السلام عليكم ورحمة الله
اختى **اخى
لنزيد من اشتعال النيران حتى لا تخمد حتى لا تهداء حرارتها
بالله عليكم لنرفع جميعا شعار لن نهداء لن تبرد عاطفتنا تجاهك يا حبيبنا وشفيعنا
سنثبت لك شوقنا وحبنا
سنطبق سنتك ونتحلى باخلاقك سننهج نهجك
سنفرحك بنا سنوقظ ضمائرنا سنوقظ قلوبنا
سنعيد اولوياتنا سنجعلك انت فى المرتبه الاولى من حبنا وحياتنا سنتكلم عنك ونذكر بك ونذكرك على السنتنا دائما
عارفين يا اخواتى رسولنا رحيم أد ايه ؟؟
عطوف لاى درجه؟؟؟
صبور لاى مدى فقد صبر على الايذاء والسخريه واستهزاء الاخرين وتحمل من الالم والشده ما لا تطيقه انت ولا انا
من اجل من ؟؟؟؟؟علشان خاطرك وعلشان خاطرى علشان نكون احنا وعلشان يوصل لينا سكة الطريق للجنه
عارف ان الرسول الكريم حبيبك شاف النار واقترب منها حتى شعر بحرها فى وجهه
لذلك عندما كان يحذرنا كان يشتد غضبه ويحمر وجهه لا لشىء الا لخوفه عليك
عارف لما تكون اب وتحذر ابنك من شىء خطر تنفعل وتثور وتغضب من شدة خوفك عليه عرفت انه زى ابوك واكتر كمان أبوك هيسيبك يوم الوعيد أى حبيب هيفر منك(يوم يفرء المرء من اخيه وامه وابيه وصاحبته وبنيه لكل امرء منهم يومئذ شأن يغنيه ) الا حبيبك نبيك يأبى ان يتركك فى هذا اليوم
قدر حس اشعر
عارف الرسول صلى الله عليه وسلم وصف نفسه ازاى؟؟
زيه زى رجل اشعل نارا فلما اضاءت النار ما حوله اقترب الفراش والهوام التى تقع فى النار من النار نفسها لانها فاكره ضوء وحاول الرجل ان يمنع الفراش من ان يقع فى النار يمسك بيه خوفا عليه فهو حبيبك يمسك بحجزك خوفا ان تقع فى النار يحذرك ويحذرك ينهبك يكشف لك الاعيب ابليس والنفس
يعلمك كلمات لو قلتها تاخد اجر تحفظ نفسك تتقل ميزانك خايف عليك بجد خايف عليك
عارف انه اشتاق ليك وليكى وليا
قال صلى الله عليه وسلم (وددت انى لقيت اخوانى الذين امنوا بى ولم يرونى )والله يا حبيبى نحن ايضا مشتاقين لرؤيتك
عارفه ان احساس كل واحد فينا اننا مقصرين مخطئين عاجزين مقدار حبنا له كبير بالكلام بس ونفسنا نعمل حاجه نسأل رب العالمين انه يرزقنا حاجه نعملها ولكن مؤقتا كده خلى الرسول حبيبك فى ضميرك صاحى
طبق سنته
دايما صلى عليه (اللهم صلى وسلم وبارك على سيدنا محمد وعلى آله وصحبه وسلم )عارف يعنى ايه الصلاة على رسول الله ؟؟؟؟
هى دعاء وطلب من الله لعلوأمره ورفع مكانته ,وفيها اظهار فضله وشرفه,واما السلام عليه فهو بمعنى التحيه والاذعان , والانقياد والاتباع والتسليم لحكمه وامره.
***من فضلك ***
كلم الناس عنه وعن سيرته
فكرهم هو بيحبنا أد ايه شوفت الرسول الكريم عانى أد ايه علشان يوصلك رسالته ويهديك لطريق الجنه ويبعدك عن طريق النار تعب أوى أوى افتكر ده كويس
افتكر يوم ما خرج اهل الطائف يضربوه بالحجاره حتى نزف دما من قدمه الشريفه (ترضى ابوك يحصله كده ولو حصل وشفت كده هيصعب عليك هتشفق عليه .طيب ولو بيحصله ده علشانك ؟هتحبه أد ايه؟؟؟!!! هتدافع عنه انك تقول منهم لله ولا هتحاول تعمل حاجه طيب ما تعمل
طبق سنته احييه جواك الاول فكر فيه كتير كتير على أد ما تقدر
طيب فاكر لما عقبه ابن ابى معيط وضع ثوبه على عنقه وحنقه خنقا شديدا
فاكر لما سمعت ان سفيه من سفهاء قريش نثر على رأسه الشريفه التراب وآخر بصق فى وجهه صلى الله عليه وسلم
صبر حبيبك على كل هذا لانه يحبك
أوذى وضرب وعذب اتهم بالسحر والجنون قتلوا اصحابه صبر على كل ده علشان ينقذنا من العذاب ويهدينا من الضلال
قولى !!!!!
بعد كل التعب والبذل ده ؟!
نهجر سنته ,نقتدى بغيره ,نستبل هدي غير هديه !!
لا والله احبنا وضحى من اجلنا كل ده علشان ننفع نفسنا هو كده كده صلى الله عليه وسلم داخل الجنه يعنى كل الل عمله ده عشانك اين حياؤنا منه ؟
اين حبنا له ؟
باى عمل ستقابله على الحوض؟!
باى عمل نرتجى شفاعته؟!
باى طاعه هنأمل مقابلته فى الفردوس؟!
اصحى وفوق من فضلك
أحببت أن أنقل لكم أخواني الكرام هذا الكلام القيم والعظيم لأشرف خلق الله علشان نعرف رسولنا رحيم أد ايه ؟؟ :salla-icon:
وعطوف لاى درجه؟؟؟
