المراه لما جوزها يروح يتجوز عليها من غير اي سبب ودي للاسف شتها كتير وشفت بيوت اتخربت وبيوت عايشه في نكد على طول بسسب موضوع التعدد
يعني مثلا واحد مراته شايلاه في عينها وبتخلف وكل حاجه وعايشه معاه زي اي زوجين عايشين مع بعض مالفائده انه يروح يتجوز عليها هل مثلا بيكافئها على حبها ليه ولا ايه
والحالات ديه انا شفتها كتير من بعض الرجال تلاقي الواحد يروح يتجوز لمجرد انه عايز يتجوز بس كده من غير حاجه غير مهتم لمشاعر الزوجه او مشاعر الابناء لما يلاقو امهم على طول بتعيط وابوهم سايبها
ولا مره قصه فعلا حصت قدامي في احدى الدول انه واحد راح اتجوز على مراته من وراها وهي طبعا لما عرفت اتصدمت وكان معاها عيال والمهم لما سالته انت هتتجوز ليه مكنش ليه سبب واضح فقط انه ربنا اباح الحاجه ديه وانت مش من حقك تمنعيني من حاجه مباحه
اللي ضحك في القصه ديه ان الست ديه وجوزها لما اتجوزو كانو عايشين عالكفاف زي مابيقولو يعني كانو فقرا وخدو السلم من اوله والست ديه باعت دهبها في مره عشان تساعد جوزها في مصاريف البيت وتفاجا بعد سنين من الحياه انه جوزها ناوي يتجوز عليها لمجرد ان ربنا اباح الحاجه ديه
انا مش فاهمه يعني هو مثلا بيكافئها على صبرها معاه طول السنين ديه ولا ايه
ده بدل مايجيب لها دهب بدل اللي هي باعته او ديها اي مكافئه حلوه على صبرها معها يقوم يتجوز عليها
صراحه معلش ده مش فيه اي احترام لانسانيه الزوجه ولا احترام لمشاعرها ولا احترام لصبرها معاه وانا شفت فتاوي كتيره لشيوخ قالو انه لايشترط رضا الزوجه ولا يشترط انه يكون في سبب عشان الرجال يعدد ولا يشترط حتى انه يعدد بعلم الزوجه يعني ينفع يروح يتجوز تاني ويحب واحده تانيه ويفتح بيت تاني وكلللللللللل ده من غير علم الزوجه وكل ده عشان ربنا مشترطش الحاجات ديه في القران لانه رنا اشترط العدل فقط صراحه انا صدمت لما عرفت الفتاوي ديه يعني هل هذه هي نظره الاسلام للزواج هل الزواج في نظر الاسلام ليس له اي قدسيه ولا كرامه
يعني اخي ايوب تخيل معايا هذا المنظر اللي بيحصل كتيييييييير في بيوت المسلمين تحت ام الدين
واحد اتجوز واحده وخلفو عيال وعاشو مع بعض زي اي اتنين عايشين مع بعض وبتحصل بينهم مشاكل زي اي زوجين عايشين مع بعض وبعد كام سنه راح الراجل ده نطت في دماغه فكره انه يتجوز كده من غير سبب وراح ومقلش لمراته طبعا عشان ربنا مش اشترط كده وكان الزوجه الالوانيه ديه مش شريكه للراجل في حياته ولا كان في عيال عايشين معاه
المهم اراجل ده اتجوز وفتح بيت تاني من غير مامراته تعرف وجت الست ديه في يوم وعرفت تخيل معي اخي ايوب موقف الزوجه واللي بيحصل برضه في كثييييييييير من بيوت المسلمين
الزوجه طبعا هتنهار وهتبكي وممكن تصاب بصدمه وهتنكد على جوزها ومتقلش اني تخيل حاجات مش بتحصل الكلام ده بيحصل بجججججججد بل بعض الزوجات بتضرب في دماغها جامد وتطلب الطلاق وطبعا هينتج عن ده تشرد الاولاد ووووووو
ياترى ماموقف هؤلاء الاولاد من ابيهم عندما يرو امهم على طول بتعيط ومنكسره ومكتئبه وان والدهم محترمش امهم وعمل اعتبار لعشرتهم هما الاتنين وراح اتجوز من وراها من دون سبب ياترى الطفل ده لما يكبر هيكون ايه نظرته للاسلام لما يعرف انه والده عمل كده وكسر قلب امه ومحترمش مشاعرها عشان الاسلام قال كده ياترى ماموقف هذا الطفل لما يكبر من الاسلام هل ياترى هيحترم هذا الدين اللي لم يحافظ على مشاعر امه ولم يلزم الزوج بحفظ العشره بينهم
يعني يااخي هل الحياه الزوجيه في الاسلام قائمه الحب والاستقرار
هل المراه في الاسلام تتزوج لتشعر بالاستقرار في بيتها ام تتزوج ليظل شبح التعدد يطاردها والخوف من ايعدد زوجها عليها بدون سبب فهل الحياه الزوجيه في الاسلام قائمه على الاستقرار ام قائمه على الخوف والشك والكذب
صراحه اسئله كثيره تدور بخلدي عن موضوع التعدد وهو من اكبر المواضيع اللي شغلاني وبفكر فيها كتير
معلش طولت لكن انا كنت عايزه اقول كل اللي عندي
انا بس عندي طلب اخي ايوب ان حضرتك لما تيجي ترد ياريت ترد على جزئيه جزئيه عشان اقدر افهم منك
شاكره لك اخي الكريم