بمناسبة العيد .. ممكن أقول اوعى تنسى شوية الحاجات دي !!!
http://hanyhilmy.com/vb/mwaextraedit6/extra/02.gif
كل عام وأنتم بخيـر
أو كل سنة وانتم طيبيييييين
https://fbcdn-sphotos-a-a.akamaihd.n...67715264_n.jpg
مش جاي أرغي وأقولكم حاجات كتييير لكن عايز أفكر نفسي وإياكم بشوية حاجات كدة بسيطة أووووي
اول حاجة محتاجين مننسهاش
شكر نعمة ربنا، لأنه بفضله حضرنا الأيام العشر اللي هي الأعمال الصالحة فيها ربنا بيحبها
وفي كتير محضروهاش وفي كتير لم يوفقوا للعمل الصالح وكانوا غافلين فيها، فلو انت كنت مجتهد
كمل وأوعى تقع وأوعى مستواك يقل ولو مستواك بيقل تأكد إنك إنسان موسمي
رمضان يجي تشد رمضان يمشي ترجع ريما لعادتها القديمة،
ولو اجتهدت وناوي تكمل ووضعت خطة بجد تلزمك يبقى احمد ربنا انه وفقك لذلك وأسأله أن يعينك،
ولو كنت غااااافل فاستغفر وتب إلى الله وافضل واقف على الباب واوعى تزهق أو تيأس.. متخافش
ربنا حيقبلك ومش حيسيبك، أحسن بس انت الظن بالله وبطّل تسمع للشيطان اللي بيقولك
ماخلاص الايام خلصت وانت خسراااااااااان، قوله انت من امتة بتخاف عليا !!
واعمل عكس اللي الشيطان يقولهولك
ونفسك تسولك بيه،
دي كانت أول حاجة
ثاني حاجة
اوعى تنسى الأيتام والمسنين في العيد
خصصلهم عشرين جنييييه بس وروح جبلهم بسكوتات وبلونات وروح خد ولادك معاك وألعبوا معاهم
صدقني حتروح بيتك مبسوووووووووط أوي وحتحس ان قسوة قلبك بدأت تقل وقلبك بدأ يلين كتيييير..وبالنسبة لأهلنا المسنين صدقني هما محتاجين أووووي يسمعوا كلمة أعملك حاجة يابابا مفيش أي حاجة نفسك فيها يابابا!!! متستهترش بالحاجات دي لأنها حاجة كبيرة أوي عندهم.
ثالث حاجة
صالح كل إنسان انت زعلان منه ولو مش قادر وهو جرحك وجه عليك وكرامتك متسمحش
افتكر بس ان بكرة ممكن يجي وفلان دا يرحل عن الدنيا وميبقاش معانا وقتها يمكن تسامحه،
وافتكر ان سيدنا أبو بكر صفح عن اللي اتهم السيدة عائشة بالإفك، هاااا انت ماشاء الله مش حابب أن ربنا يغفرلك ألا تحبون أن يغفر الله لكم!!!!
حتعرف تسامحه بس لو بطّلت تفكر بفكر الدنيا وبصيت للدنيا دي انها حاجة فانية
واننا كلنا ضيوووف.. حاول وصالحه بس عشان ربنا حتى لو هو اللي غلطان..
رابع حاجة
لو شفت أي حد زعلالان أو مش عارف يفرح عشان ظروفه لاتسمح، خفف عنه وساعده ومتقولهوش بطّل كآبة.
آخر حااااااجة
العيد فرحة، لكن خلي بالك غض بصرك، وان رأيت منكر حوال تغيره متقولش وأنا مالي يعني هما مش عارفين ان دا غلط، وانتي ياأختي أوعي تقصري في حجابك
الأهم بقااا .. انك اوعى تضيع الصلاة بحجة انك في مكان مفيهوش مسجد، مادام مفيهوش مسجد انت رايح ليه؟؟؟
خد حاجة تصلي عليها أو غيّر المكان كله دي صلالالالالالالالالالالالاة يعني صلتك بربنا ..
اعتذر على الإطالة
نسأل الله أن يثبتنا ويغفر لنا تقصيرنا
والسلام عليكم ورحمة الله وبركاته
..
