ائذن لي في الزنا !!

http://im.gulfup.com/2011-02-23/1298446673831.gif

يارسول الله ائذن لي في الزنا !!


إن فتى شابا أتى النبي صلى الله عليه وسلم فقال : يا رسول الله ائذن لي بالزنا فأقبل القوم عليه فزجروه وقالوا : مه مه *،
فقال : ادنه فدنا منه قريبا قال : فجلس
قال : أتحبه لأمك ؟ قال : لا والله جعلني الله فداءك
قال : ولا الناس يحبونه لأمهاتهم
قال : أفتحبه لابنتك قال : لا والله يا رسول الله جعلني الله فداءك قال : ولا الناس يحبونه لبناتهم
قال : أفتحبه لأختك قال : لا والله جعلني الله فداءك قال : ولا الناس يحبونه لأخواتهم
قال : أفتحبه لعمتك قال : لا والله جعلني الله فداءك قال : ولا الناس يحبونه لعماتهم
قال : أفتحبه لخالتك قال : لا والله جعلني الله فداءك قال : ولا الناس يحبونه لخالاتهم
قال : فوضع يده عليه وقال :
اللهم اغفر ذنبه وطهر قلبه وحصن فرجه
فلم يكن بعد ذلك الفتى يلتفت إلى شيء
الراوي: أبو أمامة الباهلي المحدث: الألباني - المصدر: السلسلة الصحيحة - الصفحة أو الرقم: 1/712

خلاصة حكم المحدث: إسناده صحيح


أولا معني كلمة مه مه :- انت بتقول إيه .. اسكت .. ( ده بالعاميه )

عاوزنتأمل القصه العجيبه بكل ما تحتويه الكلمه من معاني .. اقرأوها مره كمان بعد إذنكم .. http://www.goodwayinlife.com/forum/i...20%2868%29.gif


الدروس المستفاده من القصه أكثر من أن تعد وتحصى .. نتكلم عن بعضها ..

1- الشاب دخل على النبي صلى الله عليه وسلم وبكل جرأه وأدام الصحابة بيستأذن إنه يزني .. جرأة شديده .. ولكن خلوا بالكم مش جرأه وبس .. ده كمان ثقه في النبي صلى الله عليه وسلم .. الشاب عارف إنه بيكلم صاحب أطيب قلب .. وأطهر قلب .. وأحن من خلقه الله .. الرحمة المهداه .. رسول الله .. صلى الله عليه وسلم ..
ولولا إنه واثق إن النبي مش هيعنفه ولا هيإذيه مكنش استأذن في كبيره من الكبائر !


2- شوفتم رد الصحابه ( مه مه ) .. بيقولوا له انت اتجننت .. اسكت بتقول إيه .. وده من غيرتهم على الإسلام وعلى حرمات الله .. الطلب شديد فعلا ..


3- انظروا بردة فعل الحبيب صلى الله عليه وسلم .. ( قال له ادنه ) .. بيقول له قرب مني .. صلى الله عليه وسلم .. شوفتوا حنان المربي .. وعطف من يحمل هم المسلمين .. طبعا النبي صلى الله عليه وسلم عارف خطورة الموقف لكنه يعمل بما علمه ربه حيث قال ..
( ولو كنت فظا غليظ القلب لانفضوا من حولك ) ..
عارف إنه لو عنفه هيهرب وهيروح ينفذ اللي في دماغه ..
لكن شوفوا الحكمه والاحتواء في الرد ..
أترضاه لأمك .. لأختك .. لبنتك .. لعمتك .. لخالتك ..
بيحرك غيرة الشاب على أهله .. بيعرفوا خطورة المعصية .. بس بأسلوب سهل ويسير .. صلى الله عليه وسلم .


4- عاوزكم تركزوا عالنقطه دي جدا .. شوفتوا حنان النبي صلى الله عليه وسلم وهو في آخر الحديث وهو يدعوا للشاب ( اللهم اغفر ذنبه وطهر قلبه وحصن فرجه )
بيقول اللهم اغفر ذنبه ( اشتياقه للذنب وطلبه للزنا ) ..
طهر قلبه .. ما أعظمها من دعوة .. النجاة كلها فيها .. ( وأزلفت الجنة للمتقين غير بعيد ، هذا ما توعدون لكل أواب حفيظ ، من خشي الرحمن بالغيبوجاء بقلب منيب) .. طهارة القلب ..
فالقلب ملك والجوارح خدم .. الجوارح كلها تعمل بما في القلب .. إن كان القلب طاهر كانت الجوارح طاهره .. وإن كان القلب غير طاهر فالجوارح تبعا له ..
نسأل الله طهارة القلب .
وحصن فرجه .. خلاص كده جوارح طاهره وقلب طاهر .. فاز ورب الكعبة .. وانظروا لقول الصحابة عن ذلك الشاب ..
فلم يكن بعد ذلك الفتى يلتفت إلى شيء
مبقاش يفكر في ذنب خلاص ..بسبب دعوة الرسول صلى الله عليه وسلم .. وبسبب صدق الشاب مع ربه بالتوبة النصوح ..

وزي ما الشيخ يعقوب قال تعقيبا على القصة دي .. (مش لو كان النبي عايش بيننا دلوقتي كنا روحنا له دعا لنا وخلصت العمليه .. لا تسمعوا دروسي .. ولا نتعب نفسنا ) ..
صدق الشيخ والله ..
صلى الله على رسول الله وسلم تسليما كثيرا .


5- رساله لكل متبرجه .. كفايه بالله عليكي .. لازم تعرفي خطورة اللبس اللي مش كويس .. لازم تعرفي إنك ممكن تضلي بلبسك ده آلاف الشباب بنظره منه على جسمك شبه العاري .. ضاع دينه وأخلاقه .. ربما يدمن إطلاق البصر .. ثم العادة السرية .. وربما بسببك يقع في الزنا .. هتستحملي تشيلي ذنوبه دي كلها !!
وكما قيل ( امرأه واحده تفتن ألف رجل ) .


6- رساله لكل شاب بيعاني من مشاكل في قلبه من حب الشهوات والنساء والعاده السرية والمواقع الإباحيه .. اجري على شيخ وأعد معاه ودور على علاج لقلبك ..
لو مت على حالك ده هتقابل ربنا تقول له إيه ؟؟


العادة السرية حراااااااااام .. في ناس فاكراها حلال !!


7- رساله لعمو الحبيب .. بتاع البنات ..
ليه تحب تمشي مع فلانه وتحب فيها وبتقول أنا أكتر واحد بيخاف عليها .. وانت في الحقيقة أكتر واحد مضيع شرفها وسمعتها اللي بقت على كل لسان بسببك ..
اتخيل أمك أو أختك أو بنتك أو مراتك ماشيه مع واحد غريب .. ياترى ممكن تقولك يا دادي ده صاحبي .. حبيبي .. أو أختك تقولك ده الأنتيم بتاعي !!
ياترى لو بتحبها فعلا تحب إنها تتحرق بالنار أدامك !! لا طبعا أنا عارف .. طيب ما انت دلوقتي بمشيها معاك لو ماتت على كده .. نسأل الله العافية .. وانت كمان .. هتقابل ربنا تقول له كنت بحبها !!

فكر في يوم الحساب .. فكر في عرضك وشرفك ..
وزي ما قال الحبيب صلى الله عليه وسلم ( لايؤمن أحدكم حتى يحب لأخيه ما يحب لنفسه ) ..

فكر شويه صح .. احسبها صح عشان تعيشها صح ..


أسأل الله أن يغفر ذنوبنا .. وأن يطهر قلوبنا .. وأن يحصن فروجنا ..


هذا والله تعالى أعلى وأعلم .. وجزاكم الله خيرا ..
اللهم صل على محمد وآل محمد .
والسلام عليكم ورحمة الله وبركاته .