مسرحية [ لن أعيش فى جلباب بولس] رداً على مسرحية [ كنت أعمى وأبصرت]

مرور
للمتابعة

السلام عليكم ورحمة الله وبركاته

جزاكي الله خيرا

حقا عمل رائع فيه من الفوائد الكثير

و أكثر ما أعجبني عرضك للشبهة و الرد عليها بأسلوب ممتع و بيان بعض عقائد و طرق هؤلاء الضلال

السلام عليكم ورحمة الله وبركاته
شكراً لك اخي الكريم على هذا المقال
عاوزين التكمله
ههههههههههههههههههههههههههههههههه
السلام عليكم ورحمة الله وبركاته

بسم الله الرحمن الرحيم
*******************
شكراً يا عمر عمر 50

يعنى معنى كده إنك مقتنعة بالإسلام .وهنسمع أخبار كويسة عن قريب إنشاء الله ؟؟

وعلى فكرة أحب أنبهك إن تشجيعك لمسرحية بتعرض تحريف العقيدة النصرانية معناه إنك كفرت بالنصرانية1!!!

إيه رأيك؟؟

السلام عليكم ورحمة الله
الأخت ريحانة

ما أدري ما هو سبب البلبلة التي حدثت حولي
و أسأل الله أن يزيل سوء الفهم بيننا

طبعا أن كافر بالنصرانية لأنها عقيدة محرفة لا تزن جناح بعوضة

الحمد لله أنا مسلم أبا عن جد

يا إخوان أقسم بالله مسلم

أشهد أن لا إله إلا الله و أن محمدا رسول الله -صلى الله عليه وسلم-


يا إخوان إن أقذر تهمة واجهتها في حياتي هي اعتقادكم أنني نصراني فأي تهمة قد أقبلها إلا هذه

و أنا في إنتظار بقية المسرحية
والسلام عليكم ورحمة الله

بسم الله الرحمن الرحيم
***********************
أنا أسفة جداً أخى الفاضل ...أنا إعتقدتك نادية المصرى لأنها دخلت بإسمك فى موضوع آخر
وتقبل إعتذارى على هذا الخطأ غير المقصود....

معذرة يا أخ عمر
ولكن الذى حدث ان أحد النصرانيات التافهة قد سجلت بنفس إسمك ولكن بحروف" كبتل "
وهذا سبب الإلتباس ولكن تم التوضيح

وجزاكم الله خيرا

السلام عليكم و رحمة الله و بركاته
الأخت الريحانة
الأخوة الأفاضل
إنني واثق أن ما حدث كان لظروف

و أشهد الله أنني لم أتضايق منكم لأنكم إخوتي
و لكني خشيت أن تطردوني من المنتدى بسبب تلك الفتاة التي كرهتها دون أن أعرف عنها شيء

و أخسر الكثير

أسألكم الدعاء
والسلام عليكم

السلام عليكم ورحمة الله وبركاته
متابع

اين بقيه المسرحيه ؟ فى الانتظار

اختنا الكريمة
اين باقي المسرحية نحن في انتظارها

بسم الله الرحمن الرحيم
**********************
تكملة المشهد الثانى
*********************
[ويبقى ميشيل مع مينا فى مكتب القس فيليب]

مينا:- شوف يا سيدى أنا كنت...

ميشيل [ مقاطعاً] :-متتعبش نفسك يا مينا مافيش فايدة من إللى هتقوله وإللى عاوزين يعملوه ..يعملوه

مينا:- إنت هتخسر إيه لما أحكيلك عن تجربتى وإلا إنت خايف تعرف عن الإسلام حاجات ماكنتش تعرفها فتتصدم وتغير رأيك

ميشيل:- مشكلتك يا مينا إنك زيك زى بقية النصارى ,,وزى ما كنت أنا قبل ما ربنى يهدينى للإسلام ..مجرد تابع بيردد إللى بيقولوه لينا فى الكنائس وإللى ربونا عليه وإحنا صغيرين .لحد.ما كبرنا وإحنا بنكره الإسلام والمسلمين ونكره نفتح عنينا وودانا عشان نشوف ونسمع الحقيقة إللى غيبوها عنا وشوهوها لينا وإحنا فاكرين إننا على الحق والمسلمين على الباطل بسبب كلام حشوا بيه دماغنا وأخدناه من غير ما نتأكد منه ومن صدقه أو من كذبه....أنا بقى يا مينا ربنا هدانى وعرفت كذب كل الكلام ده وإتأكدت بنفسى ..يبقى إيه إللى هتقوله جديد عن الإسلام؟؟

مينا:- كذب إيه ياميشيل إللى بتقول عليه ....كل إللى قالوه لينا فى الكنائس عن الإسلام صحيح ....وأنا تجربتى مع الجماعة إللى كنت فيها خلتنى أقول [ده أنا كنت أعمى وأبصرت]

ميشيل:- صحيح إيه حكاية الجماعة دى??

مينا:- دى جماعة من جماعات المسلمين إللى طالعة اليومين دول ..إللى بيكفروا الناس وبيستحلوا أموالهم وبيفجروا قنابل فى السياح وفى محلات النصارى ..شفت العجب معاهم ....شفت إزاى الإسلام كله عنف وسفك للدماء وإذلال للمرأة ..بصراحة يا ميشيل أنا مستعجب على واحد متعلم زيك يدخل دين فيه جواز متعة وإستباحة للدماء ويسيب دين كله سماحة ومحبة زى دينا

ميشيل [ينظر طويلاً للأرض ثم يرفع رأسه] :- قوللى يامينا سمعت عن الكاهن إللى طردته الكنيسة بسبب ممارسته للأعمال المنافية للأداب وإللى كتبت عنه الجرايد؟؟

مينا:أيوه بس إيه علاقة ده بموضوعنا!!

ميشيل:- طب سمعت عن الممارسات إللى حصلت من القساوسة وإعتدائهم على الراهبات والأطفال فى الفاتيكان؟؟

مينا:- أيوه سمعت .........آآآه إنت قصدك إن دول عشان رجال دين وعملوا الحاجات دى تبقى النصرانية بتشجع الزنا والشذوذ

ميشيل:- أيوه بالظبط.

مينا:- إزاى تقول كده ..إنت كنت مسيحى قبل كده وتعرف إن الحاجات دى محرمة وكل اللى عملوا كده الكنيسة تبرأت منهم وطردتهم لأنهم نقطة سودة فى الثوب الأبيض وحالات شاذة لا تمثل إلا نفسها ولا تمثل الكنيسة ولا المسيحية

ميشيل:- طيب يامينا كلام جميل..لما رجال الدين إللى عايشين ليل نهار بيقروا الكتاب المقدس وإللى بيصلوا ويصوموا والناس بتيجى تسألهم عن أمور الدين وتتبرك بيهم ويعترفوا بذنوبهم ليهم يعملوا الحاجات دى كلها ,ومع ذلك قلت دلوقت إنهم لا يمثلوا المسيحية ولا بيمثلوا الكنيسة ..يبقى ليه أخدت الإسلام وحكمت عليه وعلى تعاليمه من جماعة متطرفة لا تمثل الإسلام ولا ماشية على تعاليمه بل بالعكس كل إللى بيعملوه الإسلام ما أمرش بيه ولا الرسول عليه الصلاة والسلام قال بيه

مينا:- بس دول كانوا مسلمين ..يعنى عارفين دينهم كويس

ميشيل:- طيب يا مينا ماهو القساوسة إللى عملوا الحاجات دى برضه كانوا عارفين دينهم كويس

مينا:- قصدك يعنى إن الإسلام حاجة تانية غير إللى شفتها مع الجماعة دى؟؟

ميشيل:- طبعا يا مينا ....وأنا زى ما قلت لخالى .انا أخدت الإسلام من القرآن ومن سيرة الرسول عليه الصلاة والسلام ..مش من المسلمين ..لأن حالة المسلمين بعد ما حكموا بغير الإسلام أصبحت شئ تانى غير الإسلام الحقيقى .ولما حبيت أسأل سألت أهل الذكر العلماء الثقات .....أما أحب أعرف عن الإسلام أسأل أهل العلم مش أى واحد ماشى فى الشارع أو مش أشوف واحد مسلم بيسرق أقوم أسأله عن تعاليم الإسلام

مينا صامت

ميشيل:- شوف يا مينا....

مينا مقاطعاً: أوعى تقولى عاوز أدعوك للإسلام ..لأ إنسى الموضوع ده خالص أنا لا يمكن أفكر مجرد تفكير فى الإسلام

ميشيل:- كونى أدعوك للإسلام ده واجب عليا عشان أبرأ ذمتى منك يوم القيامة ..لكن أنا هاقولك حاجة تانية لأنى جايز أترحل النهارده وأعيش فى ديروادى النطرون طول حياتى ومنتقابلش تانى إلا عند العرض عليه سبحانه وتعالى

مينا:- عايز تقول إيه؟؟

ميشيل:0عاوز أقولك تبحر وتعمق فى دراسة الكتاب المقدس وإقرا فيه أكتر وأكتر ..بس إقرأ بعقلك مش بعنيك ..وتأكد إنك لو قرأت بعقلك ..إنت إللى هتروح للإسلام بنفسك ومن غير ما حد يقولك أو يدعوك للإسلام

مينا:- يعنى إيه بعقلى وعنيا دى؟؟

ميشيل:- أيوه يا مينا لو كل النصارى قرأوا كتابهم المقدس بعقلهم مش بعنيهم كانوا وصلوا للحقيقة

مينا:- مش فاهم

ميشيل:-لو قرأت بعقلك هتشوف التحريف والتبديل الواضح الظاهر فى نصوص الكتاب المقدس ..يعنى مثلاً كل النصارى قرأوا النص ده بعنيهم بس

سفر التثنية [ 18 : 20] :
(( وأما النبي الذي يطغي فيتكلم باسمي كلاما لم أوصه أن يتكلم به أو الذي يتكلم باسم آلهة أخرى فيموت ذلك النبي. ))
لكن لو كانوا قرأوه بعقلهم كانوا إكتشفوا تحقق النبؤة دى فى ربهم يسوع وفى بطرس وفى بولس ..يبقى ده معناه إيه؟؟

وكمان كلهم قرأوه بعنيهم النص إللى بيقول إن[ الذبيح كان إسحق وهو إبن إبراهيم الوحيد ] ..لكن لو قرأوه بعقلهم كانوا إكتشفوا إن فيه إيد عايزه قطعها شالت إسم إسماعيل الإبن البكر إللى فضل وحيد لحد ما ولد إسحاق وحطت إسم إسحق إللى عمره ما كان وحيد أبداً

مينا:- عاوز يعنى تقول زى المسلمين إن الكتاب المقدس محرف ..لأ مش محرف أبداً

ميشيل:- يا مينا ..المثالين إللى جبتهم دلوقت مقنعين ولا لأ..النبؤة دى مش موجودة فى العهد القديم وتحققت فى المسيح وبطرس وبولس ولا لأ ...إسماعيل إبن السيدة هاجر مش هوا الإبن إللى يتناسب معاه كلمة وحيد ولا لأ ..جاوبنى

مينا :- أيوه ..بس

ميشيل:- بس إيه يا مينا ...إنت بتجادل ليه وفى إيه؟؟ يا مينا إما إنك تكون على الحق أو تكون على الباطل ,,والحكاية ما تحتملش مجادلة ..لأن النتيجة هتكون يا إما نار مخلد فيها أبداً ..يإما جنة ونعيم للأبد ..صدقنى يامينا الجدال فى شئ إقتنع بيه عقلك وحق ممكن تخسر بيه أخرتك وإنت هتنزل القبر لوحدك لا هيكون معاك البابا ولا القس فيليب ولا معاك حد خالص ولا دول هينفعوك بحاجة لأنهم هيكونوا مشغولين بنفسهم وربنا هيسألك عن حاجات كانت قدام عنيك وكانت واضحة وإقتنعت بيها ومع ذلك جادلت عشان التعصب لدين الآباء والأجداد

فى سبيل إيه الجدال ده كله.. إيه الفايدة إللى هتجنيها من ورا الجدال إنك تحمى وتدافع عن شوية يهود محرفين عاصيين لله إشتروا بآيات الله ثمن قليل وزوروا وبدلوا فى شرائع ربنا عشان بيحبوا الدنيا وعايزين يخلدوا فيها

مينا:يعنى معنى كده إن مافيش حاجة إسمها كتاب مقدس؟؟

ميشيل:- لأ يا مينا كان فيه إنجيل وتوراة ..لكن نزلت على بشر العند والعصيان والجحود فى دمهم لا عاوزين يلتزموا بتشريع ولا عاوزين يسمعوا كلام نبى ولا رسول ..ومع ذلك ربنا ما سابهمش ..أنزل ليهم الأنبياء والرسل عشان يصلحوا إللى أفسدوه ويحافظوا على كتب وشرائع ربنا إللى بدلوها وحرفوها لحد ما نزل المسيح ودعاهم لعبادة الله وللحكم بشرع الله ..لكن الكبر والتجبر خلاهم يتأمروا عليه ويحاولوا يقتلوه لكن ربنا نجاه ...عشان كده خاتم الأنبياء إللى كانوا فاكرين إنه هيخرج من عندهم ربنا أخرجه من بنى العرب من نسل إسماعيل لأنهم مايستهلوش نعمة خروج النبى الخاتم من عندهم بعد إللى عملوه فى الأنبياء والرسل..

مينا :-طيب معناه إيه إن المسيح قال كرزوا بهذا الإنجيل فى العالم؟؟

ميشيل:- كويس يا مينا المسيح لما قال كرزوا بهذا الإنجيل مش ده معناه إن الإنجيل كان موجود ونزل عليه............... فين الإنجيل ده؟؟

مينا:- لأ ممكن العبارة يكون معناها إنجيل هينزل بعده وهوا إللى نزل وأوحى بيه الروح القدس للتلاميذ

ميشيل:- طيب يا مينا خالينى معاك لو كان المسيح قال كده وإن بالفعل الإنجيل ماكنش موجود وهينزل على التلاميذ بعده ..مش كان على الأقل واحد سأله هو فين الإنجيل ده يا معلمنا ...فكان يرد عليه إنه هينزل بعد ما يرفع للسماء على التلاميذ

مينا:- ما يمكن ...

ميشيل:- يمكن إيه يا مينا أوعى تقفل عقلك وتستسلم للجدال والتعصب ..المسيح قال هذا الإنجيل ..يعنى واحد ..تعرف لقيوا كام إنجيل حوالى 100 يبقى المسيح كان يقصد أى واحد فيهم.....وبعدين يا مينا المسيح قال[ ما جئت لأنقض بل لأكمل] ..يقوم يقول كرزوا بالإنجيل إللى بيقول كده فى العالم والروح القدس يوحى للتلاميذ بكده ...وبعدين بعد ما يرفع للسماء يبعت واحد إسمه بولس يقول عكس الكلام إللى هوا بنفسه قالهم كرزوا بيه ويقوله [ أنقض الناموس وما تعملش بيه] ده كلام برضه يا مينا

مينا:- إنت بصراحة لخبطلى دماغى ..

ميشيل:- لا يا مينا إللى إنت بتقراه وبتاخدوا على علاته وعلى أكاذيبه هو إللى لخبطلك دماغك .إقرا يا مينا بعقلك إقرا هتلاقى حاجات تانية كتيرة .....إقرا عن أن المسيح مش هو الله من كلامه شخصياً ومن كلام تلاميذه
وإن مافيش أى إشارة من قريب أو بعيد للثالوث ..وده برضه من كلام المسيح وتلاميذه
وإن مافيش إشارة للفداء وللخطيئة الأولى إللى بيقولوا عليها ..بالعكس ده فيه أدلة إن كل إنسان مسئول عن أخطائه وغيره مش مسئول عنها
ده غير وصفهم للمسيح ابن مريم بانه ابن زنى ومن نسل زنى ..وإبن الزنى ما يدخلش فى جماعة الرب
وإقرأ عن النبؤات الكاذبة إللى قالها يسوع وماتحققتش
إقرأ عن وصف الله إللى لا يليق بيه فى الكتاب المقدس
إقرأ عن وصف الأنبياء بأنهم زناة ولصوص وعبدة أصنام
إقرأ عن أوصاف بولس إللى لا تنطبق إلا على مدعى نبوة كاذب
إقرأ التناقضات الواضحة إللى تدلك على الأيادى إللى لعبت فى كتاب الله وغيرته
وإقرأ البشارات إللى لا تنطبق إلا على رسولنا محمد :salla:
مينا:- طب إنت إيه إللى مخليك مطمن قوى إن محمد نبى ورسول مش من المسحاء الكذبة إللى قال عليهم المسيح وإن القرآن كتاب حق ؟؟

ميشيل:- شوف يا مينا الأدلة كتيرة جداً... أنا عاوزك تروح مكتبة إسلامية وتجيب كتب عن سيرته وحياته وأخلاقة ومعجزاته وتجيب كتب عن القرآن وعلومه وبلاغته والإعجاز العلمى إللى فيه

يا مينا بص حواليك شوف إنتشار الإسلام فى العالم برغم ضعف المسلمين والتشويه إللى بيحاولوا يعملوه أعداء الإسلام فيه وتشويه بعض المسلمين للدين الإسلامى بسبب جهلهم وتطرفهم فى فهم تعاليمه ..إنت عارف إن فيه مجلة يهودية قالت إن قارة أوروبا قبل نهاية القرن ده هتكون قارة مسلمة بسبب إنتشار الإسلام فيها

مينا:- يمكن الأوربيين بيسلموا عشان إن كل واحد هيبقالوا 4 زوجات مش زوجة واحدة

ميشيل يضحك:- الأوربيين هيدخلوا الإسلام يا مينا بسبب تعدد الزوجات ..هما ناقصين حرية وإنفتاح عشان إللى يشدهم فى الإسلام بس مسألة تعدد الزوجات ..يا مينا ده كلام يخش العقل .....اوروبا قارة علمانية ماشية بنظام فصل الدين عن الحياة وعندهم الإباحية والحرية الجنسية مفتوحة لدرجة إنهم إبتدوا يجوزوا الشواذ لبعض ,,لما يجى الإسلام ويقولهم إن التعدد مباح بشرط العدل وإن الزوجة لها حقوق ويحملهم مسئولية زوجة وأولاد ورعاية لبيت الزوجية ويحرم عليهم الزنا والشذوذ ويأمرهم بغض البصر وحفظ الفروج وإن الرجل لا يلمس إمرأة لا تحل له ويأمر المرأة إنها تتحجب وتغض بصرها ولا تخضع بالقول ...يبقى إيه إللى يخليهم يسيبوا الحرية والعلاقات المفتوحة بدون رابط ويدخلوا فى الإسلام إللى بيقيد وبيحدد العلاقات دى فى إطار محدد ؟؟؟..مش عشان إبتدوا يعانوا من نتائج الحرية والعلاقات الشاذة ولقيوا الإسلام هوا إللى فيه الحماية من ده

ده مش بس كده ده العالم إللى كان بيؤاخذ الإسلام على حاجات فيه إبتدى دلوقت يعملها

مينا:- زى إيه؟؟

ميشيل:- زى الرضاعة الطبيعية ,,والطلاق إللى كانوا بيتفاخروا إن المسيحية مافيهاش طلاق بقوا دلوقت بيشرعوه ,,ده غير الختان إللى إبتدوا يعرفوا فوايده ,,الإيدز إللى إنتشر عنهم والأمراض الجنسية إبتدوا يعرفوا طريق العفة إللى أمر بيها الإسلام ..ده غير نظام البنوك إللى لقيوا إن القضاء على التضخم يكون عن طريق إنهم يخلوا الفايدة = صفر ..يعنى بلا ربا

مينا:- طب يا ميشيل ليه ما يكونش رسول المسلمين إللى الف القرآن وألف ده كله؟؟

ميشيل:- الرسول عليه الصلاة والسلام هيألف القرآن إزاى يا مينا إذا كان لا يقرأ ولا يكتب ..وحتى لو إفترضنا إنه كان متعلم برضه لا يمكن يألفه لأنه فيه بلاغة وإعجاز لا يمكن إنسان مهما وصل علمه إنه يوصله .

الإعجاز فى القرآن يا مينا شئ معروف والمؤتمرات العالمية إللى بتعقد للبحث فى إعجاز القرآن وبيحضرها علماء فى
كل المجالات لما بيشوفوا إزاى إن حقائق علمية إتكلم عنها القرآن من أكثر من 1400 ومع ذلك العلم ما قدرش يتوصلها إلا من سنوات بسيطة بيعلنوا إسلامهم من غير تكبر ولا مجادلة

دلوقت يا مينا بقى فيه علماء مسلمين متخصصين فى البحث عن الإعجاز القرآنى زى الشيخ الزندانى والدكتور زغلول النجار وبيحضروا ندوات ومؤتمرات عالمية عشان ينشروا ده على العالم ..بينشروه يا مينا وهما واثقين من غير خوف ولا تردد لأنهم عارفين إنهم على الحق ..........


عمرك يامينا شفت حاخام يهودى أو قس نصرانى مسك الكتاب المقدس
وراح بيه على مؤتمر عالمى وقال إن الكتاب المقدس فيه إعجاز علمى أو إتكلم عن حقيقة علمية ..طبعاً لأ .....وعلى العكس تماماً ده لو عرضوا إللى فى الكتاب المقدس هتبقى مهزلة وهيبان التحريف وهيبان إن فيه تخاريف علمية تتناقض مع إللى توصل ليه العلم ...

الكتاب المقدس يا مينا عمرهم ما يروحوا بالتعاليم إللى فيه لأى مؤتمرات سواء كانت مؤتمرات علمية أو مؤتمرات لحقوق الإنسان أو المرأة أو الحيوان حتى

مينا:- بس أنا باسمع عن شبهات على رسول المسلمين إنه شرب الخمر وأكل من الدبائح إللى كانت بتدبح للأصنام وغيره وغيره يبقى إزاى هوا نبى؟؟

ميشيل:- سمعت من مين يا مينا ؟؟مش من إللى عاوزين يشوهوا صورته وينقلوا للنصارى سيرته وحياته وكلها تزييف وأكاذيب ...كل شبهاتهم يا مينا إما ناقلينها من كتب ملهاش إسناد أو من أحاديث ضعيفة أو شبهات فهموها غلط عشان ما بيعرفوش فى اللغة العربية أو شبهات واخدين منها جزء و سايبين الباقى ...

عمرهم ما ينقلوا الحقيقة كاملة عشان يبقوا زى بولس بالظبط قدوتهم ومثلهم الأعلى ..يعنى فيه واحد من إللى بيجيبوا الشبهات دى حكى عن أخلاق الرسول عليه الصلاة والسلام ..هل واحد فيهم حكى عن إن الرسول كان بيربط حجر على بطنه من شدة الجوع أو إنه كان عايش على التمر والميه أوإن الملك والمال عرض عليه مقابل إنه يتنازل عن الرسالة ورفضهم ,, حد فيهم حكى عن عفوه عن أهل مكة إللى آذوه وخططوا لقتله ,,أو حتى حكى إزاى ينتصر فى غزوة بدر مع إن جيشه كان عدده بسيط ومش مجهز زى جيش الكفار عشان يعرف النصارى إنه كان مؤيد من السماء ,, أوإن زوجاته كانوا عايشين معاه عمره ما أهان زوجة فيهم أو ضربها أو إنه كان زى الريح المرسلة أو إنه كان إسمه الصادق الأمين قبل ما تنزل عليه الرسالة ...وغيره وغيره.... يامينا طبعاً عمرهم ما يقولوا الحقايق دى لأنهم عاوزين يكذبوا وعارفين إن النصارى هياخدوا كلامهم من غير ما يتأكدوا

مينا أنا عاوز أقولك حاجة أخيرة فيه إنسان إتحكت قصة حياته بالدقة إللى إتحكت سيرة الرسول بيها....كل حركة وكل فعل وكل قول إتحكى عنه وإتنقل عنه ..مافيش إنسان مهما كان عظيم إتنقلت حياته بهذا الشكل ..ليه ..لأنه خاتم المرسلين إللى هيكون قدوة لكل البشرية ليوم الدين

يا مينا الرسول عليه الصلاة والسلام هو الإنسان إللى حتى أعدائه إحتاروا فيه وفى شخصيته ..الكفار إللى كانوا عايشين معاه قالوا عليه ساحر وكاهن ومجنون وشاعر ...ليه عشان يهربوا من كلمة الحق إنه الرسول الخاتم
واللى جم من بعده قالوا عليه عبقرى وقائد سياسى ورجل حرب من الطراز الأول وقائد إقتصادى وعظيم من العظماء ..ليه برضه عشان يهربوا من كلمة الحق إنه الرسول الخاتم

مينا:- ما يمكن يكون فعلاً عبقريته هيا إللى خلته يألف القرآن ويألف دين الإسلام من أوله لأخره؟؟

ميشيل:- مافيش فايده ...مصمم تقفل عقلك عن كل إللى قولته ..إتفضل [ ويأخذ ورقة وقلم من على المكتب]

خذ يا مينا دى ورقة وقلم إنت إنسان متعلم عاوزك تألف [ ديانة جديدة ] ليها عقيدة وليها كتاب مقدس ويكون ليك أراء وأحاديث خاصة بيك ..بس بشرط الكتاب إللى هتألفه ما يكونش طريقته زى أى كتاب تانى فى الدنيا كلها لا فى أسلوبه ولا فى الألفاظ إللى هتختارها فيه ويكون كتاب فيه بلاغة وأعجاز ويتكلم عن حاجات منعرفهاش فى زماننا ده ويتكلم عن حقائق علمية هتحصل فى المستقبل...لو قدرت إنك تعمل كده ..يبقى ساعتها ممكن نصدق إن إنسان أمى وعاش فى زمن مكنش فيه العلم متقدم زى دلوقت يألف دين كامل شامل زى دين الإسلام ويتكلم عن حقائق فى الطب والفلك والجيولوجيا وعلم الأجنة وفى الفيزياء والكيمياء وعالم النبات والحيوان

يا مينا ..إنت جاتلك فرصة ممكن تيجى يوم القيامة تعض على إيديك من الندم والحسرة إنك إقتنعت وجادلت بعد ما عرفت الحق ..يا مينا الإسلام بينتشر بقدرة الله فى كل الدنيا ..حتى أبواب الكنايس ماقدرتش تصمد قدامه ودخل للقساوسة والرهبان جوه مكان عبادتهم ..إنت مش بتسمع عن القساوسة والرهبان والمنصرين إللى بيدخلوا الإسلام ...يعنى دول ناس عاشوا مع كتابهم المقدس ومع ذلك تركوه لأنهم حسوا إن القرآن هو كتاب السماء
يا مينا....

[يطرق الباب ويدخل القس فلوبرس وفيليب]

فيليب:- طبعاً أنا متأكد إن مافيش فايدة وإنك يا مينا معرفتش تعمل معاه حاجة

ميشيل:- الحمد لله إن ربنا مثبتنى على الإسلام

فيليب:- أنا كنت عارف كده ..على العموم كل شئ جاهز والعربية مستنياك تحت

ميشيل:- أمال فين خالى؟؟

فيليب:- خالك نزل وركب عربيته ..وقالنا لو منفعش معاه حاجة ..إعملوا معاه زى ما بتعملوا مع أى مسيحى يبيع دينه وكنيسته بالظبط ومتعملوش خاطر إنى خاله

ميشيل:- أنا ربنا معايا

فيليب:- أحب أعرفك إننا هنا خدناك بالهوادة واللين ..لكن فى وادى النطرون مش هتلاقى المعاملة زى هنا هتلاقى معاملة من نوع تانى

ميشيل:- أنا مافيش أى قوة تجبرنى على ترك الإسلام لأن إيمانى فى قلبى

فيليب:- إنت باين عليك طيب قوى ..إنت فاكر هناك هيسبوك دقيقة عشان تقرأ فيها قرآن أو تصلى أو تسبح ..هناك يا شاطر مش هتشوف راحة.... كل دقيقة هنرغمك فيها إنك تقرأ الكتاب المقدس وتحضر الصلوات وفى أوقات الفراغ هنخليك تربى خنازير ..لحد ما يجى اليوم إللى روحك النجسة تخرج ونعمل عليها قداس وساعتها تخرج من الدير وإنت شاييلينك على الأكتاف ..هتشوف هناك ذل و إهانة عمرك ما شفتهم

ميشيل :- إهانة ..على العموم فيه واحد عزيز عليكم ..إتهان وإتشتم وشرب الخل وإتصلب ,,ومع ذلك بتحبوه وبتعبدوه وبتقولوا عليه إنه الله...يعنى الإهانة وحشة فى نظركم على الإنسان ..أمال الرب تقبلوا عليه إزاى إنه يتهان ويتذل

فيليب:- دى حاجات متفهمهاش إنت وأكبر من عقلك..وبعدين ده أنت المفروض تشكرنا .. إنت عارف.أولاد عمك حالفين ليقتلوك لو شافوك فى أى مكان.. يعنى الدير حماية ليك

ميشيل:- صحيح عاوزين يقتلونى ..شايف يا مينا ربنا أظهر دينه على الدين كله ..مش كانوا بيقولوا إن قتل المرتد شبهة من شبهات الإسلام ..أهوه إبتدوا يقلدوا الإسلام وعاوزين يقتلونى ...ربنا متم نوره ولو كره الكافرون يا مينا

فيليب:- مرقس هات كل العمال فى الكنيسة وتعالوا جروه لحد ما تنزلوه من باب الكنيسة الورانى وتدخلوه العربية

مينا:- ما تسيبوه يعمل إللى هوا عاوزه يا أبونا

فيليب:- هش.. إسكت إنت

[ يأتى العمال ويقتادوا ميشيل إلى الخارج]

فيليب :كويس الساعة دلوقت عشرة ونص يعنى يوصل الدير على الساعة أربعة ونص قبل الفجر ولا من شاف ولا من درى

فيليب ينظر لمينا

فيليب:- نعم يا أخ مينا كنت بتقول نسيبه يعمل إللى هوا عاوزه ..ولما كل نصرانى يعمل إللى هوا عاوزه لما نصحى الصبح ونلاقى كل النصارى بقوا مسلمين يبقى إيه الحل؟؟

مينا:- هوا واحد بس إللى عمل كده وأكيد مش كل النصارى هيعملوا زيه

فيليب:- لا يا مينا مش واحد بس دول كتير

مينا:- كل واحد يختار حياته ويبقى مسئول عن إختياره

فيليب:- لا يا مينا لازم يكون لينا وقفة وموقف ..لما ميشيل يدخل الإسلام ..شوف هيدخل كام واحد نصرانى معاه الإسلام..يبقى لازم نحافظ على مجد الرب ونمنعه ولو بالقوة

فلوبرس:- دلوقت لو واحد مسلم بلغ عن إختفاء ميشيل هنقول إيه؟؟

فيليب:- ولا حاجة ...هنقول جماعة إسلامية خطفته وخدرته وهددوه بالقتل لو ما أسلمش

مينا:- بس ده محصلش

فيليب يضع يده على كتف مينا

أنا عارف يا مينا ياحبيبى إنه محصلش بس لازم نقول كده ...يعنى مثلاً وفاء قسطنطين وهيا زوجة راهب معروف لما تدخل الإسلام شوف كام مسيحى هيتزعزع إيمانهم ..يبقى لازم نقول إن جماعة إسلامية خطفتها وهددتها بالإغتصاب لو ما أسلمتش عشان نحافظ على إيمان الشعب

مينا:- حتى و لو بالكدب؟؟

فيليب:- أيوه يا مينا حتى لو بالكدب ...طالما الكدب هيزيد من مجد الرب يبقى لازم نكدب...دى تعاليم بولس الرسول ..المهم النتيجة إن مجد الرب يزيد وينتشر ومافيش حاجة تأثر عليه ..مش إحنا على الحق ..خلاص... أى وسيلة مباحة

مينا:- عن إذنكم

ويخرج مينا

فلوبرس:- على فكرة باين ميشيل إتكلم معاه كتير

فيليب:- متخافش على مينا ..مينا يختلف عن ميشيل

فلوبرس:- أنا حاسس إن وشه متغير ...ماكنش لازم تقوله على حكاية الكدب دى ...الظاهر علينا كل سنة لازم نعانى من الشباب النصرانى إللى بيدخلوا الإسلام ..وباين عليها دوامة مش هنخرج منه أبدأ..إنت عارف كام مسيحى بيدخلوا الإسلام سنوياً 8000 يافيليب

فيليب:- خلاص متفكرنيش وبعدين عاوزنا نعمل إيه اكتر من إللى بنعمله ..بنتهم المسلمين بخطفهم ..وبنعلن عن [ ظهورات مريمية] ...نعمل إيه تانى ؟؟ وبعدين متعملش حكاية من لا شئ ..مينا تمام التمام

فلوبرس:- تفتكر .....أنا عندى إحساس ... إننا هنبعت واحد تانى عن قريب دير وادى النطرون

[ إلى اللقاء فى المشهد الثالث والأخير إن شاء الله]

بارك الله فيكِ
ونحن في الانتظار

:ww: :ww: :ww:
بارك الله فيكي اختي الكريمة
متابعين

:ww: :ww: :ww:

:98-: بارك الله فيكي اختي الكريمة

بارك الله فيك أختي

أسجل مشاركتي قبل الفصل الأخير

واقول:

الحمد لله على نعمه الاسلام

لا تطيلي علينا

بانتظار الفصل الاخير

جزيت خيرا

السلام عليكم ورحمة الله
ماشاء الله لاقوة إلا بالله
تبارك الله
ما كل هذا الإبداع!!:p015:
جزاك الله خيرا يا ريحانة وجعله فى ميزان حسناتك.
فى الإنتظار متشوقين.:p012:

اكثر من ممتاز :p015: يا ريت لو فيه فصل رابع و خامس و سادس :p015: فعلا ممتاز...

جزاكم الله خيرا ووفقكم فى مكافحة هؤلاء الافاقين

رااااااااااااااااااااااااااااااااااااااااااائع بجد رااااااااااااااااااااااااااااااااااااااااااااااااائع

:p015: :p015: :p015: :p012: :p012:

بسم الله الرحمن الرحيم
***********************
المشهد الثالث
*************
مينا يمشى ومعه كتب فى يده ويجلس على مقهى بجانب مسجد ...والمسجد بداخله المصلون يصلون صلاة العشاء وراء الإمام

الجرسون:- أى خدمة يا بيه
مينا:- شاى لو سمحت
الجرسون :- تحت أمرك

مينا يخرج كراسة ويبدأ فى كتابة بعض الكلمات ..ثم يتضايق ويقوم بتمزيق الورقه ويضعها جانباً ثم يقوم بكتابة بعض الكلمات ..ثم يقوم بتمزيقها ويضعها جانباً ...

مينا يبدأ فى حوار داخلى مع نفسه بدون أن يتكلم

---مافيش فايدة ...الله يسامحك يا ميشيل .كان لازم تقوللى إللى إنت قولتهوللى ....بقاللى أسبوعين من يوم ما رحلوك للدير وأنا فى حيرة وتفكير ...

---ما هو أنت إللى مغفل ..يقوللك روح هات كتب إسلامية من المكتبة تروح تجيبها وتقراها ...معنى إنك مشيت ورا كلامه إنك شاكك فى دينك

--- أنا مش شاكك فى دينى ولا حاجة بس هوا إ تحدانى ..عشان كده جبت الكتب إللى قاللى عليها ومسكت الكتاب المقدس وقرأته بتمعن زى ما قاللى ..وأدينى باحاول أألف أى كلمة عشان أثبتله إن رسول المسلمين هوا إللى ألف القرآن ومن ساعتها ما كتبتش حاجة

--إنت لو ركزت هتألف كويس .إكتب .إكتب... دى حاجة سهلة أوى
[ويتشجع مينا ويمسك القلم ويبدأ فى الكتابة ]

---هألف سورة زى سورة الإخلاص إللى عندهم ....[لماذا لا تؤمنون بالله وهو أزلى وليس له أولاد ولا بنات وليس له بداية ولا نهاية]

---حلو أوى أوى وعظمة على عظمة ..الله ما إنت يجى منك أهوه ..إكتب كمان
---[أمنوا بالله الذى سوف يحاسبكم على أعمالكم ]....ويترك مينا القلم فى يأس

---مش قادر أكتب ولا أألف ...دى حاجة صعبة أوى

---صعبة إيه يا مغفل ..إنت ما شفتش الآيات إللى ألفوها النصارى الأذكياء بنفس اسلوب القرآن بس بآيات من الإنجيل

---أيوه شفتها ..بس ميشيل قاللى لازم يكون فيه إعجاز بلاغى وبيانى وعلمى زى القرآن....أنا ممكن أجيب كلام وأحطه جنب بعضه لكن حكاية الإعجاز دى أجيبها منين

--إعجاز إيه إنت بتصدق الكلام ده

--لو ما كنتش قريت الكلام ده يمكن ما كنتش صدقت

ويمسك مينا بكتاب ويتصفح فيه

الإعجاز البيانى فى القرآن...كل ده فى القرآن معقولة إنسان يألف وياخذ باله من ده كله

---- أكيد إللى كاتب الكتاب واحد مسلم ..عشان كده شايف إن فيه إعجاز

--- ده مكتوب فى الكتاب إن مسيحيى العصر الحديث يعترفون بعظمة القرآن

أعترف الدكتور ماردريس المستشرق الفرنسي بعظمة القرآن الكريم و ذلك إثر بعد أن كلفته وزارتا الخارجية و المعارف الفرنسية بترجمة ( 62) سورة من السور الطوال التي لا تكرار فيها ففعل و قال في مقدمة ترجمته الصادرة 1926م أما أسلوب القرآن فهو أسلوب الخالق جل و علا فإن الأسلوب الذي ينطوي على كنه الخالق الذي صدر عنه هذا الأسلوب لا يكون إلا إلهاً ، والحق الواقع أن أكثر الكتاب شكاً و ارتيابا قد خضعوا لسلطان تأثيره .
و يورد الأستاذ محمد صادق الرافعي بعض تصريحات لمسيحيين عن بلاغة القرآن من هؤلاء أديب الملة المسيحية هو الشيخ إبراهيم اليازجي وهو أبلغ كاتب أخرجته المسيحية ، وذلك في كتابه ( نجعة الرائد ) و كذلك أورد الدكتور حسين حسن ضياء الدين تصريحاً لأحد المسيحين يتضمن إعجابه بالإعجاز البياني بالقرآن الكريم و هذا الأديب الشاعر هو الشاعر المعاصر ( نقولا حنا ) .
..ده غير الإعجاز العلمى

ويمسك مينا بكتاب آخر ويتصفحه

يقول الله تعالى في كتابه العزيز: {وَالسَّمَاءِ ذَاتِ الرَّجْعِ} [الطارق: 11].
تشير الآية القرآنية الكريمة إلى أن أهم صفة للسماء هي أنها ذات رجع فما معنى الرجع؟
الرجع في اللغة كما يقول ابن منظور في لسان العرب: هو محبس الماء وقال اللحياني: سميت السماء بذات الرجع لأنها ترجع بالغيث وكلمة الرجع مشتقة من الرجوع وهو العودة والعكس، ومعنى الآية أن السماء تقوم بوظيفة الإرجاع والعكس.
وقد جاء العلم ليؤكد هذا التفسير فقد كشف علماء الفلك أن طبقة التروبوسفير التي هي إحدى طبقات الغلاف الجوي للأرض تقوم بإرجاع ما تبخر من الماء على شكل أمطار إلى الأرض من خلال دورة دائمة سميت بدورة تبخر الماء.
كما اكتشف علماء الفلك أيضاً أن طبقة الستراتوسفير وهي التي تضم طبقة الأوزون تقوم بإرجاع وعكس الإشعاعات الضارة الما فوق بنفسجية إلى الفضاء الخارجي، وبالتالي فهي تحمي الأرض من الإشعاعات الكونية القاتلة، فهي تعتبر حاجزاً منيعاً يحول دون وصول كميات كبيرة من ضوء الشمس وحرارتها إلى الأرض، كما نصت على ذلك الموسوعة البريطانية.
أما طبقة الثيرموسفير فإنها تقوم بعكس وإرجاع موجات الراديو القصيرة والمتوسطة التردد Am و Sw الصادرة من الأرض وهذا ما يفسر إمكانية استقبال هذه الموجات من مسافات بعيدة جداً. وقد ذكرت ذلك بالتفصيل الموسوعة البريطانية.
يتضح مما تقدم أن أهم صفة للسماء كشف عنها العلماء في القرن العشرين هي أنها ذات رجع.


--- صدفة

---طب دى

إعجاز سورة يوسف
القرآن يذكر حكام مصر القدامى بلقب فرعون و قد وردت كلمة فرعون في 74 موضعاً ، لكن في سورة يوسف لم يذكر القرآن لقب فرعون بل الملك :
قال تعالى : ( و قال الملك إني أرى سبع بقرات سمان يأكلهن سبع عجاف ) . في أواخر القرن التاسع توصل شامبليون الفرنسي إلى حل الرموز في الكتابة الهيوغليفية و أثبت العلم أن النبي يوسف عاش في مصر أيام الملوك الرعاة ( الهكسوس ) من عام ( 1730 إلى 1580) قبل الميلاد .

---صدفة برضه

---طب ودى

قال الله تعالى: {وَجَعَلْنَا اللَّيْلَ وَالنَّهَارَ آيَتَيْنِ فَمَحَوْنَا آيَةَ اللَّيْلِ وَجَعَلْنَا آيَةَ النَّهَارِ مُبْصِرَةً} [الإسراء: 12].
التفسير العلمي:
يقول الله تعالى في كتابه المجيد: {وجعلنا الليل والنهار آيتين فمحونا آية الليل وجعلنا آية النهار مبصرة} [الإسراء: 12].
تشير الآية القرآنية الكريمة إلى حقيقة علمية لم تظهر إلا في القرن العشرين، وهي أن القمر كان في القديم كوكباً مشتعلاً ثم أطفأ الله تعالى نوره، ودلالة القرآن على هذا واضحة كما قال سيدنا عبد الله بن عباس رضي الله عنهما: "كان القمر يضيء كما تضيء الشمس، وهو آية الليل، فمحي، فالسواد الذي في القمر أثر ذلك المحو".
هذا القول هو لصحابي جليل استنبطه من القرآن الكريم منذ ألف وأربعمائة سنة، فماذا يقول علماء الفلك في هذا الموضوع؟
لقد كشف علم الفلك أخيراً أن القمر كان مشتعلاً في القديم ثم مُحيَ ضوءه وانطفأ.

--- صدفة بتحصل كتير

--- صدفة إيه ..إيه الكم المهول ده من الإكتشافات والإعجاز إللى جابوه من القرآن
ده كفاية الصورة دى [ ويفتح مينا صفحة من الكتاب]
صورة لسطح القمر من وكالة ناسا وفيه الدليل على معجزة إنشقاق القمر إللى إتكلم عنها القرآن


---مش باقولك إنت شاكك فى دينك

---أنا مش شاكك ولا حاجة ...بس إيه إللى يخللى إنسان يدعى النبوة يتكلم فى حاجات علمية وفلكية وطبية ...ده غير الكتاب ده [ويمسك مينا بكتاب ثالث] ..الطب النبوى .. ...أنا هاتجنن إزاى عرف رسول المسلمين كل الحاجات دى
؟؟

--إنت قولت لميشيل السر فى كده ..إنه عبقرى ..وعبقريته هيا سبب إنه توصل لمخترعات وإكتشافات فى كل المجالات قبل ما يكتشفوها بمئات السنين...العبقرية هيا السبب

--- طيب لو العبقرية هيا السبب وإن رسول المسلمين مجرد بشر عادى لكن عبقرى .ليه ما تكررتش تانى شخصيته ؟؟..ليه مجاش واحد عبقرى زيه طالما إن رسول المسلمين مجرد تجربة بشرية ؟؟ ليه مافيش واحد من إللى إدعوا النبوة بعده كان بنفس شخصيته وتأثيره وإنتشار منهجه ؟؟

---إنتشار إيه ..مش الأنبا بشاى قاللك إنه دينه بينتشر عشان تعدد الزوجات والمتع الجسديةويأخذ مينا كتاب آخر ويقلب صفحاته

---كل دول يدخلوا الإسلام بسبب تعدد الزوجات

يعنى دول مثلاً
إسلام المغنى كات ستيفنسن
المغني العالمي جيرمان جاكسون
توبة أشهر عارضة أزياء فرنسية
حامد مرقص (عالم ومؤلف وصحفي ألماني)
علي سلمان بنوا (دكتور فرنسي)

وغيرهم كتير
- طب لو كانوا دول بتوع بلاد بره إللى أساساً ما يعرفوش حاجة عن المسيحية
طب بتوع مصر يدخلوا فى الإسلام إزاى
؟؟

---يا مينا إصحى كل إللى إنت قريت عنهم دول ضعاف الإيمان عشان كده سابوا المسيحية ..إنما إللى إيمانهم قوى عمرهم ما يسيبوا المسيحية ابداً

---تانى أكبر قس فى غانا ..يبقى ضعيف الإيمان
القس إبراهيم خليل فلوبرس ضعيف الإيمان
القس إسحق هلال مسيحة ومعلمة اللاهوت ميرى واتسون وعالم اللاهوت جارى ميللر ضعاف الإيمان ...أمال يبقى مين إللى قوى الإيمان لو كان دول ضعاف الإيمان ؟؟؟

----مش باقولك ميشيل لحس مخك وبقيت زيه

الجرسون :- الشاى يا بيه ..أى خدمة تانية ..؟

مينا:- لأ شكرا

ويبدأ مينا فى رشف الشاى وتقع عينه على الكتا ب المقدس فيمسكه

--ولا إللى قريته يا مينا وقالك عليه ميشيل

--قريت إيه يا مغفل ...إنت فاضيلك شوية وتقول الشهادتين...

---ربنا يتقال عليه أسد ودب وخروف ولبؤة وسوسة

يعنى ربنا يتشبه بحاجات زى دى..

---التشبيه هنا مجازى مش حقيقى عشان تقريب المعنى
---- ربنا إللى قال فى العهد القديم إن مافيش حاجة تشبهه أبداً يقوم يشبه نفسه بالحاجات دى؟؟؟ لو كان رئيس جمهورية واحد قاله إنت [ سوسة] كان هيقبل الكلمة دى على نفسه

يبقى ده دليل على إن إللى كتب الكلام ده مش ربنا ..ده واحد هوا إللى كتبه............ أخويا مايكل لما سأل الأستاذ عن إن إزاى ربنا يتقمص فى صورة إنسان والنبى يعقوب يجرى وراه لحد ما يمسكه والرب هوا إللى يتوسل ليه إنه ينقذه كان عنده حق والاستاذ ما عرفش يجاوب عليه وضربه

وبعدين حتى أوصاف الأنبياء ....كل الأنبياء يطلعوا بدون أخلاق وبيعملوا الكبائر.... .طب إزاى؟؟

---الأنبياء مش معصومين إلا لما بيجلهم الوحى بس ..بس غير كده هما مش معصومين
---طيب الناس تاخد قدوتها من مين ؟؟وبعدين الواحد لما يلاقى إلإنسان إللى بيوصلوا الرسالة زانى أو سكير أو ديوث أو زنى ببناته أو بيمشى عريان أو عابد أصنام ..إزاى يطمن إنه رسول ..مش كانوا الناس على الأقل عايروه إنه إزاى تأمرنا ما نزنيش وإنت تزنى ..أو عايروه إزاى تأمرنا بعبادة الله وإنت بتعبد الأصنام!!

وبعدين فيه حاجة غريبة أوى إكتشفتها ....إننا عمالين ندور عن شبهات حوالين رسول المسلمين تخص عفته وشرفه علشان نقول إنه مش نبى .أمال ليه إحنا مؤمنين بالأنبياء إللى عملوا الكبائر دى طالما إن أى معصية وأى كبيرة من الكبائر يعملها الإنسان تنفى إنه نبى

وبعدين فيه حاجة أغرب إكتشفتها ..إن اليهود قالوا على يسوع إنه ساحر وإبن زنى ..يعنى زى ما قالوا على بقية الأنبياء ..لكن إحنا مؤمنين باللى إتقال على الأنبياء وبننكر إللى إتقال على يسوع
طب ليه ما يكونش اليهود زى ما إفتروا على يسوع ..إفتروا برضه على الأنبياء

---آه ..ده إنت وصلت لمرحلة إنك إبتديت تكفر بالكتاب المقدس
---أنا متلخبط ....إزاى الكنيسة تطرد الكاهن الشاذ لأنه مثال سئ للكنيسة ..وربنا يبعت لينا أنبياء بالأخلاق دى ..؟؟

---المهم الأنبياء يوصلوا الرسالة وبس ومش مهم إللى بيعملوه فى حياتهم الشخصية
----طيب ليه الكنيسة ما سبتش الكاهن الشاذ يقوم بعمله فى الكنيسة ويوعظ الناس ويعلمهم ...ويعتبروا شذوذه وأفعاله المشينه تصرفات شخصية ملهومش دعوة بيها؟؟

وياترى الناس كانت هتروحله أو يثقوا فى إللى هيقوله بعد ما يعرفوا إنه شاذ؟؟

----وإيه تانى يا بايع دينك
---أنا عاوز أوصل للحق ..كل إللى قاللى عليه ميشيل لقيته صحيح وعاوز حد يفهمنى

حتى بولس الرسول لقيت كلامه غريب . والغريب إن كل الحاجات دى ما كنتش باشوفها قبل كده

فيه نبى يقول على نفسه إنه غبى

كورنثوس الثانية 11:1 "ليتكم تحتملون غباوتي قليلا بل انتم محتملي"
كورنثوس الثانية 12:11 "قد صرت غبيا وانا افتخر انتم الزمتموني لانه كان ينبغي ان امدح منكم اذ لم انقص شيئا عن فائقي الرسل"

---إيه... متواضع

-- وكذاب كمان

رومية 3:7 "فانه ان كان صدق الله قد ازداد بكذبي لمجده فلماذا أدان انا بعد كخاطئ"

-- إنت إللى إبتديت تتحامل عليه
--- لو إفترضنا إن نبى المسلمين قال على نفسه كده مش كنا مسكنا فى الكلام ده وعملنا عليه شبهات .إشمعنى لما يتقال من بولس الرسول يبقى حلو ومافيهوش حاجة؟؟؟
يعنى إللى يتقال عليه [ الصادق الامين ] نطلع عليه شبهات ..وإللى يقول على نفسه انا غبى يبقى حلو

[وتنتهى الصلاة فى المسجد ويبدأ المصلون فى الخروج من باب المسجد]

ينظر مينا للمصلين وهم يخرجون من باب المسجد ويبدأ فى التفكير

المسلمين بيعبدوا الله الواحد ..ولو سألت واحد يهودى هيقوللى أنا باعبد إله واحد ..إشمعنى إحنا إللى جايين فى النص نقول الثالوث والفداء ...المسلمين واليهود متفقين على حاجة واحدة إن مافيش ثالوث ولا فداء ولا الخطيئة الأولى ...إشمعنى إحنا إللى جايين نقول كلام يخالفهم

وبعدين إشمعنى التوراة تنزل على موسى وهوا عايش ...والقرآن يكتمل ونبى المسلمين عايش ....لكن إحنا إللى الإنجيل ينزل بعد يسوع ما يترفع للسما ..مع إن يسوع [ إله ]وبإيده إنه هوا إللى يعطيه لتلاميذه لأنه إله زى الروح القدس بالظبط .. . وبعدين إزاى المسيح يكون إله ويبعت واحد بعده من البشر ..هوا مش كفاية إن الإله ينزل بنفسه للأرض ..محتاج لواحد من البشر عشان يعمل إيه بعده؟؟

يقف إمام المسجد مع بعض المصلين يناقشهم

يفكر مينا وهوا ينظر للشيخ المسلم

ويتذكر كلمات ميشيل{{{{{{ولما حبيت أسأل سألت أهل الذكر العلماء الثقات .....أما أحب أعرف عن الإسلام أسأل أهل العلم مش أى واحد ماشى فى الشارع أو مش أشوف واحد مسلم بيسرق أقوم أسأله عن تعاليم الإسلام }}}}}}}}}}}}
يتردد مينا

----أروح أسأله

---هيا حصلت كمان يا مينا

---وأنا هاخسر إيه؟

ويقترب مينا من الشيخ الذى فرغ من حديثه مع المصلين

مينا:- ممكن أسأل حضرتك شوية أسئلة

الشيخ:- خير يا إبنى

مينا:- لأ أنا عاوز أسأل أسئلة كتيرة

الشيخ :- طب تعالى بكرة إن شاء الله فى الدرس إللى بعد صلاة المغرب ونعرض أسئلتك فى المسجد ونجاوب عليها إن شاء الله عشان الإخوة يستفيدوا

مينا:- لأ أنا مش مسلم ..أنا مسيحى

الشيخ [ ينتبه وينظر له]:أسئلة خاصة بدين الإسلام؟؟

مينا:- أيوه

الشيخ :- طب تعالى

ويأخذ الشيخ مينا إلى مكتب صغير ملحق بالمسجد

الشيخ :- دى دار مناسبات ملحقة بالمسجد .. [ ويجلس الشيخ ومينا على مكتب داخل الدار]

الشيخ :-إتفضل إسأل يا ..صحيح إسمك إيه؟؟

مينا:-إسمى مينا

الشيخ :إتفضل يا مينا كلى آذان صاغية


[إلى اللقاء فى تكملة المشهد الثالث إن شاء الله]

السلام عليكم ورحمة الله

بارك الله فيكي يا ريحانة المنتدى

أبدعتي حقا

جزاكي الله خيرا

الله اكبر
الله اكبر
الله اكبر
بارك الله فيكي اختي الكريمة

ريحانه تسلمي اختي وبارك الله فيك


في انتظار التكمله

جزيت خيرا

:king-56: :king-56: :king-56:

نسأل الله العلي القدير أن يجعل هذا العمل في ميزان حسناتك يوم القيامة
يوم لا ينفع مال ولا بنون إلا من أتى الله بقلب سليم
ونحن نتمنى ألا تنتهي هذه المسرحية
يا ريت يكون لها أجزاء مقبلة إن شاء الله
أعانك الله جل وعلا

:p015: :p015: :p015:

متابعون إن شاء الله
نريد التكملة بارك الله فيكِ

اين البقيه ؟؟؟؟؟؟؟؟؟؟؟؟؟؟؟؟؟؟؟؟؟؟؟

:98-: :98-:

ماشاء الله
مسرحيه رررررررررررررررررررررررررائعه