كبســة سمك

ســمك الهامور
( المكبوس )

( الخليـــج )


مدة التحضير: 25-30 دقيقه

المكونات والمقادير

بصل -
ثوم-
وطماطم-
ولوبيا( المفيوح)او المسلوق -
( وسجل الاخضر) نوع من الخضار-
والبهار المشكل والمنوع -
والملح -
والليمون الاسود الغير المطحون -
والفلفل الاحمر الغير المطحون -
والزيت -
وارز ( حسب الاشخاص ) -
السمك الهامور او انواع من الاسماك مثل الزبيدى والبالول والنويبى والى اخره


طريقة التحضير

نحضرالقدر ونضعه على النار ونصب الزيت فى القدرونضع البصل حتى يحمر لونه وبعد ذلك ناتى بالثوم ونضعه على البصل وثم الطماطم والسجل الاخضر ولوبيا المفيوحه والبهارات والفلفل الاحمر والليمون الاسود وعلى جميع هذه المقاديرنضع السمك ويقلب جيدا على المقادير ونصب عليه3 كاسات ماء والملح وعندما يغلى الماء نصب عليه الارز يشرب الارز الماء وبعدذلك يتبخر الماء من الارز وتوضع على نار هادئه. ويقدم مع صلصة الدقوس وبالعافيه


بالهنـــا والشفاء

ما تنسوش تدعولــــى





:zz:

السلام عليكم ورحمة الله وبركاته
اختنا نسيبة الكبسه فى مصر لها معنى وفى دول الخليج لها معنى اخر

النقطة الاخرى يا حبذا ان تضعى الرسمة للطبق حتى الواحد يحكم على الطبق لانى حقيقه لا احكم على شئ غائب ولا اقول لك ارسلى لى الطبق على الدى اتش ال يكون افضل لاحكم

بارك الله فيك اصبحت ازور المطبخ هنا اكثر مما ازوره فى البيت

اقتباس:

---

اختنا نسيبة الكبسه فى مصر لها معنى وفى دول الخليج لها معنى اخر

---

:p012:

ما انا عارفاها ما انا مصريه زيك

بالنسبة للصور سأحاول

لأن هذه الوصفات اخذتها من البنات معى فى الشغل

ان شاء الله اجيب لك او ام تسنيم بقى تبقى تساعدنى

جزاكم الله خيرا
وابقى زور بيتكم واسأل على اهلك يا نيافه الأنبا

لحسن ترجع تلاقيهم بقوا نصارى من تانى بعد ما بقيتم مسلمين



:zz:

اقتباس:

---

النقطة الاخرى يا حبذا ان تضعى الرسمة للطبق حتى الواحد يحكم على الطبق لانى حقيقه لا احكم على شئ غائب ولا اقول لك ارسلى لى الطبق على الدى اتش ال يكون افضل لاحكم

---

ههههههههههههههههههههههههههههههههه
سؤال : يعني إيه ليمون أسود ؟

يا حليلج أختي نسيبه على الطبخه اللي انتي بنفسج مب عارفه شكلها

هههههههههههههههههههه

خلاص انا بقوم بالواجب وبحط صورة المجبوس

يم يم أكلتي المفضلة

http://www.amatallah.com/matbakh/fil...osalsmak17.jpg

مشكورة أختي نسيبة على الطبخة

الصورة دي مكبوس سمك ولا مكبوس ايه؟:p017:

أصل كل الأكل عندكم يا نورة مكبوس

أو برياني أو هريس

مافيش اختيارات تانية؟ :p018:


:zz:

ســمك الهامور
( المكبوس )

الخليـــج

المكبوس موجود أهو يا أختى الزهراء ؟

لازم تخلونى أقعد أشرح لكم وأكرر تانى؟

هههههههههههههههههههههههههههههه

ياخبر أبيض ده طلع سمك مش ديك:image5::p018::image5:

بس ايه عرفك يا شرقاوي؟

ما يمكن المكبوس بيختلف حسب البلد اللي بتكبسه

اقتباس:

---

سؤال : يعني إيه ليمون أسود ؟

---

:p018::p018:

يعني انت فاهم كل حاجه ماعدا الليمون الأسود يا بتار؟

طيب خد السؤال الاجباري ده؟

ايه هو السجل الأخضر وايه هي صلصة الدقوس؟

:zz:

اقتباس:

---

المشاركة الأصلية كتبت بواسطة ابنة الزهراء

بس ايه عرفك يا شرقاوي؟

ما يمكن المكبوس بيختلف حسب البلد اللي بتكبسه


:zz:

---

أنا عشت فى معظم دول الخليج فأكلتها بكذا طعم وعادة إخواننا الخليجين بيحبوا الإنفراديه (فبيسموه مكبوس عمانى و قطرى وكويتى و..... و ... )

وبالمناسبه أول مره أكلت مكبوس كان فى صلاة الجمعه الأولى (وصلت الأربعاء مساء) لى فى سلطنة عمان

حيث ذهبت لصلاة الجمعه (كانت خلصت من ساعه) متأخرا لفرق التوقيت عن البلد اللى كنت فيها

فوجدت الناس قاعدين لا فى قرآن ولا صلاه

المهم قعدت

شويه لقيتهم بيفرشوا مفارش بلاستيك على الأرض ونزلوا المكبوس (وتذكرت صلاة جمعه كنت صليتها فى تركيا وكانت حكاية عجب لا مجال لذكرها هنا لأنها جمعه غير اللى نعرفها خالص)

والناس (الشعب العٌمانى طيب جدا جدااااااااا ) وصمموا يغدونى (كأنهم عالمين بحالى والله) ومكانش معايا سياره لسه ولا عارف أروح فين لأنه ويك إند ومعرفش حاجه فى البلد

المهم عرفت المكبوس

كل ده من حلة المكبوس بتاعتى

طيب يا نورة - انتى المكبوس بتاعك بنى محروق ليه
ده المكبوس اللى آكله فى دبى وابو ظبى بيج - وده بنى - هل الفرق الليمون الأسود ؟

وبعدين حمدا لله على السلامة يا شرقاوى
لسه فكر - ده المكبوس هنا من سبع شهور

اما ما قصد اخى الأنبا بالكبسة وهى ان نحرج واحد مثلا ، فينكبس وينحبس دمه ، ويطق ويموت :p018:

هههههههههه

هو دة الفرق بين الكبسة فى مصر وفلسطين ودول الخليج

بالهنا والشفا احبائى

وشكرا على الصورة يا نورة الأمورة

اقتباس:

---

المشاركة الأصلية كتبت بواسطة نسيبة بنت كعب

اما ما قصد اخى الأنبا بالكبسة وهى ان نحرج واحد مثلا ، فينكبس وينحبس دمه ، ويطق ويموت :p018:

---

ويقصد أيضا بالكبسه
عندما يهجم البوليس على مكان ما فيهرب من فيه ويستخبى منهم

أما حبايبنا الصعايده فبيفضلوا يستخبوا فى سيارات الشرطه نفسها
(مع الإعتذار لحبايبى صعايدة المنتدى).

اقتباس:

---

ويقصد أيضا بالكبسه
عندما يهجم البوليس على مكان ما فيهرب من فيه ويستخبى منهم

أما حبايبنا الصعايده فبيفضلوا يستخبوا فى سيارات الشرطه نفسها
(مع الإعتذار لحبايبى صعايدة المنتدى).

---

:p018::p018::p018::p018:

حلوة قوي الكبسة دي ربنا يقدرهم على المجرمين ويحميهم منهم

بالنسبة بقى للاختباء في سيارة الشرطة ده تصرف عبقري

زي ريا وسكينة كانوا بيقتلوا الستات في بيت ورا قسم الشرطة بالظبط

:zz:

حتى السمك بينكبس؟
أية اللى كبسة؟
أنا بحب السمك00 كل أنواع السمك00 خاصة البلطى0
أنتو حتجوعونا لية00000
:p018: :p018: :p018: :p018:

تسلم يديك اختي نسيبة بنت كعب
انا بحب السمك كثيرا ساطهوا كبسة السمك هذا الاسبوع ان شاء الله
لكن يعني إيه ليمون أسود
انا اول مرة اسمع بالليمون الاسود :p012:

اولا: طبق روعة بجد"انا خليجي وإذا قلت ان الكبسة مش حلوة حيقتلوني المافيا:image5: "

اقتباس:

---

لكن يعني إيه ليمون أسود
انا اول مرة اسمع بالليمون الاسود

---

دي بقة اكبر مشكلة في المنتدى:p018:
انو محدش يعرف الليمون الاسود....
بنسميه بالخليجي "لومي" ويكون لون اسود ومجفف...
ارجوا ان تكون المعلومة وصلت يا رونيا مع اني عارف انها موصلتش:p018: :p012: