ماذا يحصل للمجتمع السعودي ؟!

بسم الله الرحمن الرحيم
السلام عليكم ورحمة الله وبركاته

ترددت في كتابة الموضوع من عدمه .. ولكن الأمر تعدى حدوده وما قدرت امسك نفسي إلا اكتب في سوالف , منزلي الثاني ;)

المشكلة يا اخوان اشوف الشباب السعودي .. حتى الكبار في السن .. تغيروا , ليس كالأول ..

اعطيكم ثلاثة مشاهد , واتمنى بس تعطوني رأيكم فيها وبكل أمانه هل انتم راضين عنها , وأعذروني لو كان أحد في سوالف يعملها , وهذا ليس ما اتمناه إن شاء الله

______________________

المشهد الأول :
عند الوقوف عند الإشارة , وتضيئ اللون الأحمر , يجب على السيارات التوقف :D ولكن بعضهم يجي من على يمينك ويمشي قدامك ويتعدى الخط الأصفر .. ويمشي حتى يوصل نصف الشارع ويلف السيارة يمين او يسار وينتظر حتى يسمع " بوري " ويمشي .. الصراحة المنظر هذا كل ما شفته .. وأشوف اجنبي بجانبي .. والله استحي .. يا اخي ليه توقف في الأمام .. أقطع الإشارة وخلاص .. اعذروني إذا ما وصلت الفكرة بصورة مناسبة .. بس إن شاء الله الكل فهم وش أقصد .. وشافها بعينه :nice:


المشهد الثاني :
قد يكون كالأولى .. ولكن هذه تخص الإنتظار .. يا أخي ما عندنا إنتظار ما نحب هذا المصطلح أبداً .. طبعاً البعض .. اليوم وكل يوم أداوم فيه العصر .. أمر بجانب " مستشفى العيون بالرياض .. وفي حول المستشفى " 3 " إشارات .. فتشوف إلي متجه لطريق العروبة وتوقفه إشارة المستشفى .. يدخل يمين على طول للمستشفى ثم يدور من داخل المستشفى ويطلع يمين علشان بس ما ينتظر دقيقة أو أقل .. الصراحة هذا المنظر ايضا ما ارتاح له وغير حضاري ..:(


المشهد الثالث :
قد يكون هذا المشهد الأخير كسابقه ولكن مع اختلاف صغير , كنت في المكتبة لأشتري بعض الكتب الجامعية .. أخذت الكتب وذهبت للمحاسب .. وكان أمامي شخصين .. فقمت انتظر حتى ينتهون إلى قدامي .. ولما وصل دوي .. جاء واحد تخطاني ويقول للمحاسب .. ( محمد هي حاسب شوف كم حساب الكتب ) فأعجبني المحاسب وقال له في واحد قدامك أنتظره حتى يحاسب الكتب .. فقال يا اخوي عنده خمس كتب كثيرة وانا كتاب واحد .. فقلت للمحاسب .. حاسبه وخله يمشي .. لكن الحمد لله ان في بعضهم " خلفي " أنتقدوا .. عرفت ان في بعض الناس متفهمين هذه الأشياء .



ملاحظة أخيرة :
هذا الموضوع كتبته والله بعد ما شاهدته بعيني .. وابي اعرف السبب فقط .. لأني لم اشاهد هذه الأشياء إلى من قريب ما صار لها مدة , أيضا ذكرت في الموضوع أنه بعض " الناس " وليس كلهم .. ما زال مجتمعنا السعودي مجتمع محترم ومحافظ والحمد لله .