درس الأحد ( 137 )
المسحة
الأب مخادع
صباح الخير ياولاد
التلاميذ
صباح الخير يابونا مخادع
الأب مخادع
أنا فاكر انى دخلت الفصل ده قبل كده
بيشوى
أيوه يابونا لما حكيتلنا عن زيارتك لتادرس ومقابلتك لعم رمضان ومراته أم السعد
نبيه
لما كنت بتعلمنا إزاى نكون إنتهازين وننشر المسيحية وقلتلنا أهم حاجة الدًخلّةّ بتاعة الواحد منا
الأب مخادع
ياه .. لسه فاكرين
ده الموضوع ده بقاله مدة
مش انا قابلت الراجل ده تانى
التلاميذ
فى نفس واحد عم رمضان
الأب مخادع
أيوه .. ده راجل غريب جدآ !!
ناصح
إزاى ؟
الأب مخادع
الواد تادرس كنت مكلفه يعمللي شوية خدمات
وكنت رايح أشوفه عمل ايه
وكنت لابس اللبس الكهنوتى بتاعى علشان كمان ولادنا يعرفونى واللي عاوز يحصل على بركة ياخدها والولاد بتوعنا اللي هناك طيبين جدآ والحقيقة مابرجعش فاضى والعربية شنطتها بتتملي والكنبة اللي ورا بتبقى متكدسة وإيشى فراخ وإيشى بط وإيشى وز وإيشى حمام ده غير البيض والزبدة واللبن والعربية مابتكفيش وبعضهم قالي مش تركب شبكة يابونا فوق العربية ياتبقى تجيب عربية كبيرة شوية قلتلهم منين الرب يسهل ؟
ولما رحت المرة اللي بعدها لقيت ولادنا جمعوا مبلغ محترم
وقعدوا يتحايلوا عليا لحد ما وافقت انى أخده ولاد فيهم الخير مش زيكوا
ده غير ان كل واحد بيمسك فيا وعاوزنى أدخل عنده
المهم ماطولش عليكم ياولاد انى رحت مع الواد تادرس لبيته
ولما وصلنا عند باب البيت لقيت الراجل اللي اسمه عم رمضان لسه بيفتح الباب علشان يخرج وأول ما شافنى قال
يا أهلآ وسهلآ معقولة ياخواتى اللي انا شايفه ده حقيقة
ده حلم ولا علم
قلتله ازيك ياعم رمضان ؟
قاللي الحمد لله فى خير ونعمة والله
قلتله وازى الجماعة بتوعك ؟
قاللي ام السعد بعافية شوية ونحمد الله على اللي يجيبه
قلتله خير هى بتشكي من ايه ؟
قاللي حبة صداع على حبة مغص ودافية شوية
قلت لنفسى أهى الفرصة جتلك على الطبطاب يامخادع وزى ما قلتلكوا ياولاد قبل كده أهم حاجة الدَخّلة بتاعة الواحد منكم
قلتله لأ بسيطة ياعم رمضان ما تقلقش ولا تحمل هم
قاللي انا مش قلقان واللي يجيبه ربنا كويس ولازم نحمده فى السراء والضراء
قلتله الحاجات ده علاجها سهل أوى عندنا
قاللي عندكوا فين ؟
هو انتوا عندوا إسبتاليه مستشفى يعنى ؟
قلتله أيوه عندنا ياعم رمضان ماهو ده سر من الاسرار بتاعتنا
قاللي هو المرض كفالله الشر بقا سرعندكوا ؟
قلتله مش المرض هو اللي سر
الزيت هو اللي سر
قاللي زيت إيه ده اللي يبقا سر ؟
اومال الزبدة تبقى إيه ؟
قلتله الزيت بتاع المسحة
قاللي مش هوالزيت بتاعنا بتاع القلية ؟
قلتله ياعم رمضان ده زيت ميرون
قاللي هو زيت مسحة ولا زيت ميرو اللي انت بتقول عليه ده
قلتله زيت الميرون هو فى الأصل بيكون زيت زيتون
قاللي فهمت يعنى انتوا بتدلعوه
قلتله انت مش عارف ياعم رمضان ان الرب كان بيشفى المرضى بلمسة ؟
قاللي بس انت بتقول بمسحة
قلتله ياعم رمضان انت مش واخد بالك حاول تركز معاى
قاللي هو احنا حنفضل واقفين كده نتكلم على الباب ياعيب الشوم اتفضلوا جوه فى المندرة يا مرحب يامرحب
ادخل ياتادرس البيت بيتك انت مش غريب
ولوانك براوى ما بتعزمش حد عندك
ياأهلا بيكم
لا مؤاخذة ام السعد راقدة جوه لولآ كده كانت قامت رحبت بيكم
قولولي بقا تطلع ايه المسحة دى ؟
قولتله انت ما سمعتش حاجة خالص عن المسحة؟
قاللي اللي أعرفه هو مسح الجوخ بس لما يكون واحد يحب يدّحلب لواحد تانى أو يكون عاوز منه مصلحة
قلتله ياعم رمضان المسحة غير كده خالص أنا حافهمك
انت مش مؤمن بان الرب يسوع كان بيشفى المرضى ؟
قاللي مين يسوع ده ؟
قلتله اللي هو عيسى عندكوا ياعم رمضان
قاللي صلى الله عليه وسلم نبى من الأنبيا ورسول من إولى العزم
قلتله ويطلع ايه العزم ده ياعم رمضان ؟
قاللي إهيه .. بتاع دين ومتعرفش ايه يعنى إولى العزم
قلتله نورنى
قاللي إولى العزم يعنى صاحب رسالة زى موسى عليه السلام وزى رسولنا صلى الله عليه وسلم
قلتله ده يبقا ربنا ياعم رمضان بس جماعتكم مش معترفين بيه إنه إله
قاللي إهيه ليك حق ماتعرفش مين هو ربنا وتقول عن النبى انه رب مدام معرفتش إيه معنات إولى العزم
إياكش ده اللي قلتلي إنه بينزل فى الفطيرة وبعدين تكلوه ؟
قلتله ياعم رمضان انا ححاول أشرحلك كل حاجة
بص احنا عندنا أنواع من الزيت أهمهم زيت الميرون بتاع المسحة
وبعدين زيت الغاليلاون أو زيت الفرح الذى يدهن به الذى سيعمد بعد جحد الشيطان
قاللي أعوذ بالله من الشيطان الرجيم
احنا عندنا بنستعيذ بالله منه بالمعوذتين وربنا بيكفينا شره من غير زيت ولا سمنة
قلتله ما علينا يا عم رمضان المهم ان
زيت الغاليلاون بيتاخد تعبير عن الفرح بالخروج من مملكة الشيطان
قاللي وهو الشيطان عنده مملكة ؟ ومن امتى الكلام ده ؟
هو فيه حد ياخواتى يصدق ده
وجابها منين المملكة دى وتبقى فين ؟ومين إيدهاله ؟
لما ربنا طرده من رحمته علشان تكبرإنه يسجد لأدم ويطيع الأمر
يقوم ربنا سبحانه يديله مملكة ؟ !!!
قلتله ياعم رمضان سيبك من الشيطان والمملكة احنا بنتكلم عن الزيت بتاع المسحة
المهم ان الكاهن بيكب الزيت على الماء بعد قداس المعمودية
قاللي وتطلع إيه كمان المعمودية دى ؟
قلتله وأنا مخنوق منه ياعم رمضان كويس انك حابب تفهم كل حاجة
المعمودية دى ضرورية جدآ علشان الواحد يتخلص من كل حاجة وحشة ويبقا انسان جديد علشان يقبل النعمة
قاللي عليا النعمة مانا فاهم حاجة
قلتله استنى أنا حابسطلك المسئلة على الأخر
انت بتستحمى ليه ؟
قاللي انا بتسبّح علشان أنزّل التراب والوساخة اللي على جتتى
قلتله عفارم عليك أهوالتعميد علشان الواحد ينزل من عليه كل حاجة وحشة من ذنوب ومعاصى وحاجات كفرية بتخلي الرب يغضب منه وبعد ما يطلع من جرن المعمودية بيكون انسان جديد نوفى لسه بشوكه
قاللي هو جرن العمودية ده زى الجرن بتاعنا اللي بندرس فيه الغلة ؟
قلتله اسمه جرن المعمودية مش العمودية وبيكون فيه ماء مقدس
وكمان الرب يسوع نفسه إتعمد واللي عمده هو يوحنا
اللي يبقى عندكوا اسمه يحي
قاللي وهو يسوع زى ما بتقولوا كان عليه ذنوب ومعاصى وحاجات كفرية تخلي الرب يغضب منه وعلشان كدة إتعمد علشان يكون انسان جديد نوفى بشوكه
قلتله ياعم رمضان انت مش فاهمنى خالص
لما تيجوا عندى زيارة إنت وأم السعد حابقى أوريك على الطبيعة الجرن بتاع المعمودية
نيجى للزيت التالت زيت الأبوغلامسيس
قاللي ويطلع إيه أبومسيس ده يكونش قصدك رمسيس ؟
قلتله ياعم رمضان اسمعنى للأخر
ده الزيت اللي بنحطه اثناء قراءة سفر الرؤيا في ليلة الأبوغلمسيس
قاللي احنا طاهرين ومابنحطش حاجة لما بنقرا القرءان
قلتله زيت الأبوغلامسيس بنحطة لما نقرا سفر الرؤيا علشان نفهم السفر
قاللي هو سفر ولآ فيلم من الأفلام إللي محتاجة لنضارة فبتحطوا الزيت بدل النضارة
أصل الواد توفيق ابن أبوسماحة دخل السيما وعطوه نضارة
قال إيه ؟ قال علشان يلبسها ويشوف بيها الفيلم وجه حكى للكفر كلاته على الحكاية دى
قلتله ياعم رمضان اصبر شوية لما اشرحلك الحكاية
زيت المسحة اللي هو زيت الميرون بيحل فيه الروح القدس
قاللي إهيه بقا سيدنا جبريل بيحل فى الزيت
الأول بيحل يعنى إيه ؟
قلتله يعنى بينزل فى الزيت ياعم رمضان
قاللي يعنى الرب بتاعكم بينزل فى الفطيرة
والروح القدس بينزل فى الزيت ؟
قلتله ياعم رمضان مانا عاوز أوصّلك ان الله هو نفسه الروح القدس
قاللي كلام إيه ده إللي إنت بتقوله يكونش حضرتك متناول زى المرة اللي فاتت وعلشان كده انت متلخبط ومش دارى باللي بتقوله ؟
قلتله ياعم رمضان ماانت لو صبرت شوية أنا حاشرحلك كل حاجة
هو ربنا مش عرفوه بالعقل ؟
قاللي بالعقل والقلب والفطرة والرسل اللي بلغوا رسالته
قلتله بس انت ياعم رمضان ماجبتش سيرة المحبة اللي هى أهم حاجة
قال ياخواتى إزاى بس ده احنا عندنا أية بتقول
قُلْ إِن كُنتُمْ تُحِبُّونَ اللَّـهَ فَاتَّبِعُونِي يُحْبِبْكُمُ اللَّـهُ وَيَغْفِرْ لَكُمْ ذُنُوبَكُمْ وَاللَّـهُ غَفُورٌ رَّحِيمٌ ﴾
والأيات بتاعة حب الله لعباده الصالحين والمحسنين والمتقين كتيرة فى القرأن بتاعنا
بصراحة ياولاد الراجل ده خنقنى بجد وخلا الواد تادرس يبصلي ويلاحظ العرق اللي بقا على وشى
وقلت أصبر عليه لعل وعسى أجيب معاه نتيجة
التلاميذ
هه وبعدين
الأب مخادع
الراجل رمضان ده طلع دقرمة وصعب خالص وطلّع روح إللي خلفونى وقلت فى نفسى ياريتنى ما دخلت عنده
تريزا
المهم يابونا حصل إيه ؟
الأب مخادع
قلتله يا عم رمضان هو الأله بتاعنا مش هو الإله بتاعكم ؟
قاللي الإله بتاعنا واحد بنعبده مش بناكله ونشرب دمه
وبعدين إلهنا هو الله سبحانه وانتم بتقولوا ان عيسى يبقا هو إلهكم مع انه رسول
قلتله ياعم رمضان ماهو هو ده بس الفرق اللي بنا وبينكم
قاللي بتقول بس
ده إحنا يمين وانتوا شمال
ربنا يجعلنا دايمآ من أهل اليمين
قلتله يا عم رمضان خلي الاختلاف ده على جنب وخلينا فى المسحة
مكتوب عندنا فى انجيل لوقا
10: 34 فتقدم و ضمد جراحاته و صب عليها زيتا و خمرا و اركبه على دابته و اتى به الى فندق و اعتنى به
فاالخمر بترمز لدم المسيح وهى (الشفاء الروحى) والزيت لعمل الروح القدس وهو (الشفاء النفسى والجسدى)
ومفروض ان المريض الأول يلجأ لطلب الشفاء من الرب قبل أن يذهب إلى الطبيب
قاللي إزاى المنكر يرمز لدم الإله بتاعكم ؟
ماتقول حاجة ياتادرس ساكت ليه ؟
رد تادرس وقال
أبونا كتر خيره بيحاول يفهمك ياعم رمضان
عم رمضان قال لتادرس
وانت تصدق الكلام ده ياتادرس ؟
تادرس قال طبعآ ياعم رمضان الكنيسة عندنا بتفهمنا كل حاجة وابونا مخادع بيحبك
عم رمضان قال أبوك مين ؟
تادرس قال أبونا مخادع
راح عم رمضان اتبسم وقال لتادرس هو أبوك إسمه مخادع
بقا الحكاية كدة
طيب مش كنت تقوللي من الأول على اسمه
قلتله ياعم رمضان ما تفهماش غلط ده مجرد اسم
زى ما اسمك رمضان هو انت شهر
المهم نرجع مرجوعنا للزيت بتاع المسحة
قاللي تانى ؟
قلتله بس استنى عليا شوية
قاللي اللهم صبرك ياروح فيه إيه تانى عاوز تقوله ؟
قلتله واحنا مش بندهن بزيت المسحة كده عمال على بطال
قاللي وإيه هو العمال وإيه هو البطال ؟
قلتله مش قصدى قصدى لازم فيه شروط الأول
يعنى لازم المريض يكون صايم
قاللي الصيام مش بطال واحنا عمومآ بنصوم الاتنين والخميس علطول
قلتله والمسحة لا تكون إلآ للمؤمنين
قاللي إحنا مؤمنين وموحدين بالله والحمد لله على نعمة الاسلام
قلتله ولازم الاعتراف قبل المسحة
قاللي ماحنا معترفين ان ربنا واحد
قلتله اعتراف بالخطية للأب الاعترافى
قاللي ويطلع ايه الأب الإعرافى ده ؟
قلتله إعترافى ياعم رمضان مش إعرافى
قاللي ولما هو إعترافى أنا
دخله هو إيه ؟
قلتله ده ضرورى ياعم رمضان علشان يتوسطلك عند الرب
قاللي مفيش واسطة بنا وبين ربنا وربنا بيقول
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ
وربنا عليم بأفعالنا من غير ما نتكلم وبيغفر للي بيتوب إليه
قلتله هو كل حاجة يا عم رمضان تقعد تجادل فيها
مش تصبر حبة ؟
قاللي طيب اتفضل لا مؤاخذة انت فى بيتنا
يا خبر أبيض
فاتنى أقوم بالواجب مش كنت تفكرنى ياتادرس
قلتله يا عم رمضان ما تعملش حاجة مش حاقدر صدقنى
قاللي ما يصحش دول بتوع الكفر كانوا ياكلوا وشى
قلتله شفت بقا ياعم رمضان أديك قلت بتوع الكفر ياكلوا وشك
طيب انت ليه بقا مستغرب اننا بناكل الرب ونشرب دمه ؟
قاللي يكلوا وشى من النئوزة والنقورة
وهو انتوا بتتنئوزا وتتنقورا على ربكم
قلتله حاشا ياعم رمضان وألف حاشا
احنا بناكله من محبتنا ليه وزى ما طلب منا
قاللي طلب منكم تكلوه وتشربوا دمه ؟
قلتله اومال بنعمل ده من نفسنا
قاللي هو قال كده بنفسه ؟
قلتله أيوه ياعم رمضان هو قال كلوا جسدى واشربوا دمى
قاللي مش ممكن أبداً ده لازم حد حب يضحك عليكم ، مافكرتوش يكون الشيطان هو إللي ضحك عليكم وقاللكم كده
وبقيت ياولاد عرقى مرقى والواد تادرس سايبنى لوحدى
ميرى
يعنى اتزنقت زنقة الأبل
هه وبعدين
الأب مخادع
قعدت ابص لتادرس واشاورله علشان نقوم والواد زى ما تقولوا عجبته الزنقة بتاعتى فطنش خالص
المهم ان الراجل رمضان
قاللي وبعد الاعتراف ؟
قلتله عليك نور كمان لازم يكون الواحد متعمد
قاللي احنا علطول بنتسبح وبنتوضا خمس مرات فى اليوم
يعنى طاهرين علطول وبنتوب ونستغفر ربنا علطول
قلتله ماهو التعميد مش حيخسر ياعم رمضان
راح الواد تادرس انسحب من لسانه وقال
لازم تترشميا عم رمضان
انا علطول غمزت بعينى للواد تادرس الملعون علشان
ما يتكلمش ويخوف عم رمضان بس عم رمضان كان لقط الكلمة
وقاللي يطلع ايه الرشم ده كمان ؟
ولآ يمكن قصدكم الوشم إللي بيدقوه
حاكم الوله عوضين داقق عصافير
والوله حسانين داقق أسد ماسك سيف على دراعه
وبقيت محتار ياولاد أشرحله الرشم ولآ لأ
قلتله ياعم رمضان انت باين عليك راجل طيب وانا عاوز أخدمك انت والست الطيبة أم السعد
قاللي إهيه ماانت لو كنت عاوز تخدمنا كنت خدمتنا المرة اللي فاتت وكنت خليت أم السعد وكانت بصحتها تعمل الفطيرة علشان تقعد تعزم وتبخر والبخور موجود والقولاح موجود والمنئد موجود وكنت خليت الرب ينزل فى الفطيرة
والفطيرة تبقا حتة لحمة
أهى على الأقل حتكون لحمة مش زى لحمة حكشه الجزار إللى حدانا
ده لو انت عاوز تخدمنا بصحيح
قلتله يا عم رمضان خلينا فى المسحة
دلوقت لما بعد الشر تعيا ولآ الست أم السعد تعيا زى ماهى عيانة دلوقت بتعملوا إيه ؟
قاللي بنقول يارب انت الشافى المعافى ولا شفاء إلآ شفائك شفاء لا يغادر سقم
قلتله طيب ماحنا بنعمل كده احنا كمان فيه صلوات اسمها الأواشي فيه أواشى صغار وأواشى كبار
قاللي انت عاوز تبرجل عقلي ؟
قلتله عمومآ حابقا أشرحهالك
وأديك عرفت ان الاعتراف بيكون قبل المسحة
وكمان لازم التناول قبل المسحة
قاللي أيوه جينا للحمة
فصيح
هوبا ده عم رمضان طلع اللي هو
يعنى على رأى المثل جيت تصيده يصيدك
وبعدين
الأب مخادع
قلتله واخد بالك يا عم رمضان ؟
قاللي هه وبعد العمودية دى ؟
قلتله اسمها المعمودية ياعم رمضان
قاللي ما علينا إيه بقى إللي بيحصل ؟
قلتله بندهنه بزيت الفرح
قاللي فرح مين ؟
قلتله مش فرح حد هو اسمه كده
رد الواد تادرس اللي ينشك فى مصرانيه وقال
بس لازم تكون عريان ملط يا عم رمضان وهما بيعمدوك فى الجرن
الراجل عم رمضان وشه راح لون وجه لون
وقال مين دول اللي يعمدونى فى الجرن وانا عريان ملط قدام اللي رايح واللي جاي ؟
انا قلتله الجرن بيكون عندنا ياعم رمضان
الواد اللي ينشك فى لسانه تادرس قاله
بيكون فى الكنيسة ياعم رمضان والكاهن هو اللي بيعمدك
عم رمضان سئل تادرس وقال
والكاهن ده ياتادرس بيكون ملط هو كمان
انا قلتله بص يا عم رمضان سيبك من تادرس وخليك معاى العملية أصلها مش سهلة
قاللي مش سهلة إزاى ؟
وبعدين انتوا مش قلتوا إنى حاكل لحمة الأول قبل ماأقلع ملط
قلتله قصدك التناول ماشى مفيش مشكلة إبقى إتناول وكل لحمة ياسيدى على كيفك وما تزعلش
الواد تادرس الله يلعنه راح ملخبط المسئلة
وقاله بس الأول لازم تسجل نفسك إنك عاوز تتعمد
رد عليه عم رمضان وقاله
أتسجل فين ؟ فى السجل المدنى ؟ !!
أنا قلتله لأ ياعم رمضان تتسجل عند الكاهن
الوسخ تادرس قال لعم رمضان
بعدين حيسئلوا الجيران عن أخلاقك كويسة ولآ مشيك بطال
عم رمضان هب فى تادرس وقال
قوم فز من هنا دك خابط
انا لحقته وقلتله سيبك ياعم رمضان من الواد الوسخ ده واسمعنى
هو بعد التسجيل عند الكاهن بتقعد أربعين يوم وبعدين يحضّروك للتعميد
قاللي أأقعد أربعين يوم وبعدين يغسلونى فى الجرن
ده الغسل عندنا بيكون قبل الأربعين مش بعده
عمرى فى حياتى ياولاد ما شفت واحد غبى جدآ زى عم رمضان !!
المهم قلتله بعد لما تخلص الأربعين يوم بتيجى عند الجرن وتقف حافى علشان تجحد الشيطان وتقول أجحدك أيها الشيطان أجحدك أيها الشيطان أجحدك أيها الشيطان تقولها تلات مرات وانت بتقلع هدومك
قاللي ليه هو انا حتخانق معاه ؟
قلتله لأ ياعم رمضان مش حتتخانق معاه ولا حاجة انت حتجحده بس
قاللي طيب مانا أستعيذ بالله منه تلات مرات أحسن
قلتله ما ينفعش ياعم رمضان صدقنى لازم تقول أجحدك أيها الشيطان وبعدين تنزل الجرن ومعاك الكاهن وانت عريان ملط
قاللي هو ما ينفعش أتسبح لوحدى ؟
قلتله لازم الكاهن يكون معاك علشان يغطسك فى الميا وبعد كده يمسحك بالزيت
قاللي ياه كل ده يحصل ؟
الواد تادرس اللي ينطس فى نضره قال
اومال ياعم رمضان حتعمل إيه لما يجوا يرشموك ب 36 رشمة وفى حتت صعبة وحساسة حتعمل إيه ؟
لقيت عم رمضان مرة واحدة راح واقف على حيله وقاللي أنا والواد تادرس
تعرفوا انتوا الاتنين لو مكنتوش فى دارى كنت فرجت عليكم الكفر كلاته
هو انتوا جايين تتمقلتوا عليا ؟
قلتله حاشا ياعم رمضان
والواد تادرس قاله حاشا ياعم رمضان
عم رمضان قال للوله تادرس
حاشا فى عينك منك له
قلتله ياعم رمضان انت فهمت الحكاية غلط
التعميد ده حاجة مهمة جدآ لأنك بتتولد من جديد
قاللي إيه معنات اتولد من جديد ؟
يعنى أرجع عيل صغير من تانى ؟
قلتله ياعم رمضان انت معندكش فكرة عن الخطية
قاللي وتطلع إيه الخطية دى كمان ؟
قولتله يعنى الذنب
قاللي ذنب إيه ؟
قلتله لما أدم أكل من الشجرة وخالف كلام الرب
قاللي عارف بس هو تاب وربنا قبل توبته
قلتله لآ ياعم رمضان خطيته احنا ورثناها عنه بعد ما ربنا طرده
قاللي إهيه هى الخطية إللي هى الذنب بنورثه ؟
قلتله أومال ياعم رمضان
قاللي إشمعنى الذنب نورثه والعمل الصالح ما نورثوش ؟
قلتله ياعم رمضان صدقنى
وعلشان ربنا بيحبنا بعت كلمته علشان تتولد وتبقا المسيح فالمسيح ابن الله
قاللي الله ولآ كلمتة ولآ ابنه
قلتله ياعم رمضان كل دول واحد ماهو انت لو إديتنى فرصة حاشرحلك إزاى
الله علشان يصالحنا نزل من فوق علشان يموت واحنا نعيش
وده تكفيرآ عن خطايانا علشان عدله عاوز كده
وعلشان طرد أدم من الجنة حب يصالحه بعد كده فبعت كلمته إللي طرد بيها أدم علشان تموت وتتصلب
قاللي أكيد انت مش فى وعيك خالص ومش دريان بالكلام إللي بتقوله
مرة تقول بعت كلمته ومرة بعت ابنه ومرة نزل بنفسه علشان يموت
ما تشوف أبوك ماله ياتادرس
خده الاسبتالية يعالجوه
قلتله ليك حق ياعم رمضان ماتفهمش كلامى لأنى نسيت الأول أقولك ان الله تلاتة فى واحد بنقول عليهم أقانيم
بس الكلام ده حابينه لك بعدين
ولما الانسان يتخلص من خطيته يرجع انسان جديد لسه بشمعه
قاللي عندنا بنقول بسم الله الرحمن الرحيم فربنا قرن اسمه بالرحمة فرحمته سبقت غضبه ومغفرته سبقت عذابه وسبحانه بيقول فى سورة الأعراف
وَرَحْمَتِي وَسِعَتْ كُلَّ شَيْءٍ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ وَالَّذِينَ هُم بِآيَاتِنَا يُؤْمِنُونَ
وماقالش ان رحمته حيكتبها للي يكلوا لحمه ويشربوا دمه
قلتله ياعم رمضان القديس غريغوريوس اللاهوتي بيقول
قاللي انا بقولك ربنا بيقول انت تقوللي غريبوس بيقول
قلتله استنانى بس يا عم رمضان
القديس غريغوريوس اللاهوتى بيقول
إن الختم هو ضمان حماية وعلامة حيازة أو امتلاك
قاللي ويطلعوا مين الاتنين دول ؟
قلتله قصدك على مين ؟
قاللي قصدى على الختم والجدع اللي اسمه غيوس ده
أما الحيازة فانا عارفها علشان بنصرف بيها التقاوى والكسب بتاع البهايم من الجمعية الزراعية
قلتله اسمه غريغوريوس وده راجل دين كبير أوى قديس يعنى
أما الختم فهو التعميد
قاللي وليه اسمه طويل أوى كده هو ملوش اسم دلع تنادوه بيه يكون سهل ومختصر ؟
قلتله يا عم رمضان يعنى تسيب الحاجات المهمة وتعلق على إسم القديس
قاللي طب كمل لما اشوف أخرك إيه
قلتله القديس ده
قاللي إللي هو مين ؟
قلتله هى ملاوعة ياعم رمضان أنا باكلمك لمصلحتك
قاللي مصلحتى !! طب كمل .. كمل
قلتله بيقول كمان
لو احتميت بالختم الذي يزين نفسك وجسدك بمسحة الروح ما الذي يمكن أن يحدث لك؟!! الخروف المختوم لا يختطف
بسهولة وكل من لم تكن له العلامة يصير سهل للصوص
قاللي والخروف المختوم ده يطلع مين ؟
قلتله أنا وتادرس وأى واحد مسيحي متعمد
قاللي معلوم معلوم يعنى انتوا بقا من الأخر مختومين وعاوزين تختومونى على قفايا أنا كمان وتخلونى خروف زيكم
ولما أمشى فى الكفر الناس تشاور عليا وتقول الخروف أهو مش كده
انتوا الأول عارفين لما فلآن يبقى خروف ده معناته إيه
ولآ ده عندكم مش عيب
قلتله ياعم رمضان .. ياعم رمضان
قاللي نعم ياخروف
أنا ياولاد ساعتها وشى بقا لون الزتونة السودة وإضايقت جدآ لما قاللي كده
وقلتله تصدق يا عم رمضان الرب بتاعنا هو كمان خروف وقرونه فى كل قرن سبع عيون
قال لآ بقا استنوا لما اروح أصحى ام السعد
أعوذ بالله أعوذ بالله
خروف .. خروف
أعوذ بالله أعوذ بالله
صحيح ليس بعد الكفر ذنب
وأول ما راح علشان يصحى ام السعد الواد تادرس قاللي
يالآ بينا يابونا بسرعة
علشان الظاهر ان عم رمضان رايح يصحي ام السعد علشان تصوت وتفضحنا وتلم علينا الكفر
قمنا أخدنا ديلنا فى اسنانا وجرينا
فصيح
كويس انكوا نفدتوا بجلدكم
الأب مخادع
كان يوم ياولاد عمرى ما حاانساه
ميرى
تلاقى تادرس بيلعن اليوم اللي شافك فيه يابونا
فضحته امام الناس وكنت عاوز تخدع الراجل الطيب عم رمضان
الأب مخادع
مانا من يومها مارحتش تانى
تريزا
ليه هو انت ليك عين تروح تانى ؟
الأب مخادع
حاروح بعدين بس بعد مدة
ياه الوقت فات من بدرى
يالآ سعيدة
التلاميذ
سعيدة
وأخر دعوانا ان الحمد لله رب العالمين
لا شريك له
