السلام عليكم ورحمة الله وبركاته

مشكور أخي علي توضيح الحديث وإظهار معانية ومدي صحته من ضعفه

ولكن أنا بصراحة متغاظة جدااااااااااا

أنا سمعت حديث مرة مكتوب في كتاب البخاري ومسلم إن أحد الصحابة ذكر قصة عن الرسول إنه :salla-icon: كان بيمشي ويبصق في الأرض فكانت الناس بتجري وتتلهف وتلتقط بصاقة قبل وقوعه علي الأرض ويلحسوه أو يأكلوه .... أنا طبعا" مش فاكرة نص الحديث بالظبط لكن ده فعلا معني الحديث واضح وصريح ... وفعلا" اكد علي وجوده مفتي الديار المصرية.

بصراحة أنا قرفت لما سمعت الكلام ده ولما سمعت إن الرسول بيعمل كده وقرفت أكتر من فعل الناس ........ فهل فعلا" رسولي الحبيب عليه الصلاة والسلام المعروف بطهره ونظافته وهوه نفسه عارف أن ممكن لو بصق علي الأرض ده نوع من أذيه البشر ... لأن ممكن حد يشوف البصاق ده ويكون مريض مثلا" بداء في معدته ويقرف ويتعب ويمرض .... وعارف كمان إن ممكن البصاق ده يخلي المسلم وهوه ماشي ومغتسل وثيابه نظيفة ورايح علي المسجد للصلاه فممكن وهوه ماشي يتزحلق من البصاق ده ويقع وملابسه تتسخ ويتنجس .........

هل ممكن الرسول الكريم يعمل عمل قذر زي ده وهو يتحلي بمكارم الاخلاق؟؟؟؟؟

طالما الأحاديث اللي زي دي ضعيفة ومشكوك في أمرها وهناك احاديث غريبة وخاطئة وهكذا
ليه بقي اللي بيكتبوا الأحاديث دي سواء البخاري أو مسلم او حتي الإمام أحمد نفسه بيشركوا الأحاديث السخيفة دي مع الأحاديث الصحيحة عن رسولنا الكريم؟؟؟؟؟

ليه بيدوا فرصة لأعداء الله ورسوله إنهم يتكلموا في حاجات زي دي ويجيبوا أحاديث لكبار علماء المسلمين والمفسرين تؤكد صحتها مع الشرح الوافي ........ حتي لو كان ده مجرد إجتهاد شخصي من العلماء والمفسرين دول؟؟؟؟؟

وليه القائمين علي الفتوي في جميع الدول العربية الإسلامية مش بياخدوا خطوة جريئة وصارمة وحازمة لحذف تلك الأحاديث الحقيرة وأنا أسفة إني أقول عليها كده .... بس أنا بقول إنها حقيرة طالما بتشوه صورة القرأن أو الدين أو حتي رسول الله :salla-icon: ؟؟؟؟

أنا بطالب المفتتين المسلمين بتهذيب الكتب دي سواء التفاسير أو الأحاديث التي تبلبل وتهز من ثقتنا كمسلمين في نبينا محمد عليه الصلاة والسلام اطهر خلق الله وتبرئته من الحاجات الغير محترمة اللي بنسمع إنه بيعملها وحاشا أن يفعل ذلك وهو حبيب الله ورسوله وقرة أعيننا.

والسلام عليكم ورحمة الله وبركاته