اسهل جاكيت كروشية للاطفال بالوحدات المربعة رائع
كيف نحدد عدد المربعات اللازمه للجاكيت؟؟؟
اول شيء اكتبي قياساتك عرض الجاكيت وطاوله وطول الكم وعرض الكم
بالنسبه للظهر والصدر
اعملي مربع واحد وقيسه مثلا طلع المربع 3 انتش يعني لو عرض الجاكيت 18 انتش نقسم 18 على 3 يطلع 6 ، يعني نحتاج 6 مربعات بالعرض
ولو قلنا الطول 21 يعني 21 تقسيم 3 يساوي 7، يعني نحتاج 7 مربعات بالطول
وبذالك نحتاج 6 * 7 مربعات للظهر يعني 42 مربع، ونفس العدد للصدر
ان شاء الله تكونون فهمتوا عليه، هو سهل بس يحتاج حسابات بسيطه
شوفي هذا الظهر قبل التشبيك
http://i46.tinypic.com/14caalu.jpg
وبالنسبه للكم نفس الحسابات وزودي مربع واحد لكل كم، وان شاء الله بنتكلم عن الكم بعدين
وبالنسبة لكمية الخيوط اللي نحتاجها للجاكيت تعتمد على نوعية الخيط وسماكته ويوم بتشترين الخيوط شوفي مكتوب على الورقه كم الكمية اللي نحتاجها لعمل الجاكيت، بالنسبه للجاكيت النسائي نحتاج تقريبا من 500 الى 550 جرام ولو زياده احسن عشان ما يقصر بعدين
ملاحظه: حاولي ما تخلين حجم المربع اكبر من 3 او 3.5 انتش، عشان يبان شكل الفراغات بشكل حلو ويعطي الشكل العام للتخريم في الجاكيت
ملاحظة ثانية: خلي عدد المربعات بالعرض عدد زوجي في الظهر والأمام لانه بيكون مفتوح من الامام فنحتاج العدد يكون متساوي من الجهتين
شوفي هذه المربعات للأمام
http://i47.tinypic.com/kdswic.jpg
م.ن
منقول
