الحمد لله والصلاة والسلام على رسول الله
وبعد
معذرة للأخت الفاضلة على التأخير ... لكن ماذا أقول عن عذاب السيارات القديمة وإطاراتها المتهالكة؟؟؟
أسأل الله عز وجل أن يقينا عذاب النار أجمعين
كنا وقفنا عند إتفاقنا أن الحوار سيقتصر على الإسلام ولن يتطرق للنصرانية ... ثم أتبعت الضيفة الكريمة هذا الإتفاق بمداخلة تنم عما تعصف به نفسها وآلاف مثلها من الحيرة
ولفت إنتباهي السؤال ده اللي كتبته الضيفة الكريمة
اقتباس:
هو فى سؤال بيدور فى ذهنى الان
لية ربنا سمح ان الناس تحتار؟
الله عز وجل ماسابش الناس للحيرة ... ولم يجبرهم عليها
بل لقد أرسل الله عز وجل الرسل على مر الزمان لكي يعرفه الناس ويعبدونه حق عبادته
لكنه أيضا ترك للإنسان حرية الإختيار ولم يجبره على شيء
سأضرب لحضرتك مثالا مبسطا
نفترض - ولله المثل الأعلى - أن لدينا مدرسا يعلم الطلاب في أحد الصفوف الدراسية
ثم قام هذا المدرس بإخبار الطلاب مرارا وتكرارا أن الطريقة الوحيدة للنجاح آخر السنة هي الحضور في الفصل والمذاكرة من كتاب المدرسة
لكن بعض هؤلاء الطلاب ظنوا أن الغش في الإمتحان هو الذي سيضمن لهم النجاح ... خصوصا أنه لا يتطلب منهم مجهود كبير
وظن البعض الآخر أن النجاح سيكون حليف الجميع - سواء ذاكروا أم لم يذاكروا - لما رأوا أن هذا المدرس يتعامل معهم بالطيبة والمساواة
وبالرغم من أن الرجل فضل يكرر ويكرر ... وينصح ويوجه ... إلا إن كتير منهم فضلوا إنهم يلعبوا ويسيبوا المذاكرة
قليل من الطلبة دول بس هما اللي سمعوا الكلام والتزموا بتوجيهات المدرس
يبقى ليه نلوم المدرس ده لو سقط الطلاب اللي ماسمعوش الكلام ونجح الطلاب اللي اجتهدوا؟؟؟ خصوصا إنه ماسابهومش كده من غير توجيه
مش لو كان المدرس نجحهم كلهم أو سقطهم كلهم ده كان يبقى فيه ظلم كبير للي سمعوا الكلام بتاعه؟؟؟
نفس الشيء ... ربنا بين الحق الواضح اللي مافيهوش أي لبس قدام الناس كلها
ففي منهم اللي اجتهد وفكر وعرف الحق (ممكن حضرتك تفتكري كده معايا ليه أسلمت الأخت وفاء قسطنطين زوجة أحد أكبر قساوسة الصعيد؟؟؟)
وفي منهم اللي رضي بالدنيا واستسهل إنه يعيش فيها من غير ما يفكر في إيه بعدها ... وهو مش عارف إن بعدها خلود إما في النعيم المقيم وإما في العذاب المهين
لكن مش معنى إن الناس مختلفة في معتقداتها إن ربنا سابهم للحيرة ... ربنا سبحانه وتعالى بين ليهم الطريق أوضح من نور الشمس في وسط النهار ... وساب لكل واحد منهم حرية الإختيار
يعني مثلا ... إزاي واحد عاقل يصدق إن البقرة هي الرب المتجسد؟؟؟
وإزاي إنسان عنده ذرة من العقل يعتقد إن جسمه ده اللي مليان معجزات وأجهزة منظمة جدا لدرجة مبهرة ... إزاي يعتقد إن كل ده جه صدفة؟؟؟
ربنا إدانا عقل نفكر بيه ونحكم ... ونعرف الصح فين والغلط فين ... ونشوف الحق طريقه منين والباطل سكته إزاي ... وهايحاسبنا كلنا - كل واحد لوحده - إلا اللي ما إداهومش نعمة العقل
علشان كده لازم نحكم عقلنا وضميرنا في مصائرنا ... لأننا لما نموت مش هنعود ونختار من أول وجديد ... لازم ندور على الحق ونتبعه ... لإننا يوم الإمتحان مش هنلاقي حد يسقط بدالنا أو ينجح مكانّا
تفضلي أيتها الكريمة
