درس الأحد بالحب وحده إنت ضى عينيا
درس الأحد
بالحب وحده إنت ضي عينيا
الواعظ الأب
كيوبيد
سعيدة ياولاد
التلاميذ
سعيدة يابونا
كيوبيد
وعظتنا اليوم عن الحب والمحبة وإزاى يحبك يسوع
لأن أهم حاجة فى عقيدتنا كمسيحيين هى المحبة لإنها أساس الإيمان المسيحى ومش محبتنا لبعضنا بس ولكن محبتنا لأعدائنا كمان زى ما قال رب المجد
أحبوا اعداؤكم باركوا لاعنيكم
إللي فى متى واخدين بالكم ياولاد
ونحمد الرب لإنه مش طالب منا حاجة غير إننا نحبه بس
وما حبش يتعبنا ويكلفنا بحاجة غير محبته مش زى إله الجماعة إياهم إللي مكلفهم بكذا صلاة فى اليوم وصيام وزكاة ويحجوا البيت بتاعه ويقعدوا يلفوا حواليه ويغسلوا نفسهم قبل ما يصلوا ولو الواحد منهم يا عينى طلع ريح غصب عنه يقوم يغسل نفسه تانى قبل ما يصلى
ناصح
إسمه يتوضى يابونا مش يغسل نفسه
كيوبيد
وقال إيه لو الواحد فيهم نام مع الجماعة بتاعته لازم بعد
كدة يقوم يغسل نفسه من النجاسة
ناصح
إسمه يتتطهر من الجنابة يابونا
كيوبيد
مش بس كدة ده لو قام طرطر حبة ميا لازم يغسل نفسه بعدها
ناصح
إسمه يستبرىء من البول يابونا
كيوبيد
واخدين بالكم ياولاد يعنى الناس دى عايشة فى عذاب من كتر النضافة ومن كتر ما كل شوية يغسلوا نفسهم كمان الرسول بتاعهم مكلفهم بصلاوات تانية بيسموها سنة يعنى قاعدين يصلوا طول اليوم
وتلاقى الواحد منهم بيبقى قاعد ماسك نفسه وكاتمها على الأخر أحسن يطّلع منه ريح ويضطر يروح يغسل نفسه تانى علشان يصلى
ناصح
لو طلع ريح يبقى إنتقض وضوءه ولازم يتوضى تانى
كيوبيد
يتوضى
ناصح
قصدى يتوضأ
كيوبيد
وكمان بتقولها بالفصحى
إترزع وما تتكلمش تانى
واخدين بالكوا ياولاد
يعنى الناس إللى بالى بالكم عايشين فى عذاب إنما
إحنا بقى الرب بتاعنا مش طالب منا حاجة خالص من الحاجات دى كلها هو عاوز منا المحبة بس مش طالب منا نصلى كل شوية لإنه قال وأما أنت فمتى صليت يعنى سابك براحتك تصلى وقت ما تصلى إنت حر والصيام كمان نفس الشيىء ، ومتى دى زى ما إنتوا عارفين حبالها طويلة وحلنّى بقى لو حبيت تصلى ، وبعدين لو صليت بتصلى وإنت قاعد بجزمتك وجايز تكون جزمتك وسخة وشرابك معفن وبالبول بتاعك من غير ما تغسل نفسك كل شوية وبالهدوم الوسخة إللي عليك حتى لو مطرطرعليها الكلب بتاعكم
نجفة
اومال إيه الصلاة إللي بنصليها فى الكنيسة وفى البيت ولما نيجى ناكل أو نيجى ننام
كيوبيد
دى صلاوات الكنيسة كتر خيرها هى إللي عملاها من نفسها
ومع ذلك براحتك تصليها ما تصلهاش إنت حر مفيش حد بيضربك على إيدك ويقولك لازم تصلى ومن غيرها إنت داخل الملكوت حدف لإنك بتحب الرب والرب بيحبك
ده حتى لو الواحد كان نايم مع جماعته وقام راح الكنيسة من غير ما يغسل نفسه مفيهاش حاجة والرب مش حيزعل منه ولا حيقوله إرجع إتشطف الأول وإلبس لبس نضيف وبعدين تعالى ، وبعدين ما تنسوش ياولاد إن الرب نفسه مكانش بيغسل إيديه ولا كان بيتطهروزى ما قرينا فى الانجيل إن الرب ما إغتسلش ولا طهر ثيابه لما لمسته نازفة الدم ولما زار أبونا ابراهيم وأبونا ابراهيم حب يجيبله شوية ميا علشان يتشطف ويغسل رجليه قبل ما يجيبله لقمة يسند بيها قلبه زى ماجه فى سفر التكوين لما أبونا ابراهيم قال للرب وإللي معاه
ليؤخذ قليل ماء و اغسلوا ارجلكم و اتكئوا تحت الشجرة فاخذ كسرة خبز فتسندون قلوبكم
نلاحظ إن السفر قال إنه أكل هو وإللي معاه وماجابش سيرة إنهم غسلوا رجليهم قبل الأكل وماحدش يقوللى وإيه علاقة غسيل الرجلين بالأكل هما لا مؤاخذة حياكلوا برجليهم ، لإن دى كانت عادة عندهم زمان على سبيل التحية والتوقير والإحترام فكان الواحد منهم لما كان يجيله ضيف أول ما يدخل من الباب صاحب البيت يروح جرى يجيب شوية ميا فى أراونة ويقوم قاعد على الأرض ويخلع للضيف الصندل بتاعه وياخد رجليه ويغسلهم وينشفهم وبعدين يروح يجيبله لقمة تسند قلبه
وبعدين عندنا كله مباح ومفيش حاجة إسمها نجاسة ، النجس هو فقط إللي يخرج من الفم ، مش زى الجماعة إياهم يقولك ده نجس وده لحم خنزير
وده لعاب كلب وده دم وده محرم أكله وده شربه حرام وده مكروه
عذاب ياولاد صدقونى ده الإله بتاعهم بيعذبهم عذاب جامد
وعلشان كدة بنقول المسيح بيحبك ، بيحبك ليه ؟ بيحبك علشان مش مكلفك بحاجة عاوزك بس تحبه زى ما بيحبك ، يعنى على رأى أم كلثوم المسيح بيقولك بالحب وحده إنت ضى عينيا
بالحب وحده وهو وحده شوية
فصيح
لا يا حبيبى قصدى لا يابونا
كيوبيد
لأ إيه ؟
فصيح
قصدى يعنى مفيش أعمال ؟
كيوبيد
وهى المحبة مش عمل ؟
فصيح
مش فاهم ؟
كيوبيد
إنت مش بتسمع لما يقولوا إن فلانة عاملة عمل بالمحبة لفلان علشان يحبها
تبقى المحبة عمل ولا مش عمل ؟
بيشوى
عمل يابونا عمل
فصيح
بأقصد هل الحب وحده كفاية ؟
كيوبيد
يابنى الدين بتاعنا محبة وعلشان كدة بنقولك لما مسلم يجى يناقشك فى عقيدتك كل ما عليك إنك تقوله المسيح بيحبك وإعرف خطة الرب من أجلك
وإحنا لو بحثنا فى الكتاب المقدس حنلاقى الرب كل كلامه عن المحبة
مين يقولى الرب كان بيقول إيه عن المحبة ؟
إنت هناك أيوه إنت قوم قوللى أمثلة عن محبة الرب لأولاده
ناصح
أحبوا أعدائكم باركوا لاعينيكم
كيوبيد
دى قلناها قبل كدة فى الأول هات مثال تانى
ناصح
هذا هو ابني الحبيب الذي به سررت
كيوبيد
مع إن ده بيشير للمحبة إللى على أساسها بتقوم عقيدتنا بس حنعتبر إن المحبة دى بتمثل محبة الأب لإبنه الوحيد
إحنا عاوزين حد يقوللنا أمثلة عن محبة الرب يسوع لشعبه ومحبتنا ليه ولغيرنا حتى أعدائنا وإنتوا عارفين مين هما أعدائنا
إنتِ هناك قوم إتكلم
فصيح
أنا من كتر ما سمعت عبارة المسيح بيحبك ، المسيح بيحبك قعدت أدور فى الانجيل علشان أشوف المسيح قال لمين أنا باحبك مالقتش حاجة حتى تلاميذه عمره ما قال لحد فيهم إنه بيحبه ، بالعكس كان تملىِ بيشتمهم مفيش إلآ تلميذ واحد والناس هما إللي قالوا إنه بيحبه
كيوبيد
لأنه هكذا أحب الله العالم حتى بذل ابنه الوحي
إللي فى يوحنا مش واخدين بالكوا ولا إيه ؟
كيرلس
ودى علاقتها إيه بالرب يسوع
كيوبيد
علاقتها إيه ؟
كيرلس
العبارة دى معناها إن الله الأب بذل إبنه الوحيد إللي هو يسوع الأبن علشان يموت على الصليب
أى إن ده دليل على حب الله للعالم مش حب يسوع للعالم
فين بقى محبة يسوع إللى بنقول عليها وعبارة إن ( يسوع بيحبك
كيوبيد
وهو موت الأبن مش حب لينا ؟
كيرلس
إزاى يعنى موته حب لينا ؟
كيوبيد
يابنى إنت ما بتسمعش لما تكون واحدة بتحب واحد جامد بيقولوا دى بتحبه موت
فصيح
إنت قاعد تجيبلنا فلانة بتقول إيه وعلانة بتقول إيه
إحنا عاوزين الرب يسوع قال إيه عن محبته لينا
نجفة
فين عبارة يسوع بيحبك إللى بتقولوها كل لما واحد يجى يسئل سؤال فى الكنيسة تقولوله يسوع بيحبك وبلاش تسئل أحسن يزعل منك
كيوبيد
وهى تضحيته وموته على الصليب مش علشان بيحبنا
نجفة
فين المحبة دى ؟
ده مكانش عاوز يضحى بنفسه وقال للأب لما شبقتنى ؟
وطلب من الأب إنه ما يدوقش الموت وقال
يا ابتاه ان امكن فلتعبر عني هذه الكاس
يعنى عاوز الكاس ماتعديش عليه يعنى ما يدوقهاش يعنى مش عاوز يموت
كيوبيد
إزاى ؟
نجفة
إنت ما بتسمعش لما يكون واحدة مات عنها جوزها وقاعدة تعيط كدة وكدة يعنى وجارتها تواسيها وتقوللها يااختى كفاية عياط الموت ده كاس وداير على الكل
كيوبيد
يعنى إيه تعيط كدة وكدة ؟
نجفة
يعنى ما صدقت إنه يموت وخصوصاً لو كانت قرفانة منه لإنها ممكن تتجوز تانى بعكس لو طلقها مش حتقدر
تتجوز تانى ، يعنى أحسن عندها إنه يموت ويروح فى ستين داهية بس مايطلقهاش
ناصح
تلاقى أكتر الحريم عندنا بيدعوا إن أزواجهم تيجيلهم شوطة علشان يقدروا يتجوزوا تانى
فصيح
ده انا ماما ياض ياناصح ما بتصدق إن بابا يخرج من باب الشقة علشان يروح الشغل وتقعد تدعى عليه وهى رافعة إيديها لفوق إنه يدوسه اتوبيس يكون سواقه أعمى
ولما أجى أأقولها ياماما هو فيه أعمى بيسوق اتوبيس ؟
تنزل فيا تلطيش وشتيمة :p018:
ناصح
فين بقى المحبة إللي فى المسيحية إللي بنقول عليها
كيوبيد
إمنع الكلام إنت وهو
كيرلس
على فكرة حكاية المحبة دى إحنا بنضحك بها على الناس
كيوبيد
ياسلام
كيرلس
أيوه المسيح ما قالش تحب أبوك وتحب أمك وتحب اختك وتحب أخوك قال بس حب قريبك وحبوا أعدائكم
مايكل
ده السيد المسيح هدم الاسرة خالص وخلا كل فرد فيها عدو للتانى
فاني جئت لافرق الانسان ضد ابيه والابنة ضد امها و الكنة ضد حماتها
واعداء الانسان اهل بيته
نبيه
كل ما أفتكر الكلام ده بتاع أعداء الانسان أهل بيته
عقلى يقوللى ياض خد سكينة وحطها تحت المخدة لما تيجى تنام مش جايز حد يقل عقله ويعملها وإنت نايم
كيوبيد
يعنى بعقلك كدة المسيح حيوصيك تحب قريبك وما تحبش أبوك وأمك واخواتك :p016:
نبيه
إنت بتقوللى الكلام ده ما تقوله هو :p018:
كيوبيد
إخرص خالص
نبيه
خلاص حضرتك هاتلى نص فى العهد الجديد يكون المسيح ذكر فيه بلسانه أنه بيحبنا أو بيحب حد من أتباعه أو بيحب حد من المؤمنين بيه ، ده حتى ماكانش بيحب امه وقاللها مالى ومالك يا إمرأة
كيوبيد
هو يعنى علشان سابها ملطوعة على الباب ومارضاش يخرج لها ويقطع الوعظة بتاعته يبقى ما بيحبهاش
نبيه
لأ جنابك مالى ومالك ياإمرأة ده كان فى عرس قانا
بيشوى
عيب كدة يا نبيه أبونا مش واخد باله بالراحة عليه
مايكل
يعنى لو واحد مسلم دلوقتى قاللي يعنى يامايكل إنتوا واجعين دماغنا بحكاية المسيح بيحبك ، المسيح بيحبك ، وإعرف خطة الرب من أجلك
فين هى محبة المسيح ألاقيها فين فى الانجيل بتاعكم
وفين هى خطة الرب إللي بتقول عليها ، هاتلى أى دليل من كتابك الرب بيقول فيها بلسانه
أنا عامل خطة أو أناعملت خطة علشانكم أوعلشان الجنس البشرى ، أو أنا عملت خطة علشان أصلح بيها خطيئة أدم
علشان أصدقك :p016:
فصيح
إنما يا مايكل لو قلت للمسلم أنا بحبك حيصدقك على طول لإنه عارف إنك بتعتبره عدوك والمسيح بيقول
أحبوا أعدائكم
بيشوى
المسيح لما قال أحبوا أعدائكم باركوا لاعينيكم كان
قصده إننا نحب اليهود لإنه أصلاً يهودى من بيت يعقوب وكمان مكانش فيه وقتها مسلمين
كيوبيد
ياااه الوقت فات بسرعة
أشوفكم الاسبوع الجاى
يلا باى
وأخر دعوانا ان الحمد لله رب العالمين
لا شريك له
