صفحة التعليقات على حوار أستاذنا الحبيب أيوب مع الضيفة محبة المسيح

الاخ خوليو انا فعلا مش قريت الكتاب المقدس لاني بكل بساطه مش متدينه يعني مسيحيه بالاسم بس زي عندكم كده تلاقي مسلم لابيصليو لا بيصوم بس هو اسمه مسلم بالاسم كده ولو سالته عن اي حاجه عن دينه مش هيعرف يجاوبك وانا اصلا مش مقتنعه بالمسيحيه خالص رغم اني مسيحيه بس حاسه انه الاله ارقى من انه يتبهدل زي ماحصل ليسوع وعشان كده انا بشوف باقي الاديان الاسلام دين جميل اوي بس هو ادى للرجل ميزات كتيره فوق المراه فانا كنت حابه استفسر عن حقوق المراه في الاسلام بس كده
شاكره لك اخي الكريم خوليو واظن اسمك خالد:image5::image5:

الاخ خوليو انا بس عايزه اعرف ازاي استئذان الرجل لزوجته يكون من العدل اللي ربنا امر بيه مش فاهمه
اما بالنسبه لردك على سوالي بتاع معنى كلمه خيرا فانت جاوبتني الاجابه اللي انا كنت مستنياها من زماااااااان
في حديث في صحيح مسلم الرسول بيقول فيه استوصو بالنساء خيرا
يعني بيوصي الرجال بالتعامل مع النساء بالخير وانهم مش يزعلوهم طيب يااخي هل يخفى على عاقل انه الراجل لو راح اتجوز على مراته من غير سبب هيزعلها وهيجرحها يبقى فين الخير اللي الرسول وصى بيه الرجال هو لمايروح يتجوز من دون سبب ومن غير مايراعي عشره سنينهم مع بعض يبقى ده خير
انا بس عايزاك تقولي تفسيري ده صح ولا خطا

انا لما حطيت الايه بتاعه سوره التحريم كان بسبب ان في ناس قاست موضوع التعدد على الايه ديه وقالو انه لايجوز للزوجه ان تشترط على زوجها في عقد الزواج انه لايتزوج عليها لانها هتحرم عليه حلال عرفت ليه حطيت الايه يااخ خوليو لان في ناس احتجت بالايه ديه
وكما قالو ان فيه حديث الرسول بيقول فيه انه كل شرط ليس في كتاب الله فهو باطل
بس انا عندي تعليق على الحديث ده
الحديث ده يفهم منه انه مينفعش حد يشترط على حد حاجه مش موجوده في كتاب الله
طيب يعني لو زوجه اشترطت على زوجها في عقد القران انه مش يسافر بيها بره مصر يبقى الشرط ده باطل لانه مش في كتاب الله
او مثلا واحد اشترط على مرته انهم مش يخلفو او تلات سنين في الجواز يبقى الشرط ده باطل لانه مش في كتاب الله
مش فاهمه

استاذة محبة

أنا ملاحض ان حضرتك بتكثري الاسئلة ولسه مخلصناش من الاسئلة لي قبلها :image5:

فارحميني شوية

خلينا نمشي واحدة واجدة

لكني اغبط فيكي الحاحك على معرفة الاجابة وهذا امر جميل :p015:

بس برضه ارحمينا :image5:

خلاص براحتك رد وقت ماتحب
انا مستنيه

اقتباس:

---

المشاركة الأصلية كتبت بواسطة kholio5

استاذة محبة

أنا ملاحض ان حضرتك بتكثري الاسئلة ولسه مخلصناش من الاسئلة لي قبلها :image5:

فارحميني شوية

خلينا نمشي واحدة واجدة

لكني اغبط فيكي الحاحك على معرفة الاجابة وهذا امر جميل :p015:

بس برضه ارحمينا :image5:

---

:p018:

عوداً حميداً أخي خوليو

اقتباس:

---

المشاركة الأصلية كتبت بواسطة محبه المسيح

الاخ خوليو انا فعلا مش قريت الكتاب المقدس لاني بكل بساطه مش متدينه يعني مسيحيه بالاسم بس زي عندكم كده تلاقي مسلم لابيصليو لا بيصوم بس هو اسمه مسلم بالاسم كده ولو سالته عن اي حاجه عن دينه مش هيعرف يجاوبك

---

والله يا ضيفتنا تأكدي على يقين أنه حتى القساوسة معضمهم لم يقرأ الكتاب المقدس

و أنا حصلي أكثر من موقف مع قساوسة في الموضوع ده

مرة طلبت من واحد انه بس يقرالي بعض الفقرات من الكتاب المقدس انا حددتهاله
وبعد عشر دقايق زهق من القراءة :image5:

طب جربي حضرتك كده واطلبي من مسلم انه يقرالك قرآن
والله يقراهولك كله مرة واتنين وثلاثة

وموقف تاني انا قمت بـتأليف نص من خيالي و حطيته لواحد قس و سألته عليه بعض الاسئلة
فهو ابتدا يدافع عن النص وكأنه فعلا مو جود في الكتاب المقدس

ولما قلتله النص ده انا لي مألفه برضه ركب دماغه ومصدقش :image5:

طب حضرتك جربي كده وغيري حرف واحد في القرآن قدام مسلم وشوفي حيحصل ايه

اقتباس:

---

المشاركة الأصلية كتبت بواسطة محبه المسيح

وانا اصلا مش مقتنعه بالمسيحيه خالص رغم اني مسيحيه بس حاسه انه الاله ارقى من انه يتبهدل زي ماحصل ليسوع وعشان كده انا بشوف باقي الاديان

---

والله هذه هي الفطرة السليمة التي خلقنا عليها

فنحن هنا لتنزيه سيدنا المسيح عما جاء به الكتاب المقدس
و نحن أولى بالمسيح كما أخبرنا رسولنا صلى الله عليه وسلم

اقتباس:

---

المشاركة الأصلية كتبت بواسطة محبه المسيح

الاسلام دين جميل اوي بس هو ادى للرجل ميزات كتيره فوق المراه فانا كنت حابه استفسر عن حقوق المراه في الاسلام بس كده

---

والله هو بس سوء فهم من حضرتك مش اكتر

اكثر شيء وصى به الاسلام هي المرأة

كما اشرت لحضرتك من قبل

القرآن نفسه فيه سورة اسمها النساء ومفهش سورة اسمها الرجال :image5:

وآخر وصايا رسول الله صلى الله عليه وسلم كانت على النساء
وانشاء الله تعالى نتعاون معاكي عشان نزيل سوء الفهم لي حاصل

اقتباس:

---

المشاركة الأصلية كتبت بواسطة محبه المسيح

شاكره لك اخي الكريم خوليو واظن اسمك خالد:image5::image5:

---

تحت أمرك في اي شيء و الله
ده احنا بنكون سعداء ان نجيب عن الاسئلة في ديننا
ولنا في ذلك أجر ان شاء الله تعالى


يـــــتـــــبــــع

ياريت نلتزم بالموضوع

لانه حساس

ربنا ينور قلوب الجميع

متابع الحوار المهم

تحياتي محبة المسيح

وتحياتي لأخواتي المسلمين

اقتباس:

---

المشاركة الأصلية كتبت بواسطة محبه المسيح

\الاخ خوليو انا بس عايزه اعرف ازاي استئذان الرجل لزوجته يكون من العدل اللي ربنا امر بيه مش فاهمه

---

ما معنى العدل ؟؟

العدل هو معاملة الأطراف بالمثل صح

فلو الشخص تزوج امرأة ثانية و أخفى عن زوجته الأولى فهنا سينتفي العدل بينهما

لأن الزوجة الثانية ستكون عالمة بزواجه الأول
في حين أن الزوجة الأولى ستكون غير عالمة بزواجه الثاني

وهنا ينتفي العدل

و استأذان الزوج من زوجته الأولى قبل شروعه في زواجه الثاني يدخل من باب العدل بينها وبين الزوجة الثانية التي هو مقدم على تزوجها

اقتباس:

---

المشاركة الأصلية كتبت بواسطة محبه المسيح

اما بالنسبه لردك على سوالي بتاع معنى كلمه خيرا فانت جاوبتني الاجابه اللي انا كنت مستنياها من زماااااااان
في حديث في صحيح مسلم الرسول بيقول فيه استوصو بالنساء خيرا
يعني بيوصي الرجال بالتعامل مع النساء بالخير وانهم مش يزعلوهم طيب يااخي هل يخفى على عاقل انه الراجل لو راح اتجوز على مراته من غير سبب هيزعلها وهيجرحها يبقى فين الخير اللي الرسول وصى بيه الرجال هو لمايروح يتجوز من دون سبب ومن غير مايراعي عشره سنينهم مع بعض يبقى ده خير
انا بس عايزاك تقولي تفسيري ده صح ولا خطا

---

تفسيرك هنا مبني على فرضية أنا كنت جاوبتك عليها

فرضية ان الاسلام يسمح بأن يتزوج الزوج بامرأة اخرى دون سبب

فحضرتك فرضتي فرضية مش موجودة اساسا
وأنا كنت جاوبتك عليها

يبقى تفسير حضرتك غلط

راجعي هذه المشاركات وفيها أجبتكي عن هذا الموقف :

http://www.ebnmaryam.com/vb/536419-post156.html


يـــــتـــــبـــــع

اقتباس:

---

المشاركة الأصلية كتبت بواسطة محبه المسيح

انا لما حطيت الايه بتاعه سوره التحريم كان بسبب ان في ناس قاست موضوع التعدد على الايه ديه وقالو انه لايجوز للزوجه ان تشترط على زوجها في عقد الزواج انه لايتزوج عليها لانها هتحرم عليه حلال عرفت ليه حطيت الايه يااخ خوليو لان في ناس احتجت بالايه ديه

---

الآية الخاصة بموقف النبي صلى الله عليه وسلم ملهاش علاقة بالزواج الثاني

هي خاصة في معاملة الزوجات

يعني اقولك ان الرسول صلى الله عليه وسلم كان في بيت زوجة من زوجاته لكنها كانت غائبة
فقام صلى الله عليه وسلم أن باش زوجة أخرى في بيت تلك الزوجة الغائبة

فلما حضرت الزوجة الغائبة حست بغيرة شديدة

فالرسول صلى الله عليه وسلم هنا حرم على نفسه أن يباشر زوجته الأخرى التي باشرها في بيت الزوجة الغائبة

فهنا عاتبه الله سبحانه وتعلى أن حرم على نفسه مباشرة زوجة من زوجاته

و الموقف هنا ملوش علاقة بمسألة الزواج الثاني

اقتباس:

---

المشاركة الأصلية كتبت بواسطة محبه المسيح

وكما قالو ان فيه حديث الرسول بيقول فيه انه كل شرط ليس في كتاب الله فهو باطل
بس انا عندي تعليق على الحديث ده
الحديث ده يفهم منه انه مينفعش حد يشترط على حد حاجه مش موجوده في كتاب الله
طيب يعني لو زوجه اشترطت على زوجها في عقد القران انه مش يسافر بيها بره مصر يبقى الشرط ده باطل لانه مش في كتاب الله
او مثلا واحد اشترط على مرته انهم مش يخلفو او تلات سنين في الجواز يبقى الشرط ده باطل لانه مش في كتاب الله
مش فاهمه

---

شوفي حضرتك

الشروط أقسام

القسم الأول: شروط متفق على صحتها، وعلى جوازها، وعلى العمل بها.
القسم الثاني: شروط متفق على منعها وتحريمها وعدم العمل بها.
القسم الثالث: وسط بين الطرفين اختلف العلماء فيها: هل تجوز أو لا تجوز


وشرط استأذان الزوج من زوجته الثانية تدخل في القسم الثالث أي فيما اختلف فيه العلماء حول جوازه من عدم جوازه

أما من قال بعدم جوازه ففي المسألة دراسة أخرى يطول الحديث حولها
لكني سأحاول اختصارها في كلامي الآتي :

لو المرأة توفرت فيها شروط وضوابط التعدد و استأذنها زوجها في أن يتزوج بأخرى
ورغم توفر الشروط الا أنها رفضت أن يتزوج عليها

فهنا يدخل الأمر في باب تحريم الحلال لي حضرتك بتتكلمي عليه ده

لأن الله أحل التعدد لكن المرأة هنا رغم توفر شروط التعدد فيها حرمت على زوجها أن يتزوج غيرها

لكن ان لم يكن في المرأة ما يستدعي التعدد فهنا يدخل في باب أنه جائز

والله تعالى أعلم