درس الأحد ( 138 )
الملعـــــــوب
الأب مخادع
صباح الخير ياولاد
التلاميذ
صباح الخير يابونا
الأب مخادع
إيه خير
شايفكم مبسوطين أوى لما شفتونى
وايه السعادة اللي حتفط من عينيكم دى
هوحصل إيه ؟
مايكل
هما مبسوطين من حضرتك علشان الحواديت بتاعتك
الأب مخادع
حواديت إيه ؟
مايكل
حواديت عم رمضان
سوزى
أصلها حلوة أوى الحواديت دى
ناصح
وخصوصآ لما خلاك تحط ديلك فى اسنانك وتهرب
كيرلس
بس بصراحة رغم عفويته وانه على نياته قفّل عليك وزنقك جامد
ميرى
وخلاك زى الكتكوت اللي من غير ريش ووقع فى صفيحة ميا باردة
كسفتنا !!
الأب مخادع
امنع الكلام انتَ وهى
تريزا
بس شكلك بيقول انك قابلته تانى صح
الأب مخادع
وإيش عرفك ؟
تريزا
بيبقا باين على الواحد !!
وكمان المثل بيقول
القط يحب خناقه
الأب مخادع
مش خناقه ولآ حاجة ده راجل طيب زيادة عن اللذوم وما يعرفش كوز الدره من عود القصب
وبعد الدرس بتاع الاسبوع اللي فات بعد ما رجعت البيت فكرت فى نفسى وقلت الراجل اللي اسمه رمضان راجل مش سهل أبدآ وعامل نفسه إنه امى
ميرى
امك إزاى ؟
الأب مخادع
امى يعنى مبيعرفش يقرا ولآ يكتب ياجاهلة
ومع ذلك ياولاد أحرجنى وبقيت أصب عرق
وقلت الظاهر إنه دارس شفوى جامد
نبيه
دارس جامد إيه ياعمنا قصدى يابونا !!
ده تلاقيه فلاح بسيط
لآ ليه فى التور ولآ فى الطحين
ميرى
بس طلع ان ليه فى التور وعرف يركبه
الأب مخادع
بسيط ده عندنا احنا ياحبيبى
أصلك ما شفتش نظرة عينيه وإبتسامتة إللي كلها مكر
قال بسيط قال !!
صحيح إللي ما يعرفش يقول عدس
مايكل
سيبك يابونا من نبيه
وإحكيلنا عملت إيه ؟
الأب مخادع
كان لازم أروح تانى علشان شكلي كان وحش أوى قدام الواد تادرس المرة اللي فاتت لما شافنى والعرق مغرقنى فقلت فى نفسى أحسّن صورتى قدامه
وقلت لازم أستعد جامد
التلاميذ
هيه وبعدين
نبيه
سمع هس
إحكى يا شهرزاد
ميرى
يارب يكبسك تانى
فصيح
لأ ده الواحد يقعد بقا على الأرض ويربع
تعالى ياناصح تعالى ياكيرلس تعالى يانبيه تعالي يــ
الأب مخادع
قوم ياد إنت وهو كل واحد يقعد مكانه وبلاش قلة أدب
ناصح
ماشى بس إحكيلنا بالتفصيل الممل إيه اللي حصل بينكم بالظبط
ميرى
ومن غير كدب
الأب مخادع
هو انتوا شفتونى كدبت عليكم قبل كدة ؟
تريزا
أيوه كدبت بس على بتوع العربية اللي كانت عطلانة
الأب مخادع
ده ما يعتبرش كدب
لأنى كنت عاوز أزود مجد الرب وأمسّحهم بس طلعوا انهم مسيحيين فعلآ
هو القديس بولس مش بيقول
ان كان مجد الله يزيد بكذبى فأنا مش كذاب
بيشوى
مش كده يابونا
هى
فانه إن كان صدق الله قد إزداد بكذبي لمجده فلماذا أدان أنا بعد كخاطئ
مايكل
هى دى كمان كدبت ولعبت فيها
شنودة
احيكلنا بقا يابونا عملت ايه مع الراجل ده
الأب مخادع
قبل مااخد بعضى واسافر قلت لنفسى الراجل ده مش سهل رغم إنه على نياته ومش حينفع معاه إلآ الخداع وقعدت أفكر طيب ياواد يا أب يا مخادع تعمل إيه تعمل إيه وتخدعه إزاى ؟
القديس بولس بيقول
فصرت لليهود كيهودي لأربح اليهود وللذين تحت الناموس كأني تحت الناموس لأربح الذين تحت الناموس. وللذين بلا ناموس كأني بلا ناموس
يعنى فى الأول لازم أخده على أد عقله
طيب هو متعلق بحكاية الفطيرة وأكل جسد الرب ونفسه فى اللحمة
ولو طلبت منه ان أم السعد تعمل فطيرة وأقوم أنا بالصلاة والتبخير وتحضير الرب وخليته بعد الإستحالة ياكل من الحمل بعد كده حيلاقى إنها لسه فطيرة وطعمها طعم الفطير يعنى مفيش تغيير
طيب أعمل إيه ساعتها واقول إيه ؟
أقوله لأ دوق كويس
أقوله لأ انت مبتعرفش فى اللحمة
أقوله طعم اللحمة بتاعة الرب مختلفة مش زى طعم اللحمة بتاعتنا
طيب لو قال لأ هو طعم الفطير إللي انا متعود عليه طول عمرى أأقوله إيه ؟
ولو قاللي طيب سبنا من الطعم فين هى ريحة اللحمة أقوله إيه ؟
وبصراحة دماغى وجعتنى من التفكير
قلت مابيدهاش لازم أستعين بالروح القدس اللي جوايا
فقمت أخدت كاسين نبيت معتق
ووصلت لفكرة جهنمية شيطانية
تريزا
وصلت للفكرة الشيطانية بموهبة الروح القدس !!
الأب مخادع
اسكتى
واخدين بالكم ياولاد
كان فيه عيل جابلي حتة لحمة هدية رحت واخد منها حتة وقعدت فردتها على الأورمة الخشب إللي عندى فى البيت ودورتها وخلتها زى الفطيرة وقلت لخوخه مراتى خدى ياخوخه حطى دى فى الفرن وخليها على حالها ولما تستوى حطيها فى كيس بلاستك زى ماهي وهاتيها وفعلآ بعد ما سوتها حطتها فى كيس بلاستك ولفتها فى ورقة جرنال وأخدتها معاى فى العربية ورحت واخد بعضى ومسافر للواد تادرس
وطول مانا ماشى وانا باأدعى الرب وأقول يارب المجد ساعدنى إنى أخدع الراجل الطيب عم رمضان علشان أزود مجدك
بركاتك ياعدرا ساعدينى فى الملعوب ده
يابو سيفين همتك معايا
ماتيلدا
وبتقول اسمه ليه للرب ؟
هو الرب مش عارف إسمه ؟
الأب مخادع
قلت أأقوله على سبيل الإحتياط يمكن يكون مش عارفه أصله نسى إسم الراجل إللي كان عازمه على الفصح وقال إذهبوا لفلان
ماتيلدا
وبعدين إنت ليه تطلب من الرب ومن العدرا
هو الرب مش بعت الروح علشان يعمل من خلالك
المفروض انك تطلب من الروح اللي شغال معاك
الأب مخادع
مانا جيالك فى الكلام
ده كمان كويس ان عم رمضان لما قلتله الروح بينزل فى الزيت نسى يقوللي هى مش الروح معاكم على طول وبتقولوا إنتوا ممتلئين بيها
ليه عاوزنها تنزل فى الزيت بتاع المسحة
ميرى
لو قال كده عنده حق
فصيح
كمل يابونا كمل
خلينا فى التقيل إللي جاى ورا
الأب مخادع
وبعد لما ولادى بتوع الكفر سلموا عليا ونالوا البركة أخدوا مفتاح العربية وعملوا الواجب وخلصت منهم بالعافية رحت على بيت تادرس وخبطت على الباب بقلب جامد وناديت بصوت عالي
ياواد ياتادرس يا واد ياتادرس
انت فين ياخروف ؟
والواد تادرس رد عليا من فوق سطح دارهم
أيوه يابونا لحظة واحدة أنا نازل أهو وبسرعة نزل وفتحلي الباب وحب على إيدى وقال إتفضل يابونا إدخل يامرحب
أنا قلتله خلينا نقعد بره فى الطراوة بدل من الريحة المعفنة إللي عندك جوه وحطيت إيدى على جيبى أطمّن على حتة اللحمة اللى لفتها خوخه فى كيس بلاستك علشان تفضل سخنة وإللي ريحتها بدأت تظهر والواد تادرس بقا قاعد يتلفت حواليه زى الحرامية وعاوز يعرف الريحة دى جاية منين كمان الكلب بتاعه بقى لايد ويجى جنبى ويقعد يشمشم وانا أأقول لتادرس تاخر الكلب ده بعيد عنى ده باين عليه جربان
التلاميذ
هه وبعدين كمل
الأب مخادع
أنا قعدت بره مخصوص علشان الراجل رمضان يشوفنى وإستغربت إنه ماخرجش لما رفعت صوتى وأنا بنادى على الواد تادرس
ناصح
اوعى تقول إنك ملقتهوش
الأب مخادع
أتاريه كان بره
ومفيش دقايق إلا والواد تادرس بيقولي عم رمضان جاى هناك أهو هو وام السعد
بصراحة ياولاد أنا إتاخدت لما سمعت اسمه وإتخضيت غصب عنى بس على طول مسكت نفسى وحسست تانى بإيدى على حتة اللحمة إللي فى جيبى علشان أطمّن
وعملت نفسى إنى مش واخد بالي وإديت ضهرى للسكة اللي جاى منها
يوووه مين ده اللي انا شايفه
انا مش مصدق عينيا
معقولة خداع تانى بشحمه ولحمه
الواد تادرس قال اسمه أبونا مخادع ياعم رمضان
قلتله إزيك ياعم رمضان
قاللي خلاص خفيت . رحت الشفخانة
الواد تادرس قال شفخانة إيه ياعم رمضان الشفخانة دى بتاعة البهايم والحيوانات
عم رمضان قال الله إنتوا مش بتقولوا إنكوا خرفان
أنا قلت لنفسى اثبت ياواد يامخادع هو داخل عليك سخن علشان يبرجلك ولازم تمسك نفسك
قلتله واحشنى ياراجل يا طيب
وام السعد باسم الصليب شايف ان صحتها بقت عال
قاللي صلى على النبى ربنا هو الشافى
قلتله الرب محبة
عم رمضان قال الراجل الخروف أهو يام السعد
انا قلت خلاص رحت فى داهية يامخادع
بس الظاهر ان مراته وهى داخله الدار ماسمعتهوش
عم رمضان قال لتادرس ليه ماأخدتش ابوك وقعدته جوه الدار ياواد ياتادرس
لحقت انا قبل الواد تادرس مايفتح بقه وقلت
واد معفن ياعم رمضان وبيته من جوه ريحته معفنه زيه
وزى ما قلتلكم ياولاد أهم حاجة الدخلة بتاعة الواحد لأنها مهمة جدآ
قاللي علشان تادرس مربى كلب والكلب نجس وبينجس اللي حواليه ده غير الخنازير اللي جوه اللي هى أصل النجاسة
الواد تادرس المسحوب من لسانه قال إلحق يابونا عم رمضان بيقول على الكلب إنه نجس
أنا سكت ومارضتش أرد على تادرس علشان ما أفتحش سكة للراجل رمضان يتكلم فيها عن الكلب والخنزير والنجاسة وأنا مش ناقص
لقيت الواد تادرس بيقول لعم رمضان الكلب مش نجس ياعم رمضان وأبونا نفسه مربى كلب عندهم فى البيت
عم رمضان قاله يا تادرس الكلب بيفضل بره الدار مابيخشش جوه زى عندكوا وما بنخليش الكلاب تقعد تلحس فينا وتشمشم فى هدومنا علشان احنا طاهرين والكلاب بتنقض الوضوء علشان نجسة
تادرس قاله ياعم رمضان الكلاب مش نجسة ولا الخنزير نجس زى ماانت فاهم
انا قلتله يا عم رمضان ده صحيح وعندى كلبة بتنام معايا فى الاوضه بتاعتى عادى جدآ
قاللي وماله إنشالله تنام فى حضنك
وياترى الخنزيرة ممكن هى كمان تنام جنبك
ده لو بيحصل يبقا لازم تعدل بينهم
قلتله كلام إيه ده ياعم رمضان
قاللي وهى فارقه معاكم فى إيه مدام بتقولوا انهم مش نجسين وكمان طول عمركم وانتوا مع بعض أصحاب وبتناموا مع بعض فى مكان واحد
قلتله مين إللي مع بعض ؟
قاللي الخروف والخنزير والكلب طول عمرهم أصحاب مع بعض وعايشين سوا
قلتله مش حنختلف مع بعض على النقطة دى
ده انا جاى النهاردة علشان أصالحك
وأدوقك جسد الرب
قاللي يعنى حناكل لحمة انا وام السعد
قلتله كلنا حناكل لحمة
قاللي أشيع أجيب الشيخ حسن ؟
قلتله سيبه دلوقت لحد ما نخلص
قاللى بس النهاردة الأربع وأنا مش صايم وانتوا بتقولوا ان الواحد لازم يكون صايم قبليها
قلتله مش مهم علشان انت لسه جديد
قاللي إهيه طيب وحكاية العمودية حتعمل فيها إيه ؟
قلتله قصدك التعميد ؟
انت مش استحميت النهاردة ؟
قاللي انا كل يوم الصبح بتسبّح
وقبل مااتسبّح بااقول أعوذ بالله من الشيطان الرجيم
بسم الله الرحمن الرحيم
قلتله أهى تمشى على إنها جحد للشيطان
قاللي إهيه فكرك كده
طيب والاعتراف ؟
قلتله خلاص ممكن تعترفلي
قاللي أعترفلك بإيه ؟
أنا ما عملتش حاجة
قلتله إعترف بأى حاجة إنت عملتها حتى لو كانت بسيطة
قاللى أنا قمت الصبح إتسبّحت وكلت حتة جبنة قديمة وبعدين شربت كوباية شاى
قلتله ياعم رمضان إنا بقصد أى حاجة تغضب الرب عملتها أو فكرت فيها
قاللي ماهو لو فيه حاجة فى نيتى الرب حيكون عالمها
يعنى أنا والرب بس إللي عارفين
ليه ندخلك انت بناتنا وتعرفها ؟
وبعدين لما أنا أعمل ذنب وربنا يستره عليا
أقوم أنا أفضح نفسى وأكشف ستر ربنا
وأروح أقولك عليه
قلتله مفيش مشكلة ياعم رمضان إعتبر نفسك إنك إعترفت
قاللي كتر خيرك العشم بردو
ولقيته بيقول للواد تادرس
مبروك ياواد ياتادرس انت دابح حاجة لابوك ولا إيه
ريحة اللحمة المشوية مفحفحة
لما سمعت كده ركبى ضربت فى بعض وقلت الخطة حتبوظ
أنا كنت عاوز ريحة اللحمة تتّطلع وانا بأعزم على الفطيرة إللي أم السعد لسه حتعملها
الواد تادرس قال ده أنا من بدرى ياعم رمضان وأنا نفسى أعرف الريحة دى جاية من فين
عم رمضان قال إهيه يعنى الريحة دى مش من عندك ياتادرس ؟
الواد الملعون تادرس قال لآ ياعم رمضان يارب أعدم أبويا إن كانت الريحة دى من عندى
الراجل المكار عم رمضان قال
عجيبة ان الريحة دى ظهرت لما أبوك قال إنه حيدوقنى جسد الرب بتاعكم
الواد تادس قال أصل أبونا ده بركة يا عم رمضان
قلتله انت بس إتخيلت إنك شامم ريحة اللحمة لما جت السيرة وقلتلك إنك حتدوق جسد الرب
الواد تادرس الغبى قال
أنا شامم الريحة دى من أول ما وصل أبونا حدانا
انا قلت فى نفسى لأ بقا إلحق نفسك يامخادع بدل ما تتفقس وإبدأ نفذ الملعوب
قلتله ياريت ياعم رمضان تخلي الست أم السعد تعجن عجينة علشان نعملها فطيرة بس بسرعة اعمل معروف وحيات والدك
قاللي من عينيا الاتنين فرُيَرة أٌقول لأم السعد
الوله تادرس قال وبالمرة تجهز المنئد والقوالح والبخور وحتة صاجة
عم رمضان قال أيوه اومال إيه
انا قلتله حضّر الحاجات دى ياعم رمضان عقبال ماادخل دورة الميا عند الواد تادرس
قاللي تعالي حدانا عندنا نضافة مش زى الواد تادرس
انا قلت أخش دورة الميا أعمل صلاة خاصة وكمان أطلّع حتة اللحمة من الكيس اللي ملفوف فى ورقة الجرنال وأحضّرها بعيد عنه و بعيد عن الواد تادرس
ولما دخلت جوه الحمام وطلعتها لقتها كشت أوى لما إستوت وبقت صغيرة
طيب إيه العمل ؟
فضلت أصلى وأدعىِ الرب وأنا فى دورة الميا وأتوسل للعدرا إنهم يساعدونى وتقريبآ الراجل رمضان سمع صوتي لأنه خبط على الباب
وقاللي الميا عندك فى الحنفية
أنا قلتله أنا عارف ياعم رمضان كتر خيرك
قاللي أصل أنا افتكرتك بتقول
ماء ماء
قلت يمكن انت بتسئل عن الميا
شوفتوا ياولاد الراجل المكارعلشان مفيش حد فيكم يقولي ده راجل فلاح بسيط وعلى نياته
ده راجل حويط وكمان دارس جامد
المهم انى طلعّت حتة اللحمة إللي بقت عاملة زى الرغيف الصغيرالمسخوط إللي بيتباع اليومين دول
من الكيس وحطتها فى جيبى بحيث يبقى سهل إنى أطلعها بسرعة من غير ما يلاحظوا وخرجت بعد ما صليت للرب وللعدرا وقلت الميطانية بتاعة القديس أبو سيفين والميطانية بتاعة أبونا العجايبى
ولقيت الراجل رمضان جايب حتة العجينة بعد ما عملتها أم السعد على شكل فطيرة
وقاللي كويسة كده ولآ أخليها تكبرها سنه عن كدة
قلتله كدة عال (وكانت اكبر بكتير من حتة اللحمة)
بس ياريت ياعم رمضان تجيبلي حبة دقيق
قاللي ليه ؟
قلتله هات بس وانا حاأبقى أفهمك بعدين
جهزت البخور وجبت المنئد والصاجة
قاللي جاهزين أهم
وانت على كدة لآ مؤاخذة غسلت إيديك بعد الحمام
ولا معرفتش تفتح الحنفية ؟؟
قلتله أنا ما فتحتش الحنفية خالص ياعم رمضان أنا إتفكيت ميا بس وعملت صلاة كدة على الماشى للرب والعدرا والقديسين بتوعنا
إنما إيديا نضيفة من ساعة ما خرجت من البيت الصبح
قاللي إتفكيت ميا من غير ما تتشطف وبعدين صليت فى محل النجاسة
ياحلاوة ياحلاوة
ياام السعد ياام السعد
قلتله خلاص ياعم رمضان هو كل حاجة تقعد تنادى على أم السعد انت عاوز تفضحنا
الواد المسحوب من لسانه تادرس قال
عادى جدآ يا عم رمضان ده احنا كمان بنقرا الانجيل فى الحمام
أنا قلتله أيوه عادى جدآ ياعم رمضان فيه ناس تحب تقرا الجرايد أو تقرا اصة أو تحل كلمات متقاطعة أو تدخن سيجارة وهى بتعمل حمام طيب ليه ما نستغلش الوقت ده فى حاجة مفيدة فإحنا بنقرا فى الكتاب المقدس وإحنا قاعدين بنعمل حمام
منه الرب يحبنا ومنه نشغل نفسنا ويبقى تسهيل فى نفس الوقت
قاللي على رأيك مش فارقة معاكم الرب فى بطنك والروح معاك وبتقرا الكتاب بتاعكم وبتصلي فى الحمام بالبول بتاعك
احنا بقا قبل ما ندخل الحمام بنستعيذ بالله من الخبث والخبائث
قلتله ويطلعوا مين الإتنين دول ؟
قاللي الخبث ذكور الجن والخبائث إللى هما إناث الجن
واحنا لا نذكر الله سبحانه فى محل نجاسة أبدآ
قلتله خلاص ياعم رمضان إذا كان على غسيل إيديا أغسلها تانى ولو انى لسه غاسلهم الصبح لما غسلت وشى
الواد تادرس إللي ينشك فى قلبه قال
ده الرب ماكنش بيغسل إيديه ياعم رمضان لآ هو ولآ تلاميذه وكانوا بيكلوا كده عادى
عم رمضان قال للوله تادرس
انت بتخطرف وتقول إيه ياللي تتقصف رقبتك رب إيه إللي ماكنش بيغسل إيديه قوم فز من هنا الله يلعنك
الوله تادرس قال
صدقنى ياعم رمضان إنت مستغرب ليه طيب يارب أعدم أبويا ان ده مكتوب عندنا
عم رمضان قال لتادرس
أنهى أب فيهم وبص ناحيتى
قلتله ياعم رمضان سيبك من تادرس وخليك معاى
مفيش عندك حبة بخور تانية علشان شوية البخور دول مايكفوش يعملوا دورة واحدة
قاللي دورة إيه ؟
هو انت ليك دورة زى ... ؟؟؟
ولآ يكون قصدك على دورة الميا
قلتله لأ دى حاجة خاصة بالحمل أصل هما بيكونوا سبع دورات بخور
قاللي غريبة أوى حكاية دورة وحمل ؟
هو الموضوع إيه بالظبط ؟
وده غير الحمل بتاع الحريم ؟
قلتله بعدين حتفهم كل حاجة لما نخلص بس المهم البخور
قاللي ده إنت على كده عايز سبع ولاد زى الوله عوضين إبن أبو إسماعيل وسبع موالد كل واحد منهم يجيب شوية بخور من مولد
قلتله طيب والعمل إيه دلوقت ؟
قاللي أجيبلك شوية شيح تقضّى بيهم الشغلانة ؟
قلتله الشيح ما ينفعش
قاللي صحيح الشيح ممكن يطفش الرب بتاعكم ومايحضرش
قلتله وكمان ده احنا لازم نشيل عين العفريت من البخور
قاللي ليه ؟
قلتله علشان العفريت ما يكتشفش وجود الرب لما يحضر
قاللي وكمان ما يبصلناش فى حتة اللحمة اللي حناكلها
الواد تادرس قال وكمان إستنى لما أجيبلك حبة بقدونس ياعم رمضان تاكلهم قبل الحاجات دى كلها
عم رمضان قال إشمعنى ياوله ياتادرس
قلتله علشان البقدونس بيرمز للحياة الجديدة
قاللي فى دى عندك حق مدام حاكل لحمة يبقا أكل حبة بقدونس قبلها
زى ما بيعمل بتاع الكفتة إللى فى أول البلد الأول بيحط البقدونس وبعدين يحط الكفتة فوق البقدونس
قلتله ياه ياعم رمضان أول مرة توافقنى فى حاجة
قاللي أيوه وافقتك فى البقدونس
قلتله أهو البقدونس ده إللي حيخليك الانسان بتاع العهد الجديد
قاللي مانا باكل بقدونس طول عمرى ولآ بقيت جديد ولآ حاجة
قلتله حتبقى جديد لما يتجسد الرب فى الفطيرة
وتدوق طعمه
قاللي إهيه حيحضر بشحمه ولحمه ؟
قلتله أيوه هو بنفسه الرب الحى
قاللي هو نفسه نفسه وحي كمان ؟
قلتله هو نفسه وحي
قاللي طيب لما يحضر فى الفطيرة أأقدر أكلمه وآخد وأدى معاه فى الكلام ؟
قلتله ياعم رمضان انت عاوز تكلمه ولآ تاكله ؟
مش ترسى على بر
هو انت مش نفسك فى اللحمة ؟
قاللي كان خاطرى أسئله انت صحيح الرب
والخلق ده بتاعك كلاته ؟
معقوله انت الرب إللي بتقول
إِنَّنِي أَنَا اللَّـهُ لَا إِلَـٰهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي ﴿طه: ١٤﴾
ومش حتزعل لو قطعت منك حتة وكلتها
الواد الملعون تادرس قال
ياعم رمضان الرب لما بيتجسد فى الفطيرة مابيتكلمش خالص وعمرى ما شفته فى الكنيسة إتكلم مع حد
عشان ماتزعلش لو ماردش عليك !!
عم رمضان قال يعنى ياوله ياتادرس الرب بيحّضر سكوتى ولآ حتى يحيى الموجودين ويسلم عليهم ولآ حتى يدي إشارة
انت متأكد ياوله من الكلام ده ؟
الوله تادرس قال أيوه ياعم رمضان متأكد تمام إنه مابينطقش خالص
يتبع بمشيئة الله
