اقتباس:
[=أسد هادئ;508114]أيوة فيه مذاهب مسيحية تعترف بالتعدد .. عندك منها طائفة المورمون
و طبعا هي قلة دي مفيهاش كلام ، و ده مش موضوعنا على العموم ..
أستاذ اسد هادىء حضرتك مسلم سنه و لست شيعه او اى طائفه اخرى..ممكن اجى اتكلم معى حضرتك على طائفه تسمى نفسها مسلمه و لاكن رجال الدين المعروفين لا يعتبروهم مسلمين؟؟
و اجى اتكلم على احكام عندهم بما إنهم مسمين نفسهم مسلمين بردو؟؟
لكل دين الخارجين عنه!و ده مش شىء غريب علشان إحنا بشر!
اقتباس:
حضرتك قلتي حلو السؤال ، ومجاوبتيش عليه .. فـ أنا لازلت منتظر الإجابة عليه ..
انا كنت فاكرا إنى جاوبت.بس يمكن حضرتك عايذنى اجاوب إجابه محدده.
السوئال:هل منع تعدد الزوجات صالح لكل زمان ولكل مكان ؟؟
لا.. منع تعدد الزواج غير صالح لكل زمان و كل مكان ..
و بردو إباحه تعدد الزواج غير صالح لكل زمان و كل مكان!!و انا فاهما كويس إنه اباح و لم يجبر! لكن بردو لا انكر إستغلال البعض لهذا التحليل لصالحهم..ليس لحل مشكله قله الزكور و لا حل مشكله ارمله او حل مشكله عانسه بل حل مشكله كثره شهوه!
[QUOTE]
نيجي بقى لسؤال حضرتك .. أولا حضرتك وقعتي في خطأ فادح في السؤال ده في كونك قارنتي بين حكم بالتحريم ، و حكم بالإباحة ..
اقتباس:
بمعنى .. الحكم بتحريم تعدد الزوجات .. يعني اعتبار تعدد الزوجات زنى .. معناه ان الشخص مستحيل تحت أي ظرف من الظروف يتزوج زوجة ثانية .. وإذا تزوج هيكون ارتكب ذنب عظيم و هو الزنى .. يعني لو اتجوز يرتكب سيئة .. تمام ؟؟[]
ارجوك يا استاذ اسد هادى لا تنسى إنى مسيحيه و إنى اتكلم من منطلق قوانين دينى إلى من يوم ما إتولدت و انا بسمعه و بفهمه ..ارجوك متخدش كلامى على إنه إتهام منى انا ..فأنا دينى يقول من نظر لإمرأه و إشتهاها فقد زنا بها فى قلبه... و هذا لا يعنى إن كل الناس هتروح النار علشان إحنا اكيد بشر و اكيد فى لحظه ممكن نضعف بالفكر..بس هو قايل هذا حتى إن بدأنا نفكر نوقف نفسنا و نبكت نفسنا على هذا الفكر.. لإن أصل كل خطيه تنبع من القلب و الفكر..و إن إستمريت فى التفكير و التفكير سوف ينتهذ هذه الفرصه الشيطان و يحاول إقناعق بإتمام هذا العمل بأى شكل.. و لاكن لو بدأت ان تحارب هذا مجرد من الفكر فهذا يساعد كثيرافى عدم إتمام الفكره.. حتى يظل الفكر نظيف و يجد صعوبه الشيطان فى التحايل عليه..
اقتباس:
حضرتك بتقارني بين الحكم ده و بين حكم الإباحة اللي في الإسلام .. حكم الإباحة لتعدد الزوجات في الإسلام معناه ان الرجل مش مجبر انه يتزوج ومش مجبر انه لا يتزوج .. يعني مفيش حاجة اسمها : هل الحكم بإباحة تعدد الزوجات صالح لكل زمان .. لأنه مش واجب أو فرض أصلا ... بعكسي لما أسأل حضرتك هل المنع مناسب لكل زمان لأن الحكم هو التحريم ..
ايوا انا فهمت مقصد حضرتك بس بردو هل يستخدم الناس هذه الإباحه بالطريقه الصحيحه؟؟
اقتباس:
نقطة تانية مهمة جداً رغم اني قلتها قبل كده .. أنا لم و لن أقول ان السبب الوحيد لتعدد الزوجات هو الحروب .. بل هناك العديد من الأسباب اخترت منها هذا السبب بالخصوص لأنه مناسب جداً لسؤالي اللي حضرتك مجاوبتيش عليه .. هل منع تعدد الزوجات شيء منطقي واقعي ؟؟
انا فاهما كويس إن حضرتك اخذت نقطه واحده بس إلى هى نقطه الحرب..
و هل شرع و حكم الله ينفع ناخده كله بالمنطق و الواقعيه؟؟ إلى هو منطقنا البشرى و واقعيتنا البشريه .
"لانه كما علت السموات عن الارض هكذا علت طرقي عن طرقكم وافكاري عن افكاركم.
اشعياء 55 : 9
"
يعنى لو اهل إسرائل كانو مشو المنطق و الواقعيه مكنوش طلعو من ارض مصر حتى يومنا هذا!! و لكنهم إتكلو كليا على الله و كلمته و امره و تشريعه...و تركو المنطق و الواقعيه... قف- إصمت- و إنظر خلاص الرب... الرب لا يبداء بالعمل إلا إذا وقفت و صمت و إتكلت عليه كليا.(انا عارفا إممكن اسمع تريقه و إستهذاء بكلامى و هذا شى متوقع لأنى اعلم إنكم تتكلمون من منطلق دينكم و قوانينه.
اقتباس:
الإسلام بالفعل محددش أسباب معينة لتعدد الزوجات .. لكني في النقطة دي لازم أوضح نقاط مهمة جداً ..
1- أكيد حضرتك عارفة إن الإسلام اشترط العدل .. و إلا فواحدة و الآية صريحة جداً ..و الرسول:salla-s: قال " من كانت له زوجتان فمال إلى إحداهما جاء يوم القيامة وشقه مائل"
كيف هذا يا استاذ اسد هادىء طيب ما ده بيحصل صب عن الإنسان.. حضرتك تقدر تتحكم فى قلبك و إحساسه ..غصب عنك قلبك هيختار او هيفضل؟؟
طيب حد علمى رسول المسلمين نفسه رغم كل اعداد زواجه و هذا بخلاف ملكات اليمين كان يفضل السيده عائشه؟؟و هذا كان ظاهر و واضح و مسره للكل!ما الحكم هنا!" من كانت له زوجتان فمال إلى إحداهما جاء يوم القيامة وشقه مائل"
اقتباس:
2-للأسف أنا شايف في حضرتك نزعة واضحة جداً ان التعدد بيكون سببه الوحيد هو الشهوة الجنسية للرجل .. و حضرتك مكررة المعنى ده أكتر من مرة ، وفي الحقيقة هو معنى خاطئ تماما الصراحة .. و الزواج عمره ما كان كده ، و إلا ايه الفرق بين المتزوج و بين اللي بيروح بيوت الدعارة مثلا ؟؟ .. الزواج مزيج من الراحة النفسية و المتعة النفسية و الجنسية ، ومتعة إنجاب الأولاد وتربيتهم .. الزواج كما يقول الله في القرآن "و جعل بينكم مودة و رحمة" و يقول " و جعل منها زوجها ليسكن إليها " ، و يقول " هن لباس لكم و أنتم لباس لهن" ... يعني الزواج مش مجرد إشباع رغبات جنسية ، لكن حضرتك مصرة على ان تعدد الزوجات إشباع رغبات جنسية !!!
انا لا اقصد هذا ابدا انا اقول هذا ما تعامل به الناس!او بعض الناس..
فأنا اعلم رجال مسلمين موئمنين بالله و زوجتهم لا تنجب وسئلتهم لماذا لاتتزوجو بأخرى و كان ردهم :" هذه مشيه الله و لو تزوجت سوف اظلم هذه الزوجه لإنه سوف يكون زواج لمصلحه الإنجاب فقط و ليس اخر .. ولا احبذ هذا.. و قال قد يكون الله لم يعطيهم اولاد حتى يرعو اولاد اخرين بدون اهل!"فقد إحترمته جدا جدا جدا لإن هذا هو الفكر الذى انا تربيت عليه.و غير هذا الرجل تحديدا عندى امثله كثيره لمسلمين موئمنين و متكلين على الله..
اقتباس:
و هنا أسأل حضرتك سؤال .. هل الأنبياء في العهد القديم كانوا بيعددوا الزوجات و كذلك ملكات اليمين عشان الشهوة الجنسية ؟؟
سيدنا موسى :salla-s: مثلا لما تزوج 2 كان بسبب الشهوة ؟؟
سيدنا إبراهيم لما اتخذ زوجات و ملكات يمين أيضاً كان بسبب الشهوة ؟؟
أظن عيب يعني على أقل تقدير نتكلم عن أنبياء الله بالصورة دي .. و بالتالي باطل أصلا اعتبار تعدد الزوجات ده مخصوص عشان الشهوة !!
طبعا عيب انا لم اقصد بكلامى هذا و اسفا لو كان إسلوبى اعطى هذا المعنى ..انا يا استاذ اسد هادى صدقنى بتكلم و بقول كل إلى فى قلبى بجد مش قاصدى اغلط...
انا كنت بتكلم كدا علشان انا فهمت او شعرت هذا من كلام حضرتك..لما جبت مثل الارمله حضرتك قولت علشانيصرف عليها هى و عيالها.. ففكرى راح لكدا..بس مش هو ده طبعا قصدى.. و انا لا انكر إستغرابى لهذا عندما قرأت التوراه.. و سئلت ساعتها احد يفهم فى الدين عنى:
منين الدين المسيحى يمنع التعدد و ملكات اليمين و منين سيدنا موسى تزوج اكثر من واحده و سيدنا إبراهيم انجب من جاريته!! و كان الرد :ده العهد القديم ده كان زمان علشان النسل البشرى يكتر ..بس كل هذا ليس فى العهد الجديد.
بس بردو بعترف إنى لما افكر فيها بالعقل اوى اوى اجد حالات التعدد فيها رحمه بردو!
يعنى مثل: زوجه مرضت مرض شديد و لا تتمكن من تلبيه طلبات زوجها هو بردو بشر و لاه رغبات و ممكن يغلط ما هو رجل مش هيعيش بتول فيجب ان اعترف إن الله وزع الإمان درجات يعنى لو واحد قدر يستحمل التانى ممكن ميقدرش..فتفضل على زمته و فى ظله و حمايته و يتزوج هو بأخرى..بس بردو هيبقا هذا الذواج لمجرد إشباع الرغبه الجنسيه التى اصبحت زوجته لا تتمكن من إشباعه إياها.. فلو الله صرح بكدا يبقا رحم هذا الرجل من الزنا!!
كلام منطقى بردو مقدرش بعقلى انفيه!!
اقتباس:
3- الزوجة في الإسلام من حقها أن تشترط على زوجها ألا يتزوج عليها فإن وافق لا يكون في مقدوره أن يجمع بينها و بين زوجة أخرى .
بجد!! بس هل يعمل الناس بهذا !لهذا ذهب البعض بالزواج فى السر..هل كل هذا يعتبر غلط؟و ما الحكم إذاوافق و بعد هذا رغب فى الزواج من أخرى بردو؟
اقتباس:
4- كما يجب مراعاة الفرق في الخلق بين الرجل والمرأة .. الله لم يخلق الرجل والمرأة مثل بعضهما تماماً ... و في هذه النقطة يختلفان .
اعلم طبعا الإختلاف الجسدى بين الرجل و المرأه و وضحته فى تعليقى على رأس الموضوع..بس حسى إن حضرتك تقصد فرق اخر!ممكن توضح شويه النقطه دى.
اقتباس:
كلام غريب جداً !! .. و ليه الأرملة تعيش طول حياتها من غير زوج ؟؟!! .. هو عند حضرتك المرأة بتتجوز الراجل عشان الفلوس فقط ؟؟ !! .. برضه تعليق غريب جداً من حضرتك ..
طبعا ليها حق إنها تتجوز انا مقلتش لا دينى لا يحرم زواج الارمله.. بس عندك حق كلامى يفهم بهذا المعنى..بس لم اعنى هكذا.. اسفا
اقتباس:
هل المرأة مش بحاجة للزواج ؟؟
هل مش بحاجة للرجل عموما ؟؟
هل مش بحاجة لإنجاب الأولاد ؟؟
طبعا المرأه فى حاجه لكل ده مفيهاش نقاش.
دي كده من الناحية الشخصية الفردية
لكن الأهم من كده ..
اقتباس:
الناحية المجتمعية ..
بالطريقة دي المجتمع سينهار لأنه فقد 40 % من سكانه و غالبيتهم رجال ، و مفيش وسيلة لإرجاع ال 40 % دول ، رغم وجود 8 مليون امرأة مش متزوجة !!!
ده غير ان مسألة زي دي ( أي غالبية النساء بدون زوج) بيئة تهيئ بشدة لانتشار الدعارة و الزنى !!
كده ده كلام من الناحية المجتمعية
عندك حق بردو لو فكرت بالعقل فى هذه المواقف او المحن و ليس فى العادى.
اقتباس:
و الجمع بين الضرورة الفردية للمرأة و الضرورة المجتمعية ( وهي الأهم) نخرج بنتيجة هي أن تعدد الزوجات ضرورة .. و زي ما شفتي النتيجة دي هي نفس النتيجة اللي الكنيسة ساعتها خرجت بيها و أعادت تعدد الزوجات ، مش كده ؟؟!
ايوا ضروره فى هذا الموقف... ...بس انا لا انكر إستخدام الكثير لهذا التعدد بالطريقه الخطاء.. و هى إشباع لرغبه.
"ارجوك مش عايزا كلامى يضايق حضرتك انا بتناقش بجد علشان افهم."
اقتباس:
أنا مش عارف كلمة "يجب" دي أحطها فين بالضبط .. هل البشر هيوجبوا على الخالق ما يفعله ؟؟
لا طبعا البشر مش هيوجب الله عز و جل على شىء لم اعنى هذا..اسفا ..عندك حق ان تستفذ من كلامى..اسفا.
اقتباس:
و نعم هي مفتوحة ، ولا يوجد حالات معينة للتعدد .. لا جدال في ذلك .. كل ما هنالك هو وجوب العدل في كل شيء في السكن والملبس .. في الوقت اللي بيقضيه مع كل زوجة ..في كل شيء
و هل البشر عادل؟؟ إن حاول ان يعدل فى الظاهر لن يتمكن فى العدل فى الباطن فى المشاعر.. لا انكر بردو إن العدل فى الحاله دى بردو تحقيقه صعب.
اقتباس:
يقول الرسول :salla-y:
"من كانت له امرأتان يميل لإحداهما على الأخرى جاء يوم القيامة يجر أحد شقيه ساقطا أو مائلا"
و الشرط الثاني هو القدرة على الإنفاق عليها
يقول الله تعالى " وليستعفف الذين لا يجدون نكاحاً حتى يغنيهم الله من فضله"
هذان فقط هما الشرطان .
و هذا يعنى إن كل إلى بنشوفهم و بيعطونا ليهم امثال فى المسلسلات كلهم مشيين غلط فى غلط...امال مين إلى ماشى على الدين صح!!قله بردو!
اقتباس:
أولا إذا لم يكن معه مال لا يتزوج أصلاً.
ثانياً هذه المرأة محدش أجبرها تتجوزه .!!
ثالثاً الشرط باطل لا يلزمها الوفاء به .
ايوا بس اوقات بتوافق لرغبتها فى الذواج او ان احد يعولها مادياو تفوق بعد الزواج بفطره عندما تبداء تشعر برغبتها ان تكون ام.. و تبداء المشاكل عندما تحمل.. ممكن يطلقها او او او.. البشر مش كلهم كويسن.. بس بردو مينفعش نرجع تحايل البشر و اخطائهم على تشريعات الله و قوانينه..
اقتباس:
معلش يا أستاذة محبة .. ده كلام غريب جداً كالمعتاد !!
تعدد الزوجات بالعكس منع مشكلة المرأة المطلقة !!
كالمعتاد!! اكيد طبعا إختلاف الدين يسبب إختلاف الفكر و يسبب نظر كل طرف لفكر الاخر بإنه غريب.فأنا لا انفى بردو إستغرابى للكثير من الكلام .
اما من ناحيه منع او ممنعش فهذه اوجه نظر...ممكن تكون منعت فى حالات و ساعدت على الإكثار فى حالات تانيه..مقدرش انكر الكلام ده.
اقتباس:
لأن لو الرجل وجد زوجته الأولى لا تنجب .. و هو يريد الأولاد .. فلو مفيش تعدد الزوجات هيطلقها .. إنما إباحة التعدد بتحل المشكلة دي تماماً !! .. يتزوج بامرأة أخرى تنجب له .. رغم أن مسألة الذكور و الإناث هي قدر الله فهو يهب لمن يشاء إناثاً و يهب لمن يشاء الذكور .. لكن على فرض ان رجل معين يريد الذكور بشدة .. في حالة عدم التعدد هيطلق زوجته الأولى .. إنما في حالة التعدد هيتزوج امرأة ثانية .. ولا يطلق الأولى !! فكلام حضرتك ان تعدد الزوجات جاب مشكلة المرأة المطلقة .. للأسف لا أقدر اني أصفه غير بأنه " تهريج" !! تعدد الزوجات قلل جدا جدا من مشكلة المرأة المطلقة !!
سوئال بس.. مدام اباح التعدد ليه اباح الطلاق إذن!!!!
هذا سوئال إعتراضى فقط و بدأت تظهر لى إجابات عليه.. بس إجابات متضاربه...
لا صدقنى مش تهريج... انا بتكلم من العالم إلى انا عايشا فيه و من الامثال إلى بشوفها قدامى..ممكن يكون عندق حق قلل الطلاق فى حالات بس زودها فى حالات تانيا.. على حسب الشخص و اخلاقه و نيته.
اقتباس:
لو امرأة ضعيفة لا تستطيع أداء احتياجات زوجها .. بدل ما يطلقها يتزوج أخرى !!
لو امرأة لا تنجب .. بدل ما يطلقها يتزوج أخرى !!
و ضعي أمثلة من عندك للصبح ! .. ايه علاقة تعدد الزوجات بالتطليق ؟؟ !! التعدد بيقلل جدا جداً من نسبة الطلاق ..
لو اخذتها من النحيا دى هيكون صح عندك حق..
اقتباس:
تعدد الزوجات طبعا يؤدي إلى زيادة السكان ..
لكن هل زيادة السكان مشكلة في حد ذاته ؟؟
لأ قطعا .. زيادة السكان عمرها ما كانت مشكلة في حد ذاتها ، وده كلام علماء الاجتماع مش كلامي الشخصي !
فى حد ذاتها لا..بس تصبح مشكله عندما يصبح عدد السكان ا اكثر من الموارد.. ز هل البشر إلى بيتجوز بدل الواحده اربعه بيفكر إن كان هو هيتسبب فى المشكله دى؟ او اصلن بيفكر هل البلد تتحمل سكان اكثر من هذا العدد؟؟
البشر عمتا بيفكر و يقول مش انا إلى هعمل المشكله ..لو المشكله موجوده هتبقا موجوده لو لاء يبقا لاء مش انا إلى هذود ولا انا إلى هنقص.)بس الحقيقه إنه بيفرق.
اقتباس:
بل هناك مجتمعات بيمثل قلة السكان فيها مشكلة .. و عشان كده بتطلب الهجرة إليها بأعداد كبير جداً !
و هناك مجتمعات سكانها عددهم كبير و مع ذلك من أكثر المجتمعات تقدماً ..
بل بالعكس .. زيادة السكان لو أحسن استغلالها هتكون طاقة هائلة للتنمية في المجتمع ! وده برضه كلام علماء الاجتماع مش كلامي ..
كلام حضرتك كله منطقى لا املك الإعتراض عليه.
اقتباس:
ده غير اني مضطر أفكرك تاني باللي قلته فوق ..
التعدد مباح مش فرض
و الرجل اللي مش هيقدر يصرف على زوجة ثانية و على أولاد آخرين و هيعيشهم في فقر ميتجوزش من الأساس !
و لا أحد بيجبر الزوجة الثانية على الزواج !
انا فاهما بس هل هذا ما يتم فعليا فى الحياه؟؟؟؟فإن كان يتم فهو عدد قليل جدا.. و اللذى لا يمشى على هذا الكلام هو الكم الاكبر!
اقتباس:
للأسف أنا مش شايف حضرتك بتتكلمي بعقلانية و لا موضوعية خالص!
لا صدقنى انا بحاول اتكلم بعقلانيه شديده صدقنى بقدر الإمكان بحاول.
اقتباس:
و زي ما قلت على كلام حضرتك ان تعدد الزوجات زود مشكلة المطلقة انه كلام ليس له أي أساس من الصحة .. نفس الكلام هقوله هنا ..!!
لأن حضرتك بدل ما تعترفي ان تعدد الزوجات حل لمشكلة العوانس خلتيه سبب لها !!
صراحة ده كلام يغني بطلانه عن إبطاله .
لا يا استاذ اسد هادىء إحنا متفقين إن البنات إلى بتتولد اكثر من الولاد يعنى لو تعدد الزواج هيتعدد طلقائى بردو عدد مواليد البنات!! كل شىء مرتبط ببعضه! كل شيء بالتفكير البشرى له ميزه و له عيب.. لا انكر.
اقتباس:
و إذا كان سبب زيادة النساء هو التعدد ، ليه بنلاقي في أمريكا مثلا اللي بتمنع التعدد عدد النساء أكبر من الرجال بعدة ملايين ؟؟
لإن إحنى متفقين إن عدد إنجاب البنات اصلن اكثر من عدد الولاد!!
مثال: لو كل راجل هيخلف من زوجه واحده ثلاث اطفال نقول:
1 ولد و 2 فتاه
لو بنفس النسبه دى و تعدد الزواج إلى اربعه هيكون عندنا من الراجل ده لوحده 4 اولاد و 8 بنات!!دا غير طبعا إن ممكن يكونو 12 بنت او 10 بنات و ولدين.
و ممكن بردو يكونو كلهم 12 ولد!!يعنى من الاخر تعدد الزواج و كثره الإنجاب هيزود عدد البنات! الموضوع نسبه و تناسب بردو ..صعب بجد.
اقتباس:
هل حضرتك ماشية بالمبدأ دائماً ؟؟ و ساعتها حضرتك تقولي انك سحبتي كل كلامك عن انتقاد أي تشريع من التشريعات و تقولي ان كل كلامك مستقبلا سيكون عن إثبات صدق الرسول:salla-y: و القرآن أو إثبات بطلان نسبة الكتاب المقدس لله تعالى فقط
أما إذا كنتي غير ماشية بالمبدأ ده ، فيكون الكلام عقلاني و نتكلم بصورة واقعية تماما .. إنما نظام الدمج ده مينفعش !
هو انا مش فاهما إه إلى ضايق حضرتك اوى حضرتك إلى طلبت منى اتكلم بعقلانيه و اطلع نفسى خالص بس غصب عنى مخى بيرجع للى إنا متعلماه و عرفا!! ذى ما كل كلام حضرتك مستند على إلى حضرتك متعلمه و موئمن بيه.. اعمل إه ..انا اسفا.. و لا اقصد الإدانه ابدا ابدا.صدقنى.
ح
اقتباس:
أيوة يا أستاذة محبة ، بس ده هيوصلنا للمشكلة الأساسية .. اننا غير متفقين أصلا على فين هو كلام الله !! يعني مش متفقين اصلا ان الله قال ممنوع التعدد !! ، فبالتالي حضرتك مينفعش تقولي لي اني " استبعدت أكثر حل مرضي لله" لأني كمسلم أؤمن أن الله نفسه أباح لي ذلك فهو شيء لا يغضبه ، و عدم التعدد ليس أفضل من التعدد ، بل في حالة كهذه الأكثر إرضاء لله هو التعدد نفسه كي لا نترك في المجتمع أربعة أخماس النساء بدون زواج .. أليس في ذلك ظلما لهن ؟؟ حتى لو كن أغنى أغنياء المحتمع ؟؟ برضه حضرتك مصرة ان المرأة بتتجوز عشان الفلوس مش عارف ايه سبب الاعتقاد ده ؟!! فبالتالي كلام حضرتك في الاقتباس الي فوق حول " وهل سيمشى البشر على تشريع الله ولا هيذهبو بوضع تشريع جديد يحلو به المشكله؟؟" برضه كلام مينفعش توجهيه لمسلم لأن المسلم أصلا لو قام بالتعدد فهو يسير على تشريع أباحه الله !! فبرضه الكلام ده لا أملك عليه رداً
لكني مؤمن تمام الإيمان أن التشريع الذي يضعه الله هو الأنسب و الأصح ولن يتعارض مع العقل ، و أيضاً مؤمن أن الله لن يضع تشريعا لا يصلح للحياة
عندك حق انا اسفا لم اقصد صدقنى إنى ادين..انا اعلم إن هذابالنسبه لك تشريع الله..
بس بردو اقول إن تعدد الزواج لم يحل مشكله العس! ممكن يكون حل مشكله العانس الحاليه بس العانس دى هتجيب اطفال...
يعنى لو قولنا أن الراجل لاذم يتزوج زوجه واحده و خلف 2 بنات نقول النص هيتزوج ..يعنى واحده هتكون عانس.. و لو تزوج اربعه نقول هيجيب نفس النسبه يعنى 8 بنات و النص هيتجوز ..يعنى هيكون هناك 4 عوانس...
زود مشكله العنس ولا لم يزود!!لن يضع تشريعا لا يصلح للحياة
اقتباس:
هل عقل حضرتك معبر عن العقل البشري ؟؟ أنا عقلي مستوعبها جداً الحمد لله !!
عقل حضرتك مش مستوعبها عشان إيمان حضرتك يضادها ..
حضرتك ياريت تكمل كلامى كله:
ده حتى العقل البشرى مش قادر يستوعبها!!يعنى حتى يومنا هذا ينظر المجتمع حتى لو مسلم للراجل إلى متزوج اكثر من واحده على إنه بصباص و بتاع ستات.. و تعتبره الزوجه المسلمه خانها فى مشاعرها و خانها فى كل شىء... فالمشاعر واحده يا استاذ اسد ... السيده تغير على زوجها الذى تحبه من اى سيده اخرى مثل ما يغير الرجل على زوجته من اى رجل اخر..... و تنجرح المرئه جرح كبير عندما يتزوج الرجل بسيده اخرى خصوصا لما تكون الزوجه شايفه واجبها مع زوجها ولا تقصر فى شىء.
و لاكن انا لا انفى بكلامى هذا إنى اجد عدم الطلاق فى الدين المسيحى هذا صعب جدا ايضا."
انا لم اتكلم على نفسى انا تكلمت على ما اراه من اراء و احكام الناس المسلمين فى بعض..و طبعا عقلى لا يعبر عن العقل البشرى..و ليس من حقى ان اضع قاعده للكل على حسب تفكيرى!فقد يكون عقلى من العقول التخينه!
اقتباس:
لو جينا على كل حاجة عقل بعض الأشخاص مش مستوعبها نلغيها يبقى مش هيبقى فيه أي حاجة أصلا !! .. عندك كام مليون شخص عقلهم مش مستوعب وجود إله ؟؟
كام مليار شخص من الوثنيين ؟؟
كام مليون شخص بيعبد البقر ؟؟
المشكلة عن حضرتك مش ان العقل البشري مش مستوعبها .. بل يمكن نقول
1- العقل بيتعارض مع الإيمان فحضرتك بتقدمي الإيمان.
2- العاطفة البشرية النسائية مش متقبلاها .
عند حضرتك حق فى كل كلامك..انا بحاول اقدم العقل بس غصب عنى يتقدم الإمان.. و ممكن بردو العاطفه النسائيه تكون عمله شغل..و لا انكر وجود نفس العاطفه النسائه عند اغلب السيدات المسلمات..فهذه مشاعر خلق الله المرأه بها..
و لو تكلمنا على المشاعر بس هنقول ذى ما الراجل لا يقبل ان تكون زوجته فى داخلها مشاعر له و لرجل اخر..هذا نفسه عند المرءه كم هو صعب ان تتقبل المرأه ان يقصم الرجل مشاعره على نساء اخرى غيرها!
و لا انكر عندما يكون الرجل عنده بنت و يأتى زوج بنته و يتزوج على إبنته و يرى الاب حرقه قلب إبنته و مرارتها هذا يزعجه جدا..
العاطفه البشريه الابويه ممكن تعترض بردو!!
اقتباس:
أنا بتلكم عن واقع ..مينفعش نجري من الواقع و ندفن رؤوسنا في الرمال .. ده كان كل قصدي و ده كان ردي على الشخص اللي لما أدرك فعلا ان تشريع منع التعدد فعلا لا يصلح للواقع قالي المسلمين السبب في الحروب !! قلتله أمال الحروب الي منذ الأزل دي قبل ما احنا نكون موجودين أًصلا ايه نظامها ؟؟ .. وقالي نفترض ان العالم بدون حروب ! ده كان كل الحل اللي هو وجده .
كلام غريب برضه !! الله ينسى ان الله هو الذي يجب أن يصدر الحكم ؟؟ ..
عندق حق كلام غريب مينفعش نلزق سبب الحروب فى الإسلام و انا معاك فى كلامك و لم انقده!
اقتباس:
عموما الإسلام لا يقول أن أي كافر يستحق القتل من المسلمين .. و أظن كلامك ده له علاقة بالمواقع المسيحية اللي بتدخليها ، واللي هي مش فالحة غير في الكذب على الإسلام وفقط
لا يا استاذ اسد هادى طن حضرتك مش فى محله !!
انا اولا أنا مدخلتش غير منتدى واحد مسيحى و إشتركت فيه يوم 17.08.2011
و لم يوجه احد كلام سيىء على الإسلام ولا المسلمين.
و غير كدا حضرتك ليه بتعتبر دفاعهم عن دينهم بإنه كذب على الإسلام...
اكيد طبعا بما إن حضرتك موئمن و مقتنع بدينك هتفكر كدا.. و ده بردو هيكون تفكرهم فى المنتديات الإسلاميه!! كل واحد فى الارض دى مقتنع بحاجه شايف إن هى دى الصح و لو احد حاول ينقده او يختلف معه فى الرائى اصبح عدو و مدعى و كاذب..بكدا كلنا بالنسبه لبعض مدعين و كذبه!! و كل دين عنده ادلته و إسباتاته و إقناعاته. ليه المسلمين الشيعه شيفين إن هما إلى صح و الباقى غلط!!
مين صح و مين غلط!! يا الله انت العليم بكل شىء و القادر على كل شىء..
اقتباس:
و ليس المحرم فقط القتل بل مجرد الظلم أو الإيذاء
نعم انا معاك و ما اكثر الايات اللتى تحث على هذا ..بس لا تنكر إن فى ايات تحث على العكس.. او قد يفهما الناس غلط..امال ليه هناك خلط بين تحديد إن كان ناس إرهابيين او ينفزو امر الله!!
مثال :استاذ إبن لادن: للبعض هو شهيد و نفز اوامر ربه فى الجهاد..و للبعض هو فهم دينه خطاء و اساء للإسلام.. مين صح و مين غلط..ولا الموضوع على حسب هو بص على انهى أيه مدنيه او مكيه..بس على ايه و لم يبص على الايه إلى فى صوره تانيا إلى بتنفى هذا الحكم!!
اقتباس:
إنما للاسف المواقع المسيحية وظيفتها في الحياة الكذب على الإسلام ..
[COLOR="green"]للأسف حضرتك إتهمت و اصدرت قرار خطاء..
لا تدينو لكى لا تدانو لإن بنفس الدينونه اللتى بها تدينون تدانون.[/COLOR]
انا حاولت ارد حسب طلب حضرتك.. اشكرك و احترم كلامك و رأيك اى ان كان و اعلم إنك تستند على كلام دينك ..فأنا يجب ان احترمه و اتفهمه.و اسفا لو فى اى كلامى غصب عنى ممكن يكون شىء إستفزك لاكن صدقنى بدون قصد..صدقنى انا بحاول احكم عقلى و ابعد إمانى..بحاول قدر الإمكان..بس حضرتك صعب اوى ..اوى بجد!
الله الموفق إن شاء الله
و أن شاء الله تكون صحتك افضل النهرده.