قانون المرور الأصلي

[معماري]

اقتباس

القاعدة الأولى:
القاعده الثانيه: البوز بيز - اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز ملحوظة: لا تطبق نظرية البوز بيز مع أي لوري أو أتوبيس ، حرصاً على بوزك لامؤاخذة



القاعدة الرابعة: لا تترك مسافة للأمان بينك و بين السيارة التي أمامك فهذا له عدة مخاطر:

*عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية

*تعطي فرصة للعيال يعملوا غرز قدامك

*كل المشاة حيغمضوا عينيهم و يعدوا من الحته

*والي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب- الإشارات مش معمولة علشان تنظم المرور ، معمولة علشان شكل القاهرة يبقى متحضر بس! اعتمد على العساكر -مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري -أو يفضل أن تستعمل البوز بيز - راجع القاعدة الثانية

*اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

*معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط! *الشارع مكان مقرف ، سوق بأسرع ما يمكن حتى تتخلص من هذا الهم بسرعة ، الناس الي ماشيين بالراحة مرضى نفسيين بيستمتعوا بالعذاب يستاهلوا الي يجرى لهم



* لو وقف أتوبيس أو ميني باص أو ميكروباص في نص الشارع علشان ينزل حد منه , من حقه واوعى تعترض أو تعدي من يمينه وإلا هتعمل حادثة وانت الغلطان !!!!!!!!
منقول

مشاكل يا رب نخلص منها

شكرا للموضوع