المقادير:
علبة ورق عنب .. انا اخدت العلالي ومامتي تقولي قودي احسن بس مالقيت بس كانت كويسه مرره
كآسة رز مصري ؛؛ بصله متوسطه ؛؛ حبة طماطم كبيرهـ ؛؛ بقدونس وكزبره ..
البهارات:
استخدمت ملح وفلفل اسود وكمون وكزبره ناشفه وزيت زيتون تقريبا 3 ملاعق كبيره وحبة ليمونه وصلصة طعام 3 ملاعق كبيره
الطريقه:
غسلي الرز كويس ونقعيه شويه واسلقيه لمدة 5 دقايق بس وصفّيه بعدين حطي البصل والطماطم والكزبره والبقدونس وتكون مقطعه صغار مره وحطي كل البهارت اللي كتبتهم فوق ..
طبعن انا حطيت فـ أسفل القدر شرائح بطاطس ولفيت الورق عنب ورصيتو ونجي للي عليه الكلام الخلطه السريه خخخخ
تجيبي صحن غويط زبديه يعني وتحطي مكعب مااجي ومويه حاره وذوقي درجة الملوحه بعد كدا حطي السر الخطير دبس الرمااااان وشوفي كيف درجة الحموضه اللي تحوووبيها
وان احتجتي مويه كمان كرري نفس الطريقه ..
بعد كدا حطي فوقو صحن تقيل وخلي النار عاليه لمدة 10 دقايق وبعدين ارخيها مرره وغطي القدر بالغطا حقو وخليها الين قبل ماتستوي بشويه حطي زيت زيتون بالكمية اللي تحوووبيها ولاتفتحي القدر ابدااا عشان مايسود الورق عنب
خليها الين ماتبرد ..
بالعاااافيه "
