حدث في الإفخارستيا
غطيني يا امّا وصوتي ... من الملكوت اتحرمت
شلحني أبونا المفتري ... ومن الجنة إنطردت
بالرغم إن عشوري ... عنه ما انقطعش
هدايا وعطايا ومنح ... وبوس إيدين ماطمرش
قالتله يعني هيظلمك؟ ... أكيد كان في سبب
تلاقيك عديت حدودك ... أو قلّيت الأدب
قال لها ماحصلش يا أمّا ... يباركلي في صحتِك
هاحكيلك كل حاجة ... وأنا راضي ذمتِك
أنا رحت الدير إمبارح ... أتناول زي العادة
اللحمة كانت نية ... والملح فيها زيادة
ولما قلت يا أبونا ... الطبخة مش مظبوطة
عينيه بقت مجنونة ... ولونها لون القوطة
وقال لي على بيتكو يا اهبل ... بغبائك اللي يخنق
المرة الجاية نبقى ... نطبخهولك في فندق
