-
مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
***********************
[إن الذين يؤذون الله ورسوله لعنهم الله فى الدنيا والآخرة وأعد لهم عذاباً مهينا]صدق الله العظيم
رداً على مسرحية [ كنت أعمى وأبصرت] الذين تعرضوا فيها بالتهكم والكذب على الإسلام ورسوله صلى الله عليه وسلم وزوجاته ..قررت كتابة مسرحية للرد عليهم .
والمسرحية إسمها [ لن أعيش فى جلباب بولس] وهى [ تكملة] لمسرحية النصارى ..أى أن بداية المسرحية ستكون من حيث إنتهت مسرحية النصارى..لأن مسرحية النصارى لم تنتهى نهاية طبيعية ولذلك لزم إكمالها..
والعمل هو إبتغاء لوجه الله ..أننى ساهمت فى الزود عن الرسول صلى الله عليه وسلم وعن الإسلام..
..
المسرحية من ثلاث فصول ...مسرحية النصارى إنتهت أن [ مينا يصرخ] كنت أعمى وأبصرت
**************************************
*************************************
الفصل الأول
*************
المشهد الأول
***************
[ المشهد داخل كنيسة ومجموعة من القساوسة واقفين ,ومجموعة من الحاضرين من أقارب [ مينا] واقفين بجانب مقاعدهم, ومينا يتقدم بين الصفوف متجهاً للقساوسة ويلبس على راسه إكليل ,والموسيقى تعزف]
يأخذ القس بيده ويلوح بالصليب على رأسه ثم يقف [ مينا] بجانبه ,ويجلس الحاضرون
القس:- الكلمة لأبونا {بشاى}
يتقدم الأنبا {بشاى} ليلقى كلمته
الأنبا بشاى:-بإسم الآب والإبن والروح القدس ..إله واحد آمين ....لأن لك الملك و القوة والمجد .آميين
إخوتى وأخواتى ..إنه ليوم إنتصار ...إنتصار الحق على الباطل ..إنتصار الخير على الشر ...إنتصار أخ عزيز لنا إمتلا بروح القدس,وباركه الرب يسوع له المجد فقاوم قوى الشر والطغيان وثبت على إيمانه ...وهاهو يقف بيننا مزهواً بإيمانه المسيحى .رافعاً رأسه بعد أن أبصر النور الحقيقى ..نور الرب يسوع له المجد الذى أشرقت له الظلمات..إخوتى وأخواتى إنى لأشعر وكأن الملائكة ترفرف بأجنحتها فى هذا المكان المبارك,,أشعر وكأن الروح القدس ينزل من السماء علينا ليقوينا ويؤيدنا كما أيد من قبل الرب يسوع له المجد وها هو ينزل ليبارك أخانا [ مينا] هذا الشاب الذى لولا إيمانه بالرب لسقط إلى الهاوية ....وإنى لأحزن على شباب منا سقطوا إلى هذه الهاوية وأغواهم الشيطان فعميت قلوبهم وأبصارهم وذهبوا إلى الظلام بعد أن كانوا فى النور...
...
إخوتى وأخواتى صلوا لربكم ..صلوا من أجل أن تبقوا مبصرين ..صلوا من أجل أن تعيشوا حياة أبدية مع ربكم يسوع ..صلوا من أجل أن يثبتكم كما ثبت أخاكم [ مينا]...
..
وبهذه المناسبة إنى لأبارك لنفسى ولكم ولكل مسيحى طاهر كما أبارك لأسرة [ مينا] وأبارك للأخ مينا نفسه ,كما أبارك لهذه الكنيسة التى بتعاليمها التى رسخت فى قلب مينا جعلته يعود لها منتصراً رافعاً رأسه
..
وإنى أخيراً أذكركم إخوتى وأخواتى أننا نعيش تحت وطأة هجمة شرسة من المسلمين الذين يريدون أن يقهرونا فى وطننا وفى أرضنا حتى نستسلم ونعلن لهم إسلامنا مستخدمين كافة الطرق الملتوية من خطف,وإغتصاب ,,إرهاب ,,وقهر وإرغام ,,إغراء بالمال ...ولكن هيهات هيهات ..المسيحى أقوى من ذلك ولن نركع ولن نهتز نحن بإيماننا الأقوياء المنتصرين بإذن الرب
مينا:- وأنا أعلن يا أبونا إن عاوز أبقى راهب فى الكنيسة عشان أخدم المسيحية طول حياتى
الأنبا بشاى :- بارك الرب فيك يا مينا وزادك من نوره
[ يكمل الأنبا بشاى]
إخوتى وأخواتى تابعوا أولادكم ,راقبوهم فقد يتعرضوا لما تعرض له [ مينا]
أحد الحاضرين :- يعنى نعمل إيه يا أبونا؟؟؟
الأنبا بشاى:- راقب أولادك وهم جالسين على الإنترنت وهم فى مدارسهم وهم فى جامعاتهم ...راقبوهم فى كل مكان يحتكوا فيه بالمسلمين...إحنا فى حرب مع المسلمين ولازم نكسبها وبإذن الرب هنكسبها ..إحنا أصحاب الأرض إحنا أهل مصر ولازم نطردهم منها زى ما دخلوها وأذلونا ونهبوا خيراتنا..
الحاضرين :- بارك الرب فيك يا أبونا
الأنبا بشاى:- عاوزك يا مينا تحكى تجربتك للحاضرين عشان يستفيدوا منها
مينا:- أنا بصراحة ذهلت من إللى سمعته وشفته عمرى ما كنت أتخيل إن فيه دين بيشجع على الإرهاب وبيأمر أتباعه بالتمتع بالستات والملذات بهذا الشكل ...والغريب إنه دين بينتشر
الأنبا بشاى [ مقاطعاً] :- بينتشر عشان الفلوس والملذات والمتع مش عشان الروحانيات إللى فيه
مينا :- طبعاً يا أبونا ..ده حتى الكتاب إللى إسمه [ القرآن] مش فاهمين فيه ولا كلمة لكن المهم يتغنوا بيه وبالسجع إللى فيه ......أنا هأقول إيه ولا إيه أنا إللى شفته يخلينى عمرى ما أفكر إنى أبقى مسلم ,وأنا معتز بدينى ومش هاسيبه أبداً
الأنبا بشاى:- إحنا ديننا يا مينا دين التسامح والحب والمغفرة والسلام دين بيحارب الشهوات من كل نوع مش دين الزواج بأربعة وزواج المتعة والزواج بسبعين حورية من الجنة [ يضحك الحاضرون]
مينا:- أهو كله كوم وحكاية إنهم مش عاتقين تعدد الزوجات حتى فى الجنة كوم تانى يعنى ملذات فى الدنيا والآخرة
الأنبا بشاى :- عارفين الدين الإسلامى بينتشر فى أفريقيا ليه...؟؟ أصلهم بيروحوا للراجل من دول ويقولوله [ تحب ثلاثة آلهة وحرمة واحدة] ولا [ إله واحد وأربعة حرمة] يقولهم [ إله واحد وأربعة حرمة طبعاً] فلما يدخل الإسلام وبعد شوية يحب يطلع منه ..يقولوله [ لا ياشاطر تتقطع رقبتك] فيضطر غصب عنه إنه يفضل مسلم عشان ما يموتش ..كل حاجة عندهم قتل فى قتل ..دين بيشجع على قتل الذميين وعلى قتل الكفار وعلى قتل إللى يخرج منه ...إيه ده حاجة مش معقولة!!!
مينا:- فعلاً أنا كنت هاسقط للهاوية زى ما قلت يا أبونا ..وبصراحة أنا ندمان على كل دقيقة ضيعتها مع [ الجماعة ] دى عشان كده عاوز أكفر عن خطيئتى إن أعيش راهب فى الكنيسة.
الأنبا بشاى:- شوف يا بطل عشان تأخذ قرارك لازم تفكر مرة وإثنين عشان حياة الرهبنة مش سهلة ..وهانديك فترة تتعلم من الكنيسة وبعدين بعد فترة تأخذ قررارك النهائى
مينا:- وهو كذلك
الأنبا بشاى والآن إخوتى لنصلى جميعا شكراً للرب على حمايته لمينا داعيين الرب يسوع أن يثبته ويثبت شبابنا وفتياتنا ...
يبدأ الحاضرون فى الصلاة
[ يسدل الستار]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
جميل وسير علي بركة الله
نرجوا التكمله
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
**********************
المشهد الثانى
**************
[ مينا يجلس منهمك فى القراءة فى الكتاب المقدس داخل المكتبة الكبيرة فى الكنيسة]
يدخل عليه القس [ فيليب]
فيليب:- إيه أخبارك يا بطل؟؟
مينا:- كل خير
فيليب :- إنت بتتقدم فى علم اللاهوت بسرعة كبيرة وبإذن الرب هيكون ليك مستقبل عظيم
مينا :- بس أنا عاوز...
فيليب:- عارف يا مينا عاوز الرهبنة لكن إحنا شايلينك لحاجة أكبر من كده ..مهمة التبشير والتنصير ..إحنا عاوزينك تعيش وسط الناس وتتزوج ويكون ليك حياة عادية زى بقيت البشر لكن تجربتك إللى عشتها وسط [ الجماعة ] دى هاتخليك مبشر ومنصر من نوع تانى لأنك عايشت الإسلام الحقيقى وشفت أتباعه عاملين إزاى فيكون الأثر إللى تعمله أكبر وأعظم.
مينا:- وهو كذلك ...بس أنا ليا أسئلة عن حاجات قرأتها فى الكتاب المقدس
فيليب:- أسئلة إيه ؟؟؟
مينا :- يعنى شفت [ نسب المسيح] مختلف فى إنجيل عن إنجيل تانى
فيليب:- شوف يا مينا.....الكتاب المقدس كتاب سماوى إللى كتبوه كتبوه بإلهام من الروح القدس ..محال إنه يكون فيه أخطاء أو تناقضات لأنه من عند الرب ..وعقلنا المحدود لا يمكن يستوعب كل إللى فيه
هل ممكن حفرة صغيرة تستوعب ميه البحر؟؟
مينا :لأ طبعاً
فيليب:-أهو إحنا بالظبط كده ..لا يمكن نستوعب بعقلنا المحدود كتاب عظيم وسماوى زى الكتاب المقدس ..المسلمين هما بس إللى بيشوفوا إنه فيه تناقضات وأخطاء لأنهم غير مؤمنين ..وغير المؤمن أعمى البصر والبصيرة ..لكن إحنا أتباع يسوع بنشوف الجمال إللى فيه ولا نسأل ولا نعترض لأن إعتراضك معناه إنك بتقول إن عقلى غير محدود ويمكن أن يستوعب الحقائق الكبرى إللى فى الكتاب المقدس ..والإنسان لا يمكن بعقله المحدود معرفة أسرار كتاب ألهم الرب كاتبيه بكتابته ...
كمان يا مينا الكتاب المقدس هو أكثر الكتب فى العالم تعرض للنقد والبحث والتدقيق ولو كان إللى قبلنا شافوا فيه ولو بنسبة واحد فى الميه خطأ كانوا قالوا عليه ..لكن علشان تعرف إن الروح القدس محال يخطئ أجيال وأجيال من المسيحيين عاشت وقرأت الكتاب المقدس ومالقتش فيه غلطة واحدة وماتوا وهما متمسكين بيه ومؤمنين بيه..
مينا :- كلامك كله عظات يا أبونا...فين كلامك ده من كلام [ أمير الجماعة] إللى كنت فيها إللى مليان بالعنف والقسوة والمغالطات
[ يدخل المكتبة مجموعة من الشباب والفتيات بصحبة القس فلوبرس]
فلوبرس:- إتفضلوا يا شباب
أعرفكم بالأخ مينا بيدرس علم اللاهوت وبإذن الرب هيكون ليه مستقبل فى التبشير زيكم
مينا :- أهلاً وسهلاً
فيليب :- إيه أخبار الأبطال؟؟
أحد الشباب:- كله تمام
فيليب:- أنا عاوز همة يا شباب ..إنتوا محتكين فى الجامعات بالمسلمين وتقدروا تعرفوا نقاط الضعف إللى فيهم وتدخلوا لهم منها ..أنا عارف إنكم بتعملوا كل ما فى وسعكم لكن عاوز همة أكبر..
إحدى الفتيات:- أنا فيه واحدة مسلمة فاضيلها شوية وتسمعوا عنها أخبار كويسة أوى
فيليب:- بارك الرب فيكى يا جانيت ..وعاملين إيه فى مواقع الإنترنت والمنتديات والبالتوك؟؟
شاب: كل خير بس إحنا كان لينا طلب عندك يا أبونا ؟
فيليب:- خير
الشاب:- كل الشبهات إللى فى المواقع المسيحية بقالها ردود فى المواقع الإسلامية وأى واحد فينا بيدخل على منتدى إسلامى بيلاقى الشبهات وردودها جاهزين فبنتلخم وبنعرفش نعمل إيه
فيليب:- لأ يا ميلاد أنا قلتلكم إيه ..تدخلوا على المنتديات والبال توك وإنتوا بتهاجموا وبتتهكموا على الشريعة الإسلامية ..الطريقة دى حتخليهم ما يعرفوش يردوا ...لكن تتلبخوا وتتلخموا أنا مش عايز كده...
ولو حسيتوا إنكم مش عارفين تردوا هاتوا أى موضوع حوالين [رسولهم] وأقعدوا إعملوا حكايات عليه ..أنا مش عايز المسلمين يغلبوكم أبدا أنا عاوزكم تدوخوهم السبع دوخات..
ميلاد:- بس الإخوة فى البال توك والمنتديات باعتين لحضرتك رسالة إنهم عاوزين شبهات جديدة عشان الشبهات القديمة بطلت والمسلمين عرفوها
فيليب:- أنا والقس فلوبرس حنكتبلكم شبهات جديدة وبكرة الأخ ميلاد يجيى يأخذها
فتاة :- أنا عملت أغنية جديدة بتسخر من تشريع إسلامى
فيليب:- قوليلى بسرعة
الفتاة:- أهه يا أبونا أغنية إسمها [ إرضع يا كبير]
فيليب:- حلو أوى ..أنشريها فى كل المواقع المسيحية وياريت تعملوا منه سيديهات
شاب :- وأنا كمان ألفت مسرحية بتسخر من أحوال شباب المسلمين ..إسمها [ بحبك يا لطفى ماتجوزنى عرفى]
فيليب:-ها ها ها ها تمام تمام بارك الرب فيكم ياشباب يسوع ...قبل ما تمشوا عاوز أوصيكم إن التبشير فى الجامعة محدش ياخد باله منه ..فاهمين ...ياللا إتفضلوا بارككم الرب.[ ينصرف الشباب والفتيات].
[يبقى مينا فى مكان فى المكتبة منهمكاً فى قراءته للكتاب المقدس ..والقس فلوبرس وفيليب فى ناحية أخرى فى المكتبة]
فلوبرس :- طلعلنا شبهات جديدة يا فيليب
فيليب:- إحنا سيبنا حاجة ما قولنهاش
فلوبرس:- معلهش عشان الشبهة برضه لما بتبقى جديدة بتعمل [ربكة] للمسلم إللى بيرد عليها
[ فيليب يمسك بكتاب السيرة النبوية ويتصفحه]
فيليب:- خذ عندك ...كان بيقوم الليل حتى تورمت قدماه
فلوبرس- ودى فيها إيه؟؟
فيليب:- هو مش فيه آيه بتقول [ ولا تلقوا بأيديكم إلى التهلكة] ..وكمان مش فيه حديث بيقول فيه [ إن لبدنك عليك حق] ؟؟
فلوبرس :- آه
فيليب:- يبقى هوا بيخالف أمر الله وبيقوم لحد ما رجليه ورمت والتورم ممكن يؤدى لمشاكل ومخاطر صحية ..يبقى مش بيلقى بإيده فى التهلكة ؟؟
فلوبرس :- طبعاً
فيليب:- إكتب كمان...كان بيوصل الصيام ..وقبل ما تقولى ودى فيها إيه..هوا مش الصيام عندهم لحد المغرب بس ؟؟
فلوبرس :- أيوه
فيليب:- يبقى دى مخالفة لشرع ربنا والا لأ لما يوصل الصيام
خد عندك كمان ..كان بيقبل زوجاته ..لازم النبى يكون عايش للرسالة بس وتكون حياته كلها بعيدة عن أى شهوات ..يقوم هوا يقبل زوجاته !!!
فلوبرس:- تمام يا فيليب ..فيه حاجة تانية؟؟
فيليب:- آه..نجيب شبهة من القرآن ..[ يتصفح المصحف]
- بس خذ عندك..... تناقض رهيب فى آيتين فى القرآن
سورة الأنبياء [ فنفخنا فيها من روحنا] ,,وسورة التحريم [ فنفخنا فيه من روحنا] ..مرة يقول فيها ومرة يقول فيه ..مش تناقض ده ؟؟
فلوبرس :- تمام وميه ميه
خذ عندك كمان
[ يدخل الحجرة مسرعاً القس زكريا]
زكريا : شفتم [ ميشيل] دخلت عليه لقيته بيصلى العصر !!!
[ إلى اللقاء فى تكملة المشهد الثانى إن شاء الله ]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
ابدعتيييييييييي اختي الحبيبه الريحانه
فعلا المسرحيه يتبين روعتها من اول مشهدين
وانا متابعه
في انتظارك اختي الحبيبه
لن اعيش في جلباب بولس
ولن اعيش في جلباب كنيستي
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
الله يبارك فيك, ياريت المسرحيه كلها بقى. كل يوم شويه ؟ اقسم بالله عجبتنى و مستنى النهايه بسرعه
:ww::ww::ww:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بارك الله فيك ننتظر المزيد من هذا
احب ان اوجه عناية الأخوة ان اعظم مسريحه هو كتابهم لذلك ان كنت تريد الترفيه عن نفسك والضحك ادخل واقرأ القصص لا القصص التي تتكلم عن الرب لأنك مش هتعرف تضحك ولا تبكي ولا تشخط ولا تصوط
والسلام على من اتبع الهدى
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
************************
تكملة المشهد الثانى
**********************
يدخل الحجرة مسرعاً القس زكريا]
زكريا : شفتم [ ميشيل] دخلت عليه لقيته بيصلى العصر !!!
[ يغضب فيليب جداً] وينادى على الخادم فى الكنيسة
مرقس ... روح جيب ميشيل هنا حالاً
مرقس :- حاضر
فلوبرس :- براحة شوية يا فيليب مش كدة
فيليب:- مش كده إيه...ده مينفعش معاه إلا الشدة أنا مش موافق على المعاملة بتاعتكم معاه..
زكريا:- الكلام معاه والوعظ الدينى أكيد هايجيبوا نتيجة يا أبونا فيليب
[ يدخل ميشيل بصحبة الخادم]
فلوبرس:- تعالى يا ميشيل أقعد ..تعالى يا مينا كمان ..[ يأتى مينا وبيده الكتاب المقدس ويجلس معهم]
فلوبرس:- جرى إيه يا ميشيل ..إنت هتعمل الكنيسة جامع ولا إيه ..إنت أهلك لما جابوك من أسبوعين قالولنا بالحرف الواحد مش عايزينه يرجع لينا إلا وعقله فيه ..لسه مارجعتش لعقلك ولا إيه؟؟[ ميشيل صامت]
فيليب:-لو ما رجعتش لعقلك بالذوق ..إحنا عندنا الف طريقة وطريقة فاهم..
مينا:- إيه الحكاية؟؟
فيليب:- إللى قاعد قدامك ده بيشتغل صيدلى فى أسيوط ..المسلمين لعبوا فى عقله لحد ما أسلم
مينا :-أسلم!!
فيليب:- أيوه ومش من مدة بسيطة ده من 6 سنين ومخبى على مراته وأهله ..ولما مراته عرفت بلغت عنه وأهله جابوه هنا عشان نرجعله عقله
مينا:- أنا مش مصدق إن ممكن إنسان بعقلك يعمل كده
فيليب:- عارف مين ده ...ده مينا واحد مسيحى عاقل ما رضيش يسيب دينه بعد ما شاف الإسلام على حقيقته ..مش زيك بعت دينك وكنيستك
زكريا :مش كده يا فيليب بلاش العصبية دى
فيليب:- أنا بس عامل خاطر لخالك [ الأنبا أوغسطنيوس] أستاذنا كلنا هوا إللى قلنا ناخدك بالهداوة الأول ..والظاهر الهداوة مش هاتجيب فايدة
زكريا:- لأ يا أبونا فيليب... قاللنا ناخده بالهداوة وكمان بالحجة والوعظ الدينى وبإذن الرب يرجعله عقله من غير عنف ولا حاجة
فيليب :- أه ..إنت عارف كويس نقدر نعمل فيك إيه ..أبعتك تربى خنازير فى وادى النطرون
مينا:- بأقول ممكن تسيبونى معاه شوية يمكن أعرف أقنعه
فلوبرس :عين العقل تعالى يا أبونا فيليب وهدى أعصابك وتعالى يا أبونا زكريا..يمكن مينا يعرف يعمل معاه حاجة
فيليب:- أنا مش منقول من هنا لما أشوف أخرتها معاه إيه
فلوبرس :- طب تعالى نقعد بعيد عنهم شوية نسمعهم وما نشتركش معاهم فى الكلام
[ يقوم القساوسة الثلاثة ويجلسون فى مكان بعيد قليلاً]
مينا :- مش عاوز تقول حاجة؟؟
ميشيل:- أقول إيه ؟؟..كل إللى قالوه صحيح أنا اسلمت ومراتى بلغت عنى وأهلى جابونى هنا ..بس أنا إسمى مصطفى مش ميشيل
مينا:- كمان غيرت إسمك .للدرجة دى ضحكوا عليك المسلمين ..ده آخر دين من الديانات كلها فى العالم إللى الواحد ممكن يفكر ينتمى إليه.
ميشيل:- ديانات إيه يا مينا !! ربنا مانزلش ديانات ..ربنا نزل دين واحد بس من يوم ما خلق آدم لحد ما تقوم القيامة ..دين التوحيد ..دين الإسلام ....الديانات دى إحنا البشر إللى ألفناها وبدعناها وحرفنا الدين الواحد لأديان والعقيدة الواحدة لعقائد...
مينا:- طب فهمنى إيه إللى خلاك تعمل كده؟؟
ميشيل:-أنا طول عمرى مسيحى ملتزم باروح الكنيسة أصلى كل يوم أحد بإنتظام وباحضر المناسبات والأعياد فى الكنيسة ..الكتاب المقدس بافتحه أقراه وماشى على تعاليمه..يعنى تقدر تقول كنت مسيحى مثالى
مينا:- كويس وبعدين
ميشيل :- فضلت كده لحد ما فى يوم كنت فاتح التليفزيون وباقلب فى القنوات لقيت قناة بتعرض برنامج مستضيفين فيه شيخ من شيوخ المسلمين ..ولقيت واحد مسلم بيتصل بيه وبيسأله :-ما هى آداب دخول [دورة المياه] ..لقيت نفسى مستعجب وبسأل نفسى هو فيه آداب لدخول الحمام؟؟؟وفضلت مستنى أسمع إجابة الشيخ عليه ..لقيته بيقوله :- إن الرسول صلى الله عليه وسلم كان بيدخل الخلاء برجله اليسرى ويقول اللهم قنى شر الخبث والخبائث .. ولما تكون فى الحمام لا تذكر الله[ لأنه مكان غير طاهر] وما تقعدش فيه وقت كتير وبعدين تخرج منه وتقول غفرانك.. الشيخ قال أن الرسول صلى الله عليه وسلم كان بيقول غفرانك لأ نه قضى وقت فى دورة المياه ما كانش بيذكر الله فيه فبيطلب المغفرة على كده
مينا:- دخلت الإسلام عشان آداب دخول الحمام ..دى حاجة تغير دينك عشانها ..دى حاجة صغيرة وتافهة أوى
فيليب:- قوله يا مينا قوله
ميشيل:- الحاجة الصغيرة التافهة إللى بتقول عليها ..خليتنى سهران طول الليل بافكر
مينا :- وياترى بتفكر فى إيه؟؟
ميشيل:- بافكر ..هل ممكن راجل عاش من أكثر من 1400سنة فى البادية مافيش حواليه غير الصحراء والرمال وحواليه مجتمع خالى من المدنية .. يقوم يألف كتاب ويسميه القرآن ويألف أكثر من 100000حديث ويألف لأتباعه تشريع .. التشريع ده ما ينساش فيه شيئ صغير زى دخول دورة المياة ؟؟؟هل ممكن لراجل أمى أن يوصل تفكيره أن يألف تشريع لأمته ما ينساش فيه حاجة صغيرة ما تخطرش على بال حد ؟؟؟... إيه العقل ده إللى كان فيه
؟؟
مينا :- وبعدين
ميشيل:-لقيت نفسى تانى يوم رايح على مكتبة من المكتبات الإسلامية وقلت لهم عاوز كتاب أدعية الرسول صلى الله عليه وسلم ..وأخذته وفتحته وحصللى ذهول من إللى شفته ..شفت إنسان عايش يذكر الله فى كل دقيقة ..وهو بيستعد للنوم .وهو بيصحى من النوم ..وهو خارج من بيته ..وهو داخل بيته ..وهو بيلبس.. وهو بيأكل وهو بيشرب وهو بيشوف المطر وهو بيشوف الهلال وهو بيشوف خير عند إنسان وهو مسافر وهو راجع من السفر وهو راكب على دابة وهو بيعطس وهو مريض وبعد إنتهاء الصلاة وعند سماع الآذان ....أقول إيه فى كل حاجة ممكن يتعرض ليها الإنسان..
ما قدرتش بعد كده أخبى فضولى عن إنى عاوز أعرف كل حاجة عنه ..فسألت واحد جارى مسلم .. رايح جايبللى كتاب عنه ..وعن سننه
مينا:- سننه يعنى إيه سننه؟؟؟
ميشيل :- يعنى عبادات كان بيعملها زيادة عن الفرض...والمسلمين بيتعبدوا بيها إقتداءً بيه
مينا :- وبعدين
ميشيل:- لقيت نفسى مشدود ليه ..معقول إنسان يصلى أكثر مما فرض عليه..ويصوم أكثر مما فرض عليه ..طب ليه يعمل كده؟؟
ليه يقوم يصلى 8 ركعات فى عتمة الليل ؟؟ ليه يصوم كل إثنين وخميس وثلاثة أيام فى نص الشهر؟؟
مش هما قالولنا عليه إنه [راجل كان بيجرى طول حياته وراء النساء وجمع الأموال] ..الراجل إللى بالأوصاف دى لازم يكون بيقضى الليل فى أحضان النساء وفى عد الأموال ..لكن يقضى الليل فى الصلاة والذكر وأتباعه يعملوا زى ما كان بيعمل.!!.... راجل مالهوش هدف غير الشهوات واللذات يألف عبادة إسمها [ صلاة الفجر] يحرم نفسه من لذة النوم ويقوم يصلى هوا وأتباعه ..ومش بس كده ده يأمرهم إنهم يصلوها فى المسجد ويشجعهم على كده بإن خطواتهم للمسجد هتكون تكفير لذنوبهم.....
بعد ما قرأت عنه ..تأكدت من شئ واحد إن الرسول محمد:salla: رسموا لنا صورة مشوهة مشوشة ليه وكذبوا علينا لما قالولنا عنه إنه رجل مزواج وشهوانى ..فقررت إنى أستعمل عقلى إللى ربنا خلقه ليا ورحت أخدت سنتين أدرس فيهم دراسات إسلامية
مينا:- كمان درست دراسات إسلامية؟؟
ميشيل :- أيوه وحفظت القرآن ودرست السيرة ..وكتمت إسلامى لحد ما أشعر إن كل حاجة مكنتش أعرفها خلاص عرفتها ..ولما حسيت إنى مش قادر أعيش بصورتين صارحت زوجتى لكن للأسف ماقدرتش تفهمنى ..وحصل إللى حصل
فيليب:- الظاهر إنك إنت إللى هاتدينا جلسة وعظ دينى...برنامج فتاوى خلاك تسيب دينك ؟؟..دورة الميه هى خلتك تسيب دينك؟؟
طب إيه رأيك إن فى المسألة بتاعت دورة الميه دى إحنا أحسن من المسلمين ..لأننا بنذكر الله فى كل مكان بما فيهم دورة الميه ..يبقى مين إللى أحسن؟؟
ميشيل :- العقيدة إللى تخللى الله ينزل عشان عباده يشتموه ويضربوه ويصلبوه ..مش غريب عليها إنها تأمر بذكر الله فى أنجس مكان ..
فيليب:- أنا مش قادر أستحمل ....أولاً ربنا ما نزلش عشان ينضرب ..ده نزل يكون لينا فداء عشان بيحبنا ..وأظن إنت عارف كده كويس
ميشيل :عارف ومش فاهم حاجة....عاوزنى ألغى عقلى ..مين إللى أهلك قوم نوح؟؟
فيليب:- الله
ميشيل :- وياترى أهلكهم بإيه؟؟
فيليب:- اللهم طولك يا روح ..بالطوفان
ميشيل :- تفتكر الإله إللى يأمر الأرض إنها تتفجر بالعيون ,,ويأمر السماء إنها تهطل بالمطر ويمحو كل البشرية من على وجه الأرض ما عدا نوح والمؤمنين بكلمة واحدة يأمر بيها ..ما يقدرش بكلمة واحدة يغفر لآدم ويغفر لذريته وهو جالس على عرشه... هوا إحنا مش مخلوقات زى السماء والأرض؟؟
فيليب:- يقدر طبعاً بس مغفرة ربنا لا تلغى عدله
ميشيل :- وهل عدل الله أنه يلعن ذرية كاملة من غير ذنب عملوه ...لوكان قاضى حكم عليك بالإعدام على جريمة ماعملتهاش كنت هتقول عليه عادل؟؟
فيليب:- ربنا يتجسد يتقمص ..ربنا يفعل ما يشاء وقادر على كل شئ
ميشيل :- قادر على كل شئ فى حدود أنه مالك الملك ذو الجلال والإكرام فى حدود أنه الملك العال المتعال ..مش قادر على كل شئ إنه يترك نفسه لمخلوقاته يذلوه ويضربوه .
فيليب:- يعنى إنت فاتح لينا [محضر ] وعمال تسألنا وتستجوبنا ..يعنى إنت فاكر إننا منعرفش حاجة عن الإسلام ..إحنا نعرف عن الإسلام أكتر منك ..والظاهر إنك إنت إللى ما تعرفش الإسلام على حقيقته
زكريا:- إرجع لدينك ولكتابك ..خد إمسك الكتاب المقدس وإقراه يا ميشيل
ميشيل:- ويا ترى أقرا كتاب أى طائفة [ الأرثوذوكس ولا البروتستانت ولا الكاثوليك ولا شهود يهوه.ولا ولا ] ولا ياترى أقرأ النسخة اليونانية ولا الإنجليزية ..ولا ياترى أقرأ إنجيل برنابا ولا إنجيل مرقس ولا إنجيل الطفولة ولا مخطوطات نجع حمادى ولا..
فيليب:- إنت زودتها أوى ..إنت مالكش غير طريقة واحدة فى التعامل
زكريا :لأ يا فيليب لسه قدامه [ جلسة وعظ دينى ] لكن هتكون مش زى أى جلسة إحنا هنعرفك فيها إيه هوا الإسلام إللى ماتعرفوش ..هتبقى مناظرة
فيليب:- مناظرة إيه يا زكريا ..أنا مش موافق
زكريا :معلهش يا فيليب ...إحنا قدام شخص حصله غسيل مخ ولازم يعرف إيه الدين إللى دخل فيه كويس
معادنا بعد بكرة يا ميشيل
ميشيل : لن اقول لكم إلا كما قال كليم الله موسى [ ويلكم لا تفتروا على الله كذباً فيسحتكم بعذاب وقد خاب من إفترى]
***
[ إلى اللقاء فى الفصل الثانىإن شاء الله ]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
:36_1_11::36_1_11::36_1_11:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
حياك الله أختى الريحانة
وأنا متابع إلى النهاية إن شاء الله
لكن ليه متبقاش
اقتباس:
بإسم الآب والإبن والروح القدس ..إله واحد آمين ....لأن لك الملك و القوة والمجد .آميين
بسم الآب والقبقاب وعم بولس الكداب الخروف الواحد آمين ؟؟ :p018::p018::p018:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم والحمد لله رب العالمين
وبعـــــــــــــد
مبروووووووووووووووووووك الاشراف وكان الله في عونك
متابع المسرحيه للنهاية إن شاء الله تعالي خصوصا أن فيها أشخاص بحبهم موووووووووت:SMILS171:
اقتباس:
احب ان اوجه عناية الأخوة ان اعظم مسريحه هو كتابهم لذلك ان كنت تريد الترفيه عن نفسك والضحك ادخل واقرأ القصص لا القصص التي تتكلم عن الرب لأنك مش هتعرف تضحك ولا تبكي ولا تشخط ولا تصوط
و زكريا بقلظ هو التاني حكايه .
في الانتظار ......
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
************************
الفصل الثانى
************
المشهد الأول
*************
[ فى قاعة الإجتماعات داخل الكنيسة يجلس القس زكريا والقس فيليب ]
فيليب:- عاجبك إللى أنت عملته ده؟؟
زكريا:- تقصد موضوع المناظرة...مافيش حل غير كده ..إنت ما شفتش كان بيتكلم إزاى إمبارح ..بنفس طريقة المسلمين ..ربنا إزاى ينضرب ربنا إزاى يتقمص ..ربنا إزاى يأكل ويشرب ...وبعدين لما لقيته دخل على موضوع الإختلافات إللى بيننا وبين الطوائف التانية ولقيت مينا قاعد ..حبيت أنهى الموضوع بسرعة ..إنت عارف إن مينا كانت معلوماته بسيطة جداً عن الكتاب المقدس والطوائف المسيحية وعن الأناجيل والنسخ ولو كان سمع ميشيل وهوا بيتكلم عنها وهو لسه فى بداية تعلمه لعلم اللاهوت .يمكن تحصله بلبلة ..وإحنا مش عايزين كده ..
فيليب:- عندك حق ..كويس إنك قلبت الموضوع بسرعة ....وإنت مستعد للمناظرة دى ؟؟
زكريا :- طبعاً مستعد ...المهم أنا عاوز مينا يحضر معانا المناظرة
فيليب:- ما بلاش أحسن
زكريا :- لما مينا يشوف شبهاتنا إللى حنقولها على الإسلام ورسول الإسلام بالإضافة للى شافه مع [ الجماعة] إللى كان فيها إيمانه هيثبت اكتر وأكتر
فيليب:تفتكر كده...على العموم أنا محضر مفاجأة لميشيل النهاردة يمكن عقله يرجعله ويرجع لدينه ونخلص من مناظرة بكرة دى خالص.............هوا فين مينا؟؟.....يا مرقس .روح إنده مينا يجى هنا
مرقس:- حاضر
فيليب:- الأنبا بشاى بيقول إن إجتماع النهارده مهم أوى
زكريا :-الإخوة حضروا ولا لسه ؟؟
فيليب:- حضروا والإجتماع بعد 10دقائق
[ يدخل مينا قاعة الإجتماعات]
فيليب:- تعالى يا مينا ..أنا عاوزك تحضر الإجتماع إللى هيحصل دلوقت
مينا :- إجتماع إيه ؟؟
فيليب:- إجتماع يهمك بصفتك هتبقى [ مبشر ] المستقبل...إجتماع الأنبا بشاى مع مجموعة من الإخوة المبشرين فى الوطن العربى وأفريقيا..
مينا[ والسعادة على وجهه] :- صحيح ؟؟
فيليب:- صحيح يا مينا ...عشان تعرف إن النصرانية بخير ..وإننا بننفذ تعاليم الرب لما قالنا نكرز بالإنجيل فى كل مكان وإن واحد زى [ ميشيل ] إللى شفته إمبارح ..مجرد حالة شاذة يمكن علاجها
مينا :- بمناسبة ميشيل ..كنت عاوز أسألك يا أبونا على حاجات قالها إمبارح
فيليب:- أسئلة تانى يا مينا؟؟...إتفضل
مينا:- إيه حكاية الطوائف التانية دى؟؟..وهوا صحيح إللى قاله إن كتابنا المقدس يختلف عنهم؟؟
فيليب:- إختلافات طفيفة وثانوية .. ما لهاش أى علاقة بالعقيدة من قريب أو بعيد
مينا: يعنى الكتاب المقدس بتاع شهود يهوه والبروتستانت زى بتاعنا بالظبط ؟؟.. طب ممكن اشوفه ؟؟
فيليب:- مش دلوقت يا مينا ..وبعدين ...[ الأنبا بشاى يدخل ومعه مجموعة المبشرين]
فيليب :- الإجتماع بدأ يا مينا
[ يجلس الحاضرون ]
[الأنبا بشاى يصلى والحاضرون أيضاً]
الأنبا بشاى:- بارك الرب فيكم جميعاً أنا مش عاوز أطيل عليكم فى الكلام...كل إللى أحب إنى أقوله لكم أن أى اموال تحتاجوها فى أماكنكم لا تترددوا فى طلبها ..المهم حركة التبشير لا تنقطع أبداً تحت أى ظرف من الظروف ...والكنيسة هنا تحت خدمتكم ..
مبشر 1:- الفلوس مش مشكلة ..إحنا محتاجين مبشرين أكتر وأكتر خصوصاً إن أفريقيا واسعة جداً وفيه أماكن جوه الغابات والأدغال مش بنقدر نروحلهم من قلة عددنا
بشاى:- أى عدد تحتاجوه إحنا تحت أمركم .. عاوزين فى أى مكان فى أفريقيا؟؟
مبشر 1:- عاوزين فى إريتريا والصومال
بشاى :- فيليب ...إبعت مجموعة من القساوسة إللى إلتحقوا بالكنيسة فى بداية السنة دى يقوموا بالمهمة دى .. دى مجموعة متميزة من القساوسة إللى عندنا
فيليب:- أحسنت الإختيار يا أبونا
مبشر 2:- فيه مشكلة تانية ..حركة تبشير الكنيسة الكاثولكية عاملة صدى فى أفريقيا أكتر مننا وبيدوا فلوس ومعونات وهدايا بشكل مبالغ فيه ..ودى حاجة بتضيع مجهودنا فى الهوا
بشاى:- أنا مش عاوزكم تيأسوا أبداً ابداً ...وفيه مفاجأة كويسة أوى ..الكنيسة قررت تفتح قناة فضائية بإسم الأرثوذكس ..يعنى مش هتبقى فيه مشكلة ..هيبقى المطلوب منكم تشتروا تليفزيونات وأطباق للناس وهما يتفرجوا على تعاليمنا من التليفزيون
مبشر2:- ده خبر كويس أوى
بشاى :- وإيه أخبار إنتشار الإسلام فى أفريقيا؟؟
مبشر 1:- للأسف مرتفعة
بشاى :- معلهش حركة التبشير فى الوطن العربى ماشية كويس
مبشر 3:- إحنا محتاجين مبشرين أكتر فى اليمن والجزائر والمغرب
بشاى :- كل إللى تحتاجوه إكتبوه للقس فيليب وهو هايقوم بالواجب....المهم أكبر عدد ممكن يدخل النصرانية فى مذهبنا يعتمد على تركيزكم على الأماكن الفقيرة ,المستشفيات ,الناس إللى ساكنة فى عشوائيات ,,وطلبة الجامعات,, منكوبى الزلازل والأعاصير ..المشردين من الحروب ..أماكن المجاعات ...لو ركزتم فى الأماكن دى نضمن أكبر عدد ممكن فى أقل وقت ممكن....
[ يهز المبشرون رؤوسهم]
بشاى :- فيه حاجة فى الأجندة يا فيليب تانى ؟؟
فيليب:- لا يا أبونا
بشاى :- رفع الإجتماع ..بارككم الرب
[ ينصرف الحاضرون ويبقى مينا والقس فيليب وزكريا]
فيليب:- إيه رأيك يا مينا؟؟
مينا :- كويس ...بس ليه الأنبا بشاى زعلان من إنتشار المذهب الكاثوليكى فى أفريقيا ..مش كلنا عقيدتنا واحدة وكتابنا واحد وبنكمل بعض؟؟
[ ينظر القس زكريا إلى القس فيليب وهما فى حالة إرتباك]
فيليب:- ولو إنتشر مذهبنا يبقى خير وبركة ولا إيه يامينا ؟
مينا :- برضه فيه حاجة تانية ..ليه الأنبا بشاى ركز على الأماكن الفقيرة وأماكن المجاعات وسكان العشوائيات ؟؟
فيليب:- أمال إنت عايز نروح لمين يا مينا؟؟
مينا: أنا نفسى نروح نبشر وننصر ناس معروفة واسماء مشهورة فى العالم ....يعنى مثلاً نفسى ننصر واحد زى [ عمرو خالد] و [ الشيخ السديس ] و[ طارق سويدان] ..أهى دى تبقى الضربة القاضية للمسلمين
فيليب:- عمرو خالد مين والسديس مين وطارق سويدان مين يا عم مينا دول ناس إيدك منهم والأرض , دول ناس خلاص الرب يسوع ختم على قلوبهم ..مافيش منهم فايدة .زى أحمد ديدات إللى مات قريب ..شوف كام واحد ضل على إيده .هيقابل يسوع بأى وش..
مينا :-أصلى بصراحة باسمع عن أسماء مشهورة ولامعة بتد خل الإسلام
فيليب:- زى مين كده...قصدك [ وفاء قسطنطين]...وفاء يا مينا خطفوها وحطوا السكينة على رقبتها وقالولها هندبحك إذا ما أسلمتيش
مينا :لأمش قصدى وفاء قسطنطين ..قصدى مثلاً واحد زى [ كات ستيفنس]
فيليب: المغنى ...ودى اسماء لامعة برضه ..أكيد زغللوا عينيه بالفلوس
مينا:- طب والقساوسة إللى سمعنا عنهم إنهم أسلموا والناس إللى بتدخل الإسلام فى بلاد بره كل يوم ووو...
فيليب:- بعدين بعدين يامينا..أنا كنت عاوزك فى إيه ..آآآآآه ....أنا كنت
عاوزك تاخد الكتب دى ...دى كتب فى السيرة وتفاسير القرآن ...عاوزك تسهر عليهم الليلة وتطلع لنا شبهات عشان عاوزك تشارك فى مناظرة بكرة مع ميشيل .وإنت لما تقرأ هتلاقى شبهات كتيرة ملهاش حصر ..إكتبها وأشوفك بكرة
مينا:- حاضر
فيليب:- كمان عاوزك تشوف قناة الحياة بتاعت أبونا زكريا بطرس ..هتلاقى فيها شبهات بيقولها كتير ..عشان أنا عندى شغل ومش فاضى
مينا:- أنا أسمع إن زكريا بطرس مشلوح من الكنيسة
فيليب[ يضحك] مشلوح إيه يا مينا ...ده مشلوح كده وكده
مينا:- يعنى إيه ؟؟
فيليب:- عشان الفتنة الطائفية والكلام إللى إنت عارفه ..كان لازم نقول كده قدام المسلمين ..إنما هوا استاذنا فى التبشير ..
مرقس:- الشباب حضروا يا أبونا
فيليب:- طب روح إنده ميشيل من أوضته
...أهى دى المفاجأة إللى محضرها لميشيل
[ ميشيل يحضر]
ويدخل ثلاثة شباب لقاعة الإجتماعات
فيليب:- تعالى يا [عدو نفسك] عارف مين دول ..دول ثلاثة مسلمين دخلوا النصرانية ....عشان تعرف دينك ..إنت خرجت منه ..وثلاثة دخلوا فيه
زكريا : بيتهيألى نسيب ميشيل يقعد معاهم ..يمكن يقدروا يعرفوه عظمة دينه إللى تخلى عنه
[ يخرج مينا والقس زكريا والقس فيليب]
ميشيل :- تعالوا ...إنتوا صحيح تركتوا الإسلام ؟؟
الشباب :- أيوه
ميشيل :- إزاى تعملوا كده......تعالى إنت إسمك إيه؟؟؟
شاب1:- إسمى فتحى
ميشيل :إيه إللى خلاك تسيب الإسلام؟؟
فتحى::أنا أبويا بيشتغل عامل فى مصنع ,وعندى ست إخوات غيرى وإحنا ناس على قد حالنا ...فى يوم أبويا وقع من طوله فى المصنع ..قاموا نقلوه المستشفى ..قالولنا عنده[ فشل كلوى]
ميشيل :- وبعدين
فتحى:-أبويا قعد فى المستشفى وبقى يغسل مرتين فى الأسبوع والمصاريف إتكومت على دماغنا لأن أبويا مبقاش قادر يروح الشغل ....واحدة من الممرضات شافت حالنا ..أخدتنى [ جميعة الشبان المسيحيين] قاموا هناك إدونى فلوس وكسوة ليا ولإخواتى ودفعوالنا أجرة البيت المتأخرة
ميشيل :- أكملك أنا ..وبعدين نصروك..... صح؟؟
فتحى :أيوه وبقيت أروح الكنيسة معاهم....بس بعد اربع شهور أبويا مات [ وينخرط فتحى فى البكاء]
صاحب المصنع كتر خيره شغلنى بالثانوية العامة وإدونى مكافأة وإعانة من صندوق العاملين ....لما حسيت إنى أقدر أعتمد على نفسى قلتلهم أنا هارجع لدينى تانى ...قالوللى إنت فاكر دخول الحمام زى خروجه ..لو فكرت تخرج من ديننا هنعمل معاك زى ما عملنا لوفاء قسطنطين
ميشيل : وفضلت معاهم يا مسكين ......وإنت إسمك إيه ؟؟
شاب 2:- إسمى تامر..والدى ووالدتى على طول مشغولين .وباقضى وقت فراغى قدام الإنترنت ..وفى يوم لقيت موقع مسيحى .. بصراحة عجبنى الكلام إللى فيه
ميشيل : زى إيه؟؟
تامر:- زى إن الحياة الأبدية والجنة مضمونين إذا آمنا بيسوع المخلص بس...وإن الخطايا ممكن أعترف بيها للراهب يقوم يغفرهاللى بسهولة ..كمان عجبنى تعاليم المسيحية إن الصلاة فيها مش كتير وإن الروحانيات أهم من كثرة العبادة .
ميشيل:- طبعاً لا وضوء ولا إغتسال من النجاسة ,, لا عبادات ولا ذهاب للصلاة فى المسجد خمس مرات ...لا تعب من أجل أن تعبد الله..راحة وروحانيات.....وإنت إسمك إيه؟؟؟
شاب 3: إسمى ناصر
ميشيل :- إتنصرت إزاى يا ناصر؟؟
ناصر:- أنا كنت قاعد باذاكر وبعدين أبويا دخل ومعاه [ لفة] فى إيده وقال لأمى دى [ لحمة رأس] عاوزك تطبخيها على العشا ...أمى كان عندها شوية [ملوخية بايتين ] طبخت لحمة الرأس عليهم ...أنا أكلت لحمة الرأس من هنا ,وكبست على مراوحى من هنا ..رحت نايم
ميشيل :- وبعدين
ناصر : ولا قابلين حلمت إنى ماشى فى أرض خضراء وبعدين شفت [ خروف] كبير بيجرى ورايا وبعدين راح نطحنى برأسه ..قمت من النوم ورحت الكلية ...ولسة باحكى الحلم لصحابى فى الكلية ..لقينا الواد بشارة المسيحى صاحبى راح واقع فى الأرض زرع بصل وأغمى عليه
قعدنا نفوق فيه ونرش على وشه ميه ..كل ما يفوق يمسك فيا ويقوللى [ إنت قلت إيه ..قول تانى] أقول له أنا شفت [خروف] ..يروح مغمى عليه تانى ..نروح راشين على وشه ميه ..أول ما يفوق يقوللى [ بتقول شفت خروف ..متأكد إنك شفت خروف ....يسوع بيحبك] ...وراح واخدنى على الكنيسة ...ووشوش القسيس فى ودنه ..لقيت الدنيا إتقلبت وعاملولى إحتفال ولابسونى إكليل ...كل ده عشان شفت خروف
ميشيل :- خروف..آه.. زى يوحنا ....ويا ترى كان ليه قرون ولا لأ
خروف ياراجل ..الأرض الخضرا هى [ الملوخية إللى كلتها] ..والخروف إللى نطحك برأسه عشان كلت [ لحمة راس ]
ناصر : أنا عارف بأه ..هما قاللولى إن إللى يشوف خروف فى الحلم تبقى بشرى خير ويبقى شاف...
ميشيل [ يقاطعه] ما تكملش ...تعالى الله عما يقولون ويفترون
[ يدخل القس فيليب وزكريا]
فيليب:- ها ...رجعلك عقلك بعد ما شفت إخواتنا الجدد وشفت عظمة دينك ؟؟
ميشيل :- أنا عرفت حاجة تانية ..عرفت إزاى بولس نشر المسيحية فى العالم !!!
[ إلى اللقاء فى المشهد الثانى إن شاء الله]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
************************
المشهد الثانى
*****************
[ داخل غرفة الإجتماعات بالكنيسة يجلس القس زكريا والقس فيليب والقس فلوبرس]
يدخل عليهم مينا..
مينا:- صباح الخير
القساوسة:- صباح النور
مينا:- معلهش أنا إتأخرت شوية .
فيليب:- لسه ميعاد المناظرة ما بدأش .........عملت إيه ؟؟؟
مينا:- كل خير ..إتفضل شوية شبهات من قناة الحياة ومن الإنترنت ومن الكتب إللى أخذتها
فيليب:-ورينى كده ..[ ينظر فيليب إلى كراسة مكتوب بها الشبهات] ..تمام تمام
شوف يا مينا .كل الشبهات إللى إنت كتبتها ..إحنا عارفينها كويس ..بس أنا كنت عاوزك تشوف كتب المسلمين بنفسك عشان تعرف الإسلام على حقيقته أكتر من إللى شوفتها من [ الجماعة ] إللى كنت فيها ..
مينا:-....بس فيه شبهات بصراحة حاسس إنها ملهاش لزمة
فيليب:- فى حاجة يا مينا إسمها ملهاش لزمة!!! شبهات إيه دى ؟؟
مينا:- إهه أنا كتبتها فى صفحة لوحدها...
فيليب:- [ينظر فى الصفحة] .....دى ملهاش لزمة..دى شبهات فى منتهى الأهمية
مينا:- أصل الشبهة دى مثلاً بتقول [عن جميع ابن عمير قال دخلت على عائشة مع أمي وخالتي فسألتاها كيف كان رسول الله صلى الله عليه وسلم يصنع إذا حاضت إحداكن قالت كان يأمرنا إذا حاضت إحدانا أن تأتزر بإزار واسع ثم يلتزم صدرها وثدييها ]
فيليب:- وبعدين ..
مينا:- لما دورت عليه لقيته مذكور فى الأحاديث الضعيفة..أهه[ هذا الحديث منكر وقد أورده الالباني في سلسلة الاحاديث الضعيفة [ ضعيف النسائي ]
وبرضه فى حديث ثانى[ مذكور بروايتين ...عن إن الوحى كان يُعرف عن طريق أن يجلس الرسول على فخد زوجته خديجة ...برضة مكتوب إن الرواية الأولى فيها [إنقطاع] ..والرواية الثانية [مرسلة ] ]
[فيليب يظهر على وجهه الضيق]
مينا [ يكمل] وكمان فيه رواية من كتاب الطبقات الكبرى لإبن سعد عن [ التشكيك فى طهارة السيدة آمنه]
فيليب:- والكتاب ده جبته منين ؟؟
مينا :- لأ ده أنا دخلت على موقع إسلامى عشان أشوف هيردوا إزاى ..لقيت الشبهة دى مكتوبة فقلت أما أخدها ..بس لقيت الرد عليها [ إن الروايتين فى الكتاب عن هذا الموضوع قالهما محمد بن عمر بن واقد الواقدي الأسلمي وهو رجل قالوا عنه قال البخاري : الواقدي مديني سكن بغداد متروك الحديث تركه أحمد وابن نمير وابن المبارك وإسماعيل بن زكريا .. وكمان قالوا عنه....
فيليب:- [ يقاطعه] خلاص يا مينا ..أنا المهمة إللى كلفتك بيها إنك تبحث عن الشبهات ..ملناش بقى دعوة بالحديث الضعيف وإللى مش ضعيف ولا بالواقدى وإللى مش واقدى ...إللى يهمنا إنها شبهات وخلاص
مينا:- بس...
فيليب:- إحنا إللى يهمنا إننا نهاجم الإسلام وبس فهمت يا مينا
يا مرقس روح نادى ميشيل ...أما نشوف أخرتها إيه
على فكرة أنا إتصلت بالأنبا [ أوغسطنيوس] خال ميشيل وهيجى النهارده
زكريا : ليه؟
فيليب:- عشان يحاول يقنع إبن أخته ..لأنى قلتله على موضوع المناظرة .وقلتله إن دى آخر حاجة ممكن نعملها معاه وبعد كده مافيش قدامنا غير إننا نرحله على وادى النطرون يعيش هناك طول عمره ....فقلت يمكن يقدر يقنعه ويرجع عن إللى فى دماغه
زكريا: الظاهر مافيش غير كده
[ يدخل ميشيل الحجرة]
زكريا:- تعالى أقعد يا ميشيل...مش ناوى ترجع عن إللى فى دماغك؟؟
ميشيل :- ياريت حضرتك تبتدى المناظرة
زكريا :- أنا عاوز أعرف إيه مشكلتك ..إيه إللى شفته فى عقيدة الإسلام وما شفتوش فى عقيدتنا؟؟
ميشيل:- أنا شفت فى الإسلام عقيدة واضحة وضوح الشمس شفت العقيدة دى مكتوبة فى كل سورة وفى كل آية وكل حديث من أحاديث الرسول صلى الله عليه وسلم عقيدة بتقول [ إن الله واحد لم يلد ولم يولد وليس له ولد وليس له بنات وليس له شريك فى الملك وليس له ولى من الذل وليس كمثله شئ وهو الخالق المصور القادر المقتدر هو القاهر الذى لا يقهر يجير ولا يجار عليه الأرض جميعاً قبضته يوم القيامة والسموات مطويات بيمينه مالك الملك ذو الجلال والإكرام] ..عقيدة لا تحتمل القيل والقال لا تحتمل الإعتراض من أحد ,,,عقيدة ما فيهاش ألغاز أو غموض...
المسلمين كلهم ما فيش فيهم حد بيقول أن الله إثنان أو ثلاثة لأن عندهم آيات واضحة صريحة تنطق بالحقيقة أن الله واحد لا شريك له..
فيليب:- وإحنا إللى عقيدتنا فيها الغاز وغموض ؟؟؟..إحنا عقيدتنا واضحة وضوح الشمس
ميشيل:- فين الوضوح ده لو كان فيها وضوح ما كنتوش إنقسمتم . ووبقيتم تختلفوا فى العقيدة
الأرثوذكس: طبيعة واحدة لله الكلمة المتجسد.
الكاثوليك: طبيعتين للمسيح
البروتستانت: طبيعتين للمسيح
أما الروح القدس
الأرثوذكس: منبثق من الآب، ,, الكاثوليك: منبثق من الآب والابن
البروتستانت: منبثق من الآب والابن....هذا بخلاف إختلافكم فى يوم الدينونة والمعمودية وطبيعة السيدة مريم ..وغيره.وغيره
هذا بخلاف إنقسامكم لطوائف لا حصر لها كل طائفة ولها عقيدتها
[ مينا ينظر بوجوم إلى القس فيليب الذى يتجاهل نظراته]
زكريا :- طالما أنت على عنادك لنبدأ المناظرة..بسم الآب والإبن والروح القدس ..إله واحد آمييين
ميشيل :بسم الله الرحمن الرحيم
زكريا:- ما إختلفناش يا ميشيل...بسم الله الرحمن الرحيم زى بسم الآب والإبن والروح القدس
الإسلام والمسيحية ليهم أرضية واحدة
ميشيل :- لأ طبعاً إختلفنا لأن الرحمن الرحيم صفتين من 99 صفة لله الواحد لكن الآب والإبن والروح القدس ثلاثة مختلفين وكل واحد له شخصيته المميزة ...كمان إزاى تشبه دينك بدين لا تعترف بيه ..إنت كده إعترفت إعتراف ضمنى بالإسلام
فلوبرس :- يا أبونا إيه إللى بتقوله ده أرضية واحدة إيه ...القرآن إحنا متأكدين إنه من تأليف بشر
ميشيل :- يا ترى مين ..من تأليف الرسول صلى الله عليه وسلم ولا من تأليف الراهب بحيرا ولا من تأليف ورقة بن نوفل ...ياللا إختاروا
زكريا :من تاليف ورقة بن نوفل عشان كان نصرانى والقرآن بيعترف بالتثليث .إنت مش بتقرأ [ أسلوب الجمع لما ربنا بيتكلم عن نفسه ..لو كان الله واحد ليه مش بيستخدم صيغة المفرد]
ميشيل:- ياريت تحكيلنا عن ورقة إبن نوفل قال إيه للرسول عليه الصلاة والسلام لما نزل عليه الوحى
زكريا :- أنا مش مصدق اى كلمة من الحكاية دى وباكذبها
ميشيل :- طبعاً لازم تكذبها لأنها إعتراف بنزول الوحى على الرسول عليه الصلاة والسلام ..الشئ إللى يهمك إن كان فيه واحد إسمه ورقة بن نوفل كان نصرانى وهوا إللى ألف القرآن لكن ورقة بن نوفل قال إيه ده مش مهم ...هيا دى طريقة جمعكم للشبهات تاخذه إللى يمشى على هواكم وأكاذيبكم ...وتسيبه إللى يدحض ويكذب شبهاتكم
.
أولاً أنا مش هتكلم كتير لأنها شبهة واهية أوى أوى ...لوكان ورقة بن نوفل هوا إللى ألف القرآن كان الكفار والمشركين هما أول ناس يقولوا كده لما كذبوا القرآن ...لكن الكفار إتهموا الرسول عليه الصلاة والسلام بإنه شاعر وكاهن وكاذب ومجنون لكن مافيش أى إتهام منهم للرسول:salla: إن ورقة بن نوفل هوا إللى ألف القرآن ,, أعتقد إنهم كانوا الأولى إنهم هما إللى يقولوا كدة ..مش ناس إتولدت بعد أكتر من 1400سنة
ولو كان ورقة بن نوفل هوا إللى ألفه ليه ما نسبوش لنفسه بدل ما يدى نتيجة تعبه لغيره,, أما الشئ إللى ينسف شبهتكم إن القرآن فيه أحداث حدثت فى المستقبل زى غزوة بدر,,وغزوة أحد وزواج الرسول عليه الصلاة والسلام من زينب بنت جحش وغزوة الأحزاب وغيرها وغيرها ده بالإضافة للأسئلة إللى كان بيوجهها المسلمين للرسول عليه الصلاة والسلام وكان لازم يلاقى إجابات عليها فى الوقت إللى كان ورقة متوفى من زمان ..ده بالإضافة لأمور ماكنتش معروفة لأى إنسان فى الوقت ده زى [ تطور مراحل الجنين فى بطن الأم ]و[ ووصف أعماق البحار] و[ كروية الأرض] وغيرها وغيرها
يا ترى ممكن إنسان يألف كتاب يتكلم فيه عن أمور غيبية وأمور علمية هتحصل فى المستقبل ؟؟؟
[ القساوسة ينظرون لبعضهم البعض ]
ميشيل :- بلاش مكابرة : محمد عليه الصلاة والسلام هو النبى الخاتم ..آمنوا بيه قبل ما يفوت الآوان
فيليب:- أنا لا يمكن أؤمن برجل إتجوز 9 نساء ده غير جوازه بطفلة عندها ست سنين... ست سنين وهو عنده 53 سنة ..طفلة بريئة لا حول لها ولا قوة ..فين حماية الطفولة .. فين يا ميشيل ماتفوق ياميشيل إنت مخك راح فين؟؟
[ إلى اللقاء فى إكمال المشهد الثانى إن شاء الله]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
:ww::ww::ww::ww::ww:
:ww::ww::ww::ww:
:ww::ww::ww:
:ww::ww:
:ww:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
ما شاء الله لا قوة إلا بالله
التكملة بسررررررررررررررررررعة
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله ماشاء الله
مستني الباقي ............
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله ماشاء الله عليك
تسلم يمناك
وربنا يوفقك فى التكمله
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
*************************
جزاكم الله خيراً إخوتى ...السبب كان فى الكومبيوتر الخاص بى الذى كان به عطل لا يسمح لى بدخول المنتدى ..وأول مرة أدخل فيها المنتدى بعد كتابة المشهد الثانى من الفصل الثانى كان بالأمس ..وإن شاء الله نكمل المسرحية
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
يا جماعة فين باقي المسرحية؟؟!!! الطوابير واقفة مستنية و رجلينا تعبت!!
:crying: :crying: :crying:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
مبارك علينا عودك أختنا العزيزة الريحانة
والى الأمام
:ww::ww::ww:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
**************************
[ تكملة المشهد الثانى]
فيليب:- أنا لا يمكن أؤمن برجل إتجوز9 نساء ده غير جوازه بطفلة عندها ست سنين... ست سنين وهو عنده 53 سنة ..طفلة بريئة لا حول لها ولا قوة ..فين حماية الطفولة .. فين يا ميشيل ماتفوق ياميشيل إنت مخك راح فين؟؟
زكريا: صحيح يا ابونا فيليب.. ده غير إن زيجاته كانت فيها تضارب ..مرة يتجوز زوجة كبيرة عنه فى السن ,,ومرة يتجوز طفلة عندها ست سنوات
فلوبرس:- أنا بنتى [سيلفيا] بتدخل على غرف البالتوك ..بتقوللى يا بابا أنا وشى إحمر من الكسوف لما سمعت حديث لرسول المسلمين بيقول فيه [ إن من سنتى النكاح] ..النكاح النكاح!!!
ميشيل :- صلى الله على محمد .....سؤال أوجهه ليك يا قس فيليب هل فيه تعدد زوجات فى الكتاب المقدس؟؟؟
فيليب:- آه ..قصدك إن الأنبياء كان ليهم أكتر من زوجة ..ده صحيح لكن الانبياء لما عملوا كده كانت مخالفة لشرع الله وربنا عاقبهم عشان خالفوا أمره..
ميشيل :- يار يت تجيب الدليل على كلامك..
فيليب:- أوى أوى [ ويفتح الكتاب المقدس ويقرأ]
سفر الملوك الاول [ 11 : 1 ] : يقول كاتب السفر :
( وَأُوْلِعَ سُلَيْمَانُ بِنِسَاءٍ غَرِيبَاتٍ كَثِيرَاتٍ، فَضْلاً عَنِ ابْنَةِ فِرْعَوْنَ، فَتَزَوَّجَ نِسَاءً مُوآبِيَّاتٍ وَعَمُّونِيَّاتٍ وَأَدُومِيَّاتٍ وَصِيدُونِيَّاتٍ وَحِثِّيَّاتٍ، وَكُلُّهُنَّ مِنْ بَنَاتِ الأُمَمِ الَّتِي نَهَى الرَّبُّ بَنِي إِسْرَائِيلَ عَنِ الزَّوَاجِ مِنْهُمْ قَائِلاً لَهُمْ: «لاَ تَتَزَوَّجُوا مِنْهُمْ وَلاَ هُمْ مِنْكُمْ، لأَنَّهُمْ يُغْوُونَ قُلُوبَكُمْ وَرَاءَ آلِهَتِهِمْ». وَلَكِنَّ سُلَيْمَانَ الْتَصَقَ بِهِنَّ لِفَرْطِ مَحَبَّتِهِ لَهُنَّ. فَكَانَتْ لَهُ سَبْعُ مِئَةِ زَوْجَةٍ، وَثَلاَثُ مِئَةِ من السراري، فَانْحَرَفْنَ بِقَلْبِهِ عَن الرَّبِّ. فَاسْتَطَعْنَ أَنْ يُغْوِينَ قَلْبَهُ وَرَاءَ آلِهَةٍ أُخْرَى، فَلَمْ يَكُنْ قَلْبُهُ مُسْتَقِيماً مَعَ الرَّبِّ وَمَا لَبِثَ أَنْ عَبَدَ عَشْتَارُوثَ آلِهَةَ الصِّيدُونِيِّينَ . . )
ميشيل :- ياريت تقرأ النص صح ..النص واضح وصريح إن سليمان عليه السلام تزوج من زوجات من أمم نهى الرب إنه يتزوج منها ....ومافيش أى شئ يوحى بالنهى عن تعدد الزوجات ..
أما بالنسبة لزواج الرسول صلى الله عليه وسلم من السيدة عائشة فهو دخل بها وهى فى سن 9 سنين مش ست سنين
فيليب:- وهو 9 سنين مش تبقى طفلة برضه؟؟
ميشيل:- هى طفلة حسب طبيعة العصر والبيئة والعادات إللى عايشين فيها دلوقت ..لكن كانت فتاة بالغة قادرة على الزواج والإنجاب بطبيعة العصر والبيئة والعادات إللى كانت عايشة فيها والدليل على كده إن الرسول صلى الله عليه وسلم كان [ تانى خاطب ] يطلب إيدها مش الأول...
فيليب:- أنا معاك إنت البنت ممكن تبلغ وهى فى سن صغيرة ..لكن برضة جسمها وعقلها وشخصيتها بتبقى شخصية طفلة ..علشان كده القوانين دلوقت بتمنع زواج البنت وهى فى سن صغيرة حتى لو كانت بالغة...
ميشيل:- أنا معاك إن زواج الطفلة حتى لو كانت بالغة فى عصرنا لازم يمنعوه لأنه بيأثر على البنت خصوصاً لو كان جسدها لا يتحمل المعاشرة الزوجية وممكن ينتج عن كده آلام جسدية للطفلة أو حدوث نزيف وده طبعاً يؤدى لتدهور الحالة النفسية للطفلة إللى هيؤدى إلى كراهيتها لزوجها لأنه هو اللى بيتسبب فى آلامها الجسدية وممكن ينتج عنه هروب الطفلة لبيت أهلها وطلب الطلاق ..أو ممكن تكمل الحياة مع زوجها وهى مقهورة نفسياً وده هيأثر على علاقتها بزوجها وعلى تربيتها لأطفالها..
فيليب:- أديك أعترفت أهوه..يبقى كلامنا صحيح إن ده كان تعذيب وقهر للسيدة عائشة إنهم يجوزوها وهى فى السن ده.
ميشيل:- لأ طبعاً ..لأنى باقول كده عشان أطبق إللى قلته على الحياة الزوجية بين الرسول صلى الله عليه وسلم والسيدة عائشة
السيدة عائشة بإعترافها كانت بتحب السيدة [ سودة بنت زمعة] عارفين ليه ؟؟؟...لأنها تنازلت عن يومها للسيدة عائشة ..إذن معنى كده إن السيدة عائشة كانت بتحب إن الرسول صلى الله عليه وسلم يقعد معاها أطول وقت .لو كانت السيدة عائشة طفلة زى ما بتقولوا كانت كرهت زوجها وتمنت إنه يغيب عنها أطول فترة ممكنة لأنها مقهورة نفسياً وجسدياً بسببه ..لكن ده محصلش .لإنها كانت بتشعر بسعادة فى وجود الرسول جنبها.. ده غير إن فى أحاديث تثبت غيرة السيدة عائشة على الرسول صلى الله عليه وسلم من زوجاته ومن النساء إللى كانوا بيوهبوا نفسهم للرسول صلى الله عليه وسلم..إذن محصلهاش أى تدهور فى حالتها النفسية ,,أوحصلها آلام جسدية من معاشرة رجل يكبرها بأعوام كتيرة ,,ولا هربت من منزل الزوجية وطلبت الطلاق ...إذن فين قهر الطفولة وحماية الطفولة إللى بتقول عليه يا قس فيليب
أما بالنسبة لعقل السيدة عائشة ..طبعاً كفاية إنى أحكى عن حادثة الإفك إللى كان عمرها حوالى 12 سنة وإزاى إتصرفت بحكمة وإزاى صبرت وإحتسبت ولم يصدر منها أى كلام سوى أنها قالت [ فصبر جميل والله المستعان على ما تصفون]..هل ممكن طفلة دلوقت فى سن 12 سنة تدرك إن الناس بتتكلم عليها وبتخوض فى عرضها ممكن تتصرف بالتعقل ده؟؟؟ هاقول إيه عن أسئلتها للرسول صلى الله عليه وسلم إللى عرفت بيها أمته حاجات كتيرة فى القرآن والسنة ,ده غير إنها سجلت بعقلها كل حركات الرسول صلى الله عليه وسلم بدقة ونقلت كل ده للمسلمين وعلمتهم بعد وفاة الرسول عليه الصلاة والسلام....يبقى لكان عقلها عقل طفلة ولكان جسدها جسد طفلة وكانت عايشة مع زوجها قصة من أجمل قصص النجاح فى الحياة الزوجية...
[ يوجه ميشيل نظره للقس زكريا]
الرسول عليه الصلاة والسلام تزوج من سيدة أكبر منه فى السن فنجح زواجه..وعاش معاها أجمل قصة حب فى التاريخ بين زوج وزوجة
وتزوج من فتاة تصغرة بأعوام عديدة فنجح زواجه وتعلقت به زوجته الصغيرة وأحبته
تزوج من زوجة كانت يهودية وأبوها من أعداء الإسلام فنجح زواجه منها ولم يعيرها بأبوها أو يقوللها لفظ يزعلها
تزوج من سيدة مسنة وهى سودة بنت زمعة ..فأحبته حتى أنها تنازلت عن يومها للسيدة عائشة لأنها كانت عاوزة تعيش طول عمرها وهى زوجة للرسول عليه الصلاة والسلام عشان تبقى واحدة من زوجاته فى الآخرة.ونجح زواجه
تزوج من المسيحية فنجح زواجه منها
تزوج من الأرملة والمطلقة فنجح زواجه
قوللولى مين ممكن من البشر يتجمع فى شخصيته الحنان والحب والعطف والرحمة والصبر والتفاهم عشان تتجمع ليه كل مقومات النجاح فى كل زيجاته إللى بتقولوا عنها إن فيها تضارب
مين الراجل إللى يتجوز زوجة أكبر منه فى السن وهو لسه فى ريعان الشباب وينجح زواجه ..وفى نفس الوقت ينجح زواجه من فتاة بينه وبينها أعوام كتيرة إلا إذا كان الراجل ده [ على خلق عظيم] وشخصيته شخصية عظيمة قادرة على النجاح فى كل خطوات حياتها ومع كل أصناف البشر ..وهيكون مين الراجل ده غير خاتم الأنبياء والمرسلين..إذن يا قس زكريا تضارب زيجات الرسول عليه الصلاة والسلام ونجاحه فيها كلها علامة من علامات النبوة مش شبهة من الشبهات .
[ يوجه ميشيل نظره للقس فلوبرس]
يعنى يا قس فلوبرس وش بنتك إحمر من كلمة النكاح وهو الحلال إللى أمر بيه ربنا ,والرسول عليه الصلاة والسلام أمر أمته بالفطرة الطبيعية إللى فطر ربنا الناس عليها علشان ما يحصلش الزنا والعلاقات الغير سوية ,وما حمرش وش بنتك من قراءة الألفاظ الخادشة للحياء ووصف الزنا والزانيات وقصص زنا المحارم وغيره وغيره فى كتابكم المقدس؟؟؟
فلوبرس :- قصدك إن الكتاب المقدس فيه ألفاظ خادشة للحياء..والقرآن يعنى مافيهوش ألفاظ خادشة للحياء ..طب إيه رأيك فى جملة [ أحصنت فرجها] ؟؟
زكريا:- ولا فى حديث بيقول فيه رسول المسلمين وهو بيشبه العملية الجنسية زى.زى .زى......مش قادر أقول ..[ زى الرشاء فى البئر]
فيليب:- ولا قصة يوسف وإمراة العزيز كلها ألفاظ خادشة للحياء
ميشيل :- لا حول ولا قوة إلا بالله..الظاهر إنكم مش فاهمين يعنى إيه ألفاظ خادشة للحياء ..يعنى مثلاً النص ده
(( مَا أَجْمَلَ رِجْلَيْكِ بِالنَّعْلَيْنِ يَا بِنْتَ الْكَرِيمِ! دَوَائِرُ فَخْذَيْكِ مِثْلُ الْحَلِيِّ صَنْعَةِ يَدَيْ صَنَّاعٍ. 2سُرَّتُكِ كَأْسٌ مُدَوَّرَةٌ لاَ يُعْوِزُهَا شَرَابٌ مَمْزُوجٌ. بَطْنُكِ صُبْرَةُ حِنْطَةٍ مُسَيَّجَةٌ بِالسَّوْسَنِ. 3ثَدْيَاكِ كَخِشْفَتَيْنِ تَوْأَمَيْ ظَبْيَةٍ. 4عُنُقُكِ كَبُرْجٍ مِنْ عَاجٍ. عَيْنَاكِ كَالْبِرَكِ فِي حَشْبُونَ عِنْدَ بَابِ بَثِّ رَبِّيمَ. أَنْفُكِ كَبُرْجِ لُبْنَانَ النَّاظِرِ تُجَاهَ دِمَشْقَ. 5رَأْسُكِ عَلَيْكِ مِثْلُ الْكَرْمَلِ وَشَعْرُ رَأْسِكِ كَأُرْجُوَانٍ. مَلِكٌ قَدْ أُسِرَ بِالْخُصَلِ. 6مَا أَجْمَلَكِ وَمَا أَحْلاَكِ أَيَّتُهَا الْحَبِيبَةُ بِاللَّذَّاتِ! 7قَامَتُكِ هَذِهِ شَبِيهَةٌ بِالنَّخْلَةِ وَثَدْيَاكِ بِالْعَنَاقِيدِ. 8قُلْتُ: «إِنِّي أَصْعَدُ إِلَى النَّخْلَةِ وَأُمْسِكُ بِعُذُوقِهَا». وَتَكُونُ ثَدْيَاكِ كَعَنَاقِيدِ الْكَرْمِ وَرَائِحَةُ أَنْفِكِ كَالتُّفَّاحِ وَحَنَكُكِ كَأَجْوَدِ الْخَمْرِ. لِحَبِيبِي السَّائِغَةُ الْمُرَقْرِقَةُ السَّائِحَةُ عَلَى شِفَاهِ النَّائِمِينَ ))
إيه العبرة إللى نستنبطها منه ,,إيه التشريع إللى نتعلمه منه ,,إيه الفايدة إللى تاخدها الأجيال منه؟؟لا شئ غير إثارة الغرائز ودغدغة مشاعر أى مراهق ممكن يقراها
لكن قصة يوسف عليه السلام مع إمرأة العزيز ,,ووصف الرسول عليه الصلاة والسلام لعملية الزنا ,, ووصف طهارة السيدة مريم ..كلها عبر وعظات وفائدة للأجيال ..وطبعاً بدون إستخدام أى لفظ خادش زى ما بتقولوا
أول حاجة .وصف الرسول عليه الصلاة والسلام للوضع إللى يثبت جريمة الزنا عشان أمته تعرف إزاى تكون الشهادة على الزناة .... إذن حديث الرسول عليه الصلاة والسلام لأصحابه كان عشان يحط [ تشريع لأمته] فى مسألة إثبات الزنا عشان ماحدش يظلم أبرياء ويرميهم بالزنا من غير ما يشوف وضع معين تثبت بيه جريمة الزنا...
أما التى أحصنت فرجها:- فلو فتحت أى تفسير هتعرف التفسير الراقى للعبارة دى وإللى مافيش زيها فى كتابكم المقدس
أمابالنسبة لقصة يوسف عليه السلام .طبعاً دى قصة كان ليها أهمية فى حياة نبينا يوسف لأن بسببها دخل السجن ,,كمان فيها عبرة للشباب إزاى إن سيدنا يوسف برغم كل المغريات ظل طاهر نقى ..
الألفاظ الخادشة فى كتابكم المقدس خلتكم تمنعوا الأطفال والمراهقين من إنهم يقروا حاجات معينة فيه ..لكن القرآن ما فيهوش أى لفظ خادش أو أى شئ ممكن يخلينا نمنعه عن المراهقين والأطفال..
لأن المراهق إللى يقرأ النص بتاع نشيد الأناشيد هيتخيل وهتتمثل قدامه مفاتن إمرأة فبالتالى ستثار غرايزه
لكن إللى يقرأ قصة يوسف عليه السلام وإمرأة العزيز هيتخيل شاب بيفر من وجه إمرأة بتدعوه لفعل الفاحشة
ميشيل [ يبكى] والله قصة يوسف إللى يقراها يبكى لما يوصل لكلمة سيدنا يوسف لإمرأة العزيز[ معاذ الله إنه ربى أحسن مثواى إنه لا يفلح الظالمون]
فيليب:- إنت كمان بتعيط لما بتقرا القرآن؟؟
ميشيل : أنا باعيط لأنى كان ممكن أموت قبل ما أعرف الحق ..يا ترى كان ها يبقى مصيرى إيه؟؟
فلوبرس[ بعصبية] كان هيبقى مصيرك بين أحضان يسوع
فيليب:- الظاهر إنك ماتعرفش حاجة عن الناسخ والمنسوخ ..ده إنت مسكين أوى؟؟
زكريا:- أه ..أوعى تقول إننا بنفترى على الإسلام ..الناسخ والمنسوخ ده شئ إتكلم عنه علماء مستنيرين مسلمين وعلماء على مستوى عالى من العلم والفكر وقالوا إنه خطر على الشريعة الإسلامية ..ده يعنى مش كلامى أنا؟؟
ميشيل :- ممكن أسألك سؤال يا قس زكريا؟؟
زكريا:- إتفضل
ميشيل :- حضرتك عملولك عملية [ الختان ] وإنت صغير؟؟
زكريا [ بإستغراب] :- أنا مش ملزم أجوبك على السؤال ده
ميشيل:- وأنا عارف إجابتك لأنى أنا كنت مسيحى فى يوم من الأيام ..طب ليه مافيش ختان عندنا مع إن فى شريعة اليهود فيه ختان
القساوسة صامتون
ميشيل :- أنا يكفينى الصمت إللى إنتوا فيه ...شفتوا إزاى إنها شبهة يترد عليها فى كلمتين
ما فيش فايدة من إللى بتعملوه الدين الإسلامى هو الحق سواء شئتم أم أبيتم
فيليب يظهر على وجهه الضيق ويهب واقفاً
طب إيه رايك فى جمع القرآن والمصاحف إللى إتحرقت؟؟
ميشيل :- باقولك إيه يا قس فيليب إنت راهب فى الكنيسة طول عمرك ومع ذلك لسة بتقرأ نصوص دينك من الكتاب المقدس ومش حافظ غير النصوص الصغيرة بس..
لكن أنا حفظت القرآن فى 3 سنين بالتجويد أقدر أقراه فى أى وقت لأنى حافظه ...لما يكون ده حالى وأنا كنت من وقت قريب مش مسلم وحفظت القرآن فى3 سنين ..أمال إللى كانوا عايشين فى عصر الرسول عليه الصلاة والسلام ونزل القرآن عليهم على دفعات لمدة23 سنة وكانوا أصحاب فصاحة وبلاغةوحفظ للأشعار كانوا حافظين القرآن إزاى؟؟
يبقى لما تقوللى إن جمع القرآن حصل فيه كذا وكذا ..أقولك إن ربنا حفظ القرآن أولاً ..ثانياً كان القرآن محفوظ فى الصدور ومحفوظ بالكتابة
وطبعاً إنت عارف إن المصاحف إللى إتحرقت علشان الامة تتوحد على [حرف ] واحد قبل ما تختلف على [7أحرف] والكلام ده مكتوب فى الكتب إللى جبته منها الشبهات ..يبقى بتقولوا الشبهة مخالفة للى قرأتوه فى الكتب ليه؟...ولا دى من تعاليم بولس إللى حرف النصرانية؟؟
فيليب:- تحريف إيه إللى بتقول عليه؟؟
ميشيل :- تحب أجيبلك الأدلة من كتابك ..إتفضل
فيليب:- خلاص المناظرة إنتهت
ميشيل :- أنا ماخلصتش كلامى لسه ..
فيليب:- خلاص إنتهى ..يا مرقس ..يا جرجس خدوه وصلوه لأوضته لحد ما يجى خاله ... وبإذن الرب هينتهى كل شئ النهاردة
[يغادر ميشيل الغرفة وعلى وجهة إبتسامة ]
زكريا:- إيه يا أبونا فيليب أنهيت المناظرة بدرى ليه أنا كنت لسه هاكلمه عن [ رضاعة الكبير] و[ حديث الغرانيق] وغيره وغيره
فيليب:- خلاص أنا شفت إنه مافيش فايدة من التكملة ..شبهة الناسخ والمنسوخ هى أكبر شبهة ممكن نطعن بيها الإسلام ومع ذلك مانفعتش
[ يوجه بصره لمينا]
وإنت يا مينا ليه قعدت ساكت طول المناظرة ..أمال كنت باخليك تجمع الشبهات ليه؟؟
مينا:- صحيح إننا مختلفين مع الطوائف التانية فى العقيدة؟؟
فيليب:- أيوه يا مينا ..أيوه. أيوه ..أيوه..هوا ده بس إللى طلعت بيه من القعدة كلها؟
مينا :- طب ليه لما سألتك ما قولتليش كده؟؟
فيليب:- عشان ما يحصلش ليك بلبلة وإنت لسه فى أول الطريق ..وبعدين فيها إيه لما نختلف مع بعض فى العقيدة ,المهم إننا إحنا صح وهما غلط
مينا:- أكيد هما بيقولوا نفس الكلام
فيليب:- إحنا المؤمنين وهما كفرة لإننا ما برأناش اليهود من دم المسيح زى ما عملوا ,,ولا قلنا للهندوس إحنا إلهكم وإلهنا واحد ..فهمت
مينا :- يعنى المسلمين دلوقت بقوا أحسن مننا ما عندهمش طوائف زينا
فيليب:- مين قالك ده عندهم الدروز والنصيرية والشيعة والقاديانية ..الظاهر إنك ماتعرفش حاجة
زكريا:- هنعمل إيه لميشيل دلوقت؟؟
مينا :- المفروض نسيبه طالما إختار طريقه بنفسه
فيليب:- يا سلام ..عاوزنا نسلم أعدائنا المسلمين واحد مننا على طبق فضة ونقولهم إتفضلوا ..ده لا يمكن ابداً
زكريا:- طب لو المسلمين شموا خبر؟؟
فيليب:- مش هيقدروا يعملوا حاجة
زكريا:- ما أظنش ..بعد حكاية وفاء قسطنطين ممكن يفوقوا وما يسمحوش إننا نأخذ ميشيل كمان
فيليب:- إطمن أوى ..المسلمين مش هيفوقوا أبداً وطول ما أمريكا ما هى مورياهم [ العين الحمرا والناب الأزرق] عمرهم ما هيفتحوا بقهم
مينا :- بس
فيليب:- بس إيه يا مينا دول أعداءنا
مينا:- بس المسيح قال باركوا لاعنيكم وأحبوا أعداءكم
فيليب:- أحبوا أعداءكم بس إيه يا مينا ...ده هينقطنى
[ إلى اللقاء فى الفصل الثالث إن شاء الله]
---------------------------------------------------------------------------
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
ممتااااااااااااااااااااااااااااااااااااااااااااااز
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بارك الله فيكي أختنا الكريمة
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
***********************
الفصل الثالث
************
المشهد الأول
*************
داخل منزل عائلة مينا ,,والدته تجلس على ماكينة الخياطة ,,ويرن جرس الباب فتقوم الأم لتفتحه لتجد إيرين أخت مينا
الأم:-ما لسه بدرى يا ست إيرين..إن كنت ماشية على قشر بيض
[-تدخل إيرين وترتمى على كنبة الأنتريه]
إيرين:-آه أنا تعبت أوى النهارده
الأم:- بقاللك ساعتين فى السوق إتأخرت كده ليه
إيرين:- أصل بعد ما إشتريت الخضار واللحمة ..رحت لمحل بيع الطيور وسألته إن كان عنده يمام ولما مالقتش إشتريت[ حمامتين] ...عشان كده إتأخرت -
الأم: وهوا إحنا قلنالك إن نفسنا فى اليمام ولاحتى فى الحمام؟؟
إيرين- أنا مش جيباهم عشان ناكلهم ..أنا جيباهم عشان لما أطهر من الحيض أخللى أبونا يدبحهم فى الكنيسة
الأم:- كلام إيه ده وده لزمته إيه؟؟
-إيرين: أصل بصراحة بعد إللى حصل لمينا أخويا من المسلمين قررت إنى أبقى مسيحية متدينة وأعمل كل حاجة قال عليها الكتاب المقدس بالحرف الواحد وأنا قرأت إن لازم أدبح حمامتين أويمامتين فى آخر يوم فى الحيض عشان اطهر ..
الأم:- إيه الكلام الفارغ إللى بتقوليه ده حمام إيه ويمام إيه إللى تدبحيهم عشان تطهرى ..ما أنا عندى 52 سنة وعمرى لا دبحت حمام ولا يمام ولا عمرى سمعت عن حاجة زى دى ولا أبونا فى الكنيسة قالنا على حاجة زى دى
إيرين:- ياماما متقوليش كلام فارغ ..ده مكتوب فى الكتاب المقدس ..ده كمان مكتوب إن إنتوا ما تقعدوش معايا ولا تاكلوا معايا وإذا لمست أى حاجة تتنجس
_الأم: يا بت إيه الكلام إللى إنتى بتقوليه ده ..على العموم أخوكى مينا لما يجى من الكنيسة إبقى إسأليه وهوا هيقولك زى ما أنا قلت
إيرين:- طيب أنا هادخل أحضر الغدا
وتدخل إيرين المطبخ
يرن جرس الباب ,,يصاحبه صوت بكاء طفل
-الأم:ياترى فيه إيه؟؟
تفتح الأم الباب فتجد إبنها مايكل ومعه أبلة فايزة
الأم:- فيه إيه بتعيط ليه يا مايكل ...فيه إيه يا أبلة فايزة.. لا مؤاخذة إتفضللى
فايزة:- يا ست تريزا أنا جاية أشتكيلك من مايكل ..وإحنا جيران قبل ما أكون المُدرسة بتاعته فى المدرسة
الأم:- طبعاً يا ختى إحنا زى الأهل ..بس أفهم عمل إيه [ وتنظر لمايكل] ..عملت إيه يا منيل؟؟
مايكل[ يبكى]:- ما عملتش حاجة يا ماما
فايزة:- وكمان بتكدب ..قول إنت قلت عليا إيه النهاردة فى الإذاعة المدرسية
الأم:- ما تنطق يا ولد
مايكل:- أنا طلعت الأول الشهر ده على الفصل ,,وطلعت أقول كلمة فى الإذاعة المدرسية ..ويخرج مايكل من جيبه ورقة ويبدأ فى قراءتها....
أشكر كل المدرسين والمدرسات بالمدرسة وأخص بالشكر مدرسين فصل تالتة أول الذين ساعدونى أنا وزملائى فى فهم كل ما صعب علينا من الدروس حتى وفقنى الله لأن أتفوق هذا الشهر
-الأم: كويس
مايكل:- وأخص بالشكر الأستاذ سمير وأبلة فايزة التى كانت بحق مثل الشعلة فى شرحها لمادة التاريخ ومثل[ اللبؤة ]التى تتربص لكل ما يمكن أن يلهينى عن المذاكرة وتحصيل الدروس
الأم:_ يا نهارك مش فايت ..قلت إيه يامنيل ..سمعنى تانى
-فايزة: إيه رأيك يا ست تريزا ..ويقول الكلمة دى قدام كل التلامذة والمدرسين ..وإنتى عارفة إننا فى مدرسة [ بنين] يعنى أى كلمة يسمعوها ممكن [ يطلعوها عليا] ..الأبلة فايزة اللبؤة راحت ..الأبلة فايزة اللبؤة جت
الأم:- لا يا ختى عندك حق .[.تمسك الأم بأذن مايكل] ..جبت الكلمة [ الأبيحة ]دى منين يا ولد
مايكل:- أىىىىىىىىىىىىىىىىىىى
فايزة:- خلاص خلاص يا أم مينا متضربهوش ..أنا كنت عاوزاكى تعرفى عشان ما يقولش الألفاظ دى تانى
الأم:- ما تزعليش يا أبلة فايزة وإمسحيها فيا ..ولما يجى أخوه أنا هاخليه يعرف شغله معاه
فايزة:-طب أستأذن أنا
الأم:- مع السلامة
وتخرج أبلة فايزة من الباب
الأم:- طيب يا مايكل أنا هاعرف إنت بتجيب الكلام ده منين
يدخل مينا من الباب
مينا:- إزيكوا جميعا
الأم:- إزيك ياحبيبى
مينا:- مالك يا مايكل ..شكلك كنت بتعيط
مايكل:- لا مافيش حاجة
-مينا: أنا قابلت الأستاذ أنطون وبيشتكى منك وبيقول إنه ضربك
مايكل:- هوا حكالك ..أنا كنت فى حصة الدين ,,وكان بيشرحلنا إزاى ربنا تقمص ونزل للأرض والنبى يعقوب شافه وطلع يجرى وراه لحد ما مسكه وما عرفش يفلفص منه ..رحت رفعت إيدى وقمت وسألت الأستاذ أنطون وقلتله ..هوا ليه يا أستاذ ربنا لما بيتقمص فى صورة إنسان دايما يتقمص فى صورة إنسان غلبان كل الناس بتضربة وبتشتمه ..ليه مش بيتقمص فى صورة ملك ولا سلطان ولا راجل قوى ماحدش يقدر يجى جنبه ولا يدوس له على طرف ...ليه دايما يتجسد فى صورة إنسان ضعيف مغلوب على أمره وكل مخلوقاته بتهزأه...قام راح الأستاذ أنطون جايب العصايا وضاربنى
-مينا: طب دى المرة الاولانية ..طب المرة التانية!!
مايكل:- أنا ماليش دعوة ..الواد[ توماس] هوا السبب ,,لقيته جايب الكتاب المقدس وجه قعد جنبى فى الفسحة وقاللى [أنا هاوريك حاجات عمرك ما شفتها... حاجات تشيب] بصينا لقينا الأستاذ أنطون جه من ورانا وراح ما سكنا وضاربنا
مينا:-- عنده حق المفروض ما تقروش الحاجات دى إنتوا لسه صغيرين
مايكل:- هوا ده مش كتاب ربنا؟؟؟
-مينا: ايوة ..بس دى حاجات ما يصحش تقروها
مايكل:- هوا كتاب ربنا فيه إللى يصح وإللى ما يصحش!!!
مينا:- طب أدخل على أوضتك ذاكر يا غلباوى
يدخل مايكل حجرته
-الأم على فكرة نسيت أقولك [ عم أبوك الأستاذ {خلة} مات إمبارح]
مينا:- إمتى؟؟؟
الأم:- الساعة 12 الظهر وكلمونا فى التليفون الساعة 9 مساءا .بس إنت جيت متأخر إمبارح وكمان رحت الكنيسة بدرى ماعرفتش أشوفك عشان أقولك....على فكرة دول نزلوا النعى بتاعه فى الجرنان ..أهوه خد إقراه
يأخذ مينا الجرنال ويقرأ
مع المسيح ذلك أفضل جداً
إنتقل إلى الأمجاد السماويه[ خلة ميخائيل صليبة ] التاجر بالاسكندرية
وسيقام القداس الإلهى على روحه الطاهرة الساعة8 صباحا فى كاتدرائية العذراء
..
أبانا الحبيب ..يا أغلى إنسان فارقناه ويا أحن قلب إفتقدناه ...عزاؤنا أنك مع يسوع ومع القديسين فإنعم بالفردوس
أولادك ريمون وميرا وناثان وفيبى وإيفت وجورج
..
زوجى الحبيب ودعناك بالدموع وإستقبلتك الملائكة بالشموع ..ذكراك فى قلبى لن أنساك زوجتك الحزينة صوفى
الأم- يا عينى عليكى يا صوفى ..إلا هوا لما الواحد بيموت بيروح فين ؟؟؟
مينا:- أكيد مع يسوع ومع ال12 قديس إللى كانوا من تلامذة المسيح
-الأم: 12 إزاى بيتهيأللى 11 لأن فيه واحد منهم هوا إللى خان يسوع وبلغ عنه...المهم لازم نروح نعزى
مينا:- ما ينفعش يا ماما أنا راجع الكنيسة تانى النهاردة وجايز أسهر والقداس بكرة بدرى ..إحنا نكتب تلغراف وبعدين لما أفضى أخدك ونسافر
الأم:- طيب
وتخرج إيرين من المطبخ
إيرين:- إبن حلال إنت إللى هتريحنى فى المسألة دى
-مينا: طيب هأقعد على الكنبة عشان أستريح شوية
إيرين:- لا يا خويا أصل أنا قعدت على الكنبة دى قابلك وأنا مش طاهرة
مينا:- هوا إيه الموضوع؟؟
إيرين:- مش المفروض المرأة لما يجيللها الحيض أهلها ما يقعدوش معاها ولا ياكلوا معاها ولا تلمس أى حاجة ولما تحب تطهر تدبح فرخين حمام أويمامتين؟؟
مينا:- إيه الكلام ده ..لأ طبعا ..إنتى تقدرى تلمسى أى حاجة وكمان تمسكى الكتاب المقدس وإنتى مش طاهرة ..ولا فيه داعى للحمام ولا لليمام
إيرين:- بس يا خويا النص ده فى الكتاب المقدس واضح وصريح ..وتمسك إيرين بالكتاب المقدس وتقرأ منه
يقول سفر اللاويين [ 15 : 19 ] :
(( وَإِذَا حَاضَتِ الْمَرْأَةُ فَسَبْعَةَ أَيَّامٍ تَكُونُ فِي طَمْثِهَا، وَكُلُّ مَنْ يَلْمِسُهَا يَكُونُ نَجِساً إِلَى الْمَسَاءِ. 20كُلُّ مَا تَنَامُ عَلَيْهِ فِي أَثْنَاءِ حَيْضِهَا أَوْ تَجْلِسُ عَلَيْهِ يَكُونُ نَجِساً، 21وَكُلُّ مَنْ يَلْمِسُ فِرَاشَهَا يَغْسِلُ ثِيَابَهُ وَيَسْتَحِمُّ بِمَاءٍ وَيَكُونُ نَجِساً إِلَى الْمَسَاءِ. 22وَكُلُّ مَنْ مَسَّ مَتَاعاً تَجْلِسُ عَلَيْهِ، يَغْسِلُ ثِيَابَهُ وَيَسْتَحِمُّ بِمَاءٍ، وَيَكُونُ نَجِساً إِلَى الْمَسَاءِ. 23وَكُلُّ مَنْ يَلَمِسُ شَيْئاً كَانَ مَوْجُوداً عَلَى الْفِرَاشِ أَوْ عَلَى الْمَتَاعِ الَّذِي تَجْلِسُ عَلَيْهِ يَكُونُ نَجِساً إِلَى الْمَسَاءِ. 24وَإِنْ عَاشَرَهَا رَجُلٌ وَأَصَابَهُ شَيْءٌ مِنْ طَمْثِهَا، يَكُونُ نَجِساً سَبْعَةَ أَيَّامٍ. وَكُلُّ فِرَاشٍ يَنَامُ عَلَيْهِ يُصْبِحُ نَجِساً.
يقول سفر اللاويين ( 15 : 29 ) :
(( وَفِي الْيَوْمِ الثَّامِنِ تَأْخُذُ لِنَفْسِهَا يَمَامَتَيْنِ أَوْ فَرْخَيْ حَمَامٍ وَتَأْتِي بِهِمَا إِلَى الْكَاهِنِ إِلَى بَابِ خَيْمَةِ الاجْتِمَاعِ. 30فَيَعْمَلُ الْكَاهِنُ الْوَاحِدَ ذَبِيحَةَ خَطِيَّةٍ وَالْآخَرَ مُحْرَقَةً وَيُكَفِّرُ عَنْهَا الْكَاهِنُ أَمَامَ الرَّبِّ مِنْ سَيْلِ نَجَاسَتِهَا. ))
إيرين :-والمسيح بيقول ماجئت لأنقض بل لأكمل
مينا:- بس بولس الرسول بيقول
(( إِذْ نَعْلَمُ أَنَّ الإِنْسَانَ لاَ يَتَبَرَّرُ بِأَعْمَالِ النَّامُوسِ، بَلْ بِإِيمَانِ يَسُوعَ الْمَسِيحِ، آمَنَّا نَحْنُ أَيْضاً بِيَسُوعَ الْمَسِيحِ، لِنَتَبَرَّرَ بِإِيمَانِ يَسُوعَ لاَ بِأَعْمَالِ النَّامُوسِ. لأَنَّهُ بِأَعْمَالِ النَّامُوسِ لاَ يَتَبَرَّرُ جَسَدٌ مَا.)) غلاطية [ 2 : 16 ]
إيرين:- يعنى إيه ياخويا يعنى كلام بولس الرسول لغى كلام المسيح وشريعة اليهود ..يعنى نسخه؟؟
مينا:-[ بعصبية] ما فيش عندنا حاجة إسمها ناسخ ومنسوخ فى المسيحية
إيرين:- طيب يا خويا ماللك عصبى كده أنا قلت حاجة
مينا:- لا مافيش ..وبعدين إيه إللى إنتى لابساه على راسك ده؟؟
-إيرين: ده بونيه ....أصل لازم الست تخبى شعرها زى ما قرأت فى الكتاب المقدس ..أهوه
قال بولس في رسالته الاولى إلى كورنثوس [ 11 : 3 _ 9 ] :
(( وَلَكِنْ أُرِيدُ أَنْ تَعْلَمُوا أَنَّ رَأْسَ كُلِّ رَجُلٍ هُوَ الْمَسِيحُ. وَأَمَّا رَأْسُ الْمَرْأَةِ فَهُوَ الرَّجُلُ. وَرَأْسُ الْمَسِيحِ هُوَ اللهُ. 4كُلُّ رَجُلٍ يُصَلِّي أَوْ يَتَنَبَّأُ وَلَهُ عَلَى رَأْسِهِ شَيْءٌ يَشِينُ رَأْسَهُ. 5وَأَمَّا كُلُّ امْرَأَةٍ تُصَلِّي أَوْ تَتَنَبَّأُ وَرَأْسُهَا غَيْرُ مُغَطّىً فَتَشِينُ رَأْسَهَا لأَنَّهَا وَالْمَحْلُوقَةَ شَيْءٌ وَاحِدٌ بِعَيْنِهِ. 6إِذِ الْمَرْأَةُ إِنْ كَانَتْ لاَ تَتَغَطَّى فَلْيُقَصَّ شَعَرُهَا. وَإِنْ كَانَ قَبِيحاً بِالْمَرْأَةِ أَنْ تُقَصَّ أَوْ تُحْلَقَ فَلْتَتَغَطَّ. 7فَإِنَّ الرَّجُلَ لاَ يَنْبَغِي أَنْ يُغَطِّيَ رَأْسَهُ لِكَوْنِهِ صُورَةَ اللهِ وَمَجْدَهُ. وَأَمَّا الْمَرْأَةُ فَهِيَ مَجْدُ الرَّجُلِ. 8لأَنَّ الرَّجُلَ لَيْسَ مِنَ الْمَرْأَةِ بَلِ الْمَرْأَةُ مِنَ الرَّجُلِ. 9وَلأَنَّ الرَّجُلَ لَمْ يُخْلَقْ مِنْ أَجْلِ الْمَرْأَةِ بَلِ الْمَرْأَةُ مِنْ أَجْلِ الرَّجُلِ. ))
مينا:أيوه ده فى الصلاة بس
الأم[ مقاطعة]:- يا خويا أنا عمرى ما غطيت شعرى ,,وعمرى ما دخلت الكنيسة إلا وأنا على [سنجة عشرة] وحاطه الأحمر والأخضر وعمر أبونا ما قاللى حاجة أنا والستات التانيين
إيرين:- يا جماعة متخرجوناش عن الموضوع الأصلى ..دلوقت أدبح الحمامتين إللى جبتهم ولا ملهوش لزوم؟؟
الأم:-[ بعصبية] ياختى روحى شوفيلك شغلانة إشتغليها ولا شوفيلك حاجة إعمليها صدعتيللى دماغى بلا حمامتين بلا جاموستين
إيرين:- الواحد ما يعرفش يسألكم عن حاجة يعنى
وتدخل إيرين المطبخ
الأم:- على فكرة أختك ميرى قاعدة جوه فى الأوضة ومعاها ولادها
مينا:- أختى ميرى
الأم:- ما تفرحش أوى كده دى جاية غضبانة من جوزها
مينا:- تانى!!
الأم:- قول عاشر ,,عشرين .....أقول إيه منك لله يا شنودة
مينا:- إيه ده يا ماما إنتى بتدعى على بابا وهوا ميت؟؟!!
الأم:- ماهو لو كان شال المسؤلية وما عملش إللى عمله كان زمانه بيتصرف فى الأحوال إللى زى دى
مينا:- ما هو حضرتك يا ماما مسؤلة برضة عن إللى حصل لبابا
الأم:- أنا ...أنا إللى قلت له يمشى سكران فى الشارع لحد ما أتوبيس النقل العام يخبطه ويروح فيها!!!
مينا:- كان لازم تخليه يبطل شرب الخمرة
-الأم: إنت عارف أبوك لما إتجوزته ما كنش بيهوب ناحية الكنيسة ولا بيصلى ولا بيصوم..ولما فات 5 سنين على جوازنا قلتله لازم بقى تبطل إللى إنت فيه عشان ولادك يكبروا وهما شايفينك بتروح الكنيسة ..وهوا أول يوم يروح فيه الكنيسة فى العيد وأخد شفطة من [ دم المسيح] ومن ساعتها الإزازة ما سبهاش من إيده ..وكل يوم يدخل عليا وهوا بيطوح أقوله يا راجل عيب عليك ولادك الصغيرين يشوفوك وإنت كده ..يقوللى [ جرى إيه يا ولية أنا باشرب دم يسوع ,,وبصراحة دم يسوع عجابنى وناوى أعمل جسمى بنك دم يسوع]..أدى أبوك إللى بتقول إنى مسئولة عن إللى حصلله
مينا:- خلاص ياماما إللى راح راح ..يا ريت تندهيللى ميرى أسلم عليها لأنى هامشى دلوقت
الأم:- أنا هنادى هالك بس ..لأنى مش باكلمها
تدخل الأم وتنادى ميرى وتخرج ميرى وأولادها ..وتسلم على أخيها
مينا:- أقعدى يا ميرى ,, مالك المرة دى زعلانة من جوزك ليه؟؟
-ميرى: أنا خلاص مش قادرة أعيش مع الراجل ده ....إنسان بخيل ما بيطلعش المليم إلا بالعافية
مينا:- معلهش إستحمليه
ميرى:- استحمل إيه ..أعمل إيه أكتر من إنى نزلت أشتغل عشان أكفى مصاريفى ومصاريف العيال..
مينا:- نصيبك كده
ميرى:- يعنى إيه أنا خلاص حاسة إنى لو عشت معاه هيكون فيها موتى
مينا:-وهتعملى إيه لازم ترضى بنصيبك
ميرى:-هاروح لأبونا أشتكيلله عشان يأمر بالتفريق بيننا
مينا:- مش هيوافق ..السبب إللى عاوزة تسيبى جوزك عشانه مش من الاسباب إللى تتطلقى عشانها...الطلاق لازم يكون لسببين إما تغيير واحد من الزوجين لدينه..أو الخيانة الزوجية
ميرى:- يعنى إيه ؟؟
مينا:- أنا باقوللك هتضيعى وقتك بدون فايدة ..حاولى مع جوزك
ميرى:- أحاول إيه باقولك إنسان بخيل
مينا:- وإتجوزتيه ليه من الأول؟؟؟
ميرى:- يا سلام ..ودى حاجة كنت أعرفها منين قبل الجواز..إنت بتفكرنى بواحدة صاحبتى فى الشغل جوزها بيضربها ..لما راحت تشتكى لأبونا فى الكنيسة قاللها [ وليه إتجوزتيه من الأول] قالتله هوا فيه خطيب بيضرب خطيبته فى فترة الخطوبة دى حاجات ما بتتعرفش إلا بعد الجواز
مينا:- المفروض إن الزوج والزوجة فى المسيحية يبقوا جسد واحد ,,وإللى يجمعه الرب لا يفرقه العبد ..وهوا ده جمال المسيحية
-ميرى: بس أنا عمرى ما حسيت إنى أنا وزوجى جسد واحد ..أنا دايما حاسة إننا متنافرين ..بخله وحبه لجمع الفلوس ومنظره وهوا شايف ولاده محرومين ومراته نازلة تشتغل عشان تصرف على البيت خلانى أكرهه...وبعدين الخيانة وتغيير الملة مش هما السببين بس إللى يخلوا الحياة الزوجية مستحيلة
مينا:- أنا باقولك الفايدة هتتعبى نفسك على الفاضى ..إرضى بنصيبك
تقوم ميرى من جلستها
ميرى:- طيب ...أنا هاقوم ألم هدومى وهدوم العيال وهاروح بيتى..بس لو حصللى حاجة فى عقلى ولا إنتحرت هيبقى ذنبى فى رقبتكم
وتدخل ميرى حجرتها..وبعدها يخرج مايكل من حجرته
مايكل:- يا ابيه ..ياأبيه
مينا:- عاوز إيه إنت كمان؟؟
-مايكل:- يعنى إيه معنى كلمة [مناخس]؟؟؟
يقوم مينا بضربه ضربة على راسه ويتركه ويدخل غرفته
يقف مايكل مذهولاً وهو يتحسس رأسه
مايكل:- هوا أنا كل ما أقرأ حاجة فى الكتاب المقدس أو أسال عن حاجة فيه ..بنضرب ليه؟؟؟!!!!!
[ إلى اللقاء فى المشهد الثانى إنشاء الله]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
اقتباس:
المشاركة الأصلية كتبت بواسطة الريحانة
-مايكل:- يعنى إيه معنى كلمة [مناخس]؟؟؟
يقوم مينا بضربه ضربة على راسه ويتركه ويدخل غرفته
يقف مايكل مذهولاً وهو يتحسس رأسه
مايكل:- هوا أنا كل ما أقرأ حاجة فى الكتاب المقدس أو أسال عن حاجة فيه ..بنضرب ليه؟؟؟!!!!!
[ إلى اللقاء فى المشهد الثانى إنشاء الله]
:36_11_6:
أبدعت والله
:ww::ww::ww:
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
بسم الله الرحمن الرحيم
************************
المشهد الثانى
*************
[ القس فيليب يجلس فى غرفة المكتب الخاص به ]
فيليب:- يا مرقس ..يا مرقس
مرقس:-نعم
فيليب:- خللى الأخت إللى قاعدة بره تدخل
مرقس:- حاضر
تدخل فتاة يظهر على وجهها الحياء داخل المكتب
فيليب:- إتفضللى يا بنتى إستريحى ...قاللولى إنك عاوزة تقابلينى ...خير
الفتاة:- أنا عارفة إن حضرتك مشغول ...بس انا ماقدرتش أنام إلا لما أشوفك يا أبونا .....وتجهش الفتاة فى البكاء
فيليب:- خدى يا بنتى المنديل ده [ ويعطيها منديل] ...هونى على نفسك وبإذن الرب نحل أى مشكلة ...يا مرقس [ كباية ليمون بسرعة]
الفتاة :- مافيش داعى يا أبونا ...أنا ..أنا ..أنا ...جاية أعترف بخطيئة عملتها ومن ساعة ما عملتها وأنا مش قادرة أنام ولا آكل ولا أشرب ...عشان كده جيت النهاردة عشان أعترف بيها قدامك عشان الرب يغفرهاللى....
فيليب:- ربنا رحمته واسعة ..المهم إنك تعترفى وتتوبى ..والرب يتقبل توبتك
الفتاة:- أنا إسمى [إيفون] إتجوزت إبن عمى من سنتين .....بعد الجواز لقيته دايماً سرحان لا بيكلمنى ولا بيضحك فى وشى ودايما بيحب يقعد بره البيت ومايجيش إلا متأخر ...فضل على الحالة دى مدة طويلة لحد ما فى يوم إتشجعت وسألته عن سبب معاملته ليا بالشكل ده ....قاللى [ بصراحة أنا أهلى غصبونى إنى أتجوزك عشانك بنت عمى ..وأنا بصراحة مابحسش ناحيتك بأى شعور ] ..إتصدمت لما قاللى كده وحسيت الدنيا بتلف بيا ....وفضلت حياتنا بهذا الشكل لمدة سنة كاملة ..لحد ما فى يوم خرج ومرجعش البيت ..سألت عنه أصحابه وأهله ما حدش يعرف عنه حاجة ...وأخيراً لقيته باعت جواب من أمريكا بيقوللى فيه إنه هاجر أمريكا ومش راجع مصر تانى وطول مدة السنة إللى كان قاعدها معايا كان بيجهز لإجراءات السفر والهجرة وأنا معرفش......
فيليب:- وبعدين يا بنتى كملى
إيفون:- [ تبكى بحرارة] أنا عمرى ما كنت أتصور إنى أعمل كده ..أنا إنسانة متربية على الأخلاق ...إزاى الشيطان لعب بيا ووقعنى فى الخطيئة مش عارفة ...
فيليب:- فهمت يا بنتى ...طالما إنك رافضة إللى عملتيه وجيتى عشان تعترفى الرب هيقبل توبتك [ ويرفع فيليب الصليب على وجه إيفون ويقرأ بصوت هامس بعض الآيات.....]...قومى يا بنتى مغفور ذنبك ...
إيفون:-[ بسعادة] يعنى خلاص ما فيش عليا حاجة؟؟؟
فيليب:- أيوه يا بنتى
إيفون:- طب يا أبونا إيه الحل فى وضعى أنا وجوزى؟؟
فيليب:- إنتوا أساساً تعتبروا متفرقين عن بعض ..لأنه هوا فى بلد وإنتى فى بلد
إيفون:- أنا مش قصدى كده....أنا قصدى مش ممكن أتجوز واحد غيره
فيليب [ مستنكراً] :- لا طبعاً ما تقدريش تتجوزى حد غيره
إيفون:- يعنى هافضل كده ..ما فيش أى صرفة؟؟
فيليب:- يعنى إيه أى صرفة ...يا بنتى إرضى بنصيبك وعيشى زى ما مكتوب ليكى
إيفون:- طب أنا ذنبى إيه ..واحد جوزوه غصب عنه وسابنى وهاجر.وعايش حياته فى أمريكا هناك مبسوط وهايص وأعيش أنا وحيدة طول عمرى لا يكون ليا بيت ولا أولاد ...أنا عاوزة أكون أم وأعيش أربى أولادى
فيليب:- كلامك ده يدل على إنك قليلة الإيمان ..يا بنتى لا تجادلى فتطردى ولا تعترضى فتهلكى ..إرضى بنصيبك
إيفون تتنهد بيأس
فيليب:- لازم تقهرى الشيطان . وتعيشى حياتك كلها راضية بنصيبك لحد ما تقابلى يسوع فى الآخرة وإنتى واحدة من [ خرافه] إللى أطاعوه وصبروا ..ولو حصل إنك فى يوم من الأيام مثلاً ضعفتى ووقعتى فى الخطيئة ..أبواب الكنيسة مفتوحة ..تعترفى بذنبك وتتوبى
تقوم إيفون ..وتستأذن وتقبل يد القس فيليب وتنصرف
ينظر فيليب إلى ساعة الحائط التى تدق التاسعة مساءاً
يدخل مرقس إلى المكتب
مرقس:- الأنبا [ أوغسطنيوس] وصل يا أبونا فيليب
يقوم فيليب مسرعاً ,,ويدخل المكتب الأنبا أوغسطنيوس ومعه القس فلوبرس والقس زكريا
فيليب:- يا أهلاً ..يا أهلاً ..يا أهلاً إيه النور ده ...[ ويسلم على الأنبا أوغسطنيوس ويقبل يده] إتفضل يا أبونا ..الكنيسة نورت
أوغسطنيوس:- بارك الرب فيكم ..إيه أخباركم؟؟
فيليب:- بخير طول ما نيافتك بخير
ينظر أوغسطنيوس إلى الأرض ويتنهد
وإيه أخبار ميشيل؟؟
زكريا:- بصراحة أخبار ما تسرش
أوغسطنيوس:- يعنى مافيش أى فايدة منه خالص؟؟
فيليب:- راكب دماغه ومصمم يفضل على إللى هوا فيه
أوغسطنيوس:- طب ما نحاول معاه تانى
فلوبرس:- مافيش فايدة يا أبونا ...عملنا معاه كل حاجة ..خليناه يقعد فى الكنيسة يمكن الجو الروحانى داخل الكنيسة يرجعله عقله مافيش فايده..وريناه شوية شباب كانوا مسلمين ودخلوا المسيحية برضه مافيش فايده ..عملنا معاه مناظرة النهارده الصبح ولا حياة لمن تنادى
فيليب:- عشان كده بعتنا لنيافتك عشان تيجى تقعد معاه لآخر مرة ..لو نفعت كان بها ,,,ولو منفعش العربية إللى هاتنقله [ وادى النطرون] جاهزة قدام الكنيسة
أوغسطنيوس:- طيب ياريت أشوفه ..يمكن أقدر أقنعه ..بصراحة أنا كنت حاسس إن مافيش منه فايده
فيليب:- يا مرقس روح إنده ميشيل ...وإعمل[ قهوة ] لأبونا أوغسطنيوس
اوغسطنيوس:-لا يا فيليب أنا هاقعد مع ميشيل شوية وهاخذ قهوتى مع الأنبا بشاى فى مكتبه
فيليب:- وهوا كذلك يا أبونا ..بصرف النظر عن حكاية ميشيل إنما النهاردة [عيد] إللى شوفنا نيافتك
أوغسطنيوس:- بارك الرب فيك يا فيليب ..إنت بتفكرنى بشبابى باحس إنك متحمس وغيور على دينك ,ونفسك تعمل أى شئ عشان يزيد مجد الرب
فيليب:- كلامك ده وسام على صدرى ..وأنا ما ستهلش إنى أتشبه بأبونا العظيم أوغسطنيوس إللى كان له الفضل فى تنصير جنوب السودان وضمه لحضن الكنيسة الأرثوذكسية
يدخل ميشيل حجرة المكتب
أوغسطنيوس:- ميشيل
ميشيل:- خالى
ويرتمى ميشيل فى حضن خاله ويجلسا
فيليب:- طب نستأذن إحنا
يخرج زكريا وفيليب وفلوبرس
أوغسطنيوس:- .........وبعدها معاك يا ميشيل ...مالك يا بنى إيه إللى حصلك ..إرجع لعقلك
ميشيل صامت
أوغسطنيوس :- إرحم نفسك وإرحمنا معاك يابنى ..إنت عارف إللى عملته كانت نتيجته إيه...أبوك جات له جلطة جابتله شلل نصفى وراقد فى المستشفى ..والدكاتره بيقولوا إنه حالته نفسية ..يعنى لو دخلت عليه وقلتله يا بابا أنا رجعت لعقلى تانى هيقوم زى الحصان..[ ميشيل صامت]
والدتك قاعدة لابسة إسود وبتبكى ليل مع نهار زى ما يكون مات لها ميت ,,وأختك الصغيرة خطيبها فسخ الخطوبة لما عرف حكايتك ,,ده غير مراتك إللى مصممة ترفع قضية عشان تطلب الطلاق منك وتتجوز تانى
إرجع لصيدليتك إللى إتقفلت من يوم ما جيت هنا ..إرجع لشغلك وحياتك ..كلمنى يا ميشيل
ميشيل:- يا خالى إنت تكرهللى الخير...أنا ربنا نور بصيرتى وهدانى ..ليه يا ناس عاوزنى أرجع تانى للضلمة
أوغسطنيوس:- ضلمة برضه يا ميشيل ..دى كلمة تقولها على دينك وعلى كتابك المقدس!!
ميشيل:- مقدس!!! ...مقدس إزاى يا خالى ..الكتاب إللى لعبت فيه إيدين المحرفين ميبقاش مقدس
أوغسطنيوس:- طب قولى زى إيه ..يمكن إنت مش عارف ..أنا برضه رجل دين واعرف إللى متعرفوش
ميشيل:- كفاية إن [الرب يسوع ] إللى بتعبدوه وبتصلوا ليه وبتاكلوا [ لحمه ] وبتشربوا [دمه] من نسل[ زنا] ده مش تحريف...إزاى يا خالى يبقى الرب جاى من أجداد فعلوا الخطيئة ونتج عنها أولاد ..والأولاد دول جه من نسلهم المسيح إزاى .....وبعدين مش ده يتعارض مع مقولة[ إن إبن الزنا لا يدخل فى جماعة الرب حتى الجيل العاشر] يبقى إزاى يسوع يكون [رب] إذا كان جاى من نسل زنا
أوغسطنيوس:- ده صحيح ,,,,لكن [يسوع] شخصيته تختلف عن أجداده ..هوا ما عملش الخطيئة ملناش دعوة بأجداده عملوا إيه ...وبعدين مش فيه فى القرآن [ إن أكرمكم عند الله أتقاكم]
ميشيل:- يا خالى إنت بتفسر الكتاب المقدس بالقرآن ...صحيح كل إنسان بعمله وشخصيته ده فى القرآن ..لكن لما تفسر الكتاب المقدس فسره بالكتاب المقدس ياخالى مش باللى إتقال فى القرآن
أوغسطنيوس:- أكيد حصل خطأ فى تدوين [ نسل المسيح ] فى الكتاب المقدس ..وأكيد إنه مش من نسل زنا
ميشيل:- أهى كلمة خطأ دى يا خالى دليل على إنه كتاب مش من وحى السماء ..لأن الوحى مش ممكن يخطئ ..إنما البشر ممكن يخطئوا
[ويأخذ ميشيل الكتاب المقدس من على المكتب]
إتفضل يا خالى خطأ موجود فى الكتاب المقدس فى الحساب
سفر الملوك
: أن لسليمان [ أربعون ألف مذود لخيل مركباته واثنا عشر ألف فارس ]
يقلب ميشيل الصفحات ويكمل
وفى سفر أخبار الأيام الثاني " كان لسليمان " أربعة ألاف مذود خيل ومركبات ، واثنا عشر ألف فارس "
ده كلام من وحى السماء ..ده كلام مقدس ...ده أبسط مثال للأخطاء إللى مليان بيها الكتاب ده
أوغسطنيوس:- لو كان ده تناقض صحيح ..ده يأثر فى إيماننا بيسوع حاجة ..دى مجرد أعداد أى خطأ فيها ملهوش أى معنى ولا يمس قداسة الكتاب المقدس فى حاجة..وبرضه إن المسيح من نسل زنا وتعارضه مع نص تانى إن إبن الزنا ما يدخلش فى جماعة الرب للجيل العاشر ملوش تأثير على إيماننا بعقيدتنا..
ميشيل:- ياخالى الكتاب السماوى إللى من عند الله لا يمكن يكون فيه خطأ أبداً لأن ربنا لا يخطئ ...والغريب إنكم بتعاملوا كتابكم المقدس زى ما يكون كتاب عادى ..طب لما تكون دى طريقة معاملتكم لكتابكم المقدس ليه ننكر إن إللى سبقوكم بمئات السنين عاملوا الكتاب المقدس بنفس الأسلوب وشالوا وحاطوا فيه إللى على مزاجهم طالما إن أى حاجة تتشال أوتتغير ملهاش تأثير على الإيمان..
أوغسطنيوس:- إنت المسلمين عملوا فيك إيه يابنى ..شمموك إيه ولا شربوك إيه؟؟؟
ميشيل:- هما مين إللى شممونى ولا مين إللى شربونى يا خالى ..أنا محدش جه جنبى ولا أجبرنى على حاجة......الإسلام هوا الدين الوحيد إللى لا يمكن أهله يجبروا حد على إنه يدخل فيه ..لأن الأعمال بالنيات ..وربنا هيحاسبنا على إللى فى قلوبنا مش على الظاهر....فلو أنا حد أجبرنى على الإسلام وقلبى لسه على دينى مش هيفيد الإسلام دخولى فيه أى حاجة .والعكس صحيح لو مسلم أجبر على ترك الإسلام برضه ربنا هيحاسبه على قلبه مش على إللى تظاهر بيه أو نطقه لسانه....يعنى وفاء قسطنطين يا خالى لو أسلمت بقلبها مهما عملتوا معاها وقلبها مطمئن بالإسلام مافيش منه فايدة
أوغسطنيوس:- إذا كان الدين إللى دخلت فيه يابنى فيه ناس من أهله بينقدوه وبيهاجموا تشريعاته
أهوه ..كتاب جايبه معايا لواحد مسلم ..ومش واحد عادى ده دكتور ومفكر وواخد أعلى الدرجات العلمية من جامعات أوروبا ..أهوه .[.ويخرج أوغسطنيوس كتاب ويضعه أمام ميشيل.]..أهوه كتاب[ التعارض بين الإسلام والتقدم] للكاتب الدكتور [ شحيبر المتعاص] ........
ميشيل:- وبيقول إيه يا خالى؟؟
أوغسطنيوس:- بيقول فيه إن تشريعات الإسلام لا تصلح لتطبيقها كقوانين ..وإنه يجب تطبيق القوانين الوضعية فى كل شئ ويقتصر دور الإسلام فى المساجد فقط ,,ده غير ظلم تشريعات الإسلام للمرأة خصوصاً تشريع الميراث ,,وبينكر فرض[ الحجاب ]للمرأة
ميشيل:- أنا يا خالى ما أخدتش الإسلام من المسلمين ..والحمد لله الذى أرانى الإسلام ولم يرينى حال المسلمين ومنهم الكاتب الدكتور إللى بتقول عليه..أنا عرفت الإسلام من رسول الإسلام صلى الله عليه وسلم .عرفته من سيرة المصطفى ومن حياته ومعجزاته ..عرفته من كتاب الله الحق [ القرآن]
أوغسطنيوس:- دلوقت يا ميشيل أنا هاقولهالك ..لو فضلت راكب دماغك هايتم ترحيلك النهارده لوادى النطرون ..عارف يعنى إيه...يعنى هاتعيش هناك فى الدير ما تخرجش منه إلا على قبرك ..فكر وقرر دلوقت قبل ما تقول قرارك
ميشيل:- والله يا خالى لو وضعتم الشمس فى يمينى والقمر فى يسارى على أن أترك الإسلام ما تركته حتى لو هلكت دونه ..
أوغسطنيوس:-يا إبنى ......إيه إللى يخليك تسيب دين أباءك وأجدادك ..ليه تسيب دينك إللى فيه نجاتك ؟؟
ميشيل:- يا خالى دى كفاية عقيدة [ التثليث] إللى مش فاهمها حتى رجال الدين نفسهم
أوغسطنيوس:- أنا معاك إنها مش مفهومة ...وعدم فهمنا ليها دليل على إنها الحق ..تعرف أنا تمسكى بدينى نابع من إن عقيدتنا ملهاش تفسير وملهاش منطق والعقل ما يقدرش يستوعبها يعنى التثليث عقيدة لا يمكن فهمها أو تحليلها لكن أنا مؤمن بيها أشد الإيمان بسبب كده
ميشيل:- إيه المنطق العجيب ده يا خالى ...العقيدة لازم تكون واضحة ومنطقية والعقل يستوعبها عشان توصل لعقول البشر على إختلافها...لو كانت العقيدة لازم تكون مش مفهومة عشان نؤمن بيها ونلغى عقلنا يبقى ندى العذر [ للهندوس] إللى بيعبدوا البقر,,وندى العذر للى بيعبدوا النجوم .وللى بيعبدوا أحجار لا تضر ولا تنفع.
أوغسطنيوس:- يا إبنى أنا......ويطرق الباب القس فيليب ومعه مينا
أوغسطنيوس:- أدخل
فيليب:- لا مؤاخذه ..الأخ مينا عاوز يسلم على حضرتك لما عرف إن نيافتك هنا
أوغسطنيوس:- أهلاً يا إبنى
يقبل مينا يد أوغسطنيوس
فيليب:- ده أخ لينا كان ليه حكاية مع [ جماعة] من جماعات المسلمين ,,وربنا نجاه ورجع للنصرانية تانى
أوغسطنيوس:- كده ..طب ما تقعد مع ميشيل وتحكيله
مينا:- تحت أمر نيافتك
فيليب:- مافيش فايدة يا أبونا من الكلام
أوغسطنيوس:- أهى تبقى آخر محاولة ....أنا هاروح للأنبا بشاى أشرب معاه القهوة وأتكلم معاه شوية فى مكتبه
تعالى يا فيليب نسيبهم لوحدهم
فيليب:- أمرك يا أبونا
ويبقى ميشيل مع مينا فى مكتب القس فيليب
[ إلى اللقاء فى تكملة المشهد الثانى إن شاء الله]
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
ما شاء الله لا قوة إلا بالله
الله يحفظكِ ويرعاكِ
متابعون بشدة للنهاية إن شاء الله تعالى
بارك الله فيكِ
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]
اقتباس:
المشاركة الأصلية كتبت بواسطة أحمد801
ما شاء الله لا قوة إلا بالله
الله يحفظكِ ويرعاكِ
متابعون بشدة للنهاية إن شاء الله تعالى
بارك الله فيكِ
بارك الله فيك اختنا الفاضله
-
مشاركة: مسرحية [ لن أعيش فى جلباب بولس] رداً على مسرحية [ كنت أعمى وأبصرت]