اى طالب جامعة يدخل هنا

السلام عليكم ورحمة الله وبركاته
انا كنت عايز من الادارة تعمل منتدى يكون لطلاب الجامعات يناقشو فيه كل الامور المتعلقة بالجامعة .علشان يبقى المنتدى شامل لكل حاجة فاختى فى الله فداء الرسول قالتلى ان الكلام ده يبقى لمنتدى متخصص وممكن اعمل موضوع احسن
فانا فى اسنان فى جامعة مصر للعلوم والتكنولوجيا
لو حد عنده اى سؤال عن الجامعات الخاص طريقة التقديم -المصاريف -طريقة الدراسة -ايه احسن جامعة فيهم -اى سؤال انا ان شاء الله اجاوبه
ولو حد عنده اى سؤال عن طب الاسنان برضه انا ان شاء الله هاجاوبه
وياريت برضه اللى فى اى كلية تانية يتفاعل مع الموضوع علشان نساعد اى حد عايز مساعدة

انا في كلية تجارة جامعة بنها

بسم الله الرحمن الرحيم
اهلا بيك يا اخى egyptian sad ثانيا انا كنت فاكر ان فيه ناس من الجامعة كتير على المنتدى .انا بقول بدل ماندخل منتديات تانية نتجمع هنا

اقتباس:

---

انا في كلية تجارة جامعة بنها

---

وانا كمان في كليه تجاره انجلش جامعه بنها .. حضرتك في اي فرقه

على فكره .. الموضوع جميل جدا .. وممكن نلم نفسينا هنا ونتناقش في قضايا الجامعه ..

بس طبعا ممنوع دخول الانسات .. لان الاختلاط حرام ..

نشوف موافقه الاداره بس .. طبعا المنتدى ده بجد يعني ليه فضل عليا كبير اوي بسم الله ماشاء الله امانه واحترام

السلام عليكم ورحمة الله وبركاته

جزاك الله خير أخي الكريم

أنا طالبة في كلية العلوم تخصص اشعاع

أي مساعدة في فيزياء ومشتاقتها والكيمياء والمشتقاتها جاهزة باذن الله

ليه ممنوع دخول الانسات يا اخى مسلم للابد عادى دى مش خلوة دا نت مفتوح للعالم كله

اقتباس:

---

ليه ممنوع دخول الانسات يا اخى مسلم للابد عادى دى مش خلوة دا نت مفتوح للعالم كله

---

جزاكم الله خيرا .. انا لا اريد ان يتحول الموضوع لشات وهزار كما هو في المنتديات الاخرى .. لا اقصد سوى الخير

وجزاكم الله خيرا .. ####

وجزاكم الله كل خير

السلام عليكم

اقتباس:

---

المشاركة الأصلية كتبت بواسطة moslem_4_ever

جزاكم الله خيرا .. انا لا اريد ان يتحول الموضوع لشات وهزار كما هو في المنتديات الاخرى .. لا اقصد سوى الخير

وجزاكم الله خيرا .. ####
وجزاكم الله كل خير

السلام عليكم

---

جزاك الله خيرا اخى ان شاء الله الموضوع مش هايبقى هزار ولا حاجة وانا اسف لو اسلوبى فى الكلام كان وحش او حاجة مش قصدى حاجة والله ####

الفرقة التالتة عربي

السلام عليكم ورحمة الله وبركاته

موضوع مميز واريد الاشتراك معكم ايضا وانا طالب في كلية حقوق طنطا

جزاكم الله خيرا ونفع بكم الاسلام والمسلمين

اقتباس:

---

موضوع مميز واريد الاشتراك معكم ايضا وانا طالب في كلية حقوق طنطا

---

اهلا وسهلا بكم اخي الكريم ..

جامعه طنطا من الجامعات المميزه وسمعت كلام حلو جدا عنها ..

اهلا وسهلا بك اخي الكريم ..

اقتباس:

---

المشاركة الأصلية كتبت بواسطة سيف الحتف

السلام عليكم ورحمة الله وبركاته

موضوع مميز واريد الاشتراك معكم ايضا وانا طالب في كلية حقوق طنطا

جزاكم الله خيرا ونفع بكم الاسلام والمسلمين

---

اهلا وسهلا بيك انت مشارك بالفعل

بسم الله الرحمن الرحيم
يا جماعة مفيش ولا واحد فى المنتدى فى طب اسنان . انا عايز افيد والله لعل وعسى المساعدة دى هيا اللى تنجحنا .

أتمنى ان يرقى الموضوع لحوار جاد بين طلاب الجامعات

ليت ..

اقتباس:

---

المشاركة الأصلية كتبت بواسطة zfazaza

السلام عليكم ورحمة الله وبركاته
انا كنت عايز من الادارة تعمل منتدى يكون لطلاب الجامعات يناقشو فيه كل الامور المتعلقة بالجامعة
لو حد عنده اى سؤال عن الجامعات الخاص طريقة التقديم -المصاريف -طريقة الدراسة -ايه احسن جامعة فيهم -اى سؤال انا ان شاء الله اجاوبه
ولو حد عنده اى سؤال عن طب الاسنان برضه انا ان شاء الله هاجاوبه
وياريت برضه اللى فى اى كلية تانية يتفاعل مع الموضوع علشان نساعد اى حد عايز مساعدة

---

حتى الآن لم أر شيئا من هذا !!!!
وأخشى أن ينقلب الموضوع إلى مجرد (شات) و (تعارف) و (دردشة) بين الطلبة

فالمفروض أن هذا الموضوع هدفه :
1- مساعدات فى مواد الدراسة والأسئلة الصعبة
2- مساعدات فى التعريف بأقسام الجامعات ومناهجها ونوعية الدراسة فيها
3- مساعدة الطلبة بعضهم البعض بالشرح والتعليم وتبادل أسماء المراجع العلمية

لأن هدف المنتدى بالأساس هو كل علم دينى ودنيوى نافع للمسلمين
أما التحيات والسلامات فممكن ان تكون فى موضوع التعارف المثبت بالقسم العام

عذرا لصراحتى معكم فأنا لا أريد أن يخرج الموضوع عن إطاره المحدد
شـكــ وبارك الله فيكم ـــرا لك ... لكم مني أجمل تحية

اقتباس:

---

المشاركة الأصلية كتبت بواسطة فكرى

حتى الآن لم أر شيئا من هذا !!!!
وأخشى أن ينقلب الموضوع إلى مجرد (شات) و (تعارف) و (دردشة) بين الطلبة

فالمفروض أن هذا الموضوع هدفه :
1- مساعدات فى مواد الدراسة والأسئلة الصعبة
2- مساعدات فى التعريف بأقسام الجامعات ومناهجها ونوعية الدراسة فيها
3- مساعدة الطلبة بعضهم البعض بالشرح والتعليم وتبادل أسماء المراجع العلمية

لأن هدف المنتدى بالأساس هو كل علم دينى ودنيوى نافع للمسلمين
أما التحيات والسلامات فممكن ان تكون فى موضوع التعارف المثبت بالقسم العام

عذرا لصراحتى معكم فأنا لا أريد أن يخرج الموضوع عن إطاره المحدد
شـكــ وبارك الله فيكم ـــرا لك ... لكم مني أجمل تحية

---

جزاك الله خيرا اخى الكريم وجزى اختى فى الله فداء الرسول على حرصكم على الوقت وعلى المنتدى الفاضل
وانا والله فتحت الموضوع دا للافادة من باب التعاون على البر وانا منتظر اى سؤال بخصوص الدراسة او نظام الجامعات ولست من هواه تضييع الوقت وجزاكم الله خيرا

بسم الله الرحمن الرحيم
يبدو ان لا احد يريد التفاعل معى فى هذا الموضوع مع انى على استعداد تام لاضاعة جزء من وقتى والمساعدة لوجه الله لكن مش مهم انا ساشرح لكم نظام جامعتى جامعة مصر للعلوم والتكنولوجيا كل ما يتعلق بيها لعل وعسى اى انسان يستفيد ويدعولى .

جامعة مصر للعلوم والتكنولوجيا موجودة فى محافظة 6 اكتوبر بالحى المتميز.
جامعة مصر ارخص جامعة خاصة موجودة فى مصر واقرب الجامعات الخاصة للجامعات الحكومية من ناحية الاهتمام بالتعليم (مش قصدى اعيب فى جامعات تانية ) بمعنى ان نفس الاساتذة اللى بيدرسوا فى جامعات القاهرة وعين شمس والازهر بيدرسوا فى جامعة مصر وليس الاساتذة العاديين بل فى اغلب الاحيان رؤساء اقسام .ولا يوجد نظام تسهيل المادة العلمية او حذف اجزاء من المنهج او مثل هذه الاشياء عندنا فى الجامعة.
توجد كليات عديدة فى جامعة مصر اشهرها :الطب البشرى-طب الاسنان-الصيدلة-العلاج الطبيعى-العلوم التطبيقية-التكنولوجيا الحيوية-اللغات والترجمة-تجارة لغات انجليزى وفرنساوى-ادارة اعمال.

من اهم مميزات الجامعة الامكانيات المتوفرة نظرا لانها جامعة خاصة طبعا .معامل مجهزة تجهيز عالى -قاعات المحاضرات مكيفة ....... الى اخر هذه الامور .

ميزة اخرى نظام التيرم بنظام الساعات اى ان كل مادة تعادل عددا من الساعات (1او 2او 3او 4 او 5 او 6) ولك فى كل تيرم عدد محدد من الساعات (18 الى 22 ساعة)على حسب الكلية فلو لاقدر الله رسبت فى احد المواد فانها لاتؤثر على باقى المواد بل يحتسب فقط عدد الساعات المرسوب فيها وتدفع ثمن هذه الساعات فقط مع العلم انه يمكنك اسقاط هذه المادة اذا تبين لك بعد امتحان الميدتيرم ان الدرجة سيئة وبذلك تعتبر كانك لم تأخذ هذه المادة اصلا ولا تؤثر على تقديرك .ولنظام التيرم هذا مميزات عديدة
(اجبار الطالب على المذاكرة باستمرار-التفاعل المباشر بين الطالب والدكتور والمعيد باستمرار-لا تعتمد درجة المادة على امتحان واحد فى اخر العام-مميزات اخرى ).


ميزة اخرى من مميزات الجامعة نظام الامتحانات : نظام الامتحانات فى جامعة مصر مختلف بمعنى ان الامتحانات طول التيرم الدراسى بمعنى ان الامتحانات تبدأ من ثالث اسبوع (لو فرضنا ان مادة من مئة درجة فى طب اسنان مثلا سيكون التوزيع كالاتى :10 كويز ثالث اسبوع- 20 عملى ميدتيرم خامس اسبوع- 20 نظرى كويز سادس اسبوع- 10 كويز بعد نظرى الميدتيرم باسبوعين -20 عملى فاينال بعدها باسبوعين -20 فاينال بعدها باسبوعين) قد يختلف توزيع الدرجات عن هذا قليلا ولكنه مقارب لهذا التوزيع .

بالنسبة للسكن احياء اكتوبر وعددها 12 متفاوتة فى الرقى وبالتالى الاجور لو كنت ممن يحبون المستوى الراقى امامك الحى الاول والسابع والثانى والاجور فيها تتراوح بين (800 و 1600 تقريبا) وطبعا هناك ما هو افخم من هذا بكثير .اما لو كنت من هواة العيش البسيط يعنى امامك الحى السادس الاجور تتراوح بين (400 لشقق غير مفروشة و 450 و600 و 750 لشقق مفروشة )
طبعا الخدمات متوفرة اكثر فى الحى السادس من كل الاحياء الاخرى .الاحياء التى لم اذكرها هى وسط بمعنى ان الاحياء تتدرج من الاعلى للاقل فى الرقى من الاول للسادس ومن السابع لل12 .

كلية الطب 33 ألف جنيه بزيادة 3 آلاف جنيه عن العام الماضى (بشرطألا يقل الحد الأدنى عن 96%) الصيدلة 20 ألف جنيه (بشرط ألا يقل المجموع عن 94%).

وهذه مصروفات الجامعة
طب الأسنان 20 ألف جنيه (بشرط ألا يقل المجموع عن 94%).
الهندسة 16 ألف جنيه (بشرط ألا يقل المجموع عن 90%).
العلاج الطبيعى 12 ألف جنيه (بشرط ألا يقل المجموع عن 90%).
الإعلام 10 آلاف جنيه.
إدارة الأعمال 10 آلاف جنيه.
وتكنولوجيا المعلومات والتكنولوجيا الحيوية 10 آلاف جنيه.
اللغات 8 آلاف جنيه.
التمريض 6 آلاف و700 جنيه.
الألسن 6 آلاف و700 جنيه.
الآثار 6 آلاف و700 جنيه.هذه المصروفات للمصريين بالنسبة لغير المصريين المصروفات بالدولار واكثر من هذه المصروفات .
وتحصل جامعة مصر للعلوم والتكنولوجيا على مصروفات إضافية مثل تأمين المعامل والمكتبات ومصروفات إدارية 700 جنيه كل عام وكذلك 50 جنيها لتحليل الإيدز للطلبة الوافدين.

ارجو انى اكون افدت اى اخ او اخت ولو فى اى استفسار انا موجود وان شاء الله ابقى اعمل موضوع شامل عن طب الاسنان لو الوقت سمح ولو حد عنده استفسار عن جامعة اخرى انا موجود وان شاء الله اقدر اساعده

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اما بعد ..

اخوتي في الله .. بما انكم تريدون المساعده .. فانا اقترح ان اي احد عنده حاجه قادر يساعد بيها في المواد الدراسيه مهما كان التخصص يحطها هنا ..

وانا هبدا ..

CMA PARTS 1 ,2,3,4

شهادة الــــ cma

certified public accountant

لتحميل المواد يرجى الضغط على الرابط التالي ..
http://www.mediafire.com/?shr54r9pw88waac

وانا على استعداد تام لكي اساعدكم في ماده المحاسبه الماليه وغيرها ..

وجزاكم الله كل خير

جزاكم الله خيراً

تنبيه :

للضرورة ننبه الأخوة والأخوات إلى عدم ذكر أو الإشارة إلى بيانات شخصية

اقتباس:

---

للضرورة ننبه الأخوة والأخوات إلى عدم ذكر أو الإشارة إلى بيانات شخصية

---

سمعا وطاعه اخي الحبيب ..