اولا انا لا مسيحي ولا يهودي ولا ملحد انا مسلم
لكن موضوعي انه في عندي مشكلة وارجو انكم تسمعوها كويس
كنت في البداية مسلم عادي جدا لا اشك في الاسلام او تزعجني اي شبهة حتى بدات رحلتي مع منتديات المسيحيين الزبالة وانتم عارفين طبعا نتيجة الدخول عليها وطبعا مع الوقت القيت نفسي بقيت بخش على منتديات الملحدين كمان واصبحت القضية واصلة عند الالحاد للاسف وليس الشك حتى
بعدها انتم عارفين القلق النفسي والاضطرابات اللي بتحصل بسبب اللي حصل من دخولي على المنتديات وبدات اجاهد نفسي وفي بعض الاحيان احس اني خلاص انتهيت من المشكلة تماما لكني مثلا لو قريت ايه عن العذاب في القران اخاف واقول لنفسي اني عايش مرة واحدة يا اما عذاب او جنة واقول لازم ابحث من جديد عن الحق .وادخل في الدوامة مرة اخرى وارجع لنفس المشكلة افيدوني...... المشكلة اني متاكد ان الاسلام دين صحيح لكن مش لاقي كلمة كل ما اوسوس اقولها لنفسي عشان ابطل الوسوسة
ملاحظات
1-ارجوا انكم لا تتبعوا نظام التدقيق اللغوي في المكتوب اللي عنده استفسار يسأل بطريقة كويسة مش كاني في التحقيق لاني طالب منكم المساعدة مش داخل معاكم في شكلة
2-ارجوا انكم تغيروا طريقة حواركم والسخرية اللي بيعملوها الاعضاء وانا بنصحكم لوجه الله بلاش نظام السخرية علشان النصارى ما يخدوش انطباع سيْ عن الاسلام ونكرّهم في الدين الاسلامي
3-اللي يسأل ويقول ليه انت كل شوية بتخش على المنتديات دي اقول له كلها بالصدفة وهم بالضبط حوالي 4 مرات والله كل اللي طالبه اولا واخيرا ان تساعدوني مش تنتقدوني
وبعدين انا عندي شبهة وعاوزكم تجاوبوني عليها ممكن ؟
لكن المشكلة انها جامدة خايف تدخل قلبكم زي ما دخلت قلبي