lll فكـــــ (استراحة المنتدى) ـــــرة جديدة lll يرجى التصويت من جميع الاعضاااء

[islam62005]

فكرة جديدة اتمنى انها تنجح فى خلق ترابط اقوى وتعارف اكثر بين الاعضاء خاصة الجدد , انا لاحظت ان عدد المشاركات فى المنتدى (رغم كثرتها) لا ترقى ابدا لعدد الاعضاء المسجلين بالمنتدى



الفكرة ببساطة شديدة غرفة شات هندخل يوميا نسلم على بعض نتعرف على بعض اكتر ونتكلم فى اى مواضيع سواء تخص المنتدى او مواضيع عامة والاعضاء الجدد يشاركونا



طبعا فى ناس هتقول ايه الجديد , الجديد انها هتبقى (ان شاء الله) متجددة باستمرار (موضوع لايف) والحوار مستمر فيه فى اى حاجة خصوصا ان فى مواضيع مش مستاهلة نفتح توبيك جديد عشانها ممكن نناقشها هنا



طبعا انتوا ملاحظين ان فى مواضيع بتتكتب مخصصة لمناسبات سواء مفرحة او محزنة رغم وجود موضوع خاص بالمناسبات لكن للأسف نص الاعضاء مبيدخلش المواضيع دى ,
غير ان فى مواضيع ممكن اعضاء مياخدوش بالهم منها يعنى مثلا عضو كتب موضوع عن سفره ممكن اعضاء كتير مياخدوش بالهم من الموضوع او ياخدوا بالهم بعد العضو ما يكون رجع من السفر وزيها لو عضو مريض او عنده مناسبة هنجمع كل دا فى الاستراحة يعنى مجرد ما يدخل هنا هيعرف ايه الجديد فى المنتدى
مش المقصود ان احنا نكتب هنا المناسبة , المقصود ان احنا هنكتب رد , مثلا (متنسوش تباركوا للعضو فلان انه اتخرج) هتروح الاعضاء تكتب الردود بتاعتها فى موضوع المناسبات وهكذا



انا عارف ان الموضوع ممكن يكون غريب ارجو اللى مفهمش الغرض من الموضوع او معترض عليه يناقشنى وميقفلش ويمشى

ولو وافقتم عليه ارجو الدعم من جميع الاعضاء مش هينفع ادخل اكلم نفسى كل يوم



فى انتظاركم