مصدر قوة الغرب التي يحاربونا بها

أنا عندي فكرة حلوة أوي يارب تعجبكم
طبعاً السبب في ده كله هو البعد عن طاعة الله ومن البداية بحب أقول ان النصر مش هايتم الا بالطاعة
لو كل فرد مننا اتفق مع اصحابه انهم على الأقل يرنوا على بعض على الموبيل وقت كل صلاة والالتزام بالأذكار بعد كل صلاة
ثانياً: قيام صلاة الفجر مهم جداً جداً وتبقى حاجة رائعة و كل واحد برده رن على أصحابه تخيل هايبقى ليك ثواب أد ايه !!! وطبعاً تحثهم على الدعاء لأن الله عز وجل قال " ان قرآن الفجر كان مشهوداً" يعني صلاة الفجر بتشهدها الملائكة فمابالكم بدعوة في صلاة تشهدها ملائكة الرحمن!!! بالطبع ستكون مستجابة.
ثالثاً : سمعت قريباً الشيخ على قناة الرحمة يقول انه من قام قبل الفجر ثم قال " سبحان الله , الحمد لله, لا اله الا الله, الله أكبر ولا حول ولا قوة الا بالله العلي العظيم" ثم دعا أي دعوة ستجوب مستجابة باّن الله كما ان الله ينزل لأرض كل ليلية تقريباً في هذا الوقت ويقول فيما معناه هل من داعي أستجب له هل من مستغفر أغفر له هل من تائب أتوب عليه .. فلو دعوت الله بان يهديك ويهدي كل ضال لكان خيرا وان تدعوا ايضا لنصرة الملمين والاسلام
رابعاً: قيـــــــــــــام الليل ___> كنت أظنه في البداية شئ صعب ولكن عد ما استمريت في هذه الصلاة ودعوت الله بكل ما اتمناه والله احسست بان حياتي قد زُينَت ... وكل هذا ليس لك وحدك بل أيقظ اصحابك وأهلك خذ ثوابهم وأكسب رضا ارحمن فان النصر كما قلنا لن يأتي الا "بالطـاعة"
رابعاً : أبعد عن الأغاني مش هانقول من مرة واحدة لكن واحدة فواحدة ومادام نويت على شئ كويس يرضي الرحمن يبقى اعرف انه هايسهله عليك باذن الرحمن
خامساً : أشتري مطويات وكتب ووزعها على اصحابك أو كأنها هدية هايتقبلوها منك بصدر رحب
سادساً : كن قدوة لكل من حولك لاتفعل ما سبق وتضيعه بموقف تافه يحدث فيه بعض الغضب
وسابعاً وقبل كل شئ هو حسن الظن بالله التوكل عليه فمن توكل على الله فلن يخيب
وأخيرا أرجو من الله ان يهدي كل المسلمين وغير المسلمين الى ما يحبه ويرضاه ويثبتنا جميعاً على دين الحق ........ وتقبلوي تحياتي ومعلش طولت عليكم :p012:

اعتقد انى اخالفك الرأى قليلا
فتقدم الغرب يرجع لعدة اشياء اخرى
1- العمل الجاد مع العمل للصالح العام و ليس الفردى
فهناك يعملون يدون ان يكون عليهم رقيب
يعملون للصالح العام و ليس لأى مصلحة شخصية
انما عندنا فى المصالح الحكومية و دول الى بينقطونى
يبقو معينين الستات هناك عشان تفضل تعمل اكل البيت فى الشغل و احنا نفضل ملطوعين واقفين
ناقص اقورلها الكوسة عشان ننجز و نمشى
ولا الصغنطوطة الى اعصابها تعبت يا عينى قامت تسمعلها شوية اغانى و الناس الى واقفين ياكلو فى بعض
الشغل هنا كأنها فسحة جايين للعب مش للشغل
الى جاية تعمل الاكل
و الى جاية تحكى
و الى جاى يصلى الصلوات الى ناقصاه من ساعة ما اتولد و سايب الناس تاكل فى بعض
والى..... و الى........
ده مش واحد حكالى و انا عمال اسمع و اقول ياي هم دول الناس؟؟
ده انا بشوفه بعينى و الى مش عاجبه يروح !!!
2- الهدف
هدف العمل ده ايه؟
الشغل الى ملوش هدف يبقى ملوش لزمة
فلان بيشتغل عشان يطور الشركة عشان تنافس شركات المنافسة
و فلان شغال عشان بالطول بالعرض يقضي اى حاجة و يسلم اى حاجة و يقبض اخر الشهر و شكرا !!!
فلان بياخد كورسات زيادة عشان يطور من مهاراته و فلان قاعد على القهوة عشان يلعبو عشرتي طاولة على المشاريب
ابسط مثال الجامعات تعالى شوف الطلبة بتعمل ايه
يأما كل واحد يحب فى واحدة و يسهر الليل و يخرج معاها و يضيع مستقبله و ادى دقنى اهي لو اتجوزو فى النهاية لأنه بيقول انا متجوزش واحدة مشيت معاها !!!
يأما هاى شلة و يقضوها خروجات و الامتحانات بيجيبوها اخر السنة
يأما رايحيين يتمشو و يلعبو استيميشن فى الكلية و سيبك من الدنيا و الى فيها
يأما رايحين يحضرو
و الى بيحضرو دول
يأما يحضر و ينفض داخل مجرد كده اسمه دخل
و واحد داخل عشان البت الى معجب بيها رخمة و بتحضر كله
يأما داخل يتعلم و الى داخل يتعلم ده سملى عليه و قوله سيلفر بيبوسك من هنا و من هنا!!!!!

انت مش متخيل هم متفوقين فى ايه؟
هم متفوقين فى كل حاجة
يعنى احنا عندنا آية انا كل ما بقراها بقول يا رب انا هشتغل بجد عشان بس انت هتشوف الى هعمله فى الاخر
{وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ}
يعنى يوم القيامة اعمالنا هتتعرض على ربنا و الى اشتل و تعب هيبقى مبسوط ربنا شايف عمله و الناس كلها شايفينه يعنى على عينك يا تاجر
مين الى كان شغال بضمير
و مين الى كان بيلعب
و مين الى جاي يتكلم فى تليفون الحكومة ما هو ببلاش اصله
و مين الى كان بيقور كوسة و بيحشى البتنجان !!
3- الضمير
موضوع الكوسة و الوسايط الى جايبالنا الكافية دى مش زى هنا
ده العيل من دول بيطلع فرفور ولا ليه فى اى حاجة و يروح يمسك مركز فى الشركة الفلانية اصل ابوه يعرف صاحب الشركة و الى شغال فى الشركة بقاله كام سنة و مشهود ليه بالكفائة يبقى تحت ايده عشان ايه عشان الكوسة
مفيش هناك الكلام ده
شغل بضمير و بامانة مش زى عندنا
يا راجل ده فى الامتحانات بتلاقى البراشيم و الى عايز يغش يغش و اديها
هناك لو الحل على السبورة ادامه ولا هيبص عليه شغال عشان يعرف مستواه
يجيب صفر عادى ده مستواه انما عندنا كحكة؟ ليه؟ اكيد المدرس مستقصده

يا راجل اسكت خلينى ساكت لحسن شوية و هجيب الشاشة نصين :p018::p018:

فعلا عند حضرتك حق في كل اللي قلته :p016:
ربنا يهدي الجميع