ارجوكم الرد

[بن عبد الله]

بسم الله الرحمن الرحيم
السلام عليكم ورحمة الله وبركاته انا اخوكم احمد واسمى فى المنتدى عبد الله اريد ان اقول شىء وياريت تساعدونى فيه انا شاب عندى 22 سنة انا كنت من ضمن العصاة الى ممكن قلبك مش يتخيلهم بس برجع وبقول رحمة ربنا اكبر من كل شىء انا من النوع اللى بعلم نفسى بنفسى علمت نفسى اللغة الانجليزية الى ان اتقنتها والان انا اتحدث الانجليزية كالعربية يعنى مش فى فرق عندى بين اللغة الانجليزية واللغة العربية انا عصيت والدتى ووالدى الله يرحمهم برحمتهم ومش كنت انسان بار بوالدتى ويمكن انا حسيت بكده لان لسه مش فات على موت والدتى الا 5 الى 6 شهور زى ما انا كنت بعض الاوقات كنت بسيبها تاكل لوحدها وبكون مع اصحابى الان انا انسان وحيد مالى من احد لان اخوتى متزوجون فا انا باكل لوحدى مثل ما حدث لامى منى ( يا ابن ادم اعمل ما شئت كما تدين تدان ) وطبعا انا مش متدين لانى وانا بقولها ضعيف , بس انا الايام دى بحاول اهزم كل شر جوايا واهزم الشيطان وعندى حلم ومحتاج حد يساعدنى انى احققه انا مش عايز اكون محاور للنصارى لانى جاهل بامور دينى ولازم علشان اكون محاور انى اكون ملم المام كامل بامور دينى واكون متمكن لانى بكون فى وقتها واجهة لدينى ولسيدنا محمد انا اريد ان اكون داعية ولكن ان اكون داعية باللغة الانجليزية اريد ان ارد جميل اهلى وان استغل العلم الى اتعلمته فى هذه الاشياء انا الحمد لله من ضمن الناس الاذكياء الى بيتعلموا بسرعة بس كنت غبى لما كنت بعيد عن دينى
وانا اريد من احدكم ان يرشدنى لكيفية فعل هذا مع العلم ان لابد من حفظ النصوص الى مكتوبة بلانجليزية حتى لايختلف المعنى كل ما اريده منكم اول خطوة وان حد بس يكون معايا يساعدنى ولو حتى كل يوم ساعة واحدة صدقونى انا ملم ببعض الاشياء فى الكتاب المقدس ولكن ان اكون داعية وبعدها ان اكون مناظرا سيكون افضل وتذكروا ان الاولى بالتعلم هو دينى الاسلام وبعدها ممكن اتعلم اى دين وشكرا واسف على الاطالة